Возен парк (ЈСП - МАН)

Не е неизводливо, креативност е у прашање. Може да ја ѕирнеш апликацијата IDOS што ја користам во Брно.
https://play.google.com/store/apps/details?id=cz.mafra.jizdnirady&hl=en

Лесна и добро организирана апликација за користење. Може да се прават конекции преку ГПС, пример од Рекорд до Радишани и ти дава најбрзи рути, и од самата апликација може да се купи билет преку СМС.

Вчера започна обуката на возачите на ЈСП. Наскоро, еколошките автобуси стануваат дел од јавниот транспорт во Скопје







https://www.facebook.com/petreshilegov

Утре пристигнуваат уште три еколошки автобуси

Неделава од производителот МАН во Скопје ќе пристигнат уште три од вкупно 33 еколошки автобуси што град Скопје ги најавува за подновување на возниот парк на ЈСП-Скопје. Како што информираат од Градот, ќе пристигнат два зглобни автобуси со капацитет за 149 патници и еден единечен за 81 патник.

Досега во Скопје се стигнати 13 нови еко-автобуси, десет единечни и три зглобни. Новите еко-автобуси во петокот почнаа со пробно возење низ улиците на Скопје и наскоро ќе станат дел од јавниот транспорт. Празните улици беа искористени да се направи обука на возачите кои по официјалното пуштање на автобусите во сообраќај ќе ги возат по петмина дневно. Предвидено е пробно возење да има и во наредниве денови.

– Обуката ја врши сертифициран возач од Хрватска, а се обучуваат по пет возачи дневно – објаснија од ЈСП, но не прецизираат точен датум кога новите автобуси ќе се вклучат во сообраќај.

од ЈСП сè уште немаат утврдено на кои линии ќе сообраќаат новите автобуси, но извесно е дека дел од нив ќе возат на линии со поголема фреквенција на патници.

Од ЈСП обелоденија дека еден зглобен автобус чини 334.500 евра, а единечен 268.900 евра. Притоа, како што објаснија, во цената на секој автобус е вклучено и одржување на автобусите (промена на масло, филтри, лесно отстранливи дефекти…) во гарантниот период од 3 години, како и специјален наменски алат за сервис и одржување на ЦНГ автобуси кој е изработен од специјални материјали (комбинација на пластика, алуминиум и нерѓосувачки челик). Оригиналните резервни делови имаат 2 години гаранција.

Набавката на новите еколошки автобуси чини 10 милиони евра, а парите се обезбедени преку кредит од Европската банка за обнова и развој (ЕБОР).

Со новите еколошки автобуси годишно ќе се заштедат 25.000 евра за гориво во споредба со двокатните кинески и воопшто нема да загадуваат, бидејќи емитуваат незначителна концентрација на ПМ-честички. Ќе прават годишна потрошувачка од 16.418 евра.

(А.П.)

https://www.vecer.press/утре-пристигнуваат-уште-три-еколошки/

ЕКО АВТОБУСИ НЕ СЕ ПУШТААТ ВО СООБРАЌАЈ ОТИ МИНИСТЕРКАТА ЗА ФИНАНСИИ АНГЕЛОВСКА ОДБИЛА ДА МУ ПРЕБИЕ ДДВ НА ШИЛЕГОВ



Новите еколошки автобуси за јавниот превоз во Скопје не можат да се пуштат во сообраќај бидејќи Министерството за финансии не го ослободува ЈСП „Скопје“ од плаќање ДДВ за набавените возила.

Парите за набавка на автобусите се обезбедени преку кредит од Европската банка за обнова и развој, кој го отплаќа јавното сообраќајно претпријатие. Кредитот е во висина од 10 милиони евра и за оваа вредност претпријатието треба да плати и ДДВ на државата во висина од 1,8 милиони евра. На потпишувањето на договорот за кредитирање со ЕБОР пред една година, директорот на ЈСП „Скопје“ Кристијан Чушков кажа дека ДДВ ќе се плати на државата од сопствени средства на претпријатието.

Но, сега поради епидемијата на КОВИД-19 претпријатието има потешкотии во работењето и нема пари да го плати данокот. Поради намалениот број на патници изминативе три месеци ЈСП „Скопје“ имаат загубата од околу 4,5 милиони евра.

Поради тоа, како што дознава САКАМДАКАЖАМ.МК од извори од претпријатието, било испратено барање до Министерството за финансии за ослободување од плаќањето на ДДВ во висина од 1,8 милиони евра. Бидејќи ЈСП е голем даночен обврзник пари од платениот данок на државата ќе му бидат вратени преку повраток на ДДВ, па всушност било побарано само да се направи пребивање. Но, ваквиот предлог бил одбиен од министерката за финансии Нина Ангеловска.

Сега новите автобуси на гас мораат да седат во гаражата на ЈСП „Скопје“ оти без платен данок не можат да се пуштат во сообраќај. Кога ќе се плати данок за нив од претпријатието не знаат бидејќи и понатаму секојдневно работат со загуби, а состојбата со коронавирусот според проценките на епидемиолозите ќе трае и наредниот период.

Министерката за финансии Нина Ангеловска на денешната прес-конференција за платформата „Отворени финансии“ на прашањето на САКАМДАКАЖАМ.МК зошто не му се излегува во пресрет и не му се помогне на ЈСП „Скопје“ и јавниот превоз во Скопје рече дека станувало збор за системски данок и ќе дошло до нарушување во функционирањето на системот.

„Точно е дека за ова прашање разговаравме на владина седница. Разбирам дека претпријатието поради кризата има потешкотии во работењето, но ако ослободиме едно претпријатие од оваа обврска тогаш и други ќе бараат. Автобусите се царинети, па му овозможивме друга флексибилност на ЈСП односно наместо за 30 дена, му дадовме подолг рок да го плати ДДВ“, рече Ангеловска.

Како што дознава САКАМДАКАЖАМ.МК Град Скопје но и други општини побарале и финансиска помош од Владата поради корона кризата, но и ова барање било одбиено од министерката за финансии Ангеловска. И на денешната прес-конференција таа кажа дека барањето на Општини во оваа состојба не може да им се помогне и дека градоначалниците треба да го менаџираат работењето и да скратат од непродуктивните трошоци.

Досега во Скопје од Хрватска се стигнати 16 автобуси, а уште 9 треба да пристигнат в понеделник. Со тоа ќе бидат испорачани 25 од вкупно 33 нарачани еколошки автобуси за јавниот превоз во Скопје.

Двокатните автобуси кои беа набавени од претходната власт на ВМРО-ДПМНЕ, беа купени со средства од буџетот на Владата односно ЈСП „Скопје“ и Град Скопје не дадоа пари за нивната набавка.

А. АНТЕВСКА

https://sdk.mk/index.php/dopisna-mrezha/eko-avtobusi-ne-se-pushtaat-vo-soobrakaj-oti-ministerkata-za-finansii-angelovska-odbila-da-mu-prebie-ddv-na-shilegov/

Идно прекажано време ако не грешам. И јас го имам истиот проблем со нашиве портали (не сакам да речам новинари, бидејќи мнозинството не се), ама во случајов мислам дека е точно.

Дојдело не постои. Дошло е правилна свршена форма.

Edited by <Fresno> - 21-Jun-2020 at 08:29

Originally posted by гитардемон Каква глаголска форма е „ќе дошло“? Неписмени новинари на секој чекор.

Vo Makedonija nema standardi, zatoa nema nivo na odnesuvanje i izrazuvanje. Novinarite spagaat vo posebna kategorija na unistuvaci na makedonskiot jazik.

Originally posted by гитардемон Originally posted by <Fresno> Дојдело не постои. Дошло е правилна свршена форма. Друго е минато свршено време, друго е ова што го разговараме. „Ќе дошол“ или „ќе дојдел“? „Ќе купил“ или „ќе купувал“? „Ќе изел“ или „ќе јадел“? Оттука, „ќе дошло“ не постои како форма. Ќе дојдело, или ќе дојде, зависи што сака да каже писателот.

Pa toa ti kazuvam. Nema standardi, zatoa nikoj ne vnimava na jazikot. Zboruvaat kako ke im dojde.

СТИГНАА УШТЕ 9 ЕКО АВТОБУСИ, СЕ НАДЕВАМЕ МИНИСТЕРСТВОТО ЗА ФИНАНСИИ ЌЕ СЕ ПРЕМИСЛИ И ЌЕ СЕ ПУШТАТ ВО СООБРАЌАЈ, ВЕЛАТ ОД ЈСП „СКОПЈЕ“

Уште 9 еко автобуси стигнаа денеска од Загреб во Скопје. Со тоа на ЈСП„ Скопје“ досега од германскиот производител МАН му се испорачани 25 од вкупно 33 автобуси на гас за јавниот превоз во градот. Автобусите во моментов се на царина и најдоцна до утре ќе бидат во гаражата на претпријатието.

„Кога ќе бидат пуштени во сообраќај не можеме да кажаме. Поради актуелната ситуација со КОВИД-19, се соочуваме со финансиски потешкотии во работењето и затоа побаравме од Министерството за финансии да бидеме ослободени од плаќањето на ДДВ за возилата, односно да ни дозволат да се пребиеме со средствата кои ќе треба да ги добиеме по основ поврат на ДДВ. За жал, на барањето не добивме позитивен одговор. Сепак, се надеваме дека надлежните ќе имаат разбирање, ќе се предомислат и ќе ни излезат во пресрет, имајќи ја предвид нашата основна дејност, која е во интерес на граѓаните“, велат од ЈСП „Скопје“.

Министерката за финансии Нина Ангеловска во саботата на прашањето на САКАМДАКАЖАМ.МК зошто не се излегува во пресрет на јавното претпријатие и не им се одговори позитивно на барањето за пребивање на данокот, рече дека станувало збор за системски данок и ќе дошло до нарушување во функционирањето на системот.

„Разбирам дека претпријатието поради кризата има потешкотии во работењето, но ако ослободиме едно претпријатие од оваа обврска, тогаш и други ќе бараат. Автобусите се царинети, па му овозможивме друга флексибилност на ЈСП, односно наместо за 30 дена, му дадовме подолг рок да го плати ДДВ“, рече Ангеловска.

Од почетокот на епидемијата на КОВИД-19 ЈПС „Скопје“ има загуби во работењето од 4,5 милиони евра.

А. АНТЕВСКА

https://sdk.mk/index.php/dopisna-mrezha/stignaa-ushte-9-eko-avtobusi-se-nadevame-ministerstvoto-za-finansii-ke-se-premisli-i-ke-se-pushtat-vo-soobrakaj-velat-od-jsp-skopje/

Не треба билетот да е скап за ЈСП да е во добивка. Треба само бројот на патници да се зголеми т.е 70% од граѓаните да користат јавен транспорт, 30% моторни возила. За тоа да се случи ЈСП прво треба да донесе уште 200 нови автобуси и да ги модернизира линиите на движење, и конечно да профункционираат нормални ноќни линии. Финансискиот товар за овие нови автобуси може да го сноси Владата.