Парк на езерата - Аеродром

Еве нешто од мене од денес:

Топ е парков !

оваа слика ја најдов на google earth за ова место

Ексклузивно видео и фото: „Паркот на езерата“- новото обележје на Аеродром
Понеделник, 18 Јуни 2012 21:37
Сподели
133

Споделете ја веста со Вашите пријатели
Аеродром доби свое ново обележје. Со изградбата на новиот воден парк покрај кејот на реката Вардар, општината им подари на граѓаните ново зелено катче за рекреација.
Модерниот парк го облагороди со години наназад запуштениот простор близу салата МЗТ.
„Паркот на езерата“ кој се простира на околу 11 илјади квадратни метри, од кои околу 1.800 квадратни метри се водена површина со 4 езерца, има три сопствени бунари, кои ќе се користат за полнење на езерата, а за тревниците има вграден автоматски систем за наводнување.
Водениот парк исто така има архитектонски, партерни и хортикултурно уредени површини, збогатени со жардиниери со место за седење, клупи, канти за отпадоци и друга урбана опрема, а осветлен е со канделабри и рефлектори.
За паркот, кој утре официјално ќе биде пуштен во употреба, општина Аеродром од својот буџет одвои 60 милиони денари.
Паркот на езерата е шестиот голем и модерен парк што се изгради во Аеродром, покрај паркот „Јане Сандански“, „Тоше Проески“, паркот со авион, парковите во Реонскиот центар „Аеродром“, како и новиот парк во населбата Лисиче, кој е во завршна фаза.










http://kurir.mk/republika/skopje/74873-Ekskluzivno-video-i-foto-Parkot-na-ezerata--novoto-obelezje-na-Aerodrom

Originally posted by phenomenon Фасцинантно! Браво за локалните власти на Аеродром. Направени: паркови, фонтани, клупи за одмарање, жардинерии, паркинзи на кат. Секоја локална самоуправа треба да се угледа на нив. А не како овие од Куманово, наместо да се угледаат на Аеродром или барем на Карпош, тие напротив - направија од градот Кисела Вода 2.

Istoto go vikam i za mojot grad, dodeka se davime vo deponii  se tepame na neramni trotoari bulevari i se peceme kako gusteri na sonce bez vistinsko zelenilo klupi parkovi, dodeka nekoi opstini prerasnuvaat vo vistinski urbani prostori  nekoj se uste zivee vo 2001....

Не ми се допаѓаат дел од „украсите“ во парков, но како целина мислам дека е убава иницијатива, конечно придвижување во правец кон креирање на вистински парковски површини за разлика од последните 20 и повеќе години кога секоја комбинација од 3 клупи, некој павер елемент и едно дрво беше прогласувана за парк.

Езерцата изгледаат пристојно а доколку сето ова културно се обогати со дрва и „згусне“ во следниве 20на години, ќе биде навистина како што треба.

во блиска иднина гледам циганчиња како се фрлаат ласта од мостчињата

Сите вие што имате хвалоспеви за Општина Аеродром, искрено Ви препорачувам да ги посетите населбата Лисиче, трговскиот во истоимената населба, дел од улиците во оваа општина, Острово, делот после паркот Аеродром, плошжчниците помеѓу зградите и сл.
Не сакам погрешно да бидам разбран, стварно се одлични парковиве, ама не сме ние ниту Данска ниту Норвешка па приоритет на еден градоначалник да се само паркови. Оваа општина има стотици други проблеми.

Originally posted by gjoko во право си Н23,ама сепак Аеродрмом е општина со најголем дел завршени инфраструктурни објекти,исто така станебениот дел е на завидно ниво,селски патчина фала богу немате за одржување,останува да се досреди зеленилото,некоја спортска сала,досредување на новопробиените улици и слично. не дека нема проблеми какви што кажуваш,но во секој случај функцијата градоначалник на Аеродром е прав џек пот,со градење на секоја нова зграда се плажаат доста комуналии ,буџетот е вероватно најдобар во целка држава,па градоначалникот има само слатки маки како да го потроши. само за споредба,кичевскиот долг само од денационализацијата изнесува некаде над 11 годишни буџети.толку години ништо да не се троши па да се дојди на нула

Ѓоко така е, ако го гледаш Аеродром само на потегот Железничка Станица  -  булевар Србија - Ново Лисиче. Има и во овој дел мани, како што е Скопјанка и нејзината несреденост, делот кај кафаната Иди ми дојди ми (аеродромци и гостите на кафаната знаат дека таму е право село) и сл, ама да, тоа е едвај 5 посто од севкупната површина на урбаниот дел на Аеродром. И стварно Аеродром е преубава населба, чак и подобра во споредба со нејзе сличните во екс-Ју како Нови Београд и Нови Загреб.
Од друга страна, територијата на општина Аеродром зафаќа и прилично селски средини. Типичен пример селото Лисиче и делот после Ново Лисиче. Луѓето кога врне дожд или после снег пливаат во кал. Улици раскопани, несреденост, немаат тротоари во 21ви век. Дел од овие куќи се дивоградби, и тоа е факт, ама со самото тоа што општината не се грижи во какви услови живеат тие, сиот смет од таму после тоа се префрлува и во урбаниот дел. Да не говорам пак за населбата Лисиче, слична на Козле, која во последните 3-4 години наликува повеќе на село, наместо на урбана населба. Со месеци улиците се раскопани, луѓето не можат дома да влезат од кал, на улицата кај баба ми од кога Црногорците ги направиле бараките и околината не е фрлен нов асфалт ниту на улицата ниту на тротоарите. Од друга страна доволна е споредба со Козле каде од корен се реновираат основните потреби на граѓаните.

Затоа велам, убаво е ова, као Аеродромец нормално е дека освен дремење пред зграда и паркчињава стануваат одлично место за маалско џаболебарење, ама мора да се знаат кои се приоритетите. Не е приоритет 50 нови згради во Аеродром и 5 нови паркови за да се задржи позицијата. Има илјадници примери во Словенија и Хрватска каде во ваквите населби има редовно одржување на основната инфраструктура. А не во трговскиот во Лисиче им градат фонтата, а луѓево се утепаа од чистење на колите зашто 4 месеци нема кој да фрли асфалт над веќе завршени работи. Не барам ја сеа на улицата каде живее баба ми на 5 години да се средуваат тротоарите, ама па 30 години нечепнатост... ај порано бевме под Кисела Вода, ама еве скоро 8 години 3 коцки бекатон немаат поставено. А тоа што чистачите од општината скоро и да не ги посетуваат ваквите населби е друга приказна. Па чак и во муабет со луѓе од Мичурин се тотално незадоволни од запоставеноста на нивниот реон. Се даваат маркици за нови згради, а пат и паркинг не е потребен.

Малце забегав, ама криво ми е кога погрешна слика се добива за Аеродром. Да, жителите на урбаните делови треба да се презадоволни, ама они се само пола од целокупното население во општината. А што е со другите пола?