Разно

Рампата е за количка за бебе или за велосипед, не е за лица во инвалидска количка. Ако не се лажам тие сами треба да си платат лифт за количката ако сакаат да го имаат (тажна држава).

Мене уште пострашни ми се овие дебилите со колите. Мислам дека ваква (не)култура на паркирање нема никаде во светот! Имав направено мала анализа и порано - во најотепаните земји на планетава има многу помал проблем со паркирањето бидејќи или немаат пари за коли, или пак има толку многу пешаци и народ наоколу што возилата и да сакаат не можат да стигнат да паркираат по тротоари. Додека пак во развиените земји, тоа е уредно регулирано. Остануваат неколку државички како нашата кои не се финансиски отепани, но народот е диво племе. Е тие се најлоши за возење (како Турција, Грција, Русија, Грузија, Ерменија и слични).

Originally posted by zabegan гледам бела линија има... можно ли е да се толку будали да ставиле таму паркинг место?

Mozno e, no uste pomozno e vozacot sam da si go obelezal mestoto. Sum videl i takvi primeri, kade fraetor sam si obelezal parkint mesto (inaku drzavno mesto, prostor pomegu zgradata i trotoarot) i duri si ja napisal registracijata od voziloto da se znae deka e negovo.

Перална за автомобили во училишен двор – Град Скопје издал дозвола, училиштето ќе добие пари



Багерите го израмнуваат дворот на средното училиште „Арсени Јовков“ во Скопје. Жителите загрижени дека во оваа населба ќе никне уште една зграда. Но, всушност тука ќе се изградат две перални за автомобили и паркинг.

„Во дворот на средното училиште „Арсени Јовков“ во општина Бутел ќе се изгради Перална за автомобили. Сопственикот не сакаше да зборува пред камерата, но телефонски ни рече дека целата документација е во ред и дека добил дозвола од Град Скопје.“, јавува репортерот на ТВ21.

Изградбата ќе заврши за два месеци, вели концесионерот. Директорката на училиштето Марија Дренковска Стојановска вели дека изградбата на перални за автомобили и паркинг нема да го попречат развојот на образовниот процес. Првично се согласи да даде изјава пред камера, но потоа се премисли. Одговорот го добивме во писмена форма.

„Дел од просторот е предвидено да биде поплочен со бекатон плочки за паркинг простор, во дел од просторот ќе бидат поставени монтажни вапови за перење возила, а останатиот простор ќе биде хортикултурно уреден. Закупецот е должен на своја сметка да ги обезбеди сите потребни согласности- дозволи од страна на надлежни органи, како и да ги исполнува сите обврски согласно договорот, во спротивно истиот ќе биде раскинат.Цената во договорот за закуп изнесува 18,66 денари/м2 или 12.260,00 денари месечно за секоја парцела одделно.“, рече Марија Дренковска-Стојановска, директорка на СУГС „Арсени Јовков.

Жителите на оваа област бараат во дворот на училиштето да има спортски терен, а не објекти од кои учениците немаат никаква корист. Но, директорката вели дека овде е предвиден и спортски терен. Ова не е единственото училиште во чиј двор се гради деловен објект. Во дворот на едно училиште во Чаир се отвори бизнис за перење теписи, а во друго училиште се отвори продавница за цвеќиња.

https://mk.tv21.tv/peralna-za-avtomobili-vo-uchilishen-dvor-grad-skopje-izdal-dozvola-uchilishteto-ke-dobie-pari/

ГРАД СКОПЈЕ И УНДП СО ПРОЕКТ ЗА СПРАВУВАЊЕ СО УРБАНИТЕ ТОПЛОТНИ ОСТРОВИ



Со цел намалување на ефектот на „Урбаните топлотни острови“, Град Скопје во соработка со УНДП почнува со реализација на проект за изготвување и поставување заштитни стреи на 9 утврдени пешачки острови низ Скопје. Поставувањето на заштитните стреи на пешачките острови ќе обезбедат заштитни сенки од топлина за пешаците и велосипедистите.
Голем дел од пешачките острови на подрачјето на Скопје, со направени претходни студии се мапирани како места кај кои има зголемен ефект на урбани топлотни острови. Градот Скопје изминатиов период изврши мерења со користење термална камера во три дневни интервали на повеќе локации, а според резултатите утврдени се најтоплите девет точки кај кои ефектот на урбаните топлотни острови е најголем. Највисоките температури согласно мерењата на овие 9 локации се движат меѓу 50 и 55 степени целзиусови, а највисоката температура од 60,3 степени е измерена на крстосницата кај објектот на Делегацијата на ЕУ во Центар.
Со цел обезбедување заштита од топлина за пешаците и велосипедистите и намалување на температурите на овие пешачки острови, Град Скопје во наредниот период ќе го реализира проектот за поставување заштитни стреи.
За изработката на проектната документација, во Буџетот на Град Скопје за оваа година се превидени 10.000 евра, а за реализацијата на проектот се предвидени дополнителни 30.000 евра.

Еве како тоа е решено во Кејптаун, Јужноафриканска Република. Не е баш најдобар пример, но ја објавувам фоткава за да имаме претстава за што станува збор.

од твитер,со години тука има див пазар и расфрлани скапани дињи,лубеници и пиперки по околните тревници
Локацијата е во Мичурин поред Трета Македонска Бригада



Edited by stef4o - 31-Aug-2021 at 16:51

Па немојте да живеете како стоки во кокошарници. Купете некаде на друго место. Очигледно има побарувачка за вакви срања и потрошувачите имаат 0 стандарди.

Originally posted by гитардемон Па немојте да живеете како стоки во кокошарници. Купете некаде на друго место. Очигледно има побарувачка за вакви срања и потрошувачите имаат 0 стандарди.

побарувачка има за станови, а не за влезови... не знам како може потрошувачот да го обвинуваш ако секој објект се гради вака и немаме стандарди за безбедност и вклученост

изворно од твитер

--------------------------------------------
Еве уште една прилично нова 2015 градба Кисела Вода. Пристап за инвалиди експлицитно е ставен во закон за градба член 13. Ај што нема туку и скалите за 6 год се распаднаа. ИЗГРАДБА КОМЕРЦ е заслужна за квалитетов



https://twitter.com/NSapundjiev/status/1433011302499237890/photo/1

Види, факт е дека властите усвојуваат стандарди за да ги заштитат потрошувачите кои не знаат подобро.

Што разбирам јас од машини за перење, апаратчиња за слушање или на пример филтри за вода? Точно, затоа ЕУ (и ние) имаме регулации кои производителот мора да ги почитува, инаку производот не може да биде пласиран на пазарот.

Но во случајов верувам дека најчесто нашите регулации се толку флексибилни или глупави, што нема ништо незаконско, а потрошувачите толку разбираат и купуваат што ќе им дојде.

Сепак ете грешам, имало регулација за рампи за инвалиди. Треба некој да тужи во тој случај.