Патна мрежа (општо)

Патот Тимјаник-Долни Дисан ќе добие нов асфалт


   
Целосно се реконструира еден од најфрекфентните патни правци во Неготино, патот Тимјаник-Долни Дисан, кој беше во катастрофална состојба и често реагираа граѓаните.

Градежните работи ги изведува ГП „Гранит“, а инвеститор е Агенцијата за државни патишта на Република Македонија.

Градежните зафати за првата фаза од проектот ќе чинат околу 27 милиони денари, а се обезбедени од Европската банка за обнова и развој.

Проектот предвидува вадење на стариот асфалт, тампонирање, проширување на коловозот од 4,5 на 5,5 метри и потоа асфалтирање на патот во должина од близу 3 километри. Останатиот дел од патот Тимјаник – Долни Дисан во должина од околу 1,5 километар ќе се реконструира и асфалтира со средства од ИПАРД програмата, додека согласно проектот предвидено е и партерно уредување на централното подрачје во Долни Дисан.

http://duma.mk/negotino/7356-se-asfaltira-patot-timjanik-disan

Се уништува Водно за луксузниот „Сончев град“



Тешката градежна механизација безмилосно ја уништува гората на јужните падини на Водно, од страната на Кисела Вода и Припор, а работниците вчера сечеа илјадници зимзелени и иглолисни дрвлана, само за да се пробие патот и да се изгради, наводно, елитната населба „Сончев град“ која ќе се простира на јужните падини на планината Водно.




Пределот на кој ќе се гради патот е пред сѐ карпест, па делумно ќе се минира, а делумно ќе се ископува со градежните машини кои се донесени од Турција.



Во Припор веќе на големо се гради и „коритото“ на Патишка река, која ќе се влева во канализационите цевки кои се поставуваат. Штом ќе заврши овој дел, ќе почне асфалтирањето. Трасата без пристапните краци во Сопиште и Кисела Вода ќе биде долга три и пол километри, а со пристапните краци околу 4 километри и 200 метри. Градежните работи ги извршува фирмата „Гранит“, а финансиите ги обезбедува Владата на Република Македонија. Рокот за да се реализира оваа траса е 18 месеци.



Населбата треба да биде изградена во рок од четири години со комплетната инфраструктура. На продажба биле 603 градежни парцели за домување, со вкупна површина од 560.000 квадратни метри. Ќе има 11 парцели за терасести структури за домување со површина од 50.000 квадратни метри и две градежни парцели за спортски терени.





повеќе на http://www.plusinfo.mk/vest/111304/GALERIJA-Se-terorizira-Vodno-za-luksuzniot-Sonchev-grad

Пуштен во употреба локалниот пат Староец - магистрала Кичево - Македонски брод

Новоизградениот локален пат што селото Староец го поврзува со магистралата Кичево - Охрид овозможува полесен приод на жителите особено во непогодни временски услови.

Врз патот немало никакви интервенции триесеттина години, така што до пред неколку месеци бил во многу лоша состојба.

-Министерството за транспорт и врски во соработка со локалната самоуправа го изгради овој локален пат со должина од 2,5 километри или инвестиција од околу 150 илјади евра. Ова беше едно од главните барања на месното население тука, рече Миле Јанакиески, министер за транспорт и врски.

- Патот беше навистина хаос, многу дупки имаше, не можевме да одиме до Кичево. Благодарение на ова се направи овој пат што ќе биде од голема полза за нас, смета Јован Јованоски, претседател на м.з. Староец.

Министерот Јанакиески ги информираше жителите дека стручни служби на Министерството ќе ја разгледаат и можноста за изградба на зафат за водоснабдување во Староец бидејќи има повеќе извори на вода во неговата околина. Тој најави и дека во првото тромесечје од следната година ќе започне изградбата на автопатот Кичево - Охрид како уште една можност за економски развој на овој регион.

http://kanal5.com.mk/vesti_detail.asp?ID=21139

Започна реконструкцијата на патот Тимјаник – Долни Дисан

Деновиве започнаа градежните активности за комплетна реконструкција и асфалтирање на еден од најфреквентните и најоштетените патни правци на територијата на општина Неготино, патот Тимјаник – Долни Дисан.

Работници на градежното претпријатие Гранит веќе извесен период се на терен и ги изведуваат неопходните подготвителни пред стартот на главните работи на овој патен правец.

Според проектот, предвидено е вадење на стариот асфалт, тампонирање, проширување на коловозот од 4,5 на 5,5 метри и потоа асфалтирање на патот во должина од близу 3 километри.

Како што информираат од Општина Неготино, инвеститор е Агенцијата за државни патишта на Република Македонија, а потребните средства во висина од околу 27 милиони денари за спроведување на првата фаза од проектот се обезбедени од Европската банка за обнова и развој.

Останатиот дел од патот Тимјаник – Долни Дисан во должина од околу 1,5 километар ќе се реконструира и асфалтира со средства во висина од 12,5 милиони денари преку Програмата за рурален развој од Агенцијата за поддршка на земјоделието, а од истата Агенција обезбедени се и 7,5 милиони денари за партерно уредување на централното подрачје во Долни Дисан.

Исто така, општина Неготино ги обезбеди потребните средства од 17,5 милиони денари за реконструкција и асфалтирање на 800 метри од патот Вешје-Горни Дисан.

http://lokalno.mk/zapochna-rekonstrukcijata-na-patot-timjanik-dolni-disan/

  



 

Реконструкција на ДЕЛ од Р-108 (Росоман-Мушов Гроб) клучка со Р-109, се реконструираше делот од Муов гроб кон Кавадарци и тоа од 17км од вкупно 30, работите ги изведуваше ГРанит.  
Патот беше цел со кратери (на страна 25 имам слики), инаку е 100 тонски пат, од инж. на гранит дознав дека патот е правен специјано за тешки возила поточно за машините на фени и има ногу јак строј со ивичници кои го држат тампнонот односно стројот.
Првиот слој асфалт е околу 6-8см, додека вториот фин слој е точно 5см, така да со 13 а неладе и над 17см асфалт мислам дека за 30 години е решен овој пат, исчистени се сите канавки пропусти и поставено е банкини на критичните места
. 

Македонски фирми со македонски кадри и материјал знаат да направат квалитет.
Браво за изведбата ,да се надеваме дека и други регионални патни правци ќе заличат вака. Денес прочитав и за негде во Паланка но незнам точно каде и исто прилично добро изведено.

Значи не е дека не можеме или не сме способни да пртавиме квалитетни патишта. Туку треба да се плати како што треба и добро да се контролира.

Според мене заслугата е кај новиот директор на агенцијата за патишта Љупчо георгиевски(не е пор.премиер).Човекот од катастарот направи од фирма во хаос,фирма со ред и професионализам.Гледам и во новата фирма почна со такво ниво на работа,и мислам дека оваа агенција све што ќе работи во иднина,ќе биде квалитено направено.

Едоставно ако луѓето ги делиме на квалитетни и неквалитетни без огледа на вера,партија и слични глупости,овој човек е во најквалитетните во РМ.Мислам дека времето ќе покажи дека не се лажам