Значи, објавава е врска до страницата на Македонски железници - Транспорт со копирана објава на страницава Дури, не се ни осудиле да напишат сопствена објава.

Инаку, да, се сложувам дека не треба да сообраќаат возови што немаат никаква корисност, но веројатно и МЖ не треба да се подесува гарнитурите како што нејзе и одговора, туку и според потребите на патниците и да се обиде да ги направи попривлечни.

Originally posted by zookisk Originally posted by Тркало Укинати се меѓународните (сите?) и миднајт експресите за Кочани и Кичево во 1:54 и 2:50, respectively. http://mktransport.mk/news/post/ukinati-vozovi-od-vnatresniot-zeleznicki-soobrakaj Миднајт експресите за Кочани,Кичево и Битола и онака џабе сообраќаат...Не е поентата само машиновозачот и кондуктерот да патуваат со нив...треба да има и патници а во тие возови ги немаше ни за лек...

Секако дека џабе сообраќаат кога сте ВИЕ (МЖ) во прашање.

Зошто не пуштивте некоја реклама на телевизија за тие возови? И не само што немате реклама, туку и тој еден дисплеј на главната железничка станица што ги покажува времињата на поаѓање и доаѓање на возовите сте го качиле на кат, а на приземје немате ниту еден.

И сте ставиле воз за Кочани во 2 часот, а воз за Кичево во 3 часот по полноќ.

Што не ги ставите тие ноќни возови помеѓу 0 и 1 часот по полноќ?

ЈСП нема ноќни 67, 56 и 66 па така тој воз за Кочани или Битола ќе го користат и луѓето од Студеничани, Морани, Орешани и Зелениково. Возот за Кичево ќе го користат жителите на Кондово. А во истиот период ако пуштите и воз за Куманово, истиот тој ќе го користат и жителите на Илинден, Марино и Миладиновци.


Но ова е исто како да пишувам на ѕид. Затоа и само машиновозачот и кондуктерот патуваат во тие ваши миднајт возови кои имаат катастрофално време на тргнување.

Подготвен ли е возниот ред за 2017 година? Како вели директорот на МЖ, историскиот развој на железницата во моментов, ќе биде ли крунисан со нови укинувања на возови?

Веќе се наслушнува дека дневниот воз Скопје-Белград-Скопје и дефинитивно се укинува од декември. Возовите и во моментов не сообраќаат, ама барем е вметнат во возен ред. Само да потсетам, само до пред 4-5 години имавме три воза дневно кон Белград, два воза кон Солун, два воза кон Приштина, еден воз кон Ниш и Црна Гора (сезонски). Каде отиде сето ова?

Возен ред...па и нов... жално!

Многу добро ја скоцкале реченицава. За сите што патуваат надвор од Битола. Бидејќи постојат десетици возови што се движат во различни правци, па да не се збуни некој

http://mzt.mk/povtorno-ke-soobrakaat-vremeno-ukinatite-vozovi/

Сите нека ги укинат.Толку им е капацитетот очигледно.Ментално мислам.

Ако случајно се одлучите деновиве да патувате со воз низ земјава, подобро немојте да го правите тоа. Новиот возен ред стапува на сила од недела, а се уште не е објавен. На сајтот на МЖ-Инфраструктура стои возен ред од 2013/2014 година!!! На сајтот на МЖ-Транспорт стои возен ред од 2016 година, како и од 2017 година и ревидираниот од август 2017 година. Ко воли нек изволи!

Многу е едноставна ситуацијата. Ако сте се возеле во воз во брзо време ќе забележите дека целиот возен ред се потпира на шесте кинески гарнитури. Двата електромоторни воза „Горбачов“ одамна не сообраќаат, бидејќи ги расипаа и не ги поправија за време на превозот на мигрантите. Милиони евра се собраа од нив, но не се инвестираа во овие возови. Од дизел моторните возови „Шпанец“ дали е останат еден или два, но и тие се во очајна состојба. Јас веќе споменав дека еден од овие реконструирани возови е расклопен во депо Лисиче и не функционира.

Да заклучам, железницата треба да си води сметка за навремена набавка на делови, навремена поправка на возовите и за континуирано одржување на возовите. Не сме богата нација, а и кај такви нации го нема тоа, да расклопуваме возови реконструирани по само 5-6 години или пак произведени пред 3 децении. Треба да се води грижа за она што го имаме.

Во случајот со експресниот воз кон Битола, веројатно се случило две од новите гарнитури наеднаш да се расипат, што по автоматизам го активира алармот за недостиг на превозни средства за одржување на железничките линии. И затоа е укината „Пелагонија експрес“.