Сообраќајна сигнализација и информативни табли

Јадна ни е сигнализацијава. На излез од Валандово знакот за Скопје те води по стариот пат низ клисурата. Збунувачки се знаците и на клучката Миладиновци.

Навистина не можам да го сватам ова. Живеам горе и 40 години автобуската е на старото место и одеднаш го менуваат стојалиштето без никаква причина
Скинете си ги дипломите урбанисти неучени...

Очигледна грешка на службите на Град Скопје при изработка на сообраќајниот проект за улицата. Некако по инерција, се’ уште најнапред се грижат за автомобилскиот сообраќај.
Веќе дадов налог да се изработи нов проект и автобуската станица да се врати на старото место.
Благодарност до Daniela Tilic за укажаната аномалија и истовремено извинување од моја страна во име на Град Скопје.



https://www.facebook.com/petreshilegov

СЕ РЕШАВА ДОЛГОГОДИШНИОТ ПРОБЛЕМ НА ЖИТЕЛИТЕ ВО БУТЕЛ И ЧАИР, СЕ ПОСТАВУВААТ НОВИ ПЕШАЧКИ СЕМАФОРИ НА БУЛЕВАРОТ ХРИСТИЈАН ТОДОРОВСКИ КАРПОШ
Со цел решавање на долгогодишниот проблем на жителите, деновиве се поставуваат нови пешачки семафори на булеварот Христијан Тодоровски Карпош, наспроти паркот во Чаир. Овие семафори се поставуваат на барање на граѓаните и Општина Бутел, бидејќи на оваа локација во минатото се случија поголем број сообраќајни незгоди.
Тука за првпат се поставуваат пешачки семафори и со нив ќе се зголеми безбедноста на сите учесници во сообраќајот, а пред се на пешаците.
Поставувањето на семафорите, доколку дозволат временските услови, треба целосно да заврши во текот на наредната недела, а нивното пуштање ќе се реализира по целосното завршување на административните постапки со ЕВН и поставувањето на сите потребни електрични инсталации и броила.
Град Скопје и ЈП „Улици и патишта“ во континуитет работат на одржување на постојната и поставување нова хоризонтална и вертикална сообраќајна сигнализација, за да се зголеми безбедноста во сообраќајот за сите учесници. Изминатиов период, на барање на граѓаните, семафори беа поставени на крстосницата кај „Реплек“ во населбата Козле, на улицата Борис Сарафов во Ѓорче Петров, на булевар Србија (кај полициската станица), а посебни тастери со кој пешаците ќе можат да го активираат вклучувањето на зеленото светло и со тоа побезбедно да го поминат пешачкиот премин се поставени на семафори на повеќе локации во градот.





https://www.facebook.com/CityofSkopje/

Се менуваат информативните табли на патиштата поради законот за употреба на јазиците



Тетовската секција при Јавното претријатие за одржување и заштита на магистрални и регионални патишта (Македонија пат) денес започна со поставување нови информативни табли на автопатот А2 Скопје-Тетово на кои сега покрај на македонски јазик има информации и на албански јазик.
Според информациите од тетовската секција на јавното претријатие промената доаѓа по донесувањето на законот за употреба на јазици при што покрај службниот македонскиот јазик и неговото кирилско писмо на таблите треба да се користи и друг јазик што го зборуваат најмалку 20% од граѓаните (албански јазик)
-На автопатот на влез во Тетово поставена е нова поголема и по различен облик информативна портал табла. На таблата сега информациите се истакнати на македонски јазик, албански јазик и на латинично писмо, информираат од јавното претријатие-секција Тетово.

Таблите ќе се менуваат во текот на наредните месеци. Покрај на автопатот нови табли ќе има и на останатите регионални и магистрални патишта.

https://mk.tv21.tv/se-menuvaat-informativnite-tabli-na-patishtata-poradi-zakonot-za-upotreba-na-jazitsite/

Дали некој некогаш некаде видел во Македонија оваков знак за пешачки премин, висечки преку булевар, да е употреблив и да свети навечер? Јас не знам дали се воопшто денес стандард или некоја оставштина од време екс-Ју, се поретко ги има. А никогаш не сум видел да свети навечер некој некаде воопшто. Конкретно овој е на оној еден тотално безвезен и крајно опасен пешачки премин кај бензинската Макпетрол на излез од Скопје кајшто непосредно почнува автопат, а сеуште улицата е дел од градски булевар и луѓето имаат чувстсво дека веќе излегле на автопат, и ооп пешачки непрегледен и слабо осветлен. Иако на streetview е вака искршен, ова е постара слика, денес е оправен и тоа ме збунува дополнително зашто се помалку ги има, а еве овој го поправале.

На Партизанска пред Сити Мол нов ставија пред некое време, низ Карпош на повеќе места ги обновија, така да ги има.

Приметив дека нема пракса да се користи ваков тип на хоризонтална сигнализација по патиштата. Не се воопшто во правилникот или се работи за мрза?


Edited by Macedonicus - 17-Feb-2021 at 15:35

Патоказни табли стари со децении, „Народна Република Албанија“ низ улиците на Охрид



https://mk.tv21.tv/patokazni-tabli-stari-so-detsenii-narodna-republika-albanija-niz-ulitsite-na-ohrid/

Не вршат работа, стари се, се распаѓаат, па уште и неточни називи имаат. Срамота е ова за секој вработен од чистач до министер/градоначалник во МТСП и општината. Секој ден да гледаш вакви идиотизми во твоја општина, па уште и туристички центар последните 30 години е ненормално.

Тоа па што патот на најатрактивната обала е во таква очајна состојба доволно кажува за државава.