Паркирање и паркинзи (општо)

Монтажен паркинг во Тетово-4.555 евра за едно паркинг место, жителите поднесоа жалба до институциите

Додека компанијата „Еуровија“ ги врши последните подготовки за изградба на монтажен паркинг во централниот дел на Тетово, кој се очекува да биде готов во септември годинава, десетици жители од оваа населба поднеле жалба до Влада на РСМ и други релевантни институции. Велат дека паркингот се гради незаконски и дека ќе предизвика големи здравствени штети. 4.555 евра чини едно паркинг место, а вкупниот капацитет ќе биде 180 возила. За Порталб.мк, жалбата ја потврдија и од Владата на РСМ.

Владата на РСМ, Министерството за транспорт и врски, како и Државниот инспекторат за градежништво и урбанизам, вчера добија детален приговор од жителите на населбата каде што се очекува да се гради монтажниот паркинг од општина Тетово, како нарачател на проектот.

Според жителите, иако се очекува овој паркинг да биде изграден во нивниот двор, никој од општинските власти не ги известил претходно, а постапката е спроведена на нетранспарентен начин.

„Градоначалничката Арифи без постапка и на нетранспарентен начин ја водеше оваа работа, ја избра компанијата која ќе го гради Катниот паркинг за возила на единствената локација во центарот на градот што може да се користи за изградба на парк и подземен паркинг, за околу 1.000 жители кои живеат таму. Вредноста на катниот паркинг е околу 824.000 евра“, пишува во жалбата на жителите на населбата.

Според нив, има прекршувања на некои членови од законот за градба и законот за животна средина, а се работи за прекршување на членовите 3, 8, 10, 13, 43, 71, 72 и на членот 136 од Законот за градење и повреда на член 22, 22-а, 22-б, 23, 26, 26-а, 28 од законот за животна средина од страна на градоначалничката на Тетово, Теута Арифи, како нарачател.

Жителите од населбата предупредуваат дека со изградбата на овој паркинг, има простор некој во иднина да сноси кривична одговорност, поради бројните законски прекршувања, што според нив е забрзано „заради ситуацијата“, алудирајќи на локалните избори.

Покрај правниот дел, жителите предупредуваат дека изградбата на овој паркинг според нив може да го зголеми бројот на пациенти со белодробни заболувања и да ја зголеми инциденцата на карцином, од повеќе причини.

„Оваа непланирана конструкција од страна на Општина Тетово за граѓаните ќе донесе зголемување на белодробните заболувања, вклучително и кај младата популација, како и почести канцерогени заболувања поради затворениот простор и недостаток на какво било зеленило во централниот дел на градот“, е наведено во жалбата.

Тие бараат од горенаведените институции да започнат релевантна постапка со која, според нив, „ќе се потврди незаконската постапка од страна на општина Тетово“.

Владата со потврда: Добивме жалба, ја разгледуваме

Владиниот портпарол Мухамед Хоџа денеска преку прес-конференција истакна дека пристигната е жалба од неколку жители од населбата каде се очекува да се гради монтажниот паркинг и дека ја разгледуваат истата.

„Владата на РСМ ќе ја разгледа жалбата добиена од неколку жители од населбата што ја потенцирате за изградба на катен паркинг и по консултација со релевантните институции ќе изградиме позиција за која јавноста ќе биде информирана“, рече за Портал.мк, портпаролот на владата на РСМ, Мухамед Хоџа.

Колкав ќе биде капацитетот на овој паркинг и колку чини?

Од компанијата, која го добила тендерот за изградба на катниот паркинг, информираат дека станува збор за вкупно 180 места за паркирање и дека тоа ќе биде еднокатен паркинг, односно приземје и кат.

„Покриената површина е 2.200 м2 со околу 180 паркинг места. Ќе биде на две нивоа, приземје и кат“ информираа за Порталб.мк од „Еуровиа”.

Од „Еуровиа” ветија дека работите ќе започнат во текот на април, додека еднокатниот паркинг зад ресторанот „Тиволи“ во Тетово, според нив се очекува да се заврши во септември 2021 година.

Имаше многу полемики од граѓаните во врска со трошоците за овој проект. Еднокатниот паркинг ги чини тетовските даночни обврзници вкупно 820.000 евра, и испаѓа дека за едно паркинг место се платени 4.555 евра, без вклучена цена за другите работи. Само за информација, минатата година во општина Куманово беше отворен првиот монтажен паркинг, кој има капацитет за вкупно 80 автомобили и чини 240.000 евра, што е 3.000 евра за паркинг место.

Градоначалничката на Тетово, Теута Арифи го ветува овој проект од 2013 година

Проектот за подземни или катни паркинзи останува неисполнето ветување на градоначалничката Теута Арифи, иако истото беше ветено уште во 2013 година кога за прв пат Арифи се кандидираше за градоначалничка на Тетово.

„Го гледам Тетово со ефикасна патна инфраструктура, подземен паркинг и редовни линии на јавен превоз“, рече Теута Арифи во 2013 година.

Истото ветување градоначалничката Арифи го повтори и за време на предизборната кампања 2017 година, кога рече дека овие паркинзи ќе го решат сообраќајниот проблем во Тетово.

„Пренатрупаниот сообраќај е еден од најголемите проблеми што ги има градот. Основавме претпријатие за Градски паркинг и успеавме да ја намалиме напнатоста во градот, а проектот планираме да го прошириме во следниот и со паркинг места. Мислам дека катните гаражи ќе го решат овој проблем“, рече Теута Арифи во Топ Тема во 2017 година.

Инаку, ова не се единствените нереализирани проекти за олеснување на сообраќајот во Тетово. Како во предизборната кампања од 2013 година, така и во 2017 година, градоначалничката Арифи вети отворање на булеварот „Благоја Тоска“, обезбедување на автобуси за јавен превоз како и отворање на уште два булевара, од кои досега е реализира само продолжувањето на булеварот Индустриска.

https://meta.mk/montazhen-parking-vo-tetovo-4-555-evra-za-edno-parking-mesto-zhitelite-podnesoa-zhalba-do-institucziite

Во Мичурин(од твитер)

Coming Soon
Underground Parking
Project by : LN PROJEKTE
Sponsored : AS-INVEST - Struga
Location: Square " Mother Tereza " Struga, North Macedonia.













https://www.facebook.com/LNProjekteArchitects/

Со хилти ги кршат топките за да се паркираат пред локалите на „Боемска“





За сликата од сообраќајниот хаос да биде уште полоша, како што вели Јорданка Ношпал, несовесните возачи на автомобили, посетители на локалите дури и ги корнат бетонските топки, претпоставува со хилти и потоа ги тркалаат по улицата. Тони Костов, пак, вели дека ваквата состојба ја пријавил на сообраќаен полицаец кој вршел контроли на улица „Орце Николов“, но од тоа никакво фајде.

Градоначалникот на Општина Центар, Саша Богдановиќ, најави дека штом завршат реконструкциите на улиците „Орце Николов“ и „Мирослав Крлежа“, ќе може да се почне со затворање на Дебар Маало за автомобили

Зафатени тротоари полни со непрописно паркирани автомобили и тоа до самите ресторани, кафулиња и кафеани и тоа дури и на самата „Боемска улица“ е сликата со која секојдневно се соочуваат жителите на Дебар Маало. Тие се жалат дека не можат слободно да се движат.

За сликата од сообраќајниот хаос да биде уште полоша, како што вели Јорданка Ношпал, несовесните возачи на автомобили, посетители на локалите, дури и ги корнат бетонските топки, претпоставува со хилти и потоа ги тркалаат по улицата. Тони Костов, пак, вели дека ваквата состојба ја пријавил на сообраќаен полицаец кој вршел контроли на улица „Орце Николов“, но од тоа никакво фајде.

– Ми вели, не бил надлежен за таму, тој бил распореден на улица „Орце Николов“ – револтиран раскажува Костов.

Даниела Орешовска предлага казнување на сторителите.

Од неформалната група скопски велосипедисти „На точак“ со предлог, барем во текот на летото Дебар Маало да биде ослободено од автомобили, или пристап да имаат само резидентите и тоа максимално по едно возило по домаќинство, за атмосферата навистина да биде навистина боемска.

– Нашиот предлог е населбите да бидат зона 30, каде што ќе смее да се вози 30 километри на час, освен околу училиштата каде што би било дозволена максимална брзина од 20 километри на час. Одредени скопски населби како Дебар Маало, треба да бидат населби каде што ќе смеат да влегуваат со моторни возила само резиденти. Со, тоа, населбите ќе бидат побезбедни, почисти, помирни, се ослободува простор за дружење и игра, а како што покажуваат бројни примери во светот, во нивните комерцијални делови значајно се подобрува бизнисот -велат од „На точак“.

Од фејсбук-групата „Здравје пред профит“ сметаат дека овие луѓе никогаш нема да се паркираат прописно.

– Простотилакот нè победува. Сигурно додека седат во околните кафеани раскажуваат како во Германија и Австрија за сè си има ред – сметаат од „Здравје пред профит“.

Градоначалникот на Општина Центар, Саша Богдановиќ, за весникот ВЕЧЕР изјави дека ќе ги зголемат контролите со полиција и комунални редари.

– Поради неработењето на кафеаните, досега немаше потреба за многу акции, но сега ќе ги зајакнеме контролите. Ќе има и дополнителни елементи кои ќе го ограничат паркирањето, бидејќи дел од топките кои беа на „Боемската улица“ беа искршени од дивото паркирање. Со новите елементи целосно ќе се спречи паркирањето – тврди Богдановиќ, и најави дека штом завршат реконструкциите на улиците: „Орце Николов“ и „Мирослав Крлежа“, ќе може да се почне со затворање на Дебар Маало за автомобили.

Директорот на јавното претпријатие „Паркинзи на Општина Центар“, Васко Кичевски, целосно ја поддржува иницијативата за затворање на Дебар Маало за возила, но вели дека треба да се види начинот како тоа ќе биде изведено.

– Потребно е сообраќајно решение кое ќе биде одобрено од МВР за да може да се затворат улиците во реонот на Дебар Маало – смета Кичевски и додава дека ЈП ПОЦ реагира секој ден и оти постојано се казнуваат возила кои се непрописно паркирани.

Според него, дневно со пајаците се креваат од 20 до 30 возила, што значи секој пајак крева по 10 возила.

– Но, проблемот е што имаме само три пајаци. И друго, ЈП ПОЦ не е сообраќајна полиција и не може да го регулира сообраќајот. Тоа е капацитетот на претпријатието – дециден е Кичевски.

Тој најави дека наредната година им завршува договорот за јавно-приватно партнерство со фирмата „Велекс“ и со тоа ќе се создаде можност за купување на нови возила „пајак“. Тоа ќе биде најверојатно со субвенции од Општина Центар, бидејќи ПОЦ, како што истакна Кичевски нема толку средства самостојно да ги купи возилата.

Од МВР велат дека Одделението за безбедност на патниот сообраќај при СВР Скопје континуирано презема мерки за почитување на Законот за безбедност на патниот сообраќај, а во оваа насока се превземаат и мерки против сторители на прекршокот „непрописно запирање и паркирање“ на лице место и со специјално возило „пајак“,

– Ваквите мерки ќе продолжат и во иднина, со цел безбедност на сите учесници во сообраќајот и почитување на законските прописи – одговорија од МВР.

https://www.vecer.press/со-хилти-ги-кршат-топките-за-да-се-парки/

НИТУ НОВИОТ ПАРКИНГ НЕДОВОЛЕН ДА СЕ РЕШАТ ГУЖВИТЕ НА КЛИНИЧКИ ЦЕНТАР, МОНТАЖНАТА БОЛНИЦА ГО ЗАФАТИ МЕСТОТО ЗА МОНТАЖНА ГАРАЖА



Ниту новиот паркинг кој лани, за време на карантините го направи Град Скопје во рамките на Клиничкиот центар не е доволен да се реши проблемот со гужвите. Откако пандемијата на ковид-19 стивна, клиниките веќе не се ковид центри и продолжија со редовна работа со пациенти, гужвите се вратија низ улиците и на паркинзите низ комплексот.

Новиот паркинг со 200 паркинг места не е доволен за сите возила па граѓаните вртат кругови за да најдат паркинг место. Со поставување на пластички столпчиња за да се изведат патеки за движење на пешаци и болни со колички, нема веќе паркирање на улиците и тротоарите.

Од ЈП „Градски паркинг“ уште пред неколку години најавија дека на Клинички ќе се гради монтажен паркинг, но тој никако да се изведе. Директорот Борче Јакимовски вели дека претпријатието има предвидено пари за оваа инвестиција во буџетот, но на местото каде требаше да се изведе се изгради монтажната ковид болница.

„Додека монтажната болница не се тргне не можеме да го градиме паркингот. Според проектот ќе биде на три нивоа со вкупно 360 паркинг места. Со тоа ќе се решат гужвите на Клинички. И сега состојбата е подобрена. Пред изградбата на новиот паркинг и уредувањето на улиците имаше 575 места, а сега има 810“, вели Јакимовски.

За да не се создаваат гужви на влезот на Клинички, Град Скопје лани изведе нова лента за возилата на Брза помош, а посебен влез има и за Инфективната клиника.

https://sdk.mk/index.php/dopisna-mrezha/nitu-noviot-parking-nedovolen-da-se-reshat-guzhvite-na-klinichki-tsentar-montazhnata-bolnitsa-go-zafati-mestoto-za-montazhna-garazha/

па парк и не е место каде што сите би требало да се бутаат со коли... сфаќам мали деца и све, ама па приметувам дека секогаш сите сакаат да се бутаат кај паркингот на зоолошка и кај стадион, а паркинзите околу стадионот на пример зјаат празни
паркингов од другата страна на Вардар би бил идеален за стадионот, ама за парк тешко

Ало „Пајак“: Калабалак на тротоарите во Автокоманда и низ цел град !





Жители на Автокоманда се жалат дека нема места за паркирање низ населбата, бидејќи улиците, тротоарите и паркинзите се окупирани од возила на поголемите фирми. Велат дека станарите вртат по улиците низ населбата и по 15-20 минути барајќи некое слободно место, макар и во парк за да си го сместат возилото.

Иста слика е и долж булеварот „Александар Македонски“ каде што возила на вработените од ЈСП Скопје, Пивара, Европа, Алкалоид и од други фирми ги окупираат пешачките патеки, поради што деновиве ќе поднесат барање за ослободување на овие јавни простори од паркираните возила.

Ова е генерален проблем низ цел град, особено во населбата Водно каде жителите своите автомобили ги паркираат на улица, наместо во нивните дворови, па пешаци не можат да се разминат, а камо ли други возила.

Жители на Автокоманда ги повикуваат градските власти да стават ред долж булеварот со поставување на заштитни столпчиња и со поревносна работа на „пајаците“ на „Градски паркинг“.

– Доволно е да се постават столпчиња да се оневозможи пристап на возилата на тротоарите и пешачките патеки. Само треба да почекаме некој од Град Скопје да почне да си ја врши својата работа – вели Сашо Начовски.

Розана Ивановска – Конеска вели дека ваквата состојба е поради тоа што оваа појава не се санкционира на стартот и потоа зема замав.

– Паркира еден и нема реакција, следен ден десет возила и за неколку дена тука се ќе биде калабалак – вели таа, но констатира дека низ градот нема доволно паркинг места, наспроти големиот број возила, плус оние што доаѓаат во Скопје од внатрешноста.

Даниела Стојанова, пак, решението го гледа во комуналните редари и високи казни за возачите кои паркираат на јавна површина наменета за пешаци и велосипедисти.

Борче Василевски предлага оние што со автомобил одат на работа, да се обидат тоа да го сторат со велосипед, пеш или со јавен превоз и тогаш ќе нема проблем со паркинг.

Жителите на Автокоманда им забележуваат на општинските власти дека дозволуваат нивната населба да се развива во секој поглед, пред сè со зголемување на станбениот простор, но никако да го решат проблемот со паркирањето. Велат дека решение е катна гаража или зонско паркирање со тоа што постојните станари да добијат по едно загарантирано место за паркирање, за што би се плаќало симболична годишна наемнина или можност за откуп.

На големиот паркинг во населбата, кај Комерцијална банка, беше предвидена изградба на катна гаража, но жители на улицата „Јани Лукровски“ бр 2 (или војната кула) потпишале дека се против. Сметаат дека тоа е единственото уредено место со плоштадот за шетање, а големите фирми од другата страна на булеварот да си направат паркинзи за своите вработени.

Градоначалникот на општина Гази Баба, Борис Георгиевски неодамна изјави дека сериозно се работи на решавање на проблемот со паркирањето во населба Автокоманда.

– Подготвени се проекти за изградба на монтажни катни гаражи, како и нова студија за сообраќај во оваа населба. Со студијата која набрзо ќе биде презентирана пред граѓаните на населбата Автокоманда предвидуваме воведување на нов еднонасочен режим, воведување на Зона 30, уредување на сообраќајната хоризонтална и вертикална сигнализација, успорувачи на движењето пред училиштата и градинките и можност за нови паркиралишта – вели Георгиевски.

Исто така повторно ќе биде презентиран проектот за изградба на монтажните гаражи, проект кој е подготвен, но за кои до општината пристигнаа неколку петиции за стопирање.

https://www.vecer.press/ало-пајак-калабалак-на-тротоарите/

Паркирањето во Тетово проблем и ова лето, а се очекуваат голем број нови возила на печалбарите



Летните месеци се период кога се очекуваат голем број нови возила да ја зголемат сообраќајната фреквенција во Тетово со оглед на доаѓањето на многу од печалбарите. Од друга страна во Тетово нема промена, односно подобрување кога станува збор за повеќе паркинг места, што за градот претставува проблематика долги години.

Во април годинава Општина Тетово склучи договор за изградба на монтажна катна гаража за паркирање на возила во центарот на градот, но таа постапка беше обжалена од група станари во згради кои наоѓаат на улиците „Јане Сандански“ и „Маршал Тито“. Почетокот на подготвителните работи за градење беа прекинати, а градоначалничката Теута Арифи образложи дека се обидува да се најде заеднички јазик со сите засегнати страни.

Се разговара поради фактот што имаме и петиција за градење и петиција за неградење на катната гаража. Во таква ситуација ние немаме ниту една законска пречка да не градиме. Сакаме да поразговраме, да видиме во разговор што можеме да постигнеме. Нема опции, тоа треба да се направи, ние имаме завршени процедури за правење, ама важно ние да направиме и договор, нормално граѓаните да се комотни со тоа што го градиме ние, изјави Теута Арифи.

Зоран Ѓорѓевски, дипломиран сообраќаен инженер во Регионален центар за стручно образование и обука „Моша Пијаде“ – Тетово елаборира дека паркирањето само по себе е сериозен проблем, но истото се вклопува во комплексот наречене сообраќај и кој според него треба да се решава заеднички со сите други сообраќајни проблеми.Тој напоменува дека проблемите во сообраќајот не треба да ги разделуваат и да се разгледуваат парцијално како што е проблем со паркирање или проблем со градскиот превоз.

Тука се работи за еден проблем, а тоа е создавање подобро место за живеење, односно намалување на загадувањето, како и намалување на бучавата. Ако се тргне од тука, сообраќајот го гледаме како еден од начините како да се подобри квалитетот на живот и треба да се решава така што ќе се дејствува на повеќе сегменти. Паркирањето е само еден сегмент кој треба да се решава паралелно со градскиот превоз, транзитниот сообраќај и планирањето и воведувањето на алтернативните видови сообраќај, објаснива стручниот професор по сообраќај.

Кога станува збор за паркирањето, особено е важно која е целта, односно зошто сопственикот на возилото има потреба да се паркира. Според Ѓорѓевски постојат многу мерки кои може да се преземаат, но основата лежи во зголемување на понудата на паркинг места

-Имаме побарувачка за паркирање поради домување, работно место, купување, вршење некои активности, образование, активности во слободно време или некои други активности. Во оваа ситуација, според мене, изградбата на паркинг гаражите на неколку добро избрани локации по претходна сериозна анализа на состојбата во целиот град е единственото решение за Тетово, бидејќи градот се соочува и со проблем на несоодветен број на места за паркирање на станбените згради, односно зградите постојат ама на жителите од тие згради не им е понудено место за паркирање во рамките на тој објект. Сега ситуацијата е таква што побарувачката е многу поголема од расположливиот број места за паркирање и единствениот излез е целосен план со кој би се дејствувало прво на намалување на бројот на возила кои циркулираат преку квалитетен јавен градски превоз, како и користење на велосипедскиот и пешачкиот сообраќај, и на тој начин ќе се дејствува на намалување на побарувачката во најзагрозените подрачја, а од друга страна со изградбата на паркинг гаражите ќе се реши проблемот со паркирањето поради домувањето, а истовремено ќе се понудат и паркинг места поради другите причини, потенцира Зоран Ѓорѓевски.

Поради недостигот на паркинг места граѓаните редовно паркираат на недозволени места па работа има и за полицијата. Во изминатите пет месеци од оваа година, на поширокото тетовско подрачје вкупно биле изречени 1287 мерки за погрешно, односно непрописно паркирање, како и 673 писмени опомени.

Покрај тоа, во периодот за кој станува збор тетовската „пајак-служба“ во координација со полициски службеници на СВР Тетово подигнале 673 погрешно паркирани возила, кои го попречувале нормалното и безбедно движење на другите учесници во сообраќајот, меѓу кои и возила паркирани во таканаречени „двојни редови“, во зона на крстосници, на тротоари и на други недозволени места. Сите прекршители санкционирани се со поднесоци и со парични глоби кои се движат од 45 евра (за „двојни редови“) до 180 евра во денарска противвредност за паркирање во зона на крстосници, потенцира Марјан Јосифоски, портпарол на СВР Тетово.

За подобрување на состојбите во летниот период поради очекување на голем број печалбари, градоначалничката Арифи најави дека ќе се се користи досегашната практика – дел од училишните дворови за одреден период да бидат понудени како бесплатно паркинг место.

Доколку се изгради предвидената монтажна катна гаража ќе биде прва од таков вид во градот. Објектот ќе се гради на веќе постоечки паркинг позади згради кои наоѓаат на улиците „Јане Сандански“ и „Маршал Тито“.

https://sitel.com.mk/parkiranjeto-vo-tetovo-problem-i-ova-leto-se-ochekuvaat-golem-broj-novi-vozila-na-pechalbarite

РЕДИЦИ ЗА НАПЛАТА НА ПАРКИНГОТ НА КЛИНИЧКИ ЦЕНТАР, ОД ГРАДСКИ ПАРКИНГ ВЕЛАТ ДЕКА ДНЕВНО ВЛЕГУВААТ ПО 4.000 КОЛИ



Редици секојдневно се создаваат за наплата на паркирање на Клиничкиот центар во Скопје. Пред пунктовите за наплата има колони граѓани кои чекаат да платат, а поради тоа се создаваат и гужви пред рампите за влез и излез.

Во моментов на Клинички работат два места за наплата, но директорот на ЈП Градски паркинг Борче Јакимовски вели дека гужвите се поради големиот број возила кои се паркираат.

„Дневно имаме по 4.000 возила кои влегуваат и излегуваат. После пандемијата на ковид-19 повторно Клинички е полн со пациенти и околу пладне се вакви гужви. Кога имате толку многу возила не може да се постигне. Но, за да го решиме проблемот набавивме два паркомати за самонаплата кои за две недели ќе бидат во функција”, вели Јакимовски.

Паркоматите ќе бидат поставени на новиот паркинг кај Клиниката за гинекологија и кај Инфективната клиника.

https://sdk.mk/index.php/dopisna-mrezha/reditsi-za-naplata-na-parkingot-na-klinichki-tsentar-od-gradski-parking-velat-deka-dnevno-vleguvaat-po-4-000-koli/

Класични пички пред избори. Паркингот на улица треба да е 5 пати поскап од катните гаражи, ама немаат cojones очигледно (или пак рејтинг агенцијата им јави во рок од 24 сати дека „ви падна рејтингот за 1,15%“)

Edited by гитардемон - 30-Jun-2021 at 12:28