Тунел под Кале

Ако е краток(500-1000м)и ако има безбеден простор за движење или ако нема некоја друга подобра алтернатива да се стигне до некое место тогаш ок, но се што е подолго не е баш добро поради бучава и загадување. На пример под железничка е кратка дистанца(од Зегин до Шехерезада) ама кога минувам гледам да сум што побрз,никогаш не чекам ниту бус ниту пак сендвич во таква смрдеа,нечистотија и бучава. Мислам дека во текстот се дава преголема важност на велопатеки за проект кој прашање е кога и дали ќе се реализира.

Мостот и тунелите под Кале ќе го уништат паркот на Вера Јоциќ кај „Жабарот“



Граѓаните организирани во фејсбук-групата „Во одбрана на Дебар Маало“ реагираат на изградбата на новиот мост преку реката Вардар со тунели под Калето. Тие сметаат дека на тој начин скопскиот градоначалник, Петре Шилегов и владејачкото мнозинство во Советот на Град Скопје продолжуваат со нивните намери да го уништат паркот на Вера Јоциќ кај „Жабарот“. Од Градот велат дека тоа што оваа градска администрација пробала да направи е да распише јавна набавка за проектирање на тој мост, за отпосле да се види колку ќе чини неговата изградба и реализацијата на проектот, за да се одлучи дали е можна и финансиски логична неговата изведба и дека тоа не значи оти овој парк наскоро ќе биде уништен

Граѓаните организирани во фејсбук-групата „Во одбрана на Дебар Маало“ реагираат на изградбата на новиот мост преку реката Вардар со тунели под Калето. Тие сметаат дека на тој начин скопскиот градоначалник, Петре Шилегов и владејачкото мнозинство во Советот на Град Скопје продолжуваат со нивните намери да го уништат паркот на Вера Јоциќ кај Жабарот.

Според Ана Христовска, паркот не смее да биде уништен и ниту едно дрво не смее да биде исечено.

– Ќе страда и паркот на франкофонијата и Градскиот парк зашто тој мост ќе донесе големо звучно и воздушно загадување. А тоа не смее да се дозволи како потег во еден од најзагадените градови во светот – смета Христовска.

Александар Јов предлага да се направи клучка кај мостот „Гоце Делчев“ и уште еден мост до него од левата страна, но потенцира дека некому тоа не му одговара.

За Билјана Сидовска идејата е лоша и треба да се преиспита.

– Го раскрчмивме единствениот градски парк … срамота! Центарот на градот уште повеќе ќе го наполниме со автомобили и загадување. Единствениот дел од градот што потсетува на некое спокојно живеење ќе го уништиме. Најстрашни се безидејни градоначалници – нагласува таа.

Граѓаните потенцираат дека според регулациските планови кои се изгласани овој месец, предвидениот мост има автомобилски ленти од 3,5 метри (за 100 километри на час), тој ќе биде продолжение на булеварот „Климент Охридски“ и во целост ќе уништи преку стотина дрвја во единственото паркче во градот кое носи име на партизанка и народен херој.

Тие додаваат дека Шилегов и неговите советници ветуваа модерен град каде заштитата на животната средине ќе биде императив, но дека она што го добива нивната населба Дебар Маало, со оваа како што ја нарекуваат гарнитура на популисти, кои работат против здравјето на граѓаните и за интересот на урбаната мафија, е понатамошно загадување, повеќе сообраќај и уништување на културното наследство.

Советничката во Советот на Град Скопје, Драгана Велковска реагираше дека Град Скопје има обврска да ја заштити зоната околу Вардар и државното земјиште, но смета дека регулациските планови се таа шанса која ја користи како алатка за да го направи токму спротивното.

– Со овој регулациски план мостот и тунелите на булеварот „Климент Охридски“ имаат автомобилски ленти од 3,5 метри (за 100 км/ч) и смешни тротоари од 2 метри и немаат велосипедски патеки. Практично велосипедистите на ваков масовен вијадукт се упатени на коловоз, според Законот за безбедност -потенцираше Велковска.

Таа додава дека Градот практично ќе дозволи на милионска инвестиција со мостовите и тунелите низ Кале, да се штеди на пешачки и велосипедски патеки кои се далеку поевтини од делот за автомобилите!

– Оваа нова врска ќе ги спои граѓаните на Центар, Чаир, Бутел, Шуто Оризари, но очигледно ќе ги спои на безбеден начин само при користење автомобил?! Вака проектирани вијадуктот и тунелите ќе донесат брз сообраќај во Центар во Дебар Маало и Буњаковец и небезбедност, наместо шанса за одржлива мобилност“-истакна Велковска.

Од Градот појаснуваат дека Советот на Град Скопје изгласал мала техничка исправка на регулациониот план на веќе постојниот детален урбанистички план на Општина Центар која што се однесувала на делот на мостот од другата страна на Вардар, а не кај објектот на Владата.

– Советничката Драгана Велковска тоа го користи за да потсетува дека низ сегашниот парк на Вера Јоциќ треба да поминува мост, којшто е предвиден со ГУП-от од 1964 година, а не е нов и предвиден од оваа градска администрација -одговорија градските власти.

Тие додаваат дека тоа што оваа градска администрација пробала да направи е да распише јавна набавка за проектирање на тој мост, за отпосле да се види колку ќе чини неговата изградба и реализацијата на проектот, за да се одлучи дали е можна и финансиски логична неговата изведба.

– Ова не значи дека овој парк наскоро ќе биде уништен – децидни се од Градот.

На 12 јуни минатата година, скопскиот градоначалник Петре Шилегов потпиша договор со турската фирма „Мега инженеринг консалтинг АД“ и Завод за испитување на материјали и развој на нови технологии од Скопје за проектирање на сообраќајницата, мостот преку Вардар и тунелите под Кале.

Тогаш Шилегов најави дека проектот за тунелите под Кале ќе биде готов за шест месеци и потенцираше дека продолжувањето на булеварот „Свети Климент Охридски“ со мост над реката Вардар, со тунел под скопското Кале и поврзувањето со булеварот „Никола Карев“ (Пластичарската улица), ќе ја зголемат мобилноста и протокот на возила и ќе има позитивни еколошки ефекти од намалената емисија на гасови и бучава. Поради непочитување на роковите за изработка, поради пандемијата, договорот беше раскинат на септември годинава.

Шилегов повеќе пати тврдеше дека не се откажува од овој капитален проект за Скопје и најавува нов тендер за проектант. Тој верува дека до крајот на својот мандат ќе ја почне реализацијата на долго најавуваната идеја за тунели под Кале, сообраќајница која е зацртана во Генералниот урбанистички план уште во 1964 година.

https://www.vecer.press/мостот-и-тунелите-под-кале-ќе-го-уништа/

Александар Јов предлага да се направи клучка кај мостот „Гоце Делчев“ и уште еден мост до него од левата страна, но потенцира дека некому тоа не му одговара.

Во жестока конкуренција на малоумни изјави, мислам дека сепак овој е неспорен шампион.

Originally posted by Cloverstack Александар Јов предлага да се направи клучка кај мостот „Гоце Делчев“ и уште еден мост до него од левата страна, но потенцира дека некому тоа не му одговара. Во жестока конкуренција на малоумни изјави, мислам дека сепак овој е неспорен шампион.

Така би требало да се уништи паркот покрај влада (којнесреќно беше заграден со онаа барокна ограда) каде има многу поважен споменик на НОБ него ли дивопшоставена биста на еден партизан. Ко да неможе да се најде улица, школо, што и да е, Вера Јоциќ и да се премести бистата тамо или во паркот на франкофонија сто метра понастрана.

Како им паѓа на памет вакви малоумни глупости?! Колку и да се покажуваа ваква епизодна грижа за зеленилото, сепак тоа е второстепено. Се имаат ли луѓево некогаш сретнато во животот со концептот на приоритети?!

Originally posted by user8642 Originally posted by Cloverstack Александар Јов предлага да се направи клучка кај мостот „Гоце Делчев“ и уште еден мост до него од левата страна, но потенцира дека некому тоа не му одговара. Во жестока конкуренција на малоумни изјави, мислам дека сепак овој е неспорен шампион. Така би требало да се уништи паркот покрај влада

Ко да тоа е главниот проблем со таа „идеја“

1. Клучка таму, освен што е страшно глуп предлог од секој можен аспект, е всушност неизводлива.
2. Нов мост што ќе излегува каде?
3. Неколкукратно подолг тунел.
4. Спојување на тунелот со Малиот Ринг, наместо со Големиот.
.
.
.


Тој мост и тунел се планирани токму такви и токму таму со Генерален Урбанистички План уште од 1965 година.

Слично решение, на истата локација е зацртано од Лудјек Кубеш (1948 година). Неговото решение е надградба на планот на големиот Јосиф Михајловиќ - Јурукоски (од 1929 година), и Димитрије Леко (1914 година), кои исто така на таа локација предвиделе премостување на Вардар, а потоа пробивање на тунел под Кале, со таа разлика што оската на тунелот била во правец кон Бит Пазар.

Значи таа траса, токму во денешната форма фигурира таму веќе 56 години, а концептот е стар 107 години! Градот, во текот на толку многу децении се обликува согласно тие планови. Арно ама еве некој мајмун за секунда станува сообраќаен инженер и доктор на науки по урбанизам, па од газот вади ново „решение“, и добива медиумски простор.



Edited by Cloverstack - 03-Jan-2021 at 19:15

Тунелите под Кале ќе го чекаат новиот ДУП

Скопскиот градоначалник Петре Шилегов не се откажува од изградбата на тунелите под Кале. Тој на новинарско прашање објасни дека имале несреќа со изборот на проектантот, а тоа беше фирмата „Мега инженеринг консалтинг АД“.

– Го имавме тендерот, го потпишавме договорот со избраниот понудувач, започна проектирањето, не успеа избраниот понудувач да даде квалитетен проект за таа локација, заради тоа Градот го раскинае договорот. Општина Центар е во фаза на носење на нов ДУП за тој дел, ќе почекаме да биде донесен, со цел коридорот каде ќе бидат тунелите да го исчистиме од непотребни трошоци, бидејќи, така како што беше поставен ќе имавме 8 милиони евра трошоци за експропријација само за еден хотел – изјави Шилегов.
Тој нагласи дека е подобро да се изгуби повеќе време околу проектирањето, отколку да се утне реализацијата.

– Јас сум човек кој темелно ги планира проектите пред да се почне со имплементацијата – заклучи Шилегов.

Тој исто така потенцираше дека е во преговори со Владата, доколку обезбеди средства да се продолжи со булеварски излез на северниот дел од градот.

– Готов е проектот за клучката на булеварот „Словенија“ и да продолжи до Обиколницата, што ќе биде втора фаза од изградбата на кружните текови кај Момин Поток. Финансиска ссостојба на Градот е ваква каква што е. Ако се обезбедат финансиски средства, во проектна смисла сме подготвени да започнеме со имплементација и на булеварски излез на северниот дел од градот – истакна Шилегов.

https://www.vecer.press/тунелите-под-кале-ќе-го-чекаат-новиот-д/

Можда на крај и штета ќе му исплатат на Рудине пошто е неправедно срушен, од кога ќе ги изпоизнакриват булеварот за да се угоди на една дивоградба. Така е клучка Волково на обиколница, така е со булевар ДамеГруев кај Максим Горки раскрницата, така е со Водњанска, така е со ХТКарпош. Зашто сега да биде поразлично.

Уживајте, нема ништо ни од овој проект да биде.

Шегава со тунели под Кале не е веќе смешна и интересна.
Ако има нешто што не му фали на Скопје тоа се уште коли и уште поголемо загадување. Доста со овие глупости,рекорди рушите ко град по загаденост тие улици прошируваат и ридови ќе дупат за да можат алкохолизирани џукели да си лечат комплекси. Стоп кажете,сите овие пари фрлани за излети и крпење улици ќе се почнеше со изградба на метро и немаше и шуто и рогато во кола да биде качено.