Админи може смена на ознаката од "во наjава" во "веке започната градба"

Галичката куќа ќе биде највисока во Македонско село Десет од куќите ќе имаат два ката, додека галичката и струшката куќа ќе се изградат на три нивоа. Во нив на приземје ќе бидат поставени елементи што ќе презентираат одредени занаети карактеристични за регионот. На вториот или на третиот кат ќе бидат сместени хотелски соби, кои исто така ќе содржат симболи од регионот што го претставуваат Посетителите ќе го почувствуваат животот на село, за што ќе бидат изградени трло, штала, рибник, воденица и валалница Странските туристи ќе можат да ги запознаат нашата традиција и нашата храна, но и да го доживеат вистинскиот амбиент на македонското село за една и пол година. Во тек е поставувањето на потпорните ѕидови за изградба на туристичкиот комплекс Македонско виртуелно село, кое ќе никне над селото Нерези, спроти манастирот „Свети Пантелејмон“. Комплексот што се гради на падините на Водно ќе претставува уникатно етнолошко, културолошко и туристичко претставување на Македонија. Во него ќе бидат застапени кичевска, тетовска, охридска, дебарска и уште осум други куќи од различни региони на земјава. Покрај куќите, ќе има и придружни објекти, како традиционален ан, меана, етномузеј, амфитеатар, а предвиден е и посебен стопански комплекс во кој, пак, ќе бидат изградени трло, штала, рибник, воденица и валалница. Целта е преку еден комплекс да се презентира животот низ селата во земјава, да се запознаат традициите и широката палета на занаети што биле или сé уште се застапени. Воедно во комплексот ќе има и административна зграда и пријавница, каде што ќе се пречекуваат гостите и туристите. Посебна занимливост е што секоја куќа ќе биде изградена со камења, кои се автентични на реонот што го претставуваат. Десет од куќите ќе имаат два ката, додека галичката и струшката куќа ќе се изградат на три нивоа. Во нив на приземје ќе бидат поставени елементи што ќе презентираат одредени занаети карактеристични за регионот. Така, на пример, во куќата што ќе го претставува прилепскиот регион ќе биде поставена машина за нижење тутун, во некоја од преостанатите ќе биде поставена ковачница за изработка на филигран, додека, пак, на вториот или на третиот кат ќе бидат сместени хотелски соби, кои исто така ќе содржат симболи од регионот што го претставуваат. Со ова на странските туристи, па и на домашните посетители ќе им биде овозможено да се запознаат со целокупниот живот низ селата, како и со богатата македонска традиција и различните занаети. Воедно посетителите и гостите ќе бидат послужувани со наши традиционални јадења, па покрај запознавањето со традицијата, ќе пробаат и автентична храна. - Сакаме сите вредности што ги има Република Македонија да ги презентираме на едно место, симболично, за сите оние што немаат време да ја шетаат целата земја, да се запознаат со нашата традиција тука - изјави министерот за економија Фатмир Бесими на поставувањето на камен-темелникот на оваа локација. Туристичкиот комплекс Македонско село е под покровителство на Министерството, но тоа ќе ги здружи и туристичките асоцијации, институции, кои се директно или индиректно поврзани со проектот и туристичкиот сектор. Туристичкото село треба целосно да биде готово за 16 месеци, а ќе зафаќа површина од два хектара. Слични градби досега има во Србија - Дрвен град, во Шпанија - Шпанско село, во Босна и Херцеговина - село Станишиќ. Надлежните очекуваат и овој проект, како и „Скопје 2014“, да стане главна туристичка атракција со која ќе се гордее главниот град.

http://novamakedonija.com.mk/NewsDetal.asp?vest=630111149211&id=14&prilog=0&setIzdanie=22318

Edited by ovaj_stariov - 30-Jun-2011 at 12:28

Не е лошо малку и на Дојран да се навратат како Скопје 2014 - и таков некој проект во Дојран. Дојран од шо бил убаф, го викале сите Мал Солун.

А уништен е тотално во 1916-1918 поради Македонскиот Фронт.

ФОТО ВЕСТ: Етно селото во Нерези готово до декември Поради изминатата остра зима, изградбата на објектите во „Македонско село“ во Нерези, наместо во октомври како што беше првично најавено, ќе биде готова до декември. Потоа ќе следи изработка и уредување на ентериерот, за што дополнително ќе се бара проектант. Комплексот се простира на површина од 15 илјади метри квадратни и содржи копии на традиционални куќи од велешко, прилепско, битилско, струшко, кратовско, делчевско, беровско, кумановско, тетовско, Река, Галичник и Скопска Црна гора. Изградбата започна во јуни минатата година.     Градилиште:                                              Мапа:     Пристап и околина:          # Објавено на 01.05.2012 во категорија Вести. Тагови: АК Инвест, Боград, Евро Консалтинг, Културни, Македонско село, Нерези, Скопје

http://www.build.mk/?p=14634

 

I hope to see houses from these regions, however they are not on the map:

Prespansko





Ohridsko:







Krushevsko:





Pelagonsko (selo Bukovo):

СЕ ФИНАЛИЗИРА ТУРИСТИЧКАТА АТРАКЦИЈА НАД МАНАСТИРОТ "СВЕТИ ПАНТЕЛЕЈМОН" НА ВОДНО


Македонија пред туристички бум, во 2013 ќе добие уникатно етно село


Со ова оригинално етно решение значително ќе се зајакне современата туристичка понуда не само на земјава, туку и на градот Скопје, а ќе се гордеат и идните генерации


Македонија во мај 2013 година ќе го пушти во употреба првото виртуелно село кое се гради на падините на Водно, спроти манастирот "Свети Пантелејмон", во близина на Горно Нерези. Со ова оригинално етно решение значително ќе се зајакне современата туристичка понуда, не само на земјава, туку и на градот Скопје, а ќе се гордеат и идните генерации, бидејќи на едно место во виртуелно село ќе има куќи со стара архитектура што ќе бидат атрактивни и за домашните и за странските туристи, но и за дипломатските претставници кои немаат време да ја разгледаат Македонија. Во комплексот посетителите ќе можат да ги согледаат нејзините вредности на едно место.

Од Министерството за економија потврдуваат дека во Буџетот за 2013 година се одвоени средства за финализација на овој комплекс.
- Конкретно во моментов се бара идејно решение за ентериерот на селото, така што реално најдоцна до крајот на првата половина од идната година комплексот ќе биде пуштен во употреба - велат од Економија и додаваат дека очекуваат тоа позитивно да влијае на економскиот раст на земјава, но и на девизниот прилив. Според нив, странските туристи сакаат нови атракции, особено спој на традицијата и модерното, а ова македонско село ќе биде најубавата туристичка атракција во земјата - жив музеј на отворено.

На површина од 15.000 квадратни метри во туристичкиот комплекс ќе бидат сместени 12 македонски автентични куќи од сите традиционални архитектонски стилови од различни региони, но ќе има и ковачница, ткајачница, грнчарница, дуќани во кои ќе се прават бочви, меана, бакалница, фурна, бунар, езерце и анови во кои ќе може да се преноќува. Финансиската конструкција на проектот е 3,5 милиони евра, а таа требаше да биде готова за 17 месеци, но доцнењето е поради ланската поларна зима кога не можеа да се реализира одредени градежни зафати, но и заради ребалансот на Буџетот.

Камен-темелникот беше поставен во јуни 2011 година кога премиерот на Владата, Никола Груевски виртуелното село го најави како еден од најубавите туристички локалитети во Македонија. Според него, проектот е уникатно етнолошко-културолошко претставување на нашата држава преку изградба на автентични куќи и објекти на едно место и во еден простор. Куќите ќе имаат стилски карактеристики од повеќе региони меѓу кои: Беровско, делчевскиот крај, кратовскиот крај, кумановскиот, скопскиот, струмичкиот, галичкиот, реканскиот, полошкиот, велешкиот, прилепскиот и битолскиот. Предвидено е да има и музеј каде што ќе биде изложен дел од етнолошкото наследство на Македонија, а ќе има простории и за одржување на прослави и симпозиуми.

Во комплексот ќе има и меана во стар стил, ан, ресторан, амфитеатар, воденица, чешма, валалница, трло, штала, рибник и други објекти во традиционален стил.
- Проектот ќе биде Македонија во мало, нашата култура и традиционалниот начин на живот, како и историјата на занаети од сите етнички групи - смета Ваљон Сараќини, министер за економија.
Низ просторот ќе се минува по калдрма, а посетителите ќе можат се запознаат со машини за нижење тутун, ковачница, ткајачница, грнчарница, изработка на филиграни, винска визба, дуќани за бочви што ќе бидат лоцирани на приземјето на објектите, а на останатите катови ќе бидат преноќиштата кои, иако во стар стил, ќе бидат изградени од модерни градежни материјали и ќе имаат термички и звучно изолирани.

Сите објекти ќе имаат приземје и апартмански дел на првиот кат, а единствено галичката, струшката и римејкот на куќата од селото Река ќе бидат на три ката.
Македонското село ќе биде оградено со ѕид од камења, а на влезот ќе има пријавница. Среде селото ќе тече чешма и каскаден поток.Туристите ќе можат да уживаат и во богатата и автентична храна.

Изведувач е тетовската фирма АК Инвест", а за надзорот е задолжен Евро Консалтинг". Проектот го изработи Боград" од Струга.
Во светот сличен проект на македонското село е шпанското село во Барселона, Дрвен град на Мокра Гора во Србија, село Станчиќ во БиХ и во Дубаи.

http://vecer.com.mk/default.asp?ItemID=A94C26B3C9B0814687BEDE2D53E377FB

Погледнете ја Македонија во мало на падините на Водно (ФОТОГАЛЕРИЈА)

Македонското виртуелно село е уникатен проект во кој не само што се гради по теркот на старите македонски градители, туку е замислено и така да живее - планирано е да работат и валалница, воденица и рибник.





Македонија во мало, распослана на повеќе од 4.000 квадратни метри, наскоро ќе заживее на само дваесетина минути од центарот на Скопје. Тоа е „Македонското виртуелно село" над манастирот Свети Пантелејмон на Водно, кое со изградените 15 автентични традиционални македонски куќи се очекува да стане туристичка атракција за странските и за домашните гости.

Мајсторски се направени, нема збор – сите куќи до една велешка, прилепска, струшка, галичка, беровска, тетовска, кумановска, кратовска, реканска, скопска (Скопска Црна Гора)... За тоа се заслужни работниците на тетовската градежна фирма „АК-Инвест-Тетово".

Добрата вест за градителите на македонското село на Водно денеска ни ја кажа нејзиниот директор Агрон Нухиу, кого го затекнавме на градилиштето. „Ак–Инвест–Тетово" од завчера е добитник на наградата „Голден", која се доделува за квалитет во областа на бизнисот и иновацијата (БИД) на манифестација во Женева. Оваа тетовска фирма за околу 15 месеци изгради 20 објекти во селото. И денеска работниците ги затекнавме во работа. За покривање на галичката и за струшката куќа се носеле плочи од Албанија, инаку претежно се користел камен од македонските каменоломи.

Директорот Нухиу вели дека до 1 јуни треба да завршат градежните работи во селото и откако ќе се опреми ќе може да ги отвори вратите за туристите.

На влезот од селото (наспроти манастирот Свети Пантелејмон) ќе има пријавница за гостите и продавница за сувенири.

Македонското виртуелно село е уникатен проект во кој не само што се гради по теркот на старите македонски градители, туку е замислено и така да живее. Во таканаречениот економски двор планирано е да работат и валалница, воденица и рибник. Водата од резервоарот над селото прво ќе се слева во рибникот, па во воденицата, а потоа и во валалницата. Приземјето на куќите ќе биде резервирано за занаетчиите. Како дел од комплексот се изградени музеј во кој ќе биде изложено етнолошкото наследство на Македонија, ан и голема меана.

Денеска на мартовското сонце ударнички се работеше, ама има уште за дотерување. Откако ќе завршат сите градежни работи, ќе почне внатрешното уредување и опремување со мебелот. Изградбата чини 4,5 милиони евра, башка се опремувањето и внатрешното дотерување.

Кој и како ќе го стопанисува Македонското село на Водно сè уште нема конечна одлука. Извесно е дека меаната, занаетчиските работилници, собите за туристите ќе се издаваат под закуп, но не се знае по кои услови и по кои цени.

http://www.mkd.mk/makedonija/ekonomija/poglednete-ja-makedonija-vo-malo-na-padinite-na-vodno-0#17

Edited by kultuzin - 21-Apr-2013 at 11:08

Originally posted by Denko Ke zivee li nekoj vo ovie kuki?

Да. Ќе има луѓе во народни носии кои ќе бидат таму нон стоп, а посетителите ќе смеат да им фрлаат смоки.

сум посетил вакво слично село во Германија и по кажување на домаќините селото како туристичка атракција било второ најпосетено во цела земја.Не беше ништо нарочито,слично како селата во македонија од постара градба.Покажани беа кокошарници,се чудеа дека на приземјето порано ги чувале животните(кај нас е сеуште така),како приготвувале храна дирекно на огнот среде соба!!!!! и слично

Мислам дека ќе има можност за сместување, но дали ќе има сали за семинари тоа незнам.До први јули беше најавено дека ќе се заврши со градежните работи додека ентериерното уредување ќе лапне уште една година.се на се бо требало некаде Мај или Јуни 2014 да биде готово (овде на билд вести има побегне текст). Околу стопанисувањето мислам дека досега немало конкретни информации, но не сум сигурен.