Автопат Кичево - Охрид

Originally posted by Realistic88 Срамота е ова што се случува на сите овие започнати проекти низ нашава ни мила државичка. Политичарчинава ситни се заинтересирани само за крадење. Сакаме резултати.

Rezultati ima ama losi! Pisuvav na ovaa tema. Bez krivicna odgovornost ova ke tera vaka vo nedogled. Napravena e milionska steta a vinovni nema... i kakvi rezultati ocekuvas ti!?

Krajot na avtopatot ne se gleda

Автопатот Кичево-Охрид до никаде – помина август, а ниту делот кај Требеништа не е пуштен во употреба



https://mk.tv21.tv/avtopatot-kichevo-ohrid-do-nikade-pomina-avgust-a-nitu-delot-kaj-trebenishta-ne-e-pushten-vo-upotreba/

Изјавата на ЈПДП (слично како за Блаце-Скопје) очај и неспособност. Вели 75% е завршена трасата, остануваат уште 2км за асфалтирање. Или тие 75% во превод се само 6км. Па ова од маало од Подмоље и од Требениште да се соберат луѓето побрзо ќе го изасфалтираат. Ама класика 30 години, побитно е дебелогазците да се возат во ауди и пасат и да јадат мадиња од бик во ресторан отколку да засукаат ракави и да направат нешто. Тотален чемер и јад е оваа земја.

Нов рок за завршување на автопатот Кичево – Охрид? – Реџепи: Рокот е до 2023

Неофицијални информации на ТВ21 говорат дека компанијата Синохидро која го гради автопатот Кичево-Охрид бара продолжување на рокот за изградба до 2026.

За да ги потврдиме овие информации се обративме до заменик министерот за транспорт и врски, Беким Реџепи, но не кажа дали оваа компанија испратила такво барање до министерството но рече дека рокот за завршување на автопатот е до 2023.

Ги отфрлате тврдењата дека ќе се продолжи рокот?

Беким Реџепи: Во договорот пишува дека до 2023 треба да заврши проектот.

Во емисијата Клик Плус градоначалникот на Кичево, Фатмир Дехари зборуваше за одговорноста на Ејуп Рустеми и Благој Бочварски за доцнењето на изградбата на автопатот. Рече дека тоа им штети на бизнисите и ги загрозува граѓаните во сообраќајот.

„Се претера со доцнењето, јас Фатмир Дехари се обратив до една од институциите, Агенцијата за патишта. г. Ахмети назначи директор на Агенцијата за патишта, Ејуп Рустеми кој директно е одговорен заедно со министерот за транспорт“, вели Фатмир Дехари.

https://mk.tv21.tv/nov-rok-za-zavrshuvane-na-avtopatot-kichevo-ohrid-redhepi-rokot-e-do-2023/

Косините тапа...

АВТОПАТОТ КИЧЕВО – ОХРИД ЌЕ „ЛАПА“ УШТЕ ПАРИ, ново задолжување за експропријација на земјиште

Јавното претпријатие за државни патишта во следниот период ќе се задолжи со над 4 милиони денари. Средствата како што дознава „Фактор“ ќе се користат за експропријација на земјиште за изградба на автопатот кон Охрид. За оваа цел, тие добија банкарска гаранција од Владата, со што се создаваат можности ова јавно претпријатие да ја оствари зацртаната цел, односно преку процес на експропријација да создаде услови за комплетирење на автопатот.

Владата на 1 декември донесе одлука со која се дава согласност „за задолжување заради издавање на банкарска гаранција за потребите на постапката за експропријација за изградба на Автопат А2, делница Кичево-Охрид донесена од Управниот одбор на Јавното претпријатие за државни патишта на седницата одржана на 28.11.2022 година“.

Од ЈП Државни патишта за „Фактор“ велат дека банкарската гаранција ќе биде издадена на вредност од 4.138.922 денари, или околу 67 илјади евра.

- Банкарската гаранција се издава исклучиво за експропријацијата. Јавното претпријатие согласно Годишната програма за изградба, реконструкција, рехабилитација, одржување и заштита на државните патишта за 2022 година за експропријација има обезбедено парични средства во висина од 200.000.000 денари – појаснуваат од ЈП за државни патишта.

Од таму додаваат дека за експропријацијата за изградба на Автопат А2, делница Кичево-Охрид, за неколку постапки за експропријација за кои имаше донесено Решенија за експропријација, од страна на Управен суд на РСМ истите се поништени поради недоставена Банкарска гаранција согласно со Член 26 од Законот за експропријација.

- И покрај обезбедените средства ЈП за овие постапки треба да достави Банкарска гаранција за да се заврши постапката за експропријација за решенијата кои се поништени од страна на Управен суд. Банката издава банкарска гаранција која претставуваат вонбилансно задолжување на Јавното претпријатие и истата преставува кредитен производ по дефиниција. Самата гаранција гарантира “исплата на износот на обврската до наведениот износ во гаранцијата” доколку Барателот на гаранцијата не ги исполни превземените обврски - објаснуваат од ЈП Државни патишта.

Од претпријатието додаваат дека во случај на активирање на гаранцијата поради неисполнување на преземените обврски, Банката го плаќа гарантираниот износ на Корисникот и за истиот го задолжува Барателот на гаранцијата во вид на кредитно задолжување кое е веднаш достасано парично побарување.

Поради тоа, потребна е Одлука за задолжување по основ на Гаранција која во моментот на издавање и за целовреметраење не претставува билансно задолжување, но може да стане доколку се активира од Корисникот – прецизираат од ЈП Државни патишта.

Очекувањата се дека деловната банка ќе ја издаде банкарската гаранција за неколку работни дена, откако ќе завршат сите процедури, а според вработените во јавното претпријатие со издадена банкарска гаранција ќе се овозможи побрзо да се завршат постапките за експропријација каде се поништени решенијата од страна на Управниот суд.

Автопатот Кичево Охрид, долг 57 километри, според првичните проценцки требаше да чини 374 милиони евра, но цената по многубројните дополнителни анекси достигна речиси 600 милиони евра.

Оваа делница, согласно последните најави на државните институции треба да биде компалетирана следната година, владини претпставници дури најавуваат пенали доколку рокот повторно се пробие.

https://faktor.mk/avtopatot-kichevo--ohrid-kje-lapa-ushte-pari-novo-zadolzuvanje-za-eksproprijacija-na-zemjishte

Па како ќе истераат, кога пола и повеќе им се вработени таму со партиска книшка и купени дипломи.

Originally posted by stef4o „Последната идеја што ја изнесовме и потпишавме меморандум пред Нова година со премиерот Рама и вицепремиерката Белинда Балуку во Албанија, е да го преместиме граничниот премин, односно границата веќе да не биде на Ќафасан поради висината, туку да се спуштиме подолу во селото Радолишта, поврзувајќи го со селото Кукеш во Албанија, со што патот би се скратил од 15 до 20км“, додаде АртанГруби.

 

БОЧВАРСКИ ПОВТОРИ ДЕКА АВТОПАТОТ КИЧЕВО – ОХРИД ЌЕ БИДЕ ГОТОВ ДО КРАЈОТ НА ГОДИНАВА, РЕШЕН И ПРОБЛЕМОТ СО ЕКСПРОПРИЈАЦИЈА НА ЗЕМЈИШТЕТО

Автопатот Кичево-Охрид ќе биде готов до крајот на 2023, објави министерот за транспорт и врски Благој Бочварски, но не кажа дали ќе бидат потребни дополнителни средства. Рече дека активностите на терен ќе се засилуваат, а ќе расте и бројот на работници.

„Очекувам градежните работи да продолжат со засилено темпо оваа година, секако во зависност од временските услови, за да може автопатот да се пушта во сообраќај по делници, како ќе се завршуваат. Таму работат повеќе градежни оперативи. Бројката на работници во последниот извештај беше преку 900 и очекувам таа да се зголемува со цел да се испочитува рокот“, рече Бочварски во Охрид.

Тој кажа дека во последните месеци се решил и проблемот со експропријација на земјиштето.

„На последната владина седница беше точката за воведување во владение на Јавното претпријатие за државни патишта на одредени површини и парцели, каде што градежната оператива ќе може веднаш да влезе и да продолжи со работа. Согласно Законот за експропријација, можеме на одредени парцели после изготвување решение од страна на Агенцијата за имотно-правни односи да ја воведеме оперативата во владение и да ја забрзаме градбата на тие позиции“, кажа министерот.

Автопатот Кичево-Охрид, во должина од 57 километри, почна да се гради во 2014 и до овој момент чини 598 милиони евра. Според тогашните најави, автопатот требаше да биде готов за четири години, но поради низа нерешени проблеми на трасата, градежните работи и натаму не се завршени.

https://sdk.mk/index.php/dopisna-mrezha/reshen-problemot-so-eksproprijatsija-na-zemjishteto-avtopatot-kichevo-ohrid-ke-se-zavrshi-do-krajot-na-godinata/