Гранични премини и царински терминали

Гевгелија сака нов премин кон Грција.
За овој премин е изграден и „Мостот на Македонско-грчко Пријателство“ (линк)

Грците од своја страна си ја завршиле работата:





Значи од Вардарски Рид (Гевгелија) се гледа дека се е завршено.
Преостанува само 1км пат (ако има и толку) од мостот до грчката граница и се разбира поставување на сите тие пропратни објекти.

Сега ни престанува да видиме колку време ќе фати ова.

Па не е баш готово од грчка страна. Возот поминува веднаш до тој пат и се гледа. Ама да мрдне кај нас, ќе биде завршено за брзо.

Нови објекти за ветеринарна и фитосанитарна контрола на Табановце

Трите нови објекти за ветeринарна и фитосанитарна контрола на Граничниот премин Табановце, што се градеа во последниве 13 месеци, денеска ќе бидат пуштени во употреба. Изградбата на овие објекти ја финансираше Европската унија со 1,3 милиони евра. “Објектите за ветаринарна и фитосанитарна контрола ќе овозможат максимални проверки при увозот што подразбира ефикасна заштита на здравјето на населението, животните и растенијата.

Инспекторите непречено ќе ја извршуваат секојдневната работа согласно ЕУ стандардите“, информираат од Канцеларијата на ЕУ во Скопје.На пуштањето во употреба ќе присуствуваат ЕУ амбасадорот Питер Соренсен, вицепремиерот и министер за финансии, Зоран Ставрески, министерот за земјоделство шумарство и водостопанство, Љупчо Димовски и директорот на Агенцијата за храна и ветерина на Република Македонија Дејан Рунтевски.Освен пари за новите контролни објекти на Табановце, ЕУ обезбеди и три милиони евра техничка помош за Агенцијата за храна и ветерина, како и дополнителни 5,1 милион евра финансиска поддршка преку ИПА Програмата во следните две години

http://www.kapital.com.mk/mk/makedonija/65131/novi_objekti_za_veterinarna_i_fitosanitarna_kontrola_na_tabanovce.aspx

Пуштен во употреба нов граничен премин меѓу Македонија и Србија

Крива Паланка, 6 мај 2011 (МИА) - Министрите за внатрешни работи на Република Македонија и на Република Србија, Гордана Јанкулоска и Ивица Дачиќ, денеска го пуштија во употреба новиот граничен премин Голема Црцорија - Голеш наменет за локален граничен сообраќај, пред се за населението кое живее во непосредна близина на границата меѓу двете земји.

Патната инфраструктурна мрежа од двете страни се уште не е средена, но двајцата министри најавија дека во иднина ќе се работи на решавање на тој проблем, како и на реализирање нови проекти од ваков вид. Преминот ќе се користи само шест месеци во годината, односно од пролет до есен.

- Во нашата комуникација, која е доста честа, го одредивме отворањето на овој граничен премин како приоритет на кој треба да работиме и денеска ми е задоволство што свечено го отвораме, што ќе значи зближување на луѓето од двете страни на границата. Ваквиот начин на работа потврдува дека интересот на граѓаните за нас е најголем приоритет, поттик нивните потреби да станат дел од нашите програми за работа и од проектите кои ги реализираме, изјави Јанкулоска.

Таа потенцираше дека со српскиот колега има извонредна соработка и при одржување на честите средби се договара некоја нова иницијатива во интерес на граѓаните од двете држави.

Двајцата министри потврдија дека преговорите за финализирање на договорот меѓу двете земји кој се однесува на преминување на државната граница само со лична карта е во завршна фаза. Завршувањето на проектот ќе доведе до непосредна директна комуникација меѓу граѓаните на двете земји и отворање нови можности за соработка. Јанкулоска верува дека новиот состав на Собранието на самиот почеток ќе го ратификува овој договор.

- Задоволство ми е што денеска го отвораме граничниот премин кој пред се ќе им користи на граѓаните кои живеат од едната и од другата страна. Долги години овде не постоеше граница. Отворањето на некој начин е најдобар показател дека двете држави и двете министерства работат во интерес на обичните луѓе и пред отворањето на новиот премин беше потребно да се поминат многу километри за да се дојде до другата страна на државната граница. Дај Боже ова да биде граница на спојување, а не на раздвојување на двата пријателски народи, изјави Дачиќ.

Тој додаде дека во план е да се отворат уште неколку вакви премини, а се работи на уште неколку проекти кои се однесуваат на слободното движење на луѓето, изразувајќи жалење што предолго се чекало на отворање на овој премин.

Двајцата министри ја искористија можноста да апелираат за намалување на злоупотребата на визната либерализација и барањата за азил кон западноевропските земји, при што ја злоупотребуваат либерализацијата на визниот режим. Потенцираа дека во иднина ќе спроведуваат контрола и мерки за намалување на злоупотребите на визната либерализација. лѓ/паг/12:58

http://www.mia.com.mk/default.aspx?vId=83472091&lId=1&pmId=501

Едно офф-топик прашање. Пред самоиницијативно да се прогласи Косово за држава, на границата стоеја строго луѓе од КФОР (или некои слични, не памтам) и само они го регулираа протокот на возила и пешаци. Ме интересира сеа дали целосното регулирање самостојно го вршат органите на таа држава и дали стои само нивното знаме, или сепак имаат помош од евро-атланските безбедносни сили и притоа се користат и знамињата на одредени меѓународни организации.

Македонија може најмногу да искористи од косовското ембарго

среда, 27 јули 2011, 16:39

Откако ја затворија границата за Србија, Косовските власти отвораат нова за Македонија. Ќе се гради уште еден граничен премин помеѓу Белановце и Станчиќ. Двете страни очекуваат дека со тоа ќе се зголеми трговската размена и Македонија максимално ќе ја искористи шансата од ембарготио за српските производи.

-Мислам дека од мерката на реципроцитет, најголема придобивка од земјите од регионот, ќе има Македонија, со оглед на тоа што вашата земја е еден од поголемите трговски соработници. Во оваа лоша состојба Македонија има шанса да ги промовира своите квалитетни производи кои не биле на косовскиот пазар, вели претставникот на Министерството за евроинтеграции на Косово, Едон Чана.

Инвестициите во инфраструктурата треба да го забрзаат протокот на стока и да го олеснат влезот на македонските извозници на Косовскиот пазар.

-Овој проект ќе има големо економско значење за меѓусебното поврзување на двете држави. Моментално не постои таков граничен премин Белановце – Станчиќ, со отворање на истиот дополнително ќе се зголеми можноста за транспортна поврзаност меѓу двете земји, што ќе значи зголемување на можностите за трговска соработка, вели државниот секретар на Секретаријатот за европски прашања, Јован Андоновски.

Можност за зголемен обем на работа и бенефит од косовското ембарго кон србија гледаат и бизнисмените и транспортерите. Поголем профит очекуваат и транспортерите. Бизнис заедницата повика да нема злоупотреби.

http://vesti.alfa.mk/default.aspx?mId=37&eventId=39357

ЧМААТ НЕИСКОРИСТЕНИ ОБЈЕКТИ НА ГРАНИЦАТА КОН БУГАРИЈА

Новите премини остареа неотворени

Милионски суми евра во последните две децении Македонија потроши за изградба на инфраструктура и за пробивање, тампонирање или асфалтирање на патишта во должина од околу 40 километри до трите нови гранични премини договарани со Бугарија на териториите на Малеш и на Пијанец. Од бугарска страна, пак, досега не е направено речиси ништо, а и нема најави дека наскоро нешто ќе се промени, поради што и инвестираното од македонска страна пропаѓа од забот на времето, а вложените пари може да отидат целосно во бунар.



Се уништува инфраструктурата

Во план беа три нови гранични премини - Црна Скала кај Делчево, Ајдучки Кладенец кај Пехчево и Клепало кај Берово. На подрачјето на Пијанец и на Малеш сега функционира само граничниот премин Делчево - Станке Лисичково, еден од вкупно трите, покрај тие кај Крива Паланка и струмичко Ново Село, што Македонија ги има со Бугарија. Изграден е пред околу четири децении и ги поврзува Делчево со Благоевград.

Одамна требаше да биде пуштен и граничниот премин Црна Скала или Делчево - Невестино. Во 2002 година од македонска страна беа потрошени 1,7 милион евра од продажбата на телекомот за пробивање и тампонирање на десетте километри пат од Делчево до Црна Скала. Се проценуваше дека за завршување и асфалтирање на патот беа потребни уште толку пари. Но, бидејќи со проектот не се почна и од другата страна, работите беа запрени и од наша, па сега незавршената инфраструктура пропаѓа.

- Со новиот премин ќе се скратеше патот до Ќустендил и до Софија за 40 километри, во однос на делницата што сега се минува преку Благоевград. Голем интерес за отворање на преминот има и од соседните бугарски општини, но испаѓа дека влијание имаат само државните структури - вели градоначалникот на Делчево, Горан Малешевски.

Слична е состојбата и со преминот Ајдучки Кладенец кај Пехчево. Во 2001 година Владата на Македонија издвоила средства во висина од еден милион тогашни германски марки за земјени работи и за пробивање на патот од Пехчево до преминот. Работите биле завршени за една година. Но, тука се застанало, бидејќи, во соседната држава за реализација на проектот не било мрднато ни со малиот прст. Сега од направеното пред една деценија не остана речиси ништо.

- Имаме и изведбен проект, а за отворање на преминот се заинтересирани дури 12 бугарски општини, од кои со три - Кресна, Симитли и Јакоруда, сме збратимени. Сега, за да стигнеме до нив, преку Делчево поминуваме трипати подолг пат. Тоа му прави проблеми и на бизнисот, но и на луѓето, бидејќи од двете страни на Малешевските Планини, односно на границите, многумина имаат роднини - истакнуваат во Пехчево.



За Клепало најмногу пари

Од трите неотворени гранични премини, Македонија најмногу пари има вложено во Клепало кај Берово. Уште пред 18 години беше изграден современ пограничен објект на Клепало, кој требаше да го користат и нашите и бугарските гранични служби. Според договорот, Бугарите таков објект за двете гранични служби требало да изградат на некој од другите два планирани гранични премина. Неколку години по завршувањето на пограничната зграда беше завршен и асфалтиран и патот од Берово до Клепало, во должина од 17 километри. Но, и покрај тоа што имале одобрено и европски пари, Бугарија не почна со асфалтирање на патот од Струмјани до Клепало, а, за разлика од порано, сега нема ни ветувања кога ќе почнат.

Жителите на македонските општини не можат да сфатат зошто се прават опструкции и истакнуваат дека не сакаат да веруваат оти тоа Бугарија би можела да го прави за да спречи поблиски и почести контакти на населението од двете страни на границата. Нагласуваат и дека не може да држи ни евентуално оправдување оти по влезот и на Македонија во ЕУ граничните премини нема да ја имаат таа функција, зашто и да нема гранични премини и служби, за проток на луѓе и на стока мора да има патишта.

http://www.dnevnik.com.mk/?ItemID=5BB03AC03A401A4DBC72DE34DAD7D845

Originally posted by lslcrew Па пракса во последно време е да се користат заеднички објекти за мали премини, така да еве кога ги имаме веќе може да се предложи до Бугарија да ги користиме готовите премини од Македонска страна.

Тие премини не соодејствуваат на условите кои Бугарија мора да ги исполни за да влезе во Шенген зоната. Незаинтересираноста на Бугарија за отварање на овие премини се должи на високите трошоци за оперирање на истите според правилата за надворешни граници на ЕУ. Овде не се работи за просто заедничко користиње на граничен објект. Бугарија во близина на премините ќе мора:
- да изгради центар за прием на азиланти,
- да ја милитаризирана граничната линија,
- да вработи дополнителен број на гранични полицајци,
- да изгради кули за надгледување,
- да изгради координативен центар за гранично управување,
- да купи современа воена технологија (на пр. хелихоптери) итн.

Имајќи в предвид дека сето тоа чини многу пари - а Бугарија во овој сегмент потроши огромни стредства - нивната влада одлучила да не отвара нови премини се додека не го потпише Шенген договорот. Дали по зачленувањето ќе се размислува за ова прашање засега не е познато.

Originally posted by lslcrew Па пракса во последно време е да се користат заеднички објекти за мали премини, така да еве кога ги имаме веќе може да се предложи до Бугарија да ги користиме готовите премини од Македонска страна.

Бугариja нема право да користи готовиот премин от македонска страна,кога тази граница ке е надворешна за ЕУ,а во иднина и за Шенген зоната.

Четири гранични премини 20 години го чекаат првиот патник

Дејан Азески

Два големи гранични и неколку помали локални премини во Македонија со децении го чекаат својот прв патник. Клепало, Беровско, Маркова Нога, Преспанско, бродската линија Охрид - Подградец се само дел од планираната инфраструктура, која и тоа како може да им го олесни животот и да им реши многу проблеми на мештаните, но и на инвеститорите.

“Капитал“ го посети Клепало - несудениот граничен премин кон соседна Бугарија, чија изградба датира од почетокот на нашата државност. Отогаш се покренати многу иницијативи со цел да се изврши конечен притисок кон бугарската страна, која главно се наведува како пречка, но досега ништо од ова не вродило со плод.

Зошто овој премин сè уште не видел “бел ден“ никој официјално не кажува. Но, затоа, шпекулациите се бројни. Низ беровската чаршија неофицијално се кометира дека причината лежи во етничката структура на соседните општини Струмјани и Сандански. Иако тоа не е докажано на попис, се верува дека таму доминира македонското етничко население кое преку Клепало би добило морална поддршка од Македонија за посмело настапување кон реализацијата на своите уставни права.

“Јасно е дека спасот треба да се бара во Софија и натаму ќе бидат насочени нашите наредни активности“, ни изјавува Владо Србиновски од невладината организација Балканија која се занимава со алтернативен туризам.

“Ние минатата година имавме подготвено и пешачки маратон од Берово до општина Струмјани и градот Сандански за да се потенцира кратката оддалеченост меѓу овие две места, но работата беше повторно спречена токму од бугарската влада, со изговор дека таму каде што нема официјален граничен премин не може да има ни организирано поминување на границата“, додава тој алудирајќи на политичките причини.

Директорката на хотелскиот комплекс Манастир од Берово, Дина Муцунска, вели дека проценките се оти со отворањето на овој премин неколкукратно би се зголемил бројот на туристите како од Бугарија така и од Грција.

“Берово со пробивањето на Клепало од периферна област би станало тромеѓе за туристи од Бугарија, Грција и Македонија, бидејќи до Штип има само 50 км колку што има и до граничниот премин “Кулата“ (Грчко-Бугарски), а и Софија не е на преголема оддалеченост“.

Подградец и Охрид - пет несовладливи километри

Прашањето за бродско поврзување на Охрид и Подградец како два крајбрежни града е отворено уште во раните деведесетти. Според охриѓаните, ова би претставувало интересна тура за посетителите, бидејќи Подградец уште од минатото е познат како трговски град, а и прочуени се нивните ресторани каде што може да се најде евтина пастрмка, чиј лов кај нас е забранет поради заштита на истата. Бродската линија досега неколку пати се најавуваше дека е во финална фаза, но де факто сè уште не е мрдната од место. Како главни причини се наведуваат немањето соодветно пристаниште во Подградец каде што езерото е и премногу плитко во летните и есенските месеци за да може да пристане некој поголем брод, недоизградениот терминал за пасошка контрола и прашањето за исплатливоста особено во зимските месеци.

Капетан Јован Костовски од охридскиот брод Галеб за “Капитал“ вели дека бродарите се подготвени за почеток на линијата:

“Имаме извадено дозволи за пловидба по целокупната површина на Охридското Езеро и регистрирани сме за таква дејност. На пристаништето во Подградец му фали уште 25 метри долг мост за да можат да пристапат и поголемите бродови во текот на целата година. Охридските бродари се заинтересирани за бродски линк со Подградец, но само по принципот на слободен превоз, бидејќи редовната линија во текот на целата година доколку не биде субвенционирана од владите би донела лоши резултати особено во текот на зимските месеци“, вели тој.

Костоски додава дека ниту еден од поголемите охридски бродови не може да плови со помалку од 30 патници, бидејќи на тој начин уште во старт би рабoтел нерентабилно.

Од Министерството за транспорт и врски информираат дека меѓу Албанија и Македонија е потпишан протокол за регулирање на водниот сообраќај со кој се предвидени два гранични премина кај Тушемишта, Преспанско, и Св. Наум, Охридско, со тоа што вториов е во завршна фаза.

“Според истражувањата на Капетанијата на пристаништа – Охрид, кај туристичките оператори и туристите во Македонија постои заинтересираност за патување во Подградец. Таму постои едно пристаниште кое, според информациите од експертската работна група, е безбедно за застанување на пловни објекти“, се вели во соопштението од Министерството.

Маркова Нога најблизок, а неискористен линк на Западна Македонија со Лерин

Враќањето на летните туристи во Претор и јакнењето на селскиот туризам во село Брајчино во последниве години повторно го актуализира отворањето на граничен премин со соседна Грција кај Маркова Нога на источниот брег на Преспанското езеро. Ова поврзување со нашиот јужен сосед би имало огромно значење како од гледна точка на туризмот така и од практични причини, бидејќи би се скратил патот до Костур и Лерин, а со тоа и кон остатокот на Грција за сите жители од Западна Македонија кои нема да се принудени да ги поминуваат Ѓавато и цела Битола за да стигнат до граничниот премин Меџитлија.

“Овој премин беше отворен до средината на шеесетите години и јас не можам ни да избројам колку пати имам одено од тука за Лерин, Костур и Воден“, вели Милка Поп Јаневска, сопственик на приватен сместувачки и капацитет за еко и селски туризам во пограничното село Брајчино.

“Сега работата е многу потешка ние вложуваме и се трудиме да донесеме гости, но и самите Грци кои често доаѓаат кај нас се чудат зошто мораат да вртат дури преку Битола“, додава таа.

Ѓорги Ѓорѓиевски, сопственик на угостителски објект во туристичката населба Претор, очекува огромни придобивки од отворањето на преминот.

“Доколку се пушти во употреба Маркова Нога заедно со Преминот кај Пустец од другата страна на езерото и грчко-албанскиот пограничен премин Преспа ќе стане еден вид кружен тек за туристи од поширокиот регион“, додава Ѓорѓиевски.

Со асфалтирањето на патот од “Макази“ значително се подобри потенцијалот на Преспа, но проблемот е што не сме доволно моќни да го истуркаме и отворањето на Маркова Нога што ќе го препороди овој регион, завршува Ѓоргиевски.

И Гевгелија сака нов граничен премин

Иницијативата на општина Гевгелија во соработка со Министерството за надворешни работи за отворање патнички премин веднаш до железничкиот, кој се наоѓа на околу 4 км западно од постоечкиот премин Богородица, е започната уште пред две години и е на добар пат да се реализира, што би ги доближило граѓаните на Гевгелија на помалку од километар до соседна Грција и би се избегнал метежот кој се создава на Богородица.

Иван Франгов, градоначалник на Гевгелија, смета дека сега на потег е грчката страна.

“Ние ги завршивме сите формалности како општина и држава сега само го чекаме одговорот од другата страна“, додава Франгов.

Преминот би се користел единствено за патнички возила додека тешките товарни возила кои одат кон Солунското пристаниште и Мала Азија би продолжиле да го користат постоечкиот премин Богородица.

http://www.kapital.com.mk/mk/dneven_vesnik.aspx/75296/chetiri_granichni_premini_20_godini_go_chekaat_prviot_patnik.aspx?iId=2421