Пошта 1

Originally posted by maks и Zabegan, те молам немој да рецитираш песнички од дедо ти и баба ти за тоа,,што не учи државата, што е вредно а што не!,, Никому не му се допаѓа поштата, ниту кога се градела ниту сега. Дека е наградувана, искоментирав погоре, а дека и се восхитувале, треба да го прашаш обичниот граѓанин-надбљудувач за кого е наменета. Предимензиониран простор, без никаква суштинска содржина. По мое мислење - изграден по директива, оти ете и нашава република требала да има нешто репрезентативно. Та режимскиот архитект, создава кубистичка апстракција со која шаката академици и црвена буржоазија ќе можат да се пофалат во Белград . За жал и тие имале/имаат воздишки многу повеќе за ,,Београдско позориште,, и Фонтаните во Рим. Конечно, треба да се запрашате, откого ли овие новокомпонирани режимски архитекти(значи системот не изумрел) ја учеле филозофијата за градење објекти на ваков начин ?

 
И на мене ми се допаѓа зградата на Македонска Пошта во Центар - Пошта 1.
 
Со обновување на цветот кој изгоре на покривот на објектот и со едно добро варосување, верувам дека објектот ќе биде прекрасен.
 
А кога сме кај едноумието, очигледно треба да си ја избистриш главата со еден факт - ова што се случува денес во Скопје од урбанистички гледна точка е одличен пример за едноумие.
 
Од една страна ги имаш владата и градските власти како уништуваат паркови и објекти, наспроти граѓаните кои протестираат против истото тоа уништување, а за нивната одлучност во одбраната на урбанистичкиот изглед на пост-земјотресно Скопје, завршуваат наградени со апсења спроведени не од регуларна полиција, туку од над 200 специјалци и тоа ноќе, како анти-терористичка акција, а не задушување на протест против уништување на оние малку траги од природата кои останаа во централното градско подрачје.
 
Ако ова не ти е пример за едноумие, тогаш не знам што е.


Edited by Dexter26 - 27-Dec-2014 at 17:16

Главната пошта во Скопје влегува во агендата за реконструкција

Враќањето на препознатливиот архитектонски изглед на зданието „Пошта – 1“ конечно се најде во работната агенда на Македонски пошти. Компанијата денеска го распиша огласот за пронаоѓање изведувач што ќе ги промени светлосните куполи над шалтер – салата во објектот што го краси центарот на Скопје. Најавениот реконструктивен зафат доаѓа откако целосно беа санирани канцелариските простории на дирекцијата на Македонски пошти. Како дополнителна обврска, допрва треба да се изврши санација на шалтерската сала. Еден од најрепрезентативните ентериерни простории во главниот град во иднина ќе биде вклучен во владиниот проект за едношалтерски систем, во кој граѓаните ќе можат да завршат дел од административните обврски.



Идејниот проект за обнова и ентериерно уредување на шалтерската сала во главната пошта засега не е даден на увид на македонската јавност. Она што досега се знае е дека уништениот мурал на уметникот Борко Лазески нема да биде обновен. Кога станува збор за изведбата на светлосните куполи на објектот, Македонски пошти во зафатот планира да инвестира 5 милиони денари, без вклучен ДДВ. Рокот за реконструкција на овој дел од објектот „Пошта – 1“ треба да се комплетира во рок од 12 месеци, додека градежните компании треба да ги достават своите понуди за учество на тендерот до 31 март.

Шалтер – салата, некогашните куполи и дел од канцеларискиот простор на главната пошта настрадаа во катастрофалниот пожар во јануари 2013 година. Огнените јазици проголтаа дел од архитектонскиот труд на авторот Јанко Константинов, за чија бравурозност и визионерска идеја тој ја доби државната награда „11 Октомври“ во 1975 година.

http://www.build.mk/?p=43544

Originally posted by gjoko Имам понуда да правам сушервештачење за овој случај,ама иако ми е предметот тука ,се двоумам веќе 2 недели дали да прифатам. Треба да се влези меѓу чеканот и наковалната,а тоа знае да боли

Не знам што да кажам, освен дека електричната струја не беше исклучена додека објектот почна да гори, а алармот за пожар не работеше. Тоа е сигурно бидејќи јас со уште стотици други луѓе живеат спроти Пошта 1 и го видоа ова.

Втор тендер за реконструкција на главната пошта во Скопје

По првиот неуспешен обид за пронаоѓање на изведувач, АД „Македонски пошти“ денеска го објави вториот по ред тендер за изведба на новите светлосни куполи над шалтер салата на објектот „Пошта-1“ во центарот на Скопје. Изведувачот треба да го оформи некогашниот препознатлив изглед на главната пошта, кој беше уништен по пожарот во јануари 2013 година. Проценките говорат дека за изведба на куполите ќе се потрошат финансиски средства од 5 милиони денари, без вклучен ДДВ. Изведбените активности што ќе го вратат сјајот на зданието „Пошта-1“ треба да се комплетираат во рок од 12 месеци.



Реконструктивниот зафат следува по целосното санирање на канцеларискиот простор во објектот. Во иднина, репрезентативната шалтерска сала е предвидено да се вклучи во владиниот проект за едношалтерски систем, во која граѓаните ќе можат да завршат дел од нивните обврски кон државата. Објектот „Пошта-1“ е архитектонска творба на авторот Јанко Константинов, за која ја има добиено државната награда „11 Октомври“ во 1975 година.

http://www.build.mk/?p=44810

Кое црно бравурозно дело бе

Originally posted by гитардемон Ајде оди на Цеца и на Шабан Шаулиќ малку степај се со некој, таман да се ослободиш од бесот.

Не ги слушам наведените,нит ме занимаат.Ај објасни ако сакаш што има БРАВУРОЗНО во тој објект?

бравура   

мн. бравури
Вид збор: Именка, женски род
Големо вештина во изведба на уметничко дело.
Англиски: bravura Француски: bravoure Албански: bravurë
Употреба: Уметност
Слично со: вешт (прид.) , мајсторски (прид.)
Изведенки
бравурозен прид.
бравурозниот
Пример: бравурозен пијанист

Овој објект има изворна скопска идеја. Константинов црпи инспирација за објектот од кулите на Скопското кале, кои во финалната реализирана верзија треба да го спојат стариот лев дел на Скопје со новоизградениот десен дел на градот.

Има многу страници од архитектонски учебници напишани за овој објект.

Да ставеле адетив за бела боја на бетонот, 100 % сите ќе ги сакаа

Бравурозна е идејата на авторот за да се спои историското со модерното Скопје, едни до други, од двете страни на реката Вардар. Притоа, идејата на авторот да лежи на мотивираност да се преслика едно историско здание во сегашноста. Истовремено, тоа здание да ја поттикнува имагинацијата на секој поединец од реализираните форми на објектот, замислата дека човекот во неговата внатрешност се наоѓа во некој вонземски брод на некое далечно патување надвор од планетата. Поштата е бравурозна, од причина што е едно уметничко дело изведено во реалноста на Скопје. Плени со својата невообичаеност, апстрактност, прогресивност. До денешен ден е мета на фотографирање и разгледување на многу посетители на градот. Бидејќи живеам спроти главната пошта, секојдневно гледам како се вртат околу поштата, ја набљудуваат, сакаат да влезат внатре, се распрашуваат по случајните минувачи од околу. Главната пошта е вистински репрезент на Скопје.