Именување на улици и објекти

Античко име и за катната гаража со модерна архитектура!

Катната гаража спроти „Макпетрол“ на улицата Св. Кирил и Методиј го носи името „Македонска фаланга“. Одлуката ја донел пред три месеци Управниот одбор на јавното претпријатие „Градски паркинг“ кое стопанисува со овој објект, пренесе Плусинфо.



Кумови биле од Советот на Град Скопје. Градот беше инвеститор на објектот при изградбата, а од таму велат дека како завршен објект за него одлучува јавното претпријатие под чија управа се наоѓа, додека Советот одлучува за именување на сè уште незавршени проекти.

Ова е уште една катна гаража која доби име според иделошките предзнаци на владејачката партија. Освен неа, катната гаража кај Работнички дом беше именувана како „Разловечко востание“, а онаа зад МЕПСО го доби името „Солунски конгрес“.

Автори на катната гаража со модерна архитектура наместо омилениот на власта барок, се архитектите Минас Бакалчев, Митко Хаџи Пуља, Саша Тасиќ, Александар Радевски, Никола Стрезовски и Дамјан Момировски. Автор на фасадата е Милан Мијалковиќ од австриската фирма „ППАГ“.

http://libertas.mk/%D0%B0%D0%BD%D1%82%D0%B8%D1%87%D0%BA%D0%BE-%D0%B8%D0%BC%D0%B5-%D0%B8-%D0%B7%D0%B0-%D0%BA%D0%B0%D1%82%D0%BD%D0%B0%D1%82%D0%B0-%D0%B3%D0%B0%D1%80%D0%B0%D0%B6%D0%B0-%D1%81%D0%BE-%D0%BC%D0%BE%D0%B4%D0%B5/

Некои се и со презиме!

И Панко Брашнаров со барокна палата во центарот на Скопје



Продолжува именувањето на новите зданија од проектот „Скопје 2014“. Новиот административен објект до хотелот „Бристол“ во Скопје, во кој треба да се сместат Агенцијата за аудио и аудиовизуелни медиумски услуги, АДСДП и Службата за општи и заеднички работи на Владата ќе го добие името „Палата Панко Брашнаров“. Истовремено, независното тело за регулација на македонските медиуми денеска објави оглас за изработка на основен проект за внатрешно уредување и опремување на просториите во новиот објект, за чие изготвување е предвидено да се потрошат финансиски средства во висина од 1.050.000 денари без вклучен ДДВ. Засега е непозната вкупната финансиска конструкција на ентериерното уредување и опремувањето со мебел и канцелариска опрема.



И додека веќе се прават планови за тоа како ќе изгледа внатрешноста на барокната палата, на местото на некогашниот парк интензивно се одвиваат градежните работи за комплетирање на објектот. Веќе е завршена армирано – бетонската конструкција, а периодов се работи на изведба на надворешните ѕидови. Градежната фирма „Декон – Ком“ забрзано ги реализира планираните активности, за чие завршување досега се одвоени финансиски средства во износ од преку 4,4 милиони евра. Административната зграда со приземје, осум ката и поткровје ќе располага со површина од 4.099 метри квадратни.

Изградбата на објектот „Палата Панко Брашнаров“ започна на крајот од 2013 година, врз основа на архитектонскиот труд што го изработија Жарко Чаушевски и Никола Стакинов. Ревидираниот основен проект го изготви фирмата „Прима инженеринг“ од Скопје. Стручниот надзорот го врши „Градежен институт Македонија“.

http://www.build.mk/?p=39313

Водњанска станува Мајка Тереза, Мајка Тереза станува Адолф Циборовски, Адолф Циборовски станува Васил Чакаларов.

Кои будали го водат градот.

Originally posted by fichot Најсмешна промена (ако може да се избере таква) ми е онаа од Мексичка во Петре Пирузе. Во цела населба кај што сите улици ги носат имињата на градови од држави кои помогнале да се изгради Скопје после 63та се менува само една улица. Да не имаме некој проблем со Мексико? Поверојатно е дека за инат на некој кој живее на Мексичка е ова направено, иначе зошто баш таа, зошто не Варшавска или Хелсинки да речеме?

Koj генијалец го смислил името на улицата да е Мексичка, а не Мексиканска како што е правилно?

Originally posted by fichot Да не имаме некој проблем со Мексико?

Можеби „им враќаме“ на мексиканците бидејќи се обележани со црвена боја на следнава мапа:
http://en.wikipedia.org/wiki/Macedonia_naming_dispute#Naming_policies_of_foreign_countries_and_organisations

Аминта Трети

Сега Путин ко ќе дознае за ова...

Од претходната страница, но мислам дека не е лошо и на оваа да ја имаме...

Име и број ќе добијат 200 неименувани улици во Kуманово



Започна нумерирањето на улиците и куќите во урбаната единица Гладно Поле во кумановската населба Перо Чичо. Од секторот за урбанизам информираат дека надлежното одделение за комунални дејности на терен почна со прибирање податоци.

- Од одделението за комунални дејности пристапија кон ажурирање податоци кои потоа ќе бидат проследени до надлежните институции - вели раководителката на секторот за урбанизам, Лидија Ланг-Спасовска.

Оваа активност, најавија од општината, ќе продолжи да се спроведува и во останатите делови од градот каде што досега не се именувани улиците.

Kако што претходно информира Лан-Спасовска, во Kуманово има околу 200 неименувани улици, особено во новоизградените населби, сместени кон периферијата на Kуманово. Проблемот, посочи таа, ќе се решава паралелно со завршување на процесот на легализација.

- Наредниот период интензивно ќе се работи на решавање на овој проблем, ќе бидат формирани повеќе екипи, кои ќе поминат на подрачјето на целата општина. Следува процес на ажурирање подлоги, предлози за именување, по што ќе се достават до релевантните институции за понатамошно разгледување и согласност - објасни Ланг-Спасовска.

http://www.dnevnik.mk/?ItemID=ABC27D338DC5ED479509CD9FB496DBB9