Улично осветлување

Огромна разлика.
1.

2.

3.

4.

5.

6.


Edited by HugoGoulding - 19-Jun-2017 at 22:24

Како што читав и можам да разберам ЛЕД сијалиците даваат исклучиво бела светлина, а додека тие со натриум даваат исклучиво жолта.

На кој начин ЛЕД сијалиците се манипулираат за да даваат силна жолта/портокалова светлина? Мислам дека тоа е невозможно.

Затоа и сликите покажуваат дека кога натриумските се менуваат со нови ЛЕД најзабележителната разлика која прави дистинкција е во бојата, односно ЛЕД-от се секогаш бели, за разлика од другите кои се жолти.

Edited by HugoGoulding - 20-Jun-2017 at 01:21

Еве проширен пример за лед

Color Temp	Example of source
1900K	Candle light or sunlight at sunrise or sunset
2000K - 2700K	Often used as accent lighting to blend in with fluorescent 2700K applications.
3000K - 3200K	Used as a primary light source for retail applications.
3700K	Coated lamps. Used where a "softer" metal halide light source is desired.
4000K	Used in general lighting; factories: parking lots, warehouses
5000K - 5500K	Daylight lamps: horticulture, aquariums, high color definition.
5600K	Nominal sunlight (mid day during mid summer)
6000K	Starts to get a blue tint like some automotive headlights

Апсурди во Жена-парк, секаде има двојни канделабри, работат само „барокните“:

ул.Пандил Шишков без улично осветлување веќе скоро 2 недели а деновиве приметувам и Руди Чајевац е во слична состојба(од фб)

Нови улични светилки на плоштад, ова е кај делот што се обновуваше деновиве.

Originally posted by stef4o Одамна не сум поминал на плоштадот,што бидна со оној дел кон ЕВН пред месец дена кога поминав беше сеуште беше оградено имаше багери,песок,плочки...успеаа ли да привршат со активностите?

99% e готово и фино изгледа.

Уличното осветлување пали-гаси во некои населби

Жители на општината Гази Баба две седмици се жалат на осветлувањето на некои од улиците во различни населби. Некои пријавувале и барале уличното осветлување да се поправи, а некои и не знаеле каде да се обратат и која е причината за темните улици. Проблеми со уличното осветлување има на улиците Јани Лукaровски во населбата Автокоманда, на улицата Палмиро Толјати во населбата Маџари, улицата Фуштанска во населбата Ченто и на улицата Анри Барбис исто така во населбата Маџари.

Марина Митева Стојановска уште на 9 мај на социјалните мрежи пишуваше за проблем со уличното осветлување уште од многу поодамна. Обраќајќи се до надлежните, таа прашуваше каде да се обрати за уличното светло број 7.089, за кое неколкупати пријавувала. Ѝ било речено дека ќе одат мајстори да поправат, но, еве, поминаа неколку седмици и никој сѐ уште не отишол…
Пред десетина дена групата „Автокоманда сака да дише“ напиша: „Неколку дена по ред нема улично осветлување во Автокоманда по 19 часот. Некое инфо? Што е ова, затемнување на сонцето, месечината или нешто трето?“

Администраторот на групата „Ѕид на општина Гази Баба“ следниот ден информира: „Проблемите со уличното осветлување во Црешево, на улиците Јани Лукровски и Палмиро Толјати денеска треба да се решат. За Фуштанска ќе се решава наредната недела, бидејќи се работи за поголем зафат, поради палење канделабар и уништување кабел од повеќе метри. На Анри Барбис првично е решен проблемот, деновиве ќе се отстрани главниот проблем“.
Но ден потоа Благоја Бади Апостолов пишува: „Пак нема улично осветлување на Јани Лукровски“. На тоа од групата „Автокоманда сака да дише“ напишаа: „Пали-гаси е работава“.

Од Општина Гази Баба не одговорија дали и кај нив граѓаните се пожалиле на темните улици и проблемите со уличното осветлување, но кратко потврдија дека се работи за мрежен дефект.
– Во дел од населените места во општината Гази Баба нема електрична енергија поради дефект во мрежата, за кој службите на општината се информирани и заедно со ЕВН работат на санирање на дефектите – објаснуваат надлежните од Општина Гази Баба.

Со намера да информираме за какви дефекти станува збор и уште колку долго ќе трае, побаравме одговор од ЕВН, од каде што ни рекоа дека тие не се надлежни за уличното осветлување.
– Ние законски немаме ништо со уличното осветлување, и според новиот закон за енергетика и според постојните мрежни правила. Уличното осветлување е под ингеренции на локалната самоуправа – објаснуваат од ЕВН.
Од она што го кажуваат некои од другите општини, причините за проблеми со уличното осветлување може да бидат различни. Кај некои задоцнет тендер за избор на фирма, а кај некои поставување нови лед-светилки што поради коронавирусот е во застој.
– Новото улично осветлување со лед-светла е поставено на 80 отсто од територијата на Ѓорче Петров. Очекуваме да се заврши целосно во периодот што следува. Имавме мал застој поради состојбата со ковид-19, поради тоа што транспортот е од Република Турција. Неосветлени улици речиси нема, има одредени места за кои граѓаните реагираат, најчесто во руралниот дел, но тие се оние 20 проценти што недостигаат и наскоро ќе се постават. Генерално, граѓаните се презадоволни и Ѓорче блеска како никогаш досега – информираат надлежните од Општина Ѓорче Петров.

Од Општина Бутел, пак, велат дека имале поплаки од граѓани во јануари, затоа што доцнел тендерот за избор на фирма за одржување на уличното осветлување, но сега тој проблем бил надминат.
– Ние како општина секогаш правиме напори јавните површини, парковите, улиците, паркинзите, спортските и детски игралишта на нашата територија да бидат добро осветлени. Кога има пријави од граѓани за прегорени светилки, преземаме мерки за нивна замена.

Што се однесува до жителите на Општина Кисела Вода, со барања за подобрување на осветлувањето во нивните населени места може да се обратат на општинскиот Фејсбук, на мејлот contact@kiselavoda.gov.mk и директно кај надлежните за јавното осветлување на телефонските броеви 072/314927 и 076/495494.

https://www.novamakedonija.com.mk/makedonija/skopje/уличното-осветлување-пали-гаси-во-нек/

Ветив дека ќе сликнам, па еве како делува навечер осветлувањето во Хром Новопоставеното од страна на Општина Ѓорче Петров.

СО УЛИЧНОТО ОСВЕТЛУВАЊЕ ВО РАДОВИШ И ВАСИЛЕВО ЌЕ УПРАВУВААТ ПРИВАТНИ КОМПАНИИ, ОПШТИНИТЕ ТВРДАТ ДЕКА ЌЕ НЕМА ПОВИСОКИ СМЕТКИ

Општините Радовиш и Василево склучија договори за јавно-приватно партнерство со компании кои во наредните години ќе треба да го подобрат јавното улично осветлување, а во првите месеци да извршат целосна замена на сите сијалични места со лед светилки. Станува збор за јавно-приватно партнерство по ЕСКО модел поддржан од Европската банка за обнова и развој (ЕБОР). Радовиш склучи договор со „Интеренерго Македонија“ во вредност од 1,3 милиони евра, за кои компанијата ќе треба да ги замени сите 3.450 светилки во оваа општина.

„Според нашите проекции, со вградувањето штедливи лед светилки очекуваме заштеди и до 70 проценти за потрошена електрична енергија на ниво на општина. Очекуваме од заштедите да ја исплатиме инвестицијата. Во рок од четири месеци, ќе треба да изврши замена на целото улично осветлување, односно во градот и населените места, а договорот ни трае осум години“, вели градоначалникот Герасим Конзулов.

Тој тврди дека со ова јавно-приватно партнерство нема да има дополнително оптоварување на буџетот на Општината ниту на крајните корисници – домаќинствата и правните лица.

Дека граѓаните нема да плаќаат повисоки сметки од досегашните за улично осветлување, тврди и градоначалникот на Василево Марјан Јанев, кој деновиве склучи договор за јавно-приватно партнерство со Македонски телеком. Оваа компанија треба да замени 1.110 сијалични места со штедливи лед светилки и да ги одржува во наредните шест и пол години, за што ќе наплати околу 330 илјади евра.

„Ќе добиеме ново улично осветлување и заштеди по овој основ со кои ќе ја исплатиме инвестицијата. Граѓаните за улично осветлување ќе плаќаат како и досега и нема да добиваат повисоки сметки за струја. По завршување на договорот, како Општина добиваме улично осветлување со штедливи светилки“, рече Јанев.

Јавно-приватно партнерство за улично осветлување по ЕСКО модел освен Радовиш и Василево се очекува да биде склучено и во Општините Валандово и Босилово во Југоистокот, но и во други 10-тина општини во земјава.

https://sdk.mk/index.php/dopisna-mrezha/so-ulichnoto-osvetluvane-vo-radovish-i-vasilevo-ke-upravuvaat-privatni-kompanii-opshtinite-tvrdat-deka-ke-nema-povisoki-smetki/