Скопски сообраќај (општо)

Улиците Васил Аџиларски и Стив Наумов ќе се реконструираат на потегот од Градската болница до објектот на МНТ, во вкупна должина од 850 метри. Во овој градежен зафат ќе се изгребе асфалтот на четирите коловозни ленти на овие улици, ќе се поправат рабниците, ќе се нивелираат шахтите и сливниците и ќе се нанесе нов асфалт.

На терен ќе работат екипите на градежната фирма „Хуљуси комерц“ од Куманово, а за овој градежен зафат Градот Скопје ќе потроши околу 27 милиони денари.

Асфалтот на булеварот Крсте Мисирков ќе се обнови од клучката „Детелинка“ до Судската палата, во должина од 772 метри. Ќе се реконстуира коловозот во двете насоки од оваа улица, а градежните работи ќе се изведуваат во фази.

На обнова на оваа улица ќе работат екипите на градежната фирма „Бауер БГ“, а за градежните работи Градот Скопје ќе потроши околу 15 милиони денари.

Булеварот Кузман Јосифовски Питу ќе се реконструира на потегот од Железничката станица до крстосницата со булеварот Кочо Рацин, во должина од 475 метри. Обновата на коловозот ќе ги опфати двете насоки од булеварот, а ќе се работи етапно за да не се создава метеж во одвивањето на сообраќајот.

Стариот и оштетен асфалт ќе се изгребе, ќе се обноват автобуските стојалишта, ќе се нивелираат шахтите и сливниците и ќе се нанесе нов асфалтен слој.

На терен ќе работат екипите на ЈП „Улици и патишта“.

...