| Author |
 Topic Search  Topic Options
|
гитардемон 
Senior Member
Joined: 19-Feb-2008
Online Status: Offline
Posts: 5424
|
 Quote  Reply
#121 Posted: 26-May-2009 at 16:07 |
Во Штип почна изградба на католичка црква
26.05.2009 15:46
 | | Папата ќе ја посети Македонија - оптимист е скопскиот бискуп Киро Стојанов |
| | |
Папата ќе ја посети Македонија, оптимист е скопскиот бискуп Киро Стојанов. Очекува
Македонија биде ставена на листата земји за посети откако папата
Бенедикт 16. по усната покана што неодамна ја доби од претседателот
Иванов, ќе добие и официјална писмена покана. „По упатената
писмена покана ќе чекаме на ред и се надевам, ако не за една за две
години можеби ќе се исполни и тоа светиот отец Папа ја посети и
Македонија“, вели Киро Стојанов, скопски бискуп. Стојанов денеска во
Штип ги освети темелите на првата католичка црква во Источна
Македонија, што доби благослов лично од Ватикан. „Благословот
на камен темелникот беше спомнат токму кај државниот секретар при
Ватикан. Тоа и со самото доаѓање на светиот отец Папа, мислам дека ќе
биде посебна радост на оваа наша заедница, но и за целиот регион“,
додаде Стојанов. Црквата во Штип почна се гради врз темелите на
старата католичка црква која била урната пред половина век и треба да
биде завршена за 6 месеци. Дамјан Варошлија - web новинар |
http://a1.com.mk/vesti/default.aspx?VestID=109107
Edited by lslcrew - 26-May-2009 at 16:55
|
 |
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#122 Posted: 01-Jun-2009 at 12:24 |
| Обновено Златното јаболко на Златоврв
Обновеното
златно јаболко вчера беше поставено на крстот што на врвот од планината
стои со векови за да го штити манастирот од честите грмотевици
 Златното
јаболко на Златоврв, на над 1.400 метри височина над манастирот
Трескавец кај Прилеп, вчера беше поставено на крстот што на врвот од
планината стои со векови за да го штити манастирот од честите
грмотевици. Ова е вековна традиција на Пелагонија што ја продолжуваат
здруженија, планинарски и еколошки друштва, но, пред сe, прилепскиот
еснаф и старата чаршија во соработка со локалната самоуправа. Ако
крстот на врвот од Златоврв не се менува, на пет-шест години се
обновува и се менува златното јаболко поради оштетувањата од
амтосферските влијанија. Обновеното јаболко со пречник од половина
метар е изработено од фибер и композитни материјали, а обложено е со
бакар. За прв пат годинава академскиот сликар Андријана Јованоска му
изработи и лист од месинг, а го постави Кире Дрзманоски, планинар од
друштвото "Златоврв".
Според преданијата, на Златоврв кој е висок
1.425 метри, први златно јаболко поставиле калуѓерите од манастирот
Трескавец во 13 век. Од колено на колено се раскажува дека некогашното
златно јаболко го украле Турците и го однеле во Стамбол. Во потрага
тргнале одважни прилепчани, но не го нашле. Златното јаболко над
Трескавец е и патоказ, односно тригонометриска точка. Од таа висина се
простира глетка дури до Солун, Грција, велат планинарите. Манастирот
Трескавец со црквата Успение на Пресвета Богородица датира од крајот на
12 и почетокот на 13 век. Повеќепати бил пален и обновуван, а веќе се
работи на проект за изградба на пат, зашто сега поради тешко
пристапниот терен до манастирот се стигнува само пеш или со џип.
http://www.vest.com.mk/?ItemID=0879C47F56472B44B41EED0A22E6DF71 |
   МИА-фото
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#123 Posted: 01-Jun-2009 at 12:27 |
|
Интересен концепт за заштита од громови. Во текстот вика дека имало некоја традција на поставување вакви топки, но јас не сум знаел прв пат слушам дека воопшто се поставувале вакви топки, а па уште помалку дека штителе од громови. А златото не случајно било порано избрано. Луќето го поставиле поради неговата скапоценост, но не знаеле дека златото е одличен спороводник, па денеска во мобилната технологија се користи за врвовите (онаму каде електростатичкиот набој е најголем) од антените на мобилните телефони.
|
|
Makedonij
Senior Member
Joined: 08-Apr-2009
Location: Celje - Виница
Online Status: Offline
Posts: 2190
|
Quote Reply
#124 Posted: 03-Jun-2009 at 15:07 |
Црвата Св.Климент Охридски во Сењак, веќе 2 години чека закључок.  
Edited by Makedonij - 28-May-2010 at 19:53
|
|
ЈАС ГО РАЗБИРАМ СВЕТОТ КАКО ПОЛЕ НА КУЛТУРЕН НАТПРЕВАР...ГОЦЕ ДЕЛЧЕВ
|
|
гитардемон
Senior Member
Joined: 19-Feb-2008
Online Status: Offline
Posts: 5424
|
Quote Reply
#125 Posted: 12-Jun-2009 at 19:00 |
ЌЕ СЕ ОСВЕТИ МАНАСТИРОТ „РОЖДЕСТВО НА ПРЕСВЕТА БОГОРОДИЦА” | Хроника |
| В
петок и сабота на свечен начин ќе се изврши осветувањето на
манастирот “Рождество на Пресвета Богородица” кај Новаци на која е
најавено присуството на премиерот во Владата на Р. Македонија, Никола
Груевски. Според програмата, в петок, во 17 часот ќе се одржи вечерна богослужба и прослава за осветувањето на манастирот.
Другиот
ден, во сабота, утринската богослужба и осветувањето на црквата ќе
започне во 6 часот, а божествената литургија ќе се одржи во 8,30 часот.
Осветувањето на манастирската црква ќе го изврши митрополитот
преспанско-пелагониски и администратор австралиско-новозеландски, г.
Петар, а напладне, претседателот на Владата на Република Македонија,
Никола Груевски, ќе постави камен-темелник за изградба на манастирските
конаци.
За сите верници е обезбеден бесплатен превоз, а автобусите ќе поаѓаат од селската автобуска станица во Битола. |
|
http://www.bitolski.makmreza.com/FullInfo.aspx?NID=32a9a8dd-446e-4a7a-81c7-c7e139b658d8
|
|
Arguing on the internet is like running at the special olympics. Even if you win, you're still retarded.
|
|
my Macedonia
Senior Member
Joined: 09-Oct-2008
Location: 🇲🇰🇨🇭
Online Status: Offline
Posts: 4094
|
Quote Reply
#126 Posted: 28-Jul-2009 at 18:46 |
slikata ne e bas ubava ama aj...
se gradi dzamija vo kicevo (moze da se vide i od slikata na kievo sto ja postirav preeska-> gore vo slikata)
|
|
my Macedonia
Senior Member
Joined: 09-Oct-2008
Location: 🇲🇰🇨🇭
Online Status: Offline
Posts: 4094
|
Quote Reply
#127 Posted: 07-Aug-2009 at 13:36 |
Најава за референдум против верски објекти на плоштадот
Две здруженија започнуваат постапка за одржување референдум против изградба на верски објекти на скопскиот плоштад.
Околу 70 проценти од граѓаните на општина Центар се против изградба на било каков верски објект на централниот скопски плоштад, а 74 насто се против подарувањето на земјиштето на МПЦ и ИВЗ.
Ова го покажа анкета спроведена на територија на општина Центар, што ја нарачаа здруженијата „Плоштад Слобода“ и „Граѓани за европска Македонија“, а ја спроведе „Брима Галуп“.
Според анкетата, во која учествуваа 500 луѓе, над 76 насто од испитаниците се изјасниле дека сакаат да бидат прашани дали ја поддржуваат идејата за изградба на верски објекти на плоштадот.
Согласно ваквите резултати „Плоштад Слобода“ и „Граѓани за европска Македонија“ отпочнува постапка за сопирање потписи за распишување на референдум во општина Центар. Двете организации соопштија дека се потребни 8.800 потписи за да се спроведе референдум.
Здруженијата истовремено ги повикуваат сите граѓани да им се придружат во собирањето на потписите и „да ги поддржат во подоцнежните напори да ги убедат граѓаните на општина Центар да гласаат „против“ на референдумското прашање.
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#128 Posted: 11-Aug-2009 at 13:51 |
Со Алах напред во супермаркет |
Џамијата „Хаџи
Азем“ во Шуто Оризари им овозможува
на верниците
и да се помолат и да си купат продукти за
дома |
 |
 |
Додека
верниците на горниот кат се свртени кон Мека и се молат да влезат во
Џенет, муштериите под нив се свртени кон наплатните каси и се молат да
им стигнат пари за да ги платат производите со кои ги наполниле
количките и кошниците. Ова е секојдневната слика на џамијата „Хаџи
Азем“, сместена спроти затворот во Шуто Оризари, која се разликува од
другите по тоа што во своето приземје има супермаркет, а просторот за
молитва е на првиот кат.
Муслиманите имаат должност по петпати
на ден да одат во џамија и да се молат. Оваа обврска им остава малку
време за купување продукти за во домовите. Но во Шуто Оризари овој
проблем не постои, бидејќи веднаш по молитвата тие можат да се симнат
на долниот кат и да купат сé што им треба. Во маркетот се почитуваат
исламските правила и не се продаваат алкохолни пијалаци или производи
од свинско месо, бидејќи тие се забранети за исламските верници.
Во
Исламската верска заедница велат дека џамијата е регистрирана кај нив
како исламски објект, а супермаркетот го отвориле локалните жители. Тие
не наоѓаат ништо спорно или невообичаено во тоа што објектот има двојна
намена.
- Економската криза го пустоши светот, а и нашиве
простори. Ние не можеме да ги финансираме сите џамии. Супермаркетот е
идеја како тамошните одборници да дојдат до пари за да го одржуваат
објектот - велат од секторот за информации при ИВЗ.
Оттаму
додаваат дека ваков пример нема само во џамиите и посочија дека на
христијанските празници околината на црквите и на манастирите се
претвора во панаѓур, каде што се продава најразлична стока.
Џамијата
„Хаџи Азем“ во Шуто Оризари е единствениот ваков случај во земјава што
има простор за трговија во рамките на сакралниот објект. Но од
Мифтидаријата велат дека во светот тоа не е невообичаено, туку било
секојдневје, иако не можеа да посочат некоја земја во која има таков
објект. Со факти од Куранот тие не можеа да го оправдаат потегот на
локалните жители да отворат маркет во објектот, само кажаа дека сé што
се прави за доброто на една џамија е прифатливо. |
http://www.novamakedonija.com.mk/NewsDetal.asp?vest=81191037103&id=14&prilog=0&setIzdanie=21760 |
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#129 Posted: 26-Aug-2009 at 19:46 |
9 милиони метри квадратни се 9 километри квадратни или ако сакате 900 хектари. Посликовито, 3х3 километри, отприлика колку големината на Прилеп на пример. Се надевам дека доколку се обистини ова, ќе оди во пакет со конкретна подршка за Македонија од Ватикан.
Католичката црква си го бара имотот каде што поминал Апостол Павле
26.08.2009 16:51
 | | Црковниот имот кај Паљурци функционирал од 1893 до 1920 година |
| | |
Католичката
црква сака да ги обнови урнатите духовни простори на местото Паљурци
кај Богданци, некогаш село, денес руина во која единствено бунарот
сведочи за некогашниот живот во него. Токму поради тоа
црквата си го бара својот имот од државата на површина од 9 милиони
метри квадратни, што сега е предмет на денационализација. Според
нејзините претставници, Паљурци има огромно историско значење бидејќи
тука при своето патување поминал Свети Апостол Павле и по едно народно
предание името селото го добило токму по него. Оваа место денеска го промовираа шефот на државата и претставници на МПЦ и католичката црква. „Чекорел,
одмарал и се молел патувајќи низ Македонија повикан од еден Македонец“,
рече г. Агатангел митрополит на повардарската епархија. „Се
надевам дека тој историски факт тој христијански симбол повторно ќе
заживее за доброто и општото на македонскиот народ и духовната раст
фактички на македонскиот народ“, рече Д-р Киро Стојанов - бискуп на
католичката црква. Селото Паљурци како некогашен католички центар
кој ја помагал и македонската револуционерна дејност го актуелизираше
претседателот Иванов на средбата со папата во Ватикан, во мај годинава. „Самото
присуство на извориштето на тоа место на човекот кој е дел од таа
западна култура ни создава и обврска и ние како земја тоа да го
промовираме да го чуваме и да го негуваме“, рече Ѓорѓе Иванов
претседател на РМ. Црковниот имот кај Паљурци функционирал од
1893 до 1920 година на кој чесните сестри евхаристинки основале свој
манастир, цркви, сиропиталиште, училишта од каде ја ширеле својата
мисионерска дејност. Дамјан Варошлија - web новинар |
http://a1.com.mk/vesti/default.aspx?VestID=113011
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#130 Posted: 27-Aug-2009 at 01:04 |
|
И мене ме збуни малку бројкава. Малку голема бројка за манастирски комлекс. А малку и чудно ми е што освен бунарот (необезбеден, нема ограда) скоро и ништо да нема зачувано, или барем на вести не покажаа. Видов само некоја табла имаше поставено во позадина. Од мене поддршка за проектов, останува да видиме дали и како ќе се реализира. А политичката поддршка немора да ја вклучуваме од во старт и да праиме некаков пазар, нема смисла се работи за верски објект, не за амбасада. Пред се на ова намената е за верниците од Македонија, па после за било какви други дополнителни врски.
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#131 Posted: 27-Aug-2009 at 01:08 |
Originally posted by lslcrew
А политичката поддршка немора да ја вклучуваме од во
старт и да праиме некаков пазар, нема смисла се работи за верски
објект, не за амбасада. Пред се на ова намената е за верниците од
Македонија, па после за било какви други дополнителни врски.
|
lsl, 900 хектари се прилично замашна површина за „потребите“ на верниците. Која точно би била намената?
Edited by Cloverstack - 27-Aug-2009 at 01:09
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#132 Posted: 27-Aug-2009 at 01:15 |
|
Па ако тука веќе функционирал таков комплекс со таква големина значи имало потреба многу порано, и тоа комлексот бил граден во едно време кое и не баш толерирало христијански градби. Немора значењето да му е за потребите на Македонија. Има значење и регионално па и на светско ниво. Инаку и мене ме чуди што све планираат тој комлекс да содржи пошто за толкава површина изгледа поголемиот дел се работи за ниви од кои вероватно манастирот живеел, а може би и се работи за дисперзиран имот кои е распослан на толкава површина. Ако излезе непто посериозно од проектов ќе дознаеме.
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#133 Posted: 27-Aug-2009 at 01:31 |
Католичката црква бара имот во Паљурци
Селото малкумина го памтат, но затоа е позната браната Паљурци во близина на Богданци
Билјана Јовановска
Селото Паљурци, кое
претседателот на државата, Ѓорге Иванов го промовира на средбата со
папата Бенедикт Шеснаесетти како место во кое имало католички центар
што ја помагал македонската револуционерна дејност, одново станува
актуелно. Неофицијално, денес чешмата во ова село треба да ја посетат
шефот на државата и бискупот скопски и апостолски егзарх на Католичката
црква, Киро Стојанов, а Паљурци одново влегува во центарот на
интересирањата.
Дали по примерот на Секирник, каде што
православните верници на католиците не им дадоа да ја обноват својата
црква, и ова село ќе стане камен на сопнување во
меѓуцрковните, ама и во меѓудржавните интереси на Македонија со Ватикан, ќе зависи од многу нешта.
Веќе
шест години овдешната Католичка црква го побарува од државата својот
имот од девет милиони квадрати, но сега работата запна во
Второстепената владина комисија, до која се жалат. Ова тело лани изврши
увид, ја потврди сопственоста и издаде решение за негово враќање,
меѓутоа, јавниот правобранител на Гевгелија одби да го стори тоа, па
Црквата го обжали решението. Во игра е огромен комплекс кој на чесните
сестри -евхаристинки им го подариле Јосип и Еврозиј Алоати, каде што
тие основале свој манастир, цркви, сиропиталиште, училишта... Се работи
за огромен црковен имот кој со полн капацитет функционирал од 1893 до
1920 година. Целиот чифлик го купило семејството Алоати и откако им го
дарувале на чесните сестри и тие изградиле манастир, тој станал матична
куќа на сестрите од овој католички ред.
Со години наназад,
Католичката црква во Македонија уредно го чува тестаментот на
дарителите кои се со италијанско потекло, а кој датира од 20 март 1927
година. Денес во Паљурци нема население, бидејќи селото згаснало со
заминувањето на евхаристинките, на кои по Првата светска војна властите
им го забраниле враќањето на манастирот, ама во него работат три
земјоделски задруги што се во сопственост на државата.
Католичката
црква ќе биде упорна во враќањето на сопствениот имот. Планираат на
темелите на манастирот и на црквата да изградат нови, особено што ова
место им било од исклучително значење за ширење на мисионерската
дејност. Од власта очекуваат да им го врати денационализираниот имот,
зашто евхаристинките од Паљурци таму биле активни до почетокот на
минатиот век.
Манастирот и двете цркви опстојувале до Втората
светска војна, по која жителите на соседно Богданци учествувале во
уривањето, при што циглите ги користеле за изградба на своите нови
домови. Сега, и кај околните места постои расположение да се возобнови
манастирскиот комплекс за така да заживее целиот крај во кој
Католичката црква ќе ги крене урнатите духовни простори. Начелно,
власта е согласна да го испочитува правото на денационализација и не е
исклучено дека и денешната посета на претседателот на државата, Ѓорге
Иванов, токму на Паљурци ќе се искористи за разврска на овој проблем.
http://www.utrinski.com.mk/?ItemID=A6110F75B2E5D74EA1206939F500A4AF |
|
|
Cloverstack
Admin Group
Joined: 01-Sep-2007
Location: Скопје
Online Status: Offline
Posts: 12453
|
Quote Reply
#134 Posted: 27-Aug-2009 at 01:35 |
Originally posted by lslcrew
Па ако тука веќе функционирал таков комплекс со таква големина значи имало потреба многу порано |
Единствена потреба од вакви црковни мега-имоти била потребата на црквата (како организација) за моќ... финансиска, политичка и сл. Истиот филм е и денеска. Да не ги преидеализираме работите. Ниту католичката црква ја сака земјава од алтруистички побуди, ниту доколку ние им ја дадеме тоа ќе биде од истата причина.
Edited by Cloverstack - 27-Aug-2009 at 12:18
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#135 Posted: 29-Aug-2009 at 15:05 |
Ќе обрнам внимание на два верски објекти надвор од Македонија, но сепак тесно поврзани со Македонија. Се работи за две цркви од Канада кои денеска беа актуелни поради една дипломатска посета. Мене многу ми се допаѓаат македонските цркви што ги гради нашата дијаспора. Употребуваат некој специфичен стил кој донекаде е сличен со црквите кои ги градат другите гранки на христијанството, но сепак се запазени православните канони. Обично се тоа некои поедноставни објекти, доминира белата боја и приметувам дека се употребуваат некои матерјали кои во Македонија на црква тешко може да ги сретнеме. Еве ги во прилог двата објекта... Св. Климент Охридски, Соброен храм на американско-канадската епархија на МПЦ  Св. Димитрија Солунски 
|
|
FoSsiL
Senior Member
Joined: 01-Mar-2009
Location: Аеродром
Online Status: Offline
Posts: 4699
|
Quote Reply
#136 Posted: 29-Aug-2009 at 16:19 |
|
Втората црква посебно ми се допаѓа, циглата е специфична. Ако е цигла?
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#137 Posted: 29-Aug-2009 at 16:20 |
|
Токму поради таа фасада и горе споменав матерјали што кај нас ретко ги гледаме на цркви!
|
|
macedonia
Senior Member
Joined: 01-Feb-2008
Location: Lerinsko
Online Status: Offline
Posts: 754
|
Quote Reply
#138 Posted: 29-Aug-2009 at 17:36 |
|
I am glad you like our churches. I was actually present at the event at St. Clement and I was able to see Gruevski in person.
You can see more pictures of our churches and read some history here:
http://en.wikipedia.org/wiki/St._Clement_of_Ohrid_Macedonian_Orthodox_Church,_Toronto
http://en.wikipedia.org/wiki/American-Canadian_Macedonian_Orthodox_Diocese
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#139 Posted: 29-Aug-2009 at 19:33 |
|
macedonia we are actualy preparing a topic for churches of the macedonian diaspora so you can be our reporter from canada! I think you would be glad to help us!
And thank you and the whole diaspora for the nice churches!
|
|
lslcrew
Senior Member
Joined: 14-Jan-2008
Location: Skopje
Online Status: Offline
Posts: 10988
|
Quote Reply
#140 Posted: 31-Aug-2009 at 00:56 |
Во прилог на веста за нови објекти во манастирскиот комплекс нека иде и другиот интересен дел од веста...
Црквата Свети Никола со фреска од црн светец
Во
пазувите на мариовската прекрасна дивина се простира манастирот "Свети
Никола", во чија црква е насликан црниот светец "Св. Мојсеј Мурин", кој
е вистинска реткост во овие краеви, а е плод на интересот на тајфи од
Контантинополската иконографска школа, кои творат и се дел од
средновековното фрескосликарство кај нас.
 За
актуелниот модерен живот во манастирот засега се грижи единствено
игуменот отец Никола, чиј приоритет е изградба на монашки и гостински
конаци, со што ќе му се вдахне нов живот на манастирот и верниците ќе
можат во совршен мир и тишина да се посветат на Бога
Во
пазувите на мариовската прекрасна дивина, лоцирано е селото Манастир,
кое брои околу стотина куќи со само двајца жители, кои сведочат за
некогаш животописниот мариовски амбиент. На крајот од ова напуштено
село се издига манастирот посветен на Свети Никола, во кој
чинодејствува игуменот отец Никола, кој засега е единствениот кој се
грижи да го зачува ова свето место и во совршен мир и тишина да го
чествува Бога. Интересно е што во црквата посветена на Св. Никола на
фронтален столб на самиот влез е насликан Св. Мојсеј Мурин, црн светец
какви што ретко се сликани и видени во овој крај. Приказната за
постоењето на Св. Мојсеј Мурин е речиси исто толку стара колку и
приказната за самиот манастир.
Манастирот е изграден во 11 век
(1095 г.) во времето на Алексеј Комнен, а по иницијатива на
протостаторот Алексеј, кој е воедно и прв ктитор на манастирот.
Интересно е што манстирот е двапати уриван и исто толку пати граден.
Првата негова обнова е помеѓу 12 и 13 век, кога се настанати и фреските
насликани од две тајфи припадници на константинополската школа кои
гравитирале и твореле на архаичните и сакрални ѕидови од овој крај.
Приказната
за Св. Мојсеј Мурин е мошне интересна, бидејќи овој Египќанин најпрвин
бил разбојник, пљачкал, убивал, ограбувал... за да бегајќи од една
потера биде засолнат од монаси, од кои го гледа и учи монашкиот свет
живот и учејќи од светите Макариј Велики, Арсениј и Исидор се повлекол
и со многу вонтелесен труд, бдеење и молитви, успева за шест години да
биде исцелен. Интересно е што легендата вели дека ја предвидел својата
смрт, поучувајќи ги своите ученици, да бегаат, да се повлечат, бидејќи
варвари ќе удрат на манастирот. И покрај молбите и тој да се повлече,
тој останува уште со шест монаси кои заедно со него биваат убиени од
варварите. Така, Свети Мојсеј Мурин го завршува својот живот, како и
што го започнал. И бидејќи некогаш правел насилие, него го стига стихот
од Бибилијата "Сите што се фаќаат за нож, од нож ќе загинат".
Според
зборовите на отец Никола на тлото на Македонија оваа фреска не е
осамена, односно Свети Мојсеј Мурин го има уште во десетина манастири
на наше македонско тло, а интересот за овој светец како и сите останати
ранохристијански маченици буди голем интерес во средновековното
фрескосликарство.
 Што
се однесува пак до иднината и животот во овој манастир отец Никола вели
дека го чека трнлив пат него и на сите истомисленици, верници, за да
манастирот се возобнови и доизгради за понатамошен монашки живот, а и
за сите оние верници кои сакаат да го посетат и да пребиваат во него.
Затоа, веќе се градат нови монашки конаци врз темелите на досега
најстарите откриени (12 век), а доколку не се открие Светиклиментовиот
универзитет, тие и фактички археолошки ќе бидат најстарите откриени
конаци. Во план е изградба на четири монашки келии со параклис,
гостоприемна просторија, кујна и трпезарија. Веќе е започната
изградбата, а во декември се очекува нејзино привршување.
http://www.vecer.com.mk/default.asp?ItemID=588D298272B2284C8885E327625AE224 |
|
|
