Македонско (етно) село во Нерези

Овој проект според мене е добро смислен и ќе биде убаво излетничко место особено ми се допаѓа што е веднаш до Црквата па така заедно прават една убава целина. За конечна одлука треба да видиме како ќе управува концесионерот со селото зошто овакви комплекси се многу тешки за менаџирање.

Ма, нека воведат во една од куќите традиционално правење сирење и кашкавал, со мајстори, потоа фина презентација и дегустација од туристите, потоа правење на опинци и такви работи, од тоа се вади пари.

^ На иста таква посета во Холандија сум бил и јас,интересно е колку да го видиш принципот на правење кломпи и со која леснотија ги прави типот. Во истиот објект имаше сувенирница и имаше стандардни работи за холандија,кломпи,знамеца,ветерници,чаши.......

Мене лично повпечатлив ми беше делот со кашкавалите,имаш можност да вкусиш примероци од преку 100 вида кашкавал,ние како Македонци,стока нормално се потепавме да пробаме,а некои беа и паметни па си купија цели спакувани кашкавали за дома.

Немаме ние капацитет за такво нешто,еве што спомна некој во поглед на сирења и тоа. Таму пример имаш како што спомнав МНОГУ видови и различни вкусови,а кај нас дали 5-6 вида ќе стават и мислат господа го фатиле за....

Ова нашево Етно село изгледа ок,можеа поголемо да го направат ама нејсе.
Вистинското прашање е како ќе ги забавуваат туристите,каква е понудата на работилници,ресторани итн итн.... И покрај тоа тешко да можеш еден ден да поминеш тука,за 2-3 саати си готов со се што можеш да направиш тука.

Edited by Roops - 08-Jun-2014 at 07:09

Комплексот во Нерези ќе се отвори во август
Градежните работи на комплексот „Македонско село“ се при крај, а деновиве се комплетира водоводот и потоа ќе се средуваат куќите. „Македонското етносело“ што се гради во Нерези, веднаш над манастирот „Св. Пантелејмон“, најавувано како туристичка атракција повеќе од две години, ја добива својата финална форма и содржина. Од Министерството за економија велат дека во зависност од тоа како ќе се одвиваат работите на терен и кога ќе бидат завршени, планирано е комплексот да биде отворен за првите гости во почетокот на август.
Оттаму додаваат дека сите работи околу ентериерот се донесени, само треба да се уреди просторот. Во моментот се работи на некои детали во ресторанот, кои ќе бидат завршени до крајот на месецов.

Се поставува мебелот

Од фирмите што работат на внатрешното уредување велат дека во моментов се работи на финесите во куќите, како што е поставување на мебелот.
- Во прашање се само технички работи, како носење на мебелот и уредување на просториите. Работата оди брзо, секојдневно се завршува по нешто - објаснуваат од компаниите.
Од Министерството за економија велат дека моментално се работи на резервоарот за вода, а дека другите активности се во завршна фаза.
- При крај се деталите за ентериерот и се чека да завршат работите со водоводот за да се покријат цевките. Резервоарот за вода е завршен и сега се работи на поврзувањето и на пречистителната станица. Комплетната финализација е планирана за крајот на јули - посочуваат од Министерството.
Оттаму додаваат дека од ЕВН ги поставиле струјомерите во сите куќи и тие се во функција, а моментално само вршат контрола. Останува уште изградбата на патот до комплексот, кој сѐ уште не е готов, но надлежните велат дека стариот пат накај Нерези е во функција.

За концесионер на селото во период од 20 години е избрана фирмата „Тренд инвест“ во јануари годинава.
- Оваа фирма ќе стопанисува со угостителските објекти, рестораните,ќе ги издава капацитетите за сместување и ќе ги промовира куќите како музеи, каде што ќе се презентираат различните културни вредности во Македонија - велат од Министерството за економија.
Изградбата на „Македонско село“ ја чинеше државата околу пет милиони евра.
Проектот ќе ги претстави традиционалното македонско село, начинот на живот, културата, архитектурата, историјата на занаетите, спецификите на објектите карактеристични за сите етнички заедници во Македонија. Етноселото е замислено како туристичка атракција со хотелиерска и угостителска дејност, чија цел е да се привлечат туристи во главниот град.

Туристичка атракција

Ако прошетате низ објектите, ќе видите дека сето ова е доловено во архитектурата на куќите, ентериерот, придружните објекти, па дури и преку градежните материјали и боите. Селото е составено од традиционални стари македонски куќи од различни региони во земјава, прилепска куќа, велешка, битолска, струшка, кратовска, кумановска, галичка, реканска и други. Изградени се и ан, фурна, валалница, трло, штала и други елементи, кои ќе служат туристите да се запознаат со домашните обичаи и некогашниот традиционален живот.

Секоја куќа е изградена со камен карактеристичен од тој крај, а имаат и различен чардак. Десет од куќите имаат два ката, додека струшката, галичката и реканската куќа се изградени на три нивоа. Во нив на приземје ќе бидат поставени елементи што ќе презентираат одредени занаети карактеристични за регионот. Во галичката куќа ќе може да се дегустира и да се купи галичко сирење, во прилепската ќе има машина за нижење тутун, а во кратовската на приземјето ќе биде винскиот подрум. Меѓу анот, музејот и струшката куќа ќе биде сретселото.
http://www.novamakedonija.com.mk/NewsDetal.asp?vest=61614101699&id=14&prilog=0&setIzdanie=23200

Денес бев на Пантелејмон, па искористив да направам доста фотографии.

DSC04459 by george k. 1981, on Flickr

DSC04460 by george k. 1981, on Flickr

DSC04461 by george k. 1981, on Flickr

DSC04462 by george k. 1981, on Flickr

DSC04463 by george k. 1981, on Flickr

DSC04464 by george k. 1981, on Flickr

DSC04466 by george k. 1981, on Flickr

Плоштадчето и амфитеатарот (на последната слика).

DSC04474 by george k. 1981, on Flickr

DSC04475 by george k. 1981, on Flickr

DSC04476 by george k. 1981, on Flickr

DSC04477 by george k. 1981, on Flickr

DSC04478 by george k. 1981, on Flickr

DSC04479 by george k. 1981, on Flickr

Great photos Dzole!

Преавтентично е ова за мене

Дали куќите одвнатре се традиционално опремени или современо?

Originally posted by zabegan чекај, сакаш да кажеш дека старите македонски куќи немале вентилациона инсталација на фасадите??? јас сум шокиран!

Ваква сигурно не!!