Плоштад Филип Втори (Карпошово востание)

ЕКСКЛУЗИВНО: ВЕЧЕР ОБЈАВУВА ДЕТАЛИ ЗА СКУЛПТУРИТЕ НА ПЛОШТАДОТ КАРПОШОВО ВОСТАНИЕ

Уште еден грандиозен воин од 13 метри во Скопје!

Воинот ќе го придружуваат тројца војници во воена облека од елитниот одред на хипасписти

По "Воинот на коњ" Скопје ќе добие скулптура на уште еден толку голем воин. Со висина од 13 метри, во стоечка положба, овој воин од плоштадот "Карпошово Востание" ќе гледа кон оној на плоштадот "Македонија". Двете скулптури се со речиси иста висина - "Воинот на коњ" има 13 метри до главата, а со мечот е висок 14,5 метри. Автор на двете дела е Валентина Каранфилова - Стевановска.

"На плоштадот "Карпошово Востание" ќе биде поставена фонтана со три помали придружни фонтани. На главната фонтана, односно на највисоката каде што ќе биде поставен воинот, ќе бидат поставени и тројца војници претставени во воена облека од елитниот одред на хипасписти како најдобри и најхрабри поединци ја сочинувале кралската гарда", открива за ВЕЧЕР Каранфилова - Стевановска.

Моментално фирмата Бетон - Скопје работи на бетонскиот дел од столбот со дијаметар од 3 метри и висина од 15 метри.

"Столбот ќе биде обложен со масивен мермер и релјефи од бронза на коишто ќе бидат поставени повеќе придружни фигури. Најгоре на столбот ќе биде поставена скулптурата на воин во стоечка положба со висина од 13 метри. Во моментот се лие во бронза. За неколку месеци би требало да биде готов во бронза", ни рече Каранфилова - Стевановска. Таа ни кажа и дека двете помали фонтани ќе бидат збогатени со длабоки релјефи излиени во бронза и мермер на коишто ќе бидат претставени растенија што виреат на македонското поднебје како тутунот, магарешки трн, афион, папрат и др. На истите фонтани ќе бидат претставени бронзени коњи и лавови, сите различно поставени во различно движење. Се планира целото монументално решение да биде готово до крајот на 2012 година.

Фотогалерија

Четири жени со синови во прегратка