Меѓуградски автобуски превоз

А што правиме со оние што имаат лиценца, кои според возен ред имаат линија за таму-и-таму во толку-и-толку сатот и наеднаш кога ќе се појавиш на станица ти кажуваат дека таа линија не вози затоа што „сега е сезона и тој автобус е пуштен за Охрид“. Кај се тука правилата на игра? Факт е дека автобускиот превоз зависи премногу од ќефот на газдите и возачите.

Edited by polval - 03-Jul-2012 at 06:20

Како и секаде кај нас, факт е дека и во автобускиот превоз важат различни правила на игра за секој играч, колку и да зборуваме ние за некаков си ред.
Инаку Југ Турист се во/пред стечај (не знам дали смеат да возат ако се во таа ситуација), во секој случај мислам дека се уште во државна сопственост и ако е така јасно е зошто се толерирани нивните возила + моментот чување на социјален мир.Единствено вредно освен 3-4 возила е автобуската во Куманово, со мали вложувања би била многу добра станица.

Сабајлето на ГП Ќафасан се вршени контроли од инспекциските служби и Царината, неколку возила се вратени назад поради непочитување на возен ред.
Истата таа инспекција која до вчера ги толерираше превозниците за истите пропусти

за слоганов.За инает Се надевам со тек на време ќе се исчистат дивите таксисти (и со коли и со комбиња), од кои еден добар дел идат и од страна во лето

И браво за вечерните линии кон Скопје за сите 3 фирми,
ОХ           СК                            
20:30 23:30
Охрид Експрес (редовна)
21:30 00:15+
Галеб            (oд 5-ти Јули)
22:30 01:15+
Класик Компани   (од 15-ти Јуни)

паметно особено во ова пеколно време...а можат и накај Битола/Прилеп таква опција, барем во летниов период.

Edited by Тркало - 08-Jul-2012 at 15:42

Originally posted by BOJAN Охридската власт ќе доделува нови линии за Градиште и Пештани, како реакција на новите превозници што ги фаворизираат локалните власти, Галеб-Охрид се одлучи да ја намали цената на билетите. Искрен да бидам, 60 денари до Градиште беа премногу. Не велам дека со 30 денари ќе можат да ги покријат трошоците, но сума од 40 денари би била разумна.Друга работа е што реално Галеб не може во целост да ги покрие линиите, едноставно немаат доволен капацитет. Порадо ротација на исти автобуси кон различни места, често доаѓа до доцнења на истите.

Каснењето на возилата...

- Е најмногу поради лошиот пат и возењето некаде е дури и околу или под 30км/ч.(особено зборувам за делот после Пештани до Св.Наум),

- Адаптирањето на истиот тој пат кај Лагадин и на др. места во паркинг,

- Неможноста за вртење на автобусите на мал простор поради возачи паркирани на сред пат во Св. Наум (за да не платат паркинг на рекетарите од дивиот паркинг) и фамозниот ЧАДОР НА Лесковачката Скара во Св. Наум.

За ова гарантирам целосно, минатото лето работев натака и 3 месеци буквално секојдневно ова го гледав, дури и ситуации на вербални препукувања меѓу возачите+патниците од една страна и скараџиите/паркинг рекетарите од друга и за среќа малку понекогаш фалело за физички контакт.
3 саати патував до и од Св. Наум (66км.) просек!Најбрзото патување во тие 3 месеци траеше точно 52 минути.Најдолгото точно 1:45, од кои 25 минути БП Билјанини Извори - Охридска Банка.
За споредба, без станици или со адреналински возач просечен автобус би извозил 120 км. од Охрид до Прилеп за толку време.
А кога имаш ситуација дека по возен ред автобусот е за 45 минути до Св.Наум и одма за враќање назад, а во реалноста е минимум за 50% подолго патувањето веќе од старт имаш каснење во обратен правец.

И не е само Галеб, со оваа реакција општината ги зезна и Пупе Компани и Димакс, фирми кои возат на овие крајбрежни линии преку цела година.А не како некои само од 1.7 до 15-20.8 под услов да се наполнат.Исто добро прашање е зошто овие вториве се заинтересирани за линии само до Пештани/Градиште...
Во врска со возилата, Галеб на почетокот на годинава набавија 4 нови климатизирани комбиња за локален сообраќај со 22/26 седишта (Еуро 3),

а два постари климатизирани автобуси се префрлени во локал, дотогаш возеа меѓуградски и уште одат до Битола во викенди кога дел локални линии се скратени или помал број патници.Бројот моментално во локален сообраќај е 38 единици.
Исто и Пупе Компани редовно си носат нови возила, просек едно на 3-4 месеци, вкупно моментално негде околу или над 30-тина возила.

Е сега овие две фирми поради број и состав на возила можат моментално ваква реакција со цените, мислам дека и вториве ќе ја намалат цената која реално не е задоволителна ниту пак пазарна, а лично немам проблем со старите цени на сите РЕДОВНИ превозници.60 денари до Градиште се баш ок за приватни и несубвенционирани превозници.

Originally posted by sanos_a друга политика е во прашање, ама за тоа друг пат

На пример?
Инаку, наводно Ниш Експрес возат само 3 од 6 тргнувања од пред некој ден поради причина дека од Министерство им барале да возат според договорените возни редови - пола пола со кооперантот (Берово Транс), а не само едните.
До душа ако тргниме со такви кратења отиде меѓународниот автобуски сообраќај на пауза


Edited by Тркало - 10-Jul-2012 at 23:09

Ова ќе биде можеби еден од најкорисните портали во земјава:

Воспоставен пребарувач за планирање патувања во РМ - 27.8.2012

 

Почитувани,

 

Ве информираме дека е пуштен во употреба интернет-портал за планирање патувања во Република Македонија со автобуски превоз.

 

Со пристапување на интернет-страницата: liniskiprevoz.gov.mk/search.aspx може да се провери планот на возење на сите меѓуопштински автобуски линии во Република Македонија со пребарување по дестинации. Имено, секој заинтересиран патник може да одбере појдовна точка и место на патување и со едноставно пребарување се добива преглед на возниот ред, како и податоци за тоа кој превозник ја одржува автобуската линија, како и тоа во кој период и кои денови сообраќа автобусот на дадената линија. До пребарувачот може да се пристапи и преку интернет-страницата на Министерството за транспорт и врски www.mtc.gov.mk

 

Пребарувачот на постојни автобуски линии претставува целосна база на податоци за автобускиот превоз во Република Македонија и истиот е во рамките на посебниот интернет портал за линиски превоз кој е воспоставен од страна на Министерството за транспорт и врски со цел модернизирање и олеснување на постапките за одобрување на автобуските линии.

 

Електронскиот систем за аплицирање и распределба на меѓуопштински и меѓународни автобуски линии за првпат беше воведен во 2009 година и практичната примена на овој систем овозможи зајакнување на транспарентноста во давањето на јавните услуги за граѓаните. 

 

Имплементацијата на овој современ електронски систем кој е надограден и усовршен,  овозможува превозниците да се ослободат од административните процедури за прибирање на потребната документација, а со додавање на можноста за пребарување на постојните автобуски линии во меѓуопштинскиот сообраќај на корисниците на овие услуги им се овозможува брзо и прегледно добивање податоци за возните редови.

 

 

Со почит,

Министерство за транспорт и врски

Originally posted by Тркало ^ ^ ^ ^ ^ ^ ^ Да беше ова нормална држава, сега патниците можеа комотно да го тужат министерството за погрешно информирање и превозниците за неодржување добиени линии.На пребарувачот постојат доста линии кои не се во експлоатација, т.е. сите линии од неисчистениот список... Пример за АС Охрид: 04:30,05:15, 06:15, 06:45,08:40,09:30,16:00,17:00 Охрид - Скопје / Галеб 10:30 Охрид -Ре-Бт-Пп-Кав-Нег-Вал- Струмица / Галеб Охрид 14:15 Охрид -Ки-Гв-Те-Ск- Куманово / Галеб Охрид 14:30 Охрид -Ре- Битола / Галеб Охрид 17:30 Охрид - Скопје / Скорпион Травел Крушево 20:30 Охрид -Ре-Бт- Прилеп / Галеб Охрид Линии во експлоатација, а фалат во листите: 11:00 Охрид -Стр- Дебар / Газменд Турист Дебар (екс Хисари) 15:00 Охрид -Стр- Дебар / Газменд Турист 15:30 Охрид - Белград виа БТ,Пп,Кав,Ве,СК,Ку / Галеб Охрид 16:00 Охрид - Кичево / Симекс Кичево 16:45 Охрид -Ки-Гв- Тетово / Жас Бус Гостивар (Еуро Турист) **** 15:20 Охрид - Берово сезонска / Берово Транс, не знам дали ја возат 19:20 Охрид - Прилеп / Уни Турс Прилеп, не возат од АС Охрид Сезонската Охрид - Скопје во 18:00 е линија на Руле Турс, а не на Берово Транс Кавадарци е станица и на линијата во 06:00 Охрид - Кочани, пропуштено е и ова Линијата 06:15 Охрид - Битола е поточно во 06:30. И линиите кон селата во Општина Дебарца не одат низ нас.Далјан.

Ова само за Охрид, нели? На се` замерки да се наоѓало, ако е утнато ќе си седнеш на станица и ќе си почекаш неколку саати.

Тркало, не ја разбираш поентата. Страницата не работи во сабота, недела и за време на државни празници!

Да напоменам дека скопската автобуска станица има нова интернет-страница, која е поприлично добро средена со информации за автобуски линии и цена на карти. Најдоброто е што на едно место можат да се најдат телефони од сите станици низ земјава: http://www.sas.com.mk/default.aspx?cid=1053&l=34

Тркало, дали имаш некаква информација колкава е оддалеченоста на Тирана од Струга? Има ли повеќе автобуси кои поаѓаат од Струга за Тирана од оние кои поаѓаат од Скопје за Тирана? Конечно, колку долго се патува од Струга до Тирана со автобус, некаде прочитав дека за да стигнеш до неа мора да го поминеш Драч, што ми е поприлично нелогично.

Имал ли некој искуство со автобуските компании што возат за Тирана?