Скопски сообраќај (општо)

Се гради улица до обиколницата

Според информациите од општината Ѓорче Петров, патот ќе биде долг 1.200 метри, широк шест метри, а од двете страни ќе има тротоари широки по два метри

Екипите на „Бетон“ работат на терен

Во општината Ѓорче Петров се комплетира инфраструктурата

Деновиве во полн ек е изградбата на новата сообраќајница што на жителите на Волково и на околните населби ќе им понуди брз приклучок до обиколницата како конечно решение за неколкугодишниот проблем со неасфалтираниот дел што води кон автопатското решение. Екипите на градежната фирма „Бетон“ од минатата недела со полна пареа работат на првата фаза, проширување на улицата, по што ќе следува втората фаза, т.е. асфалтирање. Според информациите од општината Ѓорче Петров, патот ќе биде долг 1.200 метри, широк шест метри, а од двете страни ќе има тротоари широки по два метри. Жителите на општината се задоволни од тоа што конечно ќе им се стави крај на дупките и тесниот земјен пат што водеше до брзата обиколница.

Пораст и развој

Позитивни коментари доаѓаат и од бизнис-секторот што работи во тој дел, за кој, пак, инфраструктурата е од битно значење за брзо и ефикасно работење.
Изминатиов период општината го завршила делот со експропријација на земјиштето каде што поминува патот, по што се премина на реализација на терен. Жителите на Стопански Двор и на Волково велат дека секоја изградба на инфраструктура во нивната општина значи дополнителен импулс во порастот и развојот на општината.

- Нови патишта, нови енергетски линии, водовод и канализација значат нови жители, нови населби и нови фабрики во општината, урбан и современ живот. Директното поврзување на автопат секако дека носи големи предности, но исто така свесни сме дека ќе се зголеми и метежот од автомобили, што, пак, ќе доведе до расипување на мирот во овие населби, кои досега се сметаа за многу тивки и мирни за живеење. Сепак мора да жртвуваме нешто за една поуредена и пофункционална општина - ни изјави Душан Спасески, жител на општината Ѓорче Петров, кој има свој имот во близината на новата улица.

Општината инвестира

Од општината појаснуваат дека со развојот на индустриските зони и со изградбата на нови станбени објекти ќе се овозможи заживување и на околните села и ќе запре процесот на миграцијата село - град.
- Патот ќе биде долг 1.200 метри, од двете страни ќе има тротоари широки по два метри и улично осветлување - најавува Момо Николовски, портпарол на општината Ѓорче Петров.

Новата сообраќајница, која ќе овозможи брз излез на коридорите 8 и 10, за населените места Волково, Стопански Двор, Кисела Јаболка и Ново Село, се гради со пари од буџетот на општината Ѓорче Петров, за што се одвоени 600 илјади евра.

Автор: Мартин Богатиноски Фотографија: Борче Поповски

 http://www.novamakedonija.com.mk/NewsDetal.asp?vest=62613851593&id=14&setIzdanie=22913

Асфалтирана ул.Струма во Карпош 3, Скопје

Се кратат пешачките острови на Партизанска



Екипите на Градот Скопје деновиве работат на кратење на пешачките острови на крстосницата меѓу булеварот Партизански одреди и булеварот Осми септември. Градоначалникот на Град Скопје, Коце Трајановски, денеска изврши увид во градежните работи на оваа крстосница.

„Во рамките на деветтиот циклус посети на сите десет скопски општини, граѓаните во општината Карпош посочија на метежот што се создава на оваа крстосница и на неможноста да се користат сите три ленти од булеварот Партизански одреди, во насока од Карпош кон центарот на градот. За да се реши овој проблем со кој граѓаните секојдневно се соочуваат, екипите на Градот Скопје почнаа со кратење на 2 пешачки острови, при што тие ќе се скратат за по 3 метри. Со овој градежен зафат, ќе се овозможи ослободување на третата коловозна лента во насока кон центарот на градот и поголема проточност на возилата по сите три коловозни ленти на булеварот Партизански одреди. Кратењето на сообраќајните острови ќе придонесе пропустната моќ на оваа крстосница да се зголеми за 50 проценти, а со тоа ќе се намали сообраќајниот метеж и позитивно ќе влијаеме врз животната средина. Ваков зафат ќе направиме и на другата страна на оваа раскрсница“, рече денеска градоначалникот Трајановски.

Трајановски додаде дека на терен работат екипите на ЈП „Улици и патишта“, а за овој градежен зафат Градот Скопје ќе одвои 600.000 денари.

автор: Нетпрес

Реконструкција на ул.Братфорска, Карпош

Бранови на булеварот „Кузман Јосифовски-Питу“

Коловозот на булеварот „Кузман Јосифовски-Питу“ повторно е уништен. Асфалтот на делот од сообраќајницата пред Железничка станица, кога се оди од Центар во правец кон Аеродром, толку е собран кон рабовите на коловозот што е опасен за возилата. Ова особено се однесува на деловите пред автобуските постојки, онаа пред „Веро центар“ и пред Народна банка од спротивната страна.

Оваа сообраќајница беше реконструирана во првиот мандат на градоначалникот Коце Трајановски. Но, кусо време откако беа завршени зафатите, улицата повторно се раскопуваше и одново се поставуваше нов слој асфалт. Тогаш беше речено дека тоа се прави поради неквалитетна изведба, па инвеститорот, Град Скопје, барал изведувачот да ја исправи работата. Сега, неколку години подоцна, булеварот пак личи на разбранувано море. Дали поради интензивниот сообраќај или поради неквалитетна изведба, односно слаб материјал, не е јасно.

http://www.utrinski.com.mk/?ItemID=D94FDA6505BD274EBC3E8368A091AACEv

Асфалтот на скопските улици нема повеќе да се сече
17.09.2013 - 10:00:44



Отсега асфалтот на скопските улици нема повеќе да се сече, улиците ќе се крпат со топла смеса, а подземјето ќе се копа со претходна локација на каблите, без опасност да се искинат. Градот му даде зелено светло на Јавното претпријатие „Улици и патишта“ да купи машини што ќе му ја олеснат работата и кои ќе му помогнат да заштеди пари и за сопствениот и за градскиот. Одлуката за нови набавки беше усвоена на последната седница на Советот на Скопје, како дополнување на Инвестициската програма на претпријатието за 2013 година. За неколку машини и две патнички возила ќе се издвојат 1.850.000 денари, односно околу 30.000 евра.

Првиот апарат што наскоро ќе биде набавен е локатор за подземни инсталации со додаток за лоцирање во длабочина. Неговата вредност е 150.000 денари. Според надлежните од „Улици“, тој е неопходен, имајќи предвид дека градската власт и дел од нејзините претпријатија не располагаат со подземен катастар, пишува Дневник.



- Поради дополнителни проблеми што се јавуваат при ископ на земја, односно наидувањето на подземни кабли, во ситуација кога немаме увид во постојната инфраструктура, потребно ни е да набавиме ваков локатор за да не доаѓа до штети и дефекти како резултат на скинати кабли при работењето - појаснуваат од „Улици и патишта“.

За поефикасно крпење на скопските улици ќе се купат две машини - за залевање пукнатини со топла смеса и за чистење пукнатини со топол воздух. Двете ќе чинат 1,2 милион денари.

- На коловозите често се појавуваат пукнатини, кои досега се поправаа така што се сечеа цели делови од асфалтот. Со набавка на оваа машина само ќе се врши залевање на пукнатините без какви било интервенции со што ќе се зголеми ефикасноста од поправката - се вели во Одлуката.

Претпријатието ќе купи и две возила, за кои ќе се издвои половина милион денари, кои се потребни зашто постојните автомобили се дотраени.

http://www.skopjeinfo.mk/gradot/1836163241/asfaltot-na-skopskite-ulici-nema-poveke-da-se-sece

Некој работи не ми се верува дека дури сега се купуват и дека за прв пат ќе се применуват во Македонија. Кога прочитав дека ќе има инвестиција си помислив некој си 10 милиони евра. Кога за 30.000 евра се купуват уреди кои ќе направат огромни заштеди и веројатно многу брзо ќе се исплатат. Вакви машинчиња не треба да има во скопје туку во цела Македонија и плус треба да ги има и за санирање на автопатиштата, регионалните и локалните патни правци. Јас како што гледам во западна ЕВропа па се до Хрватска вакви уреди редовно се користат и мислам дека се супер практични и ефикасни. 

Асфалтирана ул.Брадфорска, Карпош (сликите се преземени од Фејсбук страницата на општина Карпош)

Тротоари прават или ?

gledam pred avtobuskite se stava potorno asfalt...ova e samo frlanje pari bidejki za nekoj mesec asfaltot povtorno kje propadne pod pritisok na tezinata na avtobusite, no i toplinata za vreme na leto. Vo drugi zemji ulicnata povrsina kade zastanuvaat avtobusite se pravat od beton, a ne od asfalt. Betonot e toj koj e daleku poizdrzliv.

Originally posted by antigona gledam pred avtobuskite se stava potorno asfalt...ova e samo frlanje pari bidejki za nekoj mesec asfaltot povtorno kje propadne pod pritisok na tezinata na avtobusite, no i toplinata za vreme na leto. Vo drugi zemji ulicnata povrsina kade zastanuvaat avtobusite se pravat od beton, a ne od asfalt. Betonot e toj koj e daleku poizdrzliv.

Често се прават и од армиран асфалт(ако така се вика) кој е далеку поиздржлив но и многу многу поскап (таа технологија е користена малку и на автопатот Скопје-Куманово на еден дел кај Миладиновци ако не се лажам).
Мислам дека за нашите услови доволно би било да се стави подлога од армиран бетон (10-15цм) и потоа слој од асфалтна маса.