Не е од кај нас, ама видеово е потсетник колку за секунди се губат животи истовремено и за храброста и опасноста при работата на овие луѓе.Секоја чест за колегата кој одма притрча за помош

Edited by Тркало - 12-Nov-2013 at 00:18

Мал цитат од ohridnews.com

- Охрид е единствената противпожарна единица која располага со дефибрилатори. Подготвени сме за сите технички интервенции како регионална единица и секогаш сме во служба на граѓаните, вели заменик командирот на противпожарната единица Охрид,Горан Маркоски.

Чекам некаква реакција од Ѓоко.Дали е возможно oва и дали дефибрилатори спаѓаат во стандардна опрема на пожарникарите?

Или се ова униформи на Специјална единица во ППЕ Охрид или се странски униформи ?



Инаку сликите се од ОУ Христо Узунов, претходно имаше вакви посети и во други ОУ со цел запознавање со основните поими и начини за ППЗ

Ми личи дека пишува Brandvæsen на амблемот, што на дански значи е противпожарна служба. Оттука, веројатно униформите се дански.

Идејно решение за новата противпожарна станица во Струмица



Долгогодишните најави за изградба на нова противпожарна станица во Струмица побудија желба и идеја кај младите, и сеуште, недокажани архитекти да се зафатат со детално теоретско и методолошко разработување на конкретното проблемско подрачје, кое на крај резултира со современ проект за објект кој ги задоволува сите развиени барања за естетско и уметничко креирање на нов противпожарен стационар.



Потребата од нова противпожарна станица, која всушност стои во програмата за развој на општина Струмица, како и визијата на еден архитект за создавање на модерен објект кој ќе стои рамо до рамо со светски познати објекти од ваков тип беше предизвик за Атанас Пиличев да се одлучи токму ова поле да биде тема која е елаборирана во неговиот магистерски труд кој го заврши оваа година.



Локацијата на предвиденото идејно решение за противпожарната станица се наоѓа на периферијата од северниот дел на градот Струмица, поточно во непосредна близина на Кривично-поправниот дом и АД Грозд Струмица. Самиот објект во основа зафаќа површина од приближно 4 000 м2. Програмата предвидена за овој објект содржи простор за сместување на противпожарни возила, опрема и апаратури, како и административни простории, простор за дневен престој на пожарникарите, трпезарија, соби за спиење, простории за едукација, тренинг и рекреација. Поради брзиот развој на градот објектот има многу поголем капацитет за разлика од постоечкиот. Тој би имал капацитет за 4 чети од по 20 професионални пожарникари или вкупно 80, гаражен простор за сместување на 11 противпожарни возила, а исто така и еден хелиодром.







Со развитокот на науката и техниката, противпожарните станици го заобиколуваат своето утилитарно значење, па како резултат на тоа со кохезија на содржини диферентни по својата намена, но секако во позитивна корелација се добиваат објекти кои пленат со својот изглед, форма и однос кон околината.

Идејата е да се прошири спектарот на компоненти на постоечката противпожарна станица, да задоволува повеќе критериуми, да биде од јавен карактер и секако екстериерот и ентериерот да се искачат на повисок степен, достигнувајќи ги модерните станици во светот. Проширувањето на капацитетот е исто така главно обележје за оваа новопроектирана противпожарна станица, како и прошитување на бројот и видот на транспортни средства.
Преку детално истражување на конкретното проблемско подрачје, анализа на можни решенија и нивна комбинација, понуден е модерен објект кој ги задоволува сите принципи и стандарди кои ги налага пожарникарството, а истовремено ги задоволува и развиените барања за естетика од страна на човековото око како сетило преку кое се перцепираат нештата во просторот. Паралелно на тоа да се надеваме дека ќе се промени самиот пристам при проектирање на објекти од ваков тип, бидејќи тие не претставуваат само физички градби во кои треба да се сместат противпожарните возила и опрема, туку претставуваат и втор дом на пожарникарите, а се од суштинско значење и за професионално функционирање на една противпожарна единица.

За крај, секој објект без разлика на неговата намена треба да не освои и одушеви со својата појава и постоење како таков, затоа што е дел од истото опкружување во кое се наоѓаме и самите ние.

strumicadenes.mk

Edited by jyvation - 02-Dec-2014 at 13:56

Одбележан Денот на пожарникарите и 81 година од ППЕ Охрид, слики од шарениот возен парк на ППЕ Охрид
(2 х Фап 13 цистерни(2/OH-525-BE, 3/OH-534-AM), Застава ТZ(1/OH-531-AM), ДАФ од последната испорака (11/ОH-5193-АB),Мерцедес 1927? (9/OH-187-BD), Волво FL6 (10/OH-193-BZ).
Сите со различна намена.
Од другата страна би требало да се уште еден МАН (8), Фап 2226, Фап 13 цистерна (4), некој постар Tам (190т15 или Т5000).Последниве два не знам дали и колку се во возна состојба.
















И две ‘работни‘

https://www.youtube.com/watch?v=sRiu8i400X4
https://www.youtube.com/watch?v=LSHp-y3kcew

Edited by Тркало - 20-May-2015 at 22:42

ПП база Автокоманда

1


2


3

ВЕЖБА НА СКОПСКАТА ПОЖАРНА СО НОВАТА 42-МЕТАРСКА СКАЛА ПРЕДИЗВИКА ПАНИКА ВО ЦЕНТАРОТ НА ГРАДОТ



Скопската Противпожарна бригада попладнево имаше вежба со новата 42-метарска скала, што предизвика паника меѓу жителите кои пријавуваа дека во центарот има четири-пет пожарни возила со вклучени сирени, а над нив вртеше хеликоптер. Вежбата беше пред зградата на поранешната „ЗОИЛ Македонија“, кадешто улицата 11 Октомври беше блокирана од возила на Пожарна, возило на Брза помош и пожарникари кои поставија и душек за спасување.

„На почетоков на месецот скалата стигна од Будимпешта и вежбаме за презентацијата за јавност и медиуми што ќе ја имаме утре“, ни изјави Владимир Симоновски, командант на скопската Бригада за противпожарна заштита.

Противпожарната скала Град Скопје ја купи за 1,7 милиони евра. Градоначалникот Петре Шилегов кажа дека досега Пожарна немала ваква скала и опрема, па не можело да се интервенира на повисоки згради.

„Градот Загреб купил 42-метарска скала, без дополнителна опрема. Таа е шеста во Загреб во изминативе 30 години. Пред моето доаѓање, овој град 27 години го водеше ВМРО-ДПМНЕ. Ова е прва ваква скала која се купува во Македонија. Јас не сум стручен, ниту имам претензија да бидам стручен на таа тема, затоа техничката спецификација и потребата која ќе ја гарантира безбедноста на скопјани од една страна, меѓутоа и безбедноста на пожарникарите од друга страна, е работа која ја направија Противпожарната бригада“, изјави минатиот месец градоначалникот Петре Шилегов по обвинувањата од опозициската ВМРО-ДПМНЕ дека Загреб купил иста таква скала, но поевтина.

https://sdk.mk/index.php/dopisna-mrezha/vezhba-na-skopskata-pozharna-so-novata-42-metarska-skala-predizvika-panika-vo-tsentarot-na-gradot/

Моментално силен пожар во Кочани и околината, наводно се изгорени десетина куќи во периферијата на градот. Канадерите не се во функција, изгорено е едно противпожарно возило, нема доволно пожарникари.

Жално!

Ниедна, ама ниедна државна установа не си ја врши работата. Се надевам дека само ќе помине без жртви.

СИТУАЦИЈАТА ВО КОЧАНИ Е КРИТИЧНА, ПОЖАРОТ Е НАД САМИОТ ГРАД, ИЗГОРЕА НЕКОЛКУ КУЌИ, ВЕЛИ СТОЈАНЧЕ АНГЕЛОВ



Ситуацијата со пожарот во Кочани е критична, зафатени се неколку куќи, пожарот навлегува накај градот, вели директорот на Центарот за управување со кризи Стојанче Ангелов. Тој вели дека на терен покрај пожарните бригади се и екипи на Дирекцијата за заштита и спасување, а испратени се и војници од Армијата.

„Пожарот во Кочани избувнал попладнево, а ветрот е причина за неговото брзо ширење. Гори сува шума”, вели Ангелов.

15 пожарникари со три возила од скопската Пожарна се упатуваат кон Кочани

Пожар има и во Старо Нагоричани, Македонски брод и Валандово. И таму пожарите не се ставени под контрола поради ветерот кој цел ден дува и високите температура. Пожарите денеска се гаселе само со еден хеликоптер на Армијата, бидејќи трите авиони на Дирекцијата за заштита и спасување не се сервисирани.

Директорот на дирекцијата за заштита и спасување Беким Максути кажа дека дополнителна пожарникарска единица тргнала за Кочани и треба за еден час таму да стигне.

https://sdk.mk/index.php/naslovna/situatsijata-vo-kochani-e-kritichna-pozharot-e-nad-samiot-grad-izgorea-nekolku-kuki-veli-stojanche-angelov/

Edited by Џоле - 02-Aug-2021 at 19:39

За набавка на службени возила, особено кога се работи за полуксузни автомобили за главучи на повисоки функции, финансии никогаш не се проблем.

За возила кои се неопходни за функционирање на базичните јавни сервиси и кои му служат на општото добро, секогаш е проблем, државата е сиромашна, бла бла бла.

Камионот на сликата веројатно ближи накај 60 години старост. Министри, градоначалници, политички именувани директори и слични, за 7-8 годишни автомобили веќе цмиздрат дека им биле стари и некомфорни, дека биле проблематични и скапи за одржување итн, па набавуваат нови (и не штедат на луксуз и опрема).


Затоа ќе биде добро да се воведе едноставен, но ригиден сет од правила, што прецизно ќе ја врзува бројноста и староста на службените автомобили за функционери, со бројноста и староста на возила како што се противпожарни, брза помош и слични. И да се прецизира како ќе функционира на државно, а како на општинско ниво. Обид за јавна набавка вон тие правила автоматски да се поништува и тоа да биде кривично дело казниво со затвор.

Идеален систем секако не може да се направи, но ние на ова поле имаме изгубено допир со разумот, па ваков систем може да воспостави барем некои минимални граници под кои нема да смеат да паднат јавните сервиси, и ограничување до каде ќе може да оди аздисувањето на паразитите во државниот апарат.



Edited by Cloverstack - 04-Aug-2021 at 13:56