Промоција на Македонија

Американската телевизиска мрежа CNN вечерва во Скопје свечено го најави четвртото издание на емисијата i-List, кое ќе се емитува од 10-ти до 14-ти мај и ќе биде посветено на Македонија.

Пред видни гости од јавниот и политичкиот живот, водителот на CNN, Ана Корен го најави изданието на i-List, кое од 10-ти до 14-ти мај секоја вечер во 21:30 часот ќе се емитува во живо од Македонија. сеа 21 и 30 или 22 и 30

Ова издание на емисијата веќе неколку недели, преку реклама се најавува на програмата на оваа телевизиската мрежа. Како дел од промотивната кампања, CNN na својата интернет-страна постави профил на земјата, како и квиз со прашања поврзани со Македонија.   

Покрај гостите од светот на политиката, стопанството и културата,  во рамки на емисијата ќе се прикажат серија специјални репортажи на Ник Робертсон, постар известувач на CNN, од неговата неодамнешна посета на земјата.   

Во текот на неделата ќе се прикажува и профилот на Мајка Тереза, позната во светот по својата работа во Калкута но помалку позната како Скопјанка. I-List го истражува нејзиниот ран живот во главниот град на Македонија и што значи нејзиното наследство на Македонија денес.

На крајот, CNN патува во историскиот град Охрид, за да ги запознае гледачите со неговата мешавина на планини со снежни врвови, стара архитектура и едно од најголемите езера во Европа.