Булевар АСНОМ / АВНОЈ (+изградба на нов мост)

Дали треба Бул. АВНОЈ (АСНОМ) да биде меѓу првите приоритети на градот Скопје? Односно дали треба во наредната офанзива за градење и проширување на улици, откако ќе заврши оваа сега што е во тек (Првомајска, М. Т. Гологанов, Климент Охридски...), бул. АВНОЈ да заземе место во следната серија на проекти кои треба да се реализираат?

Се работи за денес не толку фреквентен булевар, кој има можеби само трансфер/колекторска улога во однос на бул. Јане Сандански и ги насочува возилата кон него. Ги опслужува генерално жителите на северните блокови на населбите Јане Сандански, Ново Лисиче и дел од Лисиче. Односно се работи за некои 10-15 илјади жители. Освен тоа заедно со Васко Карангелски служи и како пристап (освен бул. Србија) до бул. Јане Сандански за жителите на о. Гази Баба и источно Скопје.

Денешната фреквенција на возила според моја проценка е +6000 илјади возила на ден... со тоа што проценка ја базирам на денешни мерења... во недела... значи бројката за работни денови сигурно би се искачила со оглед на тоа што во минута можат да поминат и по 30-40 возила во шпицовите од денот... Како и да е... сигурно има поголема фреквенција од 6000 илјади возила на ден... колку е поголема, ќе гледам да можам деновиве да направам мерења и да оформам некоја попрецизна статистика...

Како и да е... причината за овој пост е друга... 

Се работи за планираното/предвиденото проширување во иднина на булеварите АСНОМ и АВНОЈ како и продолжување на АВНОЈ преку мост во Керамидница, о. Гази Баба, и негово поврзување со булеварот Гоце Делчев. Со тоа се оформува цел ‘‘нов‘‘  сообраќаен коридор во градот паралелен на главниот Исток-Запад коридор, односно на Партизанска - Јане Сандански, кој патем во Центар е ‘‘прекинат‘‘... 

Овој паралелен коридор би започнувал од Карпош 4 на крајот на денешна Илинденска (во иднина и до обиколницата). Потоа преку Илинденска и Гоце Делчев би се поврзал со АВНОЈ (АСНОМ) и би се оформил непрекинат коридор од едниот крај до другиот крај на градот, кој ќе го растерети главниот коридор.

И затоа мислам дека таа алка што недостасува (односно делот Гоце Делчев - АВНОЈ) треба да биде меѓу првите приоритети на градот. Дури мислам дека инвестирање во оформување на овој коридор има поголема предност и поголема важност во однос на подземната улица/коридор кој треба да ги поврзува К. Ј. Питу и Партизанска, односно Илинденска според импровизацијата на властите...

Гледано реално овој коридор е и побрз... со оглед на тоа што Гоце Делчев, па и Илинденска се брзи булевари, со зелени бранови... и се во многу добра состојба...

Да визуелизирам:

1. Најпрвин да ја дадам големата слика и претстава за целиот коридор:

2. Потоа за делот за кој зборувам да дадам претстава за блоковите, зоните, деловите кои директно или индиректно ќе го користат овој коридор (со исклучок на делот кој е планиран за во иднина), а кои и денес го користат како транфер/колектор булевар:

3. Извадок од ГУП:

 

4. Извадок од ДУП за делот во о. Аеродром:

 

5. Извадок од ДУП за делот во о. Гази Баба:

Сакам да додадам уште дека без голем буџет/финансиски средства, односно без многу големи инвестиции се добива алтернативен коридор на главниот Исток-Запад коридор во градот... кој би бил одлично функционален и од голема корист и интерес за целиот град... секако можеби и поисплатлив во однос на потребата и искористеноста... па и значењето кое би го добил...

Edited by FoSsiL - 06-May-2012 at 16:34

Со овој булевар, поточно со овој цел коридор, значително ќе се намалат гужвите во градот. Единствено што ќе биде потребно е да се изгради делот што фали и една добра клучка кај Судска Палата.

Делот што фали е долг ~ 1250 метри од кои ~120 метри е мост. Не е многу голем дел.

Моја проценка е дека вкупната инвестиција (во која се вклучени и проектот и експропријација на имотите, мостот и сите подготвителни, градежни и завршни работи) не би достигнала повеќе од 6 милиони евра.

Исто така за клучката кај Судска Палата мислам дека не би се потрошиле повеќе од 10 милиони евра....

А за проширување на деловите на Илинденска и АВНОЈ и АСНОМ мислам дека не би отишле повеќе од 5-6 милиони евра.

Значи:

- 6 милиони за новиот дел

- 10 милиони за клучката кај Судска Палата

- 6 милиони за реконструкција и проширување на булеварите: Илинден, АВНОЈ, АСНОМ.

Вкупно 22 милиони евра... Еве и 30 милиони нека се... Многу повеќе се добива за разлика од 30 милиони наменети за подземнана уличка што планираат да ни ја градат властите под центарот на градот... којa има капацитет од 2000 возила на час... споредено со коридорот за кој зборувам најмалку 10 пати помалку... Само АВНОЈ има неколку пати поголем број на возила кои поминуваат по него за време од еден час....

Ова се можеби и најскапи проценки... Верувам дека инвестицијата е во секој случај со не толку висока цена... а притоа со голем бенефит и успешност....

Edited by FoSsiL - 06-May-2012 at 21:01

од овој подобар проект Скопје не поседува

забеган,јас и ти сме контраст,јас пишувам најкратки постови,ти најдолги

поминаа две, остануваат уште три години, барем да се мрдне од мртва точка

Тешко дека ќе се случи ,ако паметите веќе две години се гради од последна петка до почетокот на куќите и ништо не е пипнато ,освен сликањето на градоначалниците ни механизација не дојде а не па да направат една копка...

Почнува реконструкцијата на булеварот АСНОМ

Градежната компанија „Бетон“ од Скопје во следните пет месеци ќе ја реализира првата фаза од реконструкцијата на булеварот „АСНОМ“ во општина Аеродром. Во оваа етапа ќе се санира коловозот во должина од 428 метри, во близина на раскрсницата на оваа сообраќајница со улицата „Февруарски поход“. Градот Скопје за овој инфраструктурен проект од годинешниот буџет ќе инвестира 31.795.165 денари, односно околу 510.000 евра. На тендерот, кој беше распишан во ноември минатата година, биле доставени 11 понуди од градежните фирми.



Градската власт во изминативе години во неколку наврати обелоденуваше проекти за реконструкција и продолжување на трасата на булеварот „АСНОМ“. Лани беше претставена идејата за продолжување на трасата на оваа сообраќајница од Општина Аеродром кон Општина Гази Баба, со која е зацртано со мост да се поврзат населбите Аеродром и Ќерамидница. Пред три години, Градот Скопје вети и продолжување на булеварот „АСНОМ“ кон населбата Горно Лисиче.

http://www.build.mk/?p=48220

Продолжување на бул. АСНОМ до селото Горно Лисиче

АЕРОДРОМ И ЌЕРАМИДНИЦА ЌЕ СЕ СПОЈУВААТ СО НОВ МОСТ И ДИРЕКТНА УЛИЦА
Изградба на нов мост и на нова улица која директно ќе ги поврзува Аеродром и Ќерамидница, односно Гази Баба, е еден од капиталните проекти на Град Скопје за реализација оваа година. Практично, ќе започнат подготовки за изведба на овој крупен зафат, кој според градоначалникот Коце Трајановски, ќе му биде предизвик за наредниот мандат. Изградбата на улицата, всушност, ќе претставува нова сообраќајна порта за општина Аеродром кон центарот на градот. Сега се тоа само улиците „Трета македонска бригада“ преку Тутунски комбинат и булевар „Јане Сандански“ преку Транспортен центар.

Проектот предвидува продолжение на булеварот „АСНОМ“. Односно ќе се пробие нова улица зад „Скопски саем“, која ќе води до реката Вардар од каде што преку нов мост ќе излезе на булеварот „АСНОМ“ во близина на спортската сала „Јане Сандански“. Булеварот би почнувал од улицата „Беласица“ кај „Скопски саем“, би поминувал покрај „Каросерија“ на ФАС „11 Октомври“ и преку Вардар би се споил со булеварот „АСНОМ“ кај салата „Јане Сандански“. Од таму ќе води до последна „5“ и улицата „Тодор Чангов“ во Лисиче. Новиот мост, пак, ќе се гради кај Ќерамидница.

„Новата улица во голема мера ќе го растовари сообраќајот во овој дел и ќе го олесни движењето од Гази Баба кон овој дел на населбата Аеродром. Имаме студија и чекаме Општина Гази Баба да го донесе деталниот урбанистички план за локалитетот кај ’Каросерија’. За реализација на проектот го снимивме теренот и го откупивме земјиштето“, рече Трајановски кога се „кроеше“ тековниот буџет. Во него, за овој проект, има предвидено речиси 350.000 евра. Парите ќе се потрошат за изработка на техничката документација, а по нивна изработка и избор на изведувач, ќе се знаат деталите и конечната вредност за изградба на улицата и мостот.
Трајановски појасни дека проектот е составен од две фази, од кој првата е речиси реализирана. Станува збор за реконструкција и проширување на делот на „АСНОМ“ до последна „5“, односно до првите куќи на „Тодор Чангов“ во Лисиче. Втората фаза е изградбата на улицата и на мостот. (Д.Т.Д.)

http://www.utrinski.mk/?ItemID=0A7AD47EB5B6D64B88D8970EB45F45CA

Edited by stef4o - 21-Jan-2017 at 10:47

Исто вака со години ја најавуваат и подземната улица кај Рамстор ама незнам дали нешто почнаа.Тој простор е целиот ограден и со години не се прави ништо.