Булевар Хасан Приштина(Качанички Пат)

ВЛАДАТА ЌЕ Ѝ ДАДЕ НА АРСОВСКА 3 МИЛИОНИ ЕВРА ЗА ПАТОТ КОН КОСОВО ДА ГО НАПРАВИ БУЛЕВАР, ОБЈАВИ ГРУБИ



Владата ќе му даде на Град Скопје три милиони евра за реконстукција и проширување во булевар на Качанички пат, објави денеска на својот фејсбук профил вицепремиерот Артан Груби, кој се пофали дека се одобрени дополнителни пари за да се реконструира патот кон Косово.

„Во разговорот со градоначалничката Данела Арсовска, која е одговорна за реализација на проектот, ги започнавме последните административни подготовки во Владата и Министерството за транспорт за почеток и доизградба на оваа важна сообраќајна артерија кон градот“, напиша Груби.

Владата, како што вели Груби, веќе дала три милиони евра на Град Скопје за овој проект, а со овие дополнителни 3 милиони евра вкупно се дадени 6 милиони евра колку што е вредноста на проектот.

За Качанички пат или улица Хасан Приштина нема проект, што значи дека допрва Град Скопје треба да распише тендер за проектирање и изградба на булеварот.

Овој потег сега е во очајна состојба, патот е со дупки, асфалтот е распукан, нерамен, насекаде има ѓубре и се крева прашина, бидејќи нема пешачки патеки туку земја.

https://sdk.mk/index.php/dopisna-mrezha/vladata-ke-dade-na-arsovska-3-milioni-evra-za-patot-kon-kosovo-da-go-napravi-bulevar-objavi-grubi/

Тешко тоа да се реализира. Барем ќе одат со средишно зеленило што ќе спречи дифтарски потези како на Пластичарска (ако може да се верува на скицата во темата за Момин поток, за делот до бул. Словенија).

Проблеми во проширувањето на „Качанички пат“ – Арифи: Узурпирано е државно земјиште, треба итно да го ослободат



https://mk.tv21.tv/problemi-vo-proshiruvaneto-na-kachanichki-pat-arifi-uzurpirano-e-drzhavno-zemjishte-treba-itno-da-go-oslobodat/

Ова ќе биде некоја импровизација од типот Првомајска како компензација за Јужен Булевар во источниот дел, или Теодосиј Гологанов како компензација за ЈУжен Булевар во западниот дел. Или по едн алента за паркирање на пластичарска наместо 3+3 булевар со ограда. Така и тука, ќе се заташка нешто наместо сериозно решение. И тоа што го замислуваат ќе заглави со години како ПРвомајска пред Драчево.
А што убаво имаше идеја да се протне саглам булевар меѓу Визбегово и Бардовци до обиколница!

(ВИДЕО) Два булевара во најава во Скопје – каде ќе водат и колку ќе чинат



Станува збор за булеварот „Хасан Приштина“ (од булеварот Словенија до Обиколницата) и втората фаза од булеварот „Македонија“, со што оваа собраќајница конечно ќе влезе во подземната улица под комплексот „Дајмонд“
И на едниот и на другиот тендер се пријавени исти фирми, а веќе има наводи дека јавната набавка е скроена за еден понудувач

Речиси секој работен ден во срцето на главниот град владее сообраќаен хаос. И, не само во центарот. Еднакво нервозно е и на периферијата, како на пример кај Момин Поток.

Решението за метежот кај Момин Поток се гради веќе четврта година. Го почна тогашниот скопски градоначалник Петре Шилегов, токму пред локалните избори во 2021 година. И, случајно или не, повторно пред избори, се најавува нова фаза.

Во бараката 1А во седиштето на град Скопје, на 21 февруари, во просторија не поголема од десетина квадрати, се отворија понудите на тендерот за изградба на булеварот „Хасан Приштина“.

Ги имаше четири на број. Ју-бај 2 амет ДООЕЛ, од скопско Бојане, понуди да ја заврши работата за околу 9,4 милиони евра. Гранит АД, побара 8,7 милиони. Слична беше цената и на Топ Билд. Најниско и тоа значително помалку од другите, понуди конзорциумот од Ленди Груп, Машиникоп и Фабрика Карпош.



Тоа не беше само обично отворање понуди бидејќи тендерот веќе предизвика контроверзи.

Кога првпат се распиша огласот, на условите се пожали Гранит АД. До Комисијата за жалби по јавни набавки аргументираа дека несразмерно се бара:

– да може да се пријават само фирми кои имаат лизгачки систем за подупирање на ров со длабочина од минимум 4 метри…опрема која се користи за изведба на водоводни/фекални канализации, а такви зафати нема во тендерот за булеварот;

– да може да се пријават само фирми кои имаат минимум 8 багери со зафатнина на корпата од 3 кубни метри, кога со толку и такви багери би се ископало се за 16 дена, а рокот на изведба е 730 дена;

– да може да се пријават само фирми кои имаат сопствена асфалтна база во радиус од 50 километри и тоа со капацитет од 240 тони на час.

Па, бидејќи бил препознаен ризикот за, народски кажано, тендерот да биде наместен, постапката била поништена. Трката која сега се води, всушност, е втора.

Допрва ќе се одлучува кој ќе победи бидејќи на крај ќе има електронско наддавање, при што цената е главен, но не и единствен фактор. Ќе победи оној со најдобро оценет однос помеѓу цената и квалитетот.

Идејата за тоа како треба се да изгледа на терен беше најавена уште во 2021 година од тогашниот градоначаник Петре Шилегов и вицепремиерите Фатмир Битиќи и Артан Груби.

Се градеше долго, но кружниот тек на булеварот „8 Септември“ е првиот чекор. На следниот уште се работи, а тоа е кружниот тек кој ги спојува „8 Септември“ и „Никола Карев“. Од таму, без семафори, ќе се продолжува кон Визбегово и булеварите „Словенија“ или „Хасан Приштина“, за накај обиколницата и границата со Косово.

Но, се доцни многу. Побаравме став од Град Скопје на чело со градоначалничката Данела Арсовска. Не добивме ништо повратно.     

Денот е 24 февруари. Бараката е истата – 1А. Како и просторијата – не поголема од десетина квадрати. Три дена по „Хасан Приштина“, се отвораат понудите за уште еден капитален проект – втората фаза од изградбата на булеварот „Македонија“.

Пред комисијата има три понуди, сите три од компании што конкурираа и за булеварот „Хасан Приштина“.

„Гранит“ понуди да ги заврши работите предвидени со тендерската документација за 14,6 милиони евра. Конзорциумот составен од Ленди Груп, Машинокоп и Фабрика Карпош побара 13,3 милиони. Значително најевтина беше понудата на „Топ Билд“ – 9,8 милиони евра.

https://360stepeni.mk/video-dva-bulevara-vo-najava-vo-skopje-kade-ke-vodat-i-kolku-ke-chinat/