Општинска зграда Бутел

И Бутел ќе гради нова општинска зграда

Општина Бутел ќе гради нов објект за општинската администрација пред спортската сала „Антон Димитров“, кај Основното училиште „Живко Брајковски“.

Според градоначалникот Петре Латиновски, темелот на новиот објект ќе биде удрен во периодот меѓу 15 август и 1 септември.

- Идејното решение за објектот е веќе избрано, а го подготвија нашите архитекти од одделението за урбанизам. Сега се подготвува основниот проект од страна на градежниот институт „Македонија“, кој треба да биде завршен за околу една недела. Врз основа на проектот, потоа ќе распишеме тендер за најповолен изведувач - вели градоначалникот Латиновски.

Тој истакна дека зградата ќе зафаќа површина од околу 3.000 квадратни метри, со приземје, кат и подрумски простории. Во неа ќе бидат сместена и сала за седници на Советот и сала за венчавки.

- Сметавме дека е соодветно во зградата да биде сместено и матичното, бидејќи сегашната сала за венчавки, која е во рамките на месната заедница „Бутел“, практично е неупотреблива и руинирана - вели Латиновски.

Тој на почетокот на свој прв мандат беше строго против изградба на нова општинска зграда, бидејќи сметаше дека приоритет треба да им се даде на други побитни работи од интерес за граѓаните. Сега вели дека зградата ќе мора да се направи, бидејќи според детаљниот урбанистички план, на местото на старите општински бараки треба да се градат 300 социјални стана.

- Општинската администрација ќе мора да се исели до Нова година, а дотогаш ќе треба да биде изграден поголем дел од новиот објект - рече градоначалникот. Иако нема конечна финансиска пресметка за објектот, според Латиновски, за изградбата ќе бидат потрошени над 1 милион евра. Парите ќе бидат исклучиво од буџетот на Општината Бутел, а ако биде потребно, ќе се бараат донации.

Освен Општината Бутел, изградба на нови општински згради најавија општините Центар, Карпош и Ѓорче Петров. За изградба на нова општинска зграда размислува и Општината Аеродром, која функционира во објект под наем. Единствено Општината Чаир уште од пред неколку години функционира во нова општинска зграда, која е изградена со донација од Европската Унија. (А.П.)

http://www.dnevnik.com.mk/?ItemID=61007855DF3AB347920DCE989DEE2FC4

На големо копаат. Се работи и во сабота и недела, до касно навечер.



 

Токму таму е. Ќе постирам слики од напредокот редовно.

Па не само овде, него секаде, мене ми пречи кога гледам училишта со оооогромен двор во околина, кој може многу практично да се искористи..

СТАРИТЕ БАРАКИ ОДАТ ВО ИСТОРИЈАТА


Бутел ќе гради нова општинска зграда

Куќата на општината ќе се гради на парцелата од околу 1500 квадрати што се наоѓа кај ОУ Живко Брајковски", пред спортската сала Антон Димитров"



Општинската администрација на Бутел ќе добие нова модерна зграда на приземје и спрат, а на местото на старите бараки ќе никне комлекс станбени згради.
Куќата на општината ќе се гради на парцелата од околу 1500 квадрати што се наоѓа кај ОУ Живко Брајковски", пред спортската сала Антон Димитров". Во моментов локацијата се околчува и привршуваат подготовките за удирање на камен-темелникот, кој, како што дознаваме, треба да се случи до крајот на месецов.
Според проектот што го изработија архитекти од Градежниот институт оваа зградата ќе биде исклучиво административна и нема да има комерцијален дел или простории за издавање. Во неа ќе се сместат сите служби и подрачните единици на министерствата, Советот на Општината, кој ќе добие и голема сала за седници. Во еден посебен дел со посебен влез ќе биде сместена матичната служба која ќе има атрактивна свечена сала за ванчавање.
Според нашите сознанија општинската администрација ќе треба да иссели до Нова година до кога се предвидува дека ќе биде изграден поголем дел од новиот објект. Ова е крајниот рок за остртанување на старите бараки и расчистување на државното градежно земјиште, каде што според Деталниот урбанистички план е предвидено да се градат згради. Според најавите таму ќе се градат социјални станови исти како оние што се во непосредна близина, со што целата локација ќе добие унифициран, урбан изглед.
За изградба на новата зграда Општина Бутел потроши околу 50 милиони денари. Дел од средствата ќе бидат обезбедени од општинскиот буџет а дел од донации. (Е.А)



Оплеменување
Споменик на Вапцаров во паркот Живко Брајковски

Општина Бутел планира да работи и на збогатување на содржините во новиот парк Живко Брајковски, што се наоѓа наспроти локацијата на новата општинска зграда. Таму наскоро ќе се постави споменик на македонскиот револуционер, поет и публицист Никола Јонков Вапцаров.
Станува збор за споменик висок пет метри којшто ќе биде поставен на постамент од два метри. Вапцаров во едната рака ќе држи полуотворена книга во рацете, а со едниот показалец ќе покажува кон земјата. Автор на идејното решение е вајарот Мирослав Славковиќ.
Во моментов во тек е конкурс за избор на фирма што ќе го лее споменикот во бронза, а крајниот рок за доставување на понудите е почетокот на октомври.
За изградба на споменикот Општината Бутел и Министерството за култура ќе одвојат седум милиони денари.

http://www.vecer.com.mk/default.asp?ItemID=5264685F6FF8DE4EB1A353110A927236

Општина Бутел некако најмалку од сите се чаталеше по медиуми дека ќе гради зграда и прва започна. Карпош колку време збори, Центар бираше проект и никако да почне. Кисела Вода збореше за реконструкција на старата фабрика Цветан Димов и тоа заглави по судови некаде. Ѓорче еве уште расчистува терен, Град Скопје ни сам незнае што прави, со исклучок на Чаир што доби зграда.


Edited by lslcrew - 23-Aug-2010 at 11:43

Ова што треба да е табла, всушност би требало да биде закачено некаде до висина на просечен човек, за кога ќе погледнеш низ платното да ти се гледа стварно како ќе изгледа зградата на местото кај што треба да се гради. Затоа е таква проѕирна.

Конечно ставија и асална табла со понормална висина од претходната "мрежа за комарци"

Мене не ми фаќа око. Сепак, мислам дека можеле да бидат малку покреативни, вака ми изгледа како објект за во некоја индустриска зона.

Лопати и за зградата на Општина Бутел

Неделава ќе биде поставен камен-темелник на новата зграда со модерна архитектура на Општината Бутел, која ќе се гради на просторот спроти паркот Живко Брајковски. Oбјектот треба да биде завршен до крајот на годинава. На местото на старите бараки за администрацијата на Општината ќе се градат 300 социјални стана. Градоначалникот на Општина Бутел, Петре Латиновски, на почетокот на својот прв мандат беше строго против изградбата на нова општинска зграда и имаше други приоритети.

Новата општинска зграда ќе биде на вкупна површина од 2.168 квадратни метри. Објектот ќе чини 50 милиони денари. Парите ќе бидат обезбедени од буџетот на Општината.