Füssen, Германија

Патеписот што следува не е само за Füssen, но не сакав да го угушам насловот на темата. Покрај градот, во галеријата има слики и од два замоци кои се наоѓаат во близина на Füssen - Hohenschwangau и Neuschwanstein, а езерото е Алпско езеро (Alpsee).

Füssen е последниот град што се наоѓа на таканаречениот Романтичен пат и е во близина на границата со Австрија, во подножјето на Алпите. Она по што е најпознат е индустријата за изработка на виолини.

Двата замоци имаат фасцинантни приказни, но да не должам на долго и широко, на оние што се заинтересирани би им препорачал да прочитаат по нешто повеќе. Посебно занимлива е приказната за кралот Лудвиг втори од Баварија којшто го градел Neuschwanstein за себе, но никогаш не доживеал да го види завршен бидејќи умрел под мистериозни околности, пронајден мртов во вода. Се вели дека е единствениот вистински крал во неговиот век, а самиот рекол дека сака да биде вечна мистерија за себе и за останатите, па се чини дека успеал во тоа.

Она што најмногу ме воодушеви е лустерот во една од просториите на замокот којшто е изработен во форма на Византиска круна (поради фасцинираноста на кралот со средновековието) и кој тежи 1 тон.

Еве уште некоја фотка. Од оваа страна го реставрираат замокот, предвидено е да е вака затворено до крајот на 2018. Надворешноста на замокот е под многу силно влијание на природата бидејќи се наоѓа во подножјето на Алпите и со самото тоа има многу остра клима. Но, исто така поради тоа што се наоѓа на карпест рид којшто го разнеле со динамит за да го израмнат теренот при спремање за градба. Да напоменам дека во тоа време динамит бил тукушто измислен и претставувал најнова технологија. Заради тоа одвреме-навреме е потребно зацврстување на потпорните ѕидови за да се спречи лизгање на земјиштето.

IMG_20180728_100042 by ironm, on Flickr

И една од позади

IMG_20180728_124131 by ironm, on Flickr