Административно раководење на Скопје

Граѓаните на Скопје честопати имаат проблеми со разграничувањето на градските и на општинските надлежности, при што не можат точно да ги детектираат органите што треба да им ги решат проблемите. Редакцијата на „СКОПЈЕ“, со цел да им помогне на граѓаните, во продолженија, компаративно, ќе ги објавува надлежностите на своите страници.
Градските надлежности се реализираат на магистралнитена собирните улици, а општините ги реализираат надлежностите на собирните улици. Значи, главните улици се во надлежност на градот, споредните, кои се регулираат со Детален урбанистички план се општински улици. Почнуваме со надлежностите од урбанизмот.

ГРАД СКОПЈЕ:

• донесување просторен план на градот Скопје
• донесување Генерален урбанистички план на градот Скопје
• давање мислење за предлогот на деталните урбанистички планови, урбанистички проекти и урбанистички планови за населени места што ги донесуваат општините во градот Скопје (мислењето Градот Скопје го дава најдоцна во рок од 30 дена од денот на поднесувањето на предлогот на планот, а доколку во овој рок истото не се даде, ќе се смета дека е дадено позитивно мислење)
• уредување градежно земјиште (приходите од надоместокот за уредување градежно земјиште се распределуваат во сооднос 60 % за Градот Скопје и 40 % за општината во градот Скопје во која се уредува градежното земјиште) и
• утврдување стандарди и давање согласност за поставување времени објекти, мебел и урбана опрема на подрачјето на градот Скопје

ОПШТИНИ:

• покренување иницијативи за донесување, измена и дополнување на просторниот план на градот Скопје и Генералниот урбанистички план на Скопје
• давање мислења по нацртите на Просторниот план на градот Скопје и Генералниот урбанистички план
• донесување детални урбанистички планови, урбанистички проекти и урбанистички планови за населени места во општината (плановите и проектите општината ги донесува по претходно добиено позитивно мислење од Градот Скопје и согласност од органот на државната управа надлежен за работите на уредување на просторот)
• спроведување урбанистички планови и проекти и издавање документација за изградба на објекти од локално значење (услови за градба, урбанистичка согласност, одобренија за градење)
• издавање одобренија за поставување времени објекти, мебел и урбана опрема (одобренијата се издаваат во согласност со утврдени стандарди, а по претходно добиена согласност од Градот Скопје)
• уредување на градежно земјиште во делот на опремување на градежното земјиште со објекти и инсталации од секундарната инфраструктура

http://www.skopje.gov.mk/images/File/Vesnik%20SKOPJE/Grad%20Skopje%20br.1.pdf

Новоизбраните градоначлници од скопските општини вчера ја одржаа првата конститутивна седница на Координативното тело која што согласно Законот за Град Скопје ја свика градоначалникот Коце Трајановски. На средбата која беше одржана зад затворени врати, градоначалниците разговарале за решавање на сите прашања од заеднички интерес, како што се јавните претпријатија за начинот на нивното функционирање, за донесувањето на Генералниот урбанистички план и наплатата на данокот на имотот.
- Ова беше конститутивна седница на која ги отворивме сите прашања кои понатаму ќе бидат предмет на наши дискусии и предмет на решавање. Практично, тоа се прашањата кои се од заеднички интерес за сите општини во Градот Скопје, изјави скопскиот градоначалник Коце Трајановски по завршувањето на средбата.

Тој најави дека наредните седници на Координативното тело ќе се одржуваат многу почесто од предвиденото еднаш месечно според Законот за Град Скопје, за да може побрзо и поквалитетно да се решаваат проблемите.
- На следните состаноци ќе ги договараме проектите кои се од заеднички интерес за сите скопски општини без разлика дали се инфраструктурни или комунални, вети Трајановски.
Единствениот опозициски градоначалник, првиот човек на општина Карпош Стевче Јакимовски првиот состанок на Координативното тело го оцени како коректен и според него, биле поставени вистински прашања.

ГРАД СКОПЈЕ И СКОПСКИТЕ ОПШТИНИ ВРЕМЕНО ЌЕ АНГАЖИРААТ ОКОЛУ 1.000 ЛИЦА ЗА ЈАВНИ РАБОТИ

Одлуката на Владата за јавни работи ќе овозможи во општините во Македонија да се ангажираат 5.000 луѓе преку Агенцијата за вработување. Од нив во Град Скопје и во скопските општини би требало да се ангажираат околу 1.000 лица, беше истакнато на денешната седница на Координативното тело на градоначалниците на скопските општини.

Делбата меѓу Кисела Вода и Аеродром пред разрешница

Општините Кисела Вода и Аеродром се на пат конечно да го разрешат четиригодишниот спор околу делбениот биланс, кој постои откако во април 2005 година од територијата на Кисела Вода се издвои Аеродром како посебна единица на локалната самоуправа. Советот на Кисела Вода вчера го усвои Протоколот за делбениот биланс, кој овозможува граѓаните кои сега потпаѓаат на територијата на Аеродром да ги користат месните заедници, архивата, документацијата и проектите на Кисела Вода

Градоначалникот Марјан Ѓорчев пред Советот потенцираше дека тие се подредена страна во спорот и дека со протоколот покажуваат добра волја проблемот да се реши на обострано задоволство.  Во овие неколку години повеќе од милион евра се одлија од сметката на Кисела Вода поради изгубените судски спорови со Аеродром - рече Ѓорчев. Двете општини се договориле, онаа што ќе загуби во преостанатите спорови да може да го отплаќа долгот неколку години на рати, за да не се намалува финансиската моќ на општината.