Протест: Не го силувајте Скопје!!!

Драги Сограѓани,

Време е за ПРВОТО АРХИТЕКТОНСКО ВОСТАНИЕ под мотото:

НЕ ГО СИЛУВАЈТЕ СКОПЈЕ!

ВОСТАНИЕТО го иницираме, ние: ПРВА АРХИ БРИГАДА -студентите од Архитектонски факултет, поддржани од сите истомисленици и луѓе изреволтирани од неконтролираното разобличување на градот.

Целта на востанието е да ја кренеме јавната свест за несоодветната, нелогична и произволна поставеност на градежната парцела предвидена за верски објект – црква, која се наоѓа на пресекот на историската оска север-југ со новиот правец на ширење на градот, исток-запад.

ВОСТАНИЕТО ќе се случи на 28.03.2009 (сабота) во 12:00 часот, на плоштадот Македонија, на самата локација предвидена за изградба на објектот.

Периметарот на локацијата ќе биде дефиниран со жив ѕид, од страна на членовите на ПРВА АРХИ БРИГАДА. СИТЕ ШТО ЌЕ ДОЈДЕТЕ – ВЛЕЗЕТЕ ВО ОЗНАЧЕНИОТ ПРОСТОР И ПОМОГНЕТЕ НИ ДА ЈА ИСПОЛНИМЕ СО ЛУЃЕ ЦЕЛАТА ПАРЦЕЛА!

Целта на ограничувањето и исполнувањето на парцелата е да се доловат нејзините реални димензии и негативното влијание што таа ќе го има на контекстот , односно на градскиот плоштад.

Организацијата на ВОСТАНИЕТО е во соработка со Прогресивен млад синдикат, група млади луѓе со кои делиме исти ставови – дека плоштадот во главниот град е јавен простор и дека тој подеднакво му припаѓа на секој граѓанин на Скопје.

ВРЕМЕ Е ДА ПРЕСТАНЕМЕ ДА БИДЕМЕ ПАСИВНИ НАБЉУДУВАЧИ НА ОНА ШТО МУ СЕ СЛУЧУВА НА НАШИОТ ГРАД И ДА СТАНЕМЕ АКТИВНИ КРЕАТОРИ НА НЕГОВАТА ИДНИНА!
ПРИДРУЖЕТЕ НИ СЕ!

http://www.facebook.com/event.php?eid=59030137534&ref=nf#/group.php?gid=61204922527

П.С. Сите се добредојдени да дојдат да дадат поддршка (во 12h). Оние кои сакаат директно да се вклучат и да добијат транспарент со мотото, би било најзгодно да ми пратите лична порака.

Се гледаме таму!
Поздрав!

Архитектоне, една кутија креди барем да остане и после тоа бележано до првиот дожд!

Originally posted by anDarko се плашам дека протестов ќе биде оквалификуван како мотивиран од политички побуди, сега помеѓу двата изборни круга. Затоа, од оваа работа нема да испадне ништо. Протестов требаше да се одржи многу по-одамна, пред изборите или веднаш после изборите. На овој начин мотивите на организаторите стануваат сомнителни. И јас сум против изградба на црква на таа микро-локацијата, но тајмингот на протестов не можеше да биде полош.

за жал многу си во право, реакцијата требаше да се случи уште пред една година, веројатноста дека нешто ќе спречи
ќе беше многу поголема тогаш.

но подобро некогаш отколку никогаш макар и со ваков несреќен тајминг. Само да има континуитет и да води некаде....

како што рече кло, сега веќе е касно, бидејки кога веќе уставен суд донесе одлука, владата има одвоено буџетски средства за црквава, читам готов бил и проектот + сега се изборите, дека ова тешко ќе предизвика некаков исход. али да се надеваме, дека ако не друго, ќе ја зголеми свеста дека треба да се престане со егизбициите во просторот и дека повеќе нема да се градат нови монструм објекти по градот. а за веќе планираниве објекти, се плашам дека веќе треба да се навикнеме да живееме со нив кога е извесно дека за пар години ќе бидат сите завршени...

fala bogu sto se razbudi skopje

Кога нема срам владава да фрли лопати каде стигне, па и нека се збори дека е политички мотивиран протестот, фактот дека не е, е голем колку глупоста на тие што ќе го етикетираат...уште од сега можам да ги замислам коментарите на провладините медиуми, ама на крајот на краиштата, кој па гледа сител (морам да го спомнам затоа што ги поместува границите и достигнувањата на простаклукот, новинарското безобразие и нечовечноста), па да ги зема тие коментари како објективни и меродавни...мора да излеземе од оваа апатија и предавање на случајностите, голема поддршка за протестов!

Architechtone, можеш ли да ни кажеш нешто повеќе зошто токму ваков тајминг за протестов? Додуша мислам дека со оваа офанзива на камен темелници сред избори веќе ситуацијата е прилично јасна, но дали има некаква информација дека и за црквава се спремало нешто токму деновиве?

Како што кажа Кловер, забрзано почнаа да летаат свети лопати низ центар, и ние наслушнавме дека се спрема лопата и за црквата, и не сакавме да излезе да кукаме post-festum како што се случува со Мајка Тереза, и иако сме свесни дека има ризик за протестот да биде изваден од контекст, сепак мора да се направи нешто...

Дали конечно ќе ја имаме честа да те запознаеме?