Јахја Кемал Колеџ-Карпош

Message Topic Search Topic Options Post Reply Create New Topic Printable Version

Originally posted by maks

Ајде малку критички осврт на овој објект. Се работи за модернистички израз кој првично отстапува од прикажаниот рендер на таблата поставена од инвеститорот. И тоа во овој случај не е до крај лошо, оти како што гледам, влезната партија е разботена подобро од првично планираното. Но, постојат елементи кои за жал се само декоративна партија на фасадата а не и корисни елементи кои зградата би ја штителе од премногу сонце и други атмосферски влијанија. Прво, челичната мрежа над влезниот дел е комплетно промашена инвестиција ако помислиме дека такво Grid решение можело да има и заштитен ефект, односно да штеди на енергија и да заштитува. Следно, според 3д приказот, прозорците од страничните партии на објектот не се изведени според планираното(ги нема  повеќебојните ламели)кои во основа би му го дале потребниот израз на образовен објект. Прозорските отвори на челната фасада би можеле да имаат и сопствени жалузини(заштитни капаци)кои на пример би се извлекувале од внатрешноста на прозорскиот отвор, односно разнобојните капаци би и ја дале толку потребната фасадна динамика која за сега е сведена на визуелна импровизација и ја нема. Истиот минус, го забележувам и во однос на изборот на бои на фасадата, во односно на првичниот приказ. Со што објектот остава впечаток на административна, а не образовна институција. Конечно, самиот објект, буквално избива на релативно фреквентна улица, а истиот би требало да биде прилично вовлечен во парцелата за да се обезбеди потребното зеленило како тампон зона од сообраќајницата, но и да се овозможи проточна комуникација на корисниците. Тоа е најголемиот функционален недостаток на овој објект, според мене.  Се на се, (во контекст на генералното градежно самоволие) овој објект поминува, но и овде како и на други места и објекти, треба да се забележат недостатоците доследно, и секако да се има око и став за работите кои се градат, а не да се радуваме на се што е изградено, со права геометриска линија.

Убаво срочено.   