Концепт за Ново Маало

Мулти-наменски комплекс на местото на денешно Ново Маало и паркингот пред Холидеј Ин. 

Се вртеше  опцијата дека на ова место ќе никнат 3 висококатници, но имајќи во предвид дека поради денешната потреба на Скопје за вакви објекти е нереална и дека оваа опција е многу нереална за да се реализира, почнав да размислувам како може тој простор да биде добро искористен, функционален, и посетуван од граѓаните на Скопје и пошироко, а воедно и економски исплатлив. На интересен и заводлив начин да стане место за Скопјани каде може да го поминуваат своето време и да биде новото препознатливо место во Скопје за ова време.

За да не остане само на објект, односно место кое само ќе може да се гледа, но не и да се доживува, испланирав многу содржини кои ќе бидат во функција на потребите на сите посетители.

Предлогот е самиот по себе опуштен, односно место кое ќе се вклопи во градот без да направи некаква штета. Широк, отворен, еколошки и прилично зелен. А Скопје отсекогаш бил зелен град. Ова е еден голем допринос за да се задржи таа состојба, но во исто време да се искористи максимално за потребите на сите луѓе.

Значи вака, целиот концепт се темели на отворен простор, но бидејќи тој простор е голем, решив да внесам дополнителни содржини.

Прво, целиот тој блок од Голем Ринг е обвиткан од некаде широк, некаде потесен појас од парк (ниска трева, клупи, дрва, и се што претставува парк, нешто како Делот на Градски парк кај Школка, со содржини за деца, ниски лавиринти од жива ограда итн.

Второ, појас на ситен песок-плажа, со лежалки, чадори, неколку барови и еден-два кафич-дискотека (во вид на плато од дрво покриено со лесен кров, бар, столици и маси итн.), содржини за деца, спортско-рекреативни содржини (одбојка на плажа, фудбал итн.), тушеви и се попатно.

Трето, два големи базени-езерца од затворен тип, никакви допирни точки со Вардар и сопствен систем на пренос, регулација и филтрирање на водата. На нивоа, со ублажени премини од една во друга длабочина (40цм-121цм-203цм) и дополнителни содржини кои сеуште не сум ги определил.

Потоа кула од 170,26м (со основа 30,26м*16,04м=485,3704 метри квадвратни) која може да служи и како комуникациска, ама јас не би се определил кон тоа. Односно, повеќе би ми одговарале содржини како ексклузивни ресторани, галерии, видиковци (со исклучок на тој што би бил на врвот, кој во секој случај е вклучен). Формата на кулата е таа, но фасадата е разиграна, слично нешто на таа што ја имав претставено на форумов претходно, проџирно и темно стакло или бетон во комбинација, а може да се изведат и испакнати делови, нешто како во Чикаго и Детроит кулата што беше, мислам, не сум сигурен. Но може да има и некои други содржини и искористеност, пример, тука може да се смести и контрола на летање-централа (нешто како што направија Србија), или пак некои лаборатори и обсерватории, метеоролошка станица итн.

Следно би било панорамското тркало со дијаметар од 70,01м и апсолутна визина од 77,05м, бројот на кабините соодветено би се одредил, и веројатно би биле за 4-8 лица.

Врската помеѓу Кулата и Тркалото е платформа на висина од 3,04м. А под неа би постоел простор за изнајмување или пак купување, и тоа, ресторани, кафичи, бутици, галерии, кина, игротеки, забавни паркови, куглани, пинг-понг итн. Прилично голем простор. Рестораните и кафичите би имале поглед на езерата, и во нивна близина, во езерата би можело да има фонтани, водоскоци, прилагодено осветлување, итн.

Платформата би претставувала еден вид плоштад, плато каде може да се шета да се седи, да се случуваат разни културни, спортски настани, како и концерти, но не и митинзи, иш иш, тоа не ни треба. Нека биде пл. Македонија за тоа. Може да се вршат презентации, мали саеми, турнири, проектирања (за што добро би дошол ѕидот од кулата), исто така е како направена само за Баскерфест, итн.

САМО, моделот е недоработен, еден вид план како би изгледало. Општо, без детали. Можеби ќе го доработам, но важно ми беше да го претставам концептот и да го доловам моментот. Се надевам дека ќе можам да го доправам, но се плашам дека со додавање на детали, ќе почне да ми кочи и да не можам да го завршам, а од друга страна, ми фалат техники, како на пример текстурирање и боење, ова сега што е е генеричка текстура од програмот. Така да може и некој да помогне во доработка или преработка. Овој сега е лаички направен и не би можел да претставува рендер за некој конкретен проект.   

Ако успееме да создадеме нешто конкретно може и некој ќе се заинтересира да го реализира. 

Еее, за тоа си во право. Се извинувам.

Кој има скечап нека го симне од линкот, да го види од блиску.