Хотел Бристол - Центар

Култниот хотел „Бристол“ го чека ДУП „Голем ринг“ да си го врати ликот кој му прилега



Култниот хотел „Бристол“, кој денес е затворен, е еден од најстарите хотелско-угостителски објекти во главниот град, обележје на центарот на Скопје. По 90 години постоење, на 9 ноември 2012 година најстариот хотел во Скопје, „Бристол“, беше затворен. Со напуштениот хотел стопанисува „Македонија турист“ АД Скопје, но од таму не сакаа да дадат одговор што се планира со овој култен објект. Велат, согласно атрактивноста на локацијата каде се наоѓа, но и историјата и спомените што ја носи низ времето кај гостите кои го уживале духот на овој угостителски објект, заслужува да го има ликот кој му прилега

Култниот хотел „Бристол“, кој денес е затворен, е еден од најстарите хотелско-угостителски објекти во главниот град, обележје на центарот на Скопје. Од 1924 година кога е изграден од браќата Атанас и Ташко Караџа, тогаш познати скопски трговци, објектот сместен во непосредна близина на старата Железничка станица, а денес Музеј на Град Скопје, и по неколку реновирања ја задржа убавината и им пркоси на трите згради спроти „Бристол“ изградени изминативе години во барок стил.

Низ годините зградата менувала сопственици, била национализирана од државата итн. Една е од ретките згради што го има преживеано скопскиот земјотрес во 1963 година во Скопје. По 90 години постоење, на 9 ноември 2012 година најстариот хотел во Скопје, „Бристол“, беше затворен.

Со напуштениот хотел стопанисува „Македонија турист“ АД Скопје, но од таму не сакаа да дадат одговор што се планира со овој култен објект.

– Согласно атрактивноста на локацијата каде се наоѓа, но и историјата и спомените што ја носи низ времето кај гостите кои го уживале духот на овој угостителски објект, заслужува да го има ликот кој му прилега. „Македонија турист“ АД Скопје, како компанија со децениско искуство во работата во угостителскиот бизнис и сопственик на повеќе хотели, меѓу кои и хотел „Бристол“ во своите планови за идниот период од работењето, има предвид на овој деловен субјект да му го даде ликот што му прилега. Активностите сè уште не се отпочнати, сè до ревизија на Деталниот урбанистички план за „Голем ринг“ – изјавија за весникот ВЕЧЕР од „Македонија турист“, но не прецизирајќи какви сè активности планираат да направат за да го вратат повторно во живот.

Оттаму велат дека како акционерско друштво, сите планови и активности за следниот период за овој легендарен хотел, се дел од системот на работа што го налага структурата на компанијата.

Хотелот „Бристол“ беше надалеку познат по својот ресторан во кој се јаделе најубавите чорби, пред неа летната бавча и стариот разгранет орев кој фрла дебела сенка на околината. Всушност оревот е засаден како плод на една љубовна врска што се случила во хотелот. Нашиот познат писател Петре Бакевски ја раскажува приказната за засадувањето на оревот и страсната љубовна врска меѓу двајца млади во својот роман „Црно јагне, див Балкан“.

Имено, хотелот свечено бил отворен пред 96 години на 24 април 1924 и важел за еден од најугледните и најмодерно опремени хотели. По формирањето на првиот Ротери клуб од Скопје во 1931 година, во хотелот „Бристол“ редовно се состанувале членовите на овој клуб. Од колено на колено се раскажувала приказната дека познатата англиска писателка и патописец, Сисилија Изабел Ендрус, позната под псевдонимот Ребека Вест, престојувала во хотелот во периодот помеѓу двете војни.

Со нејзиното име се поврзува една приказна од 1936 година за големата љубов помеѓу неа и нејзиниот придружник Станислав Винавер, новинар, познат под псевдонимот Константин. Сесилија посакала нивната љубов да ја овековечи со тоа што во бавчата на хотелот ќе засади орев, како силно и долговечно дрво како и нивната љубов.

Се проценува дека во светот има околу 200 градови што имаат хотели со име „Бристол“. Овие хотели опстојуваат самостојно, не се дел од ланец на хотели. Најпознати се оние во Виена и во Париз, кој е всушност првиот хотел со ова име, основан 1816 година. Постојат две теории за потеклото на името на овие хотели.

Првата се врзува за истоимениот британски град Бристол, кој е осми по големина град во Англија, а единаесетти во целото Обединето Кралство. Втората теорија е поврзана за лордот од Бристол, подоцнежниот бискуп Фредерик Хервеј. Се вели дека Хервеј уживал во патувањата, а бил познат и како човек со репутација за препораки на добри места за престој. Тие набргу биле наречени „хотелите на лордот Бристол“, а името бргу се проширило низ цела Европа.

https://www.vecer.press/култниот-хотел-бристол-го-чека-дуп/

"... да си го врати ликот кој му прилега"

Кога ќе му прилегне овде уште еден Кермес во сред Скопје. Надграден и проширен! Само некоја камена пластика од фасадата и чорбата у Бристол може да останат слични со оригиналот, другото има да биде некоја новокомпонована зградурина ала Дебар-Маало што во најдоабр случај може да биде нешто како ИК-банка во продолжеие.

Од друга страна, стара е зградата, прашање и колку може и колку вреди да се интервенира врз објектот, може и не е лошо да се обнови телемелно со нова зграда, само да не отстапува од ликот.

од твитер

Бристол и „среќен мртовец“ на улица „Македонија“

Култниот хотел „Бристол“, кој е еден од најстарите хотелско-угостителски објекти во главниот град, обележје на центарот на Скопје, е затворен веќе единаесет ипол години.

Од 1924 година, кога е изграден од браќата Атанас и Ташко Караџа, тогаш познати скопски трговци, објектот сместен во непосредна близина на старата Железничка станица, а денес Музеј на Град Скопје, и по неколку реновирања ја задржа убавината и им пркоси на трите згради спроти „Бристол“, изградени изминативе години во барок стил.



Во објектот којзнае од кога не стапнала човечка нога. На стаклата на влезната врата се нафатил дебел слој прашина и тешко може да се распознае што има внатре ако некој намерник сака да фрли поглед. Ама затоа, пак, стаклата се исшарани со спреј и некој ги искористил како подлога тука да залепи плакати за театарската претстава „Среќен мртовец“, што пластично ја отсликува состојбата во која се наоѓа објектот и случајно или не, веднаш под таблата на една од најрепрезентативните улици во градот, улицата „Македонија“.

Низ годините зградата менувала сопственици, била национализирана од државата итн. Една е од ретките згради што го има преживеано скопскиот земјотрес во 1963 година во Скопје. По 90 години постоење, на 9 ноември 2012 година, најстариот хотел во Скопје, „Бристол“, беше затворен.



Со напуштениот хотел стопанисува „Македонија турист“ АД Скопје. Оттаму пред некоја година најавија дека ќе го имаат во плановите за обнова, но до денешен ден таму ништо не се случува за да го вратат во живот.

Хотелот „Бристол“ беше надалеку познат по својот ресторан, во кој се јаделе најубавите чорби, пред неа летната бавча и стариот разгранет орев кој фрла дебела сенка на околината. Всушност, оревот е засаден како плод на една љубовна врска што се случила во хотелот. Нашиот познат писател Петре Бакевски ја раскажува приказната за засадувањето на оревот и страсната љубовна врска меѓу двајца млади во својот роман „Црно јагне, див Балкан“.

Имено, хотелот свечено бил отворен пред 96 години, на 24 април 1924, и важел за еден од најугледните и најмодерно опремени хотели. По формирањето на првиот Ротари клуб од Скопјем, во 1931 година, во хотелот „Бристол“ редовно се состанувале членовите на овој клуб. Од колено на колено се раскажувала приказната дека познатата англиска писателка и патописец, Сисилија Изабел Ендрус, позната под псевдонимот Ребека Вест, престојувала во хотелот во периодот помеѓу двете војни.

Со нејзиното име се поврзува една приказна од 1936 година за големата љубов помеѓу неа и нејзиниот придружник Станислав Винавер, новинар, познат под псевдонимот Константин. Сесилија посакала нивната љубов да ја овековечи со тоа што во бавчата на хотелот ќе засади орев, како силно и долговечно дрво како и нивната љубов.

Се проценува дека во светот има околу 200 градови што имаат хотели со име „Бристол“. Овие хотели опстојуваат самостојно, не се дел од ланец на хотели. Најпознати се оние во Виена и во Париз, кој е всушност првиот хотел со ова име, основан 1816 година. Постојат две теории за потеклото на името на овие хотели.

Првата се врзува за истоимениот британски град Бристол, кој е осми по големина град во Англија, а единаесетти во целото Обединето Кралство. Втората теорија е поврзана за лордот од „Бристол“, подоцнежниот бискуп Фредерик Хервеј. Се вели дека Хервеј уживал во патувањата, а бил познат и како човек со репутација за препораки на добри места за престој. Тие набргу биле наречени „хотелите на лордот „Бристол“, а името бргу се проширило низ цела Европа.

https://www.vecer.press/bristol-i-sreken-mrtovec-na-ulica-makedonija/

Кога културното наследство ќе се сретне со градежната машинерија

По тридецениска доминација, бизнисменот Доне Таневски на пат е да ја изгуби контролата врз хотелскиот гигант „Македонија турист“, која ја има уште од периодот на транзицијата.

Берзанските промени, во последниве три месеци, на површина исфрлија тројца нови и потенцијално клучни играчи во хотелското акционерско друштво, бизнисмените Фатмир Етеми, Зоран Антиќ и Симеон Павлов.

Заедно, тие имаат поголем удел од Таневски.

Она што се истргува на хартија, преведено во масивни објекти, покрај четири активни хотели, ги вклучува и зградите-обележја на главниот град, некогашните хотели „Бристол“ и „Јадран“ (Арапска куќа).

Долгогодишното раководство на „Македонија турист“ немаше економска корист да ги одржува во живот. Со години не работеа и пропаѓаа.

Меѓутоа, досегашното портфолио на новите акционери Етеми и Антиќ не влева надеж дека овие уникатни објекти од првата половина на минатиот век ќе добијат соодветен третман. Дополнително, проектите на бизнисмените Антиќ и Етеми неколкупати предизвикуваа револт кај жителите во чија околина ги реализираа градбите.

Нивните градежни потфати наидуваа на отпор, додека локалните власти им ги одобруваа мегаломанските проекти.

Антиќ и „МГ фешн“ ги градат непопуларните висококатници спроти „Холидеј ин“, за кои граѓаните жестоко негодуваа, а антикорупционерите имаа забелешки што може да се сместат под фолдерот „отаде законите“.

Етеми, пак, предизвика реакции во Карпош. Таму граѓаните протестираа против планот да се гради зграда со 419 станови, во кои ќе се сместат стотици нови жители наспроти скромната инфраструктура во тој дел од градот.


Хотелот „Бристол“ на ветрометина



И хотелот „Бристол“ не е во подобра состојба.

Годинава, со затворени врати ги дочека стоте години откога е пуштен во употреба. Не работи од 2012 годинa, а останаа да го споменуваат само повозрасните скопјани, кои ја паметат големата тераса на малиот градски хотел.

Неговата судбина може да биде уште понеизвесна ако се знае дека тој, за разлика од Арапска куќа, нема никаков степен на заштита. Актуелното раководство на „Македонија турист“, во ланскиот годишен извештај открива дека има планови да се смени габаритот на хотелот „Бристол“.

„Во тек е изработка на проекти за негово комплетно реновирање и, доколку се усвојат нашите предлози за измена на ДУП-от на Општина Центар, ќе се преземат соодветни активности за реконструкција или повторна доградба на хотелот.“

Акционерски „напад“ од повеќе страни

Од 1990-тите години до оваа есен, главни акционери во „Македонија турист“ беа долгогодишните менаџери на компанијата, Доне Таневски, со над 20 отсто, и Соња Бибановска, со повеќе од 11 проценти од акциите.

Од септември, па сè до минатиот понеделник, во неколку различни трансакции, драстично се смени сопственичката структура во „Македонија турист“. Сопственици на повеќе од пет проценти од акциите пред и по трансакциите останаа пензискиот фонд „Сава“ (8,8%) и „Македонија турист“ (10%), меѓутоа сега од акционерскиот мозаик ја снема Бибановска.

Нејзините и уделите на некои ситни акционери ги купија компаниите на Зоран Антиќ (7,69%), Фатмир Етеми (9,84%) и бизнисменот Симеон Павлов (8,19%), кој е единствениот што не се занимава со градежништво, туку преку неговата фирма „Чезакомерц“, со трговија.

Доне Таневски остана крупен акционер, незначително зголемувајќи си го уделот на 23,40 проценти.

Јавно не е соопштено дали новите акционери настапуваат заедно за да ја преземат контролата врз акционерското друштво.

Антиќ, во разговор за БИРН, прашан пред влезот на Етеми, тврдеше дека не ги познава новите акционери, иако проверките на БИРН покажуваат дека, сепак, со Симеон Павлов основале и раководеле со заедничка фирма од 2017 до 2018 година.

И оваа недела е бурна за „Македонија турист“ на берзата. Нивните акции се повторно меѓу најтргуваните. Сепак, последните случувања ќе се дознаат в понеделник, кога редовно се објавуваат промените во сопственичката структура.

https://prizma.mk/koga-kulturnoto-nasledstvo-ke-se-sretne-so-gradezhnata-mashinerija/