Нов кампус за УКИМ

Ај вака

Знам дека е малку налудничава идеја, но кога би се разгледала добро има добра смисла.

Мојот предлог, кој ќе го прикажам подоцна и преку модел, е да се изгради нов кампус за УКИМ на локацијата предвидена за висококатници во Ново Маало, Центар. Еве неколку аргументи кои јас можам да ги споделам на оваа основа:

1. Да не се залажуваме, облакодерите на оваа локација се многу неверојатно да се реализираат, поради фактот дека се голема инвестиција и незнам кој би се нафатил да ги гради без притоа да се нафати на огромен ризик во однос на нивната исплатливост и успешност. Реално, Скопје (а воедно и Македонија) се навистина мали и по население и по економска активност што го прави овој проект да биде ризичен и оправдано непотребен.

2. Мое скоро формирано мислење, иако и јас сакам да видам високи згради во Скопје, е дека на оваа локација тие се непотребни и дека не би се вклопувале во визурата на тој дел од градот. Исто така, нешто што е клише, протокот на воздух и сообраќајот и недостигот на потребна инфраструктура (особено ако се станбени згради) би се отежнале. И уште едно клише, опасноста од земјотрес...

3. Лично сметам дека е потребна дислокација на УКИМ поради неколку причини:

- несоодветен постоечки објект за извршување на високо-образовна дејност, но и неприфатлив кога во прашање е атмосферата потреба за студирање и социјализирање... некако ми е многу морничав и депресивен...

- несоодветната локација, одалеченоста и изолираноста од центарот, општествените случувања, главните сообраќајни, но и пешачки коридори, секако со исклучок на Булеварот Крсте Петков Мисирков, но и од него е на некој начин настрана поставен, одвоен... 

- недостигот на простор и расцепканоста по факултети, не дека и на новата локација се би се собрало на едно место, но во секој случај ќе има место за повеќе...

- потребата од тоа студентите да бидат присутни во центарот, бидејќи тие се оние кои ги прават промените во општество... барем теоретски така би требало да биде ... ставајќи ги така повеќето на купче се зголемуваат условите за нивна интеракција, но и интеракција со останатите граѓани, нивен личен развој во така густо подрачје, се зголемуваат соработките помеѓу факултетите и студентите, се разменуваат мислења, идеи, се потикнуваат промени... 

- со изградбата на трамвајската мрежа (барем по мојот концепт за неа) овој кампус би се нашол на вкрстувањето на двете најважни линии и би бил блиску до трансферната станица, со што достапноста на кампусот и времетрањето за патувањата од и до него би се подобриле... а од друга страна пак, искористеноста и оправданоста на трамвајската мрежа исто така би се зголемила, како и потребата за нејзина реализација и понатаму надоградба, развој и одржување...

- блискоста до сите објекти и локации за задоволуње на различните потреби на студентите

- итн... 

4. Ново Маало треба дефинитивно да се среди и да заличи на нешто, да се урбанизира... А за тоа мое лично мислење е дека изградба на универзитетски кампус е многу пореална алтернатива, опција отколку изградба на облакодери (особено станбени, со било какви комерцијални елементи)...

Моделот ќе следи за некое време... мислам дека на повеќето ќе им/ви се допадне...

Ај еве уште една од блиску

Нека не ве плаши столбот... ве молам