Шпаркасе банка Централа - до НИП

„Џин“ од 25 ката ќе се гради на местото на Европски универзитет





Од Општина Центар потврдуваат дека постојниот Детален урбанистички план навистина предвидува изградба на две згради од по 25 и 10 ката една до друга на овој простор, но дека одобрение за градење сѐ уште не е издадено, па дека не знаат кој ќе биде инвеститор.

Огромна зграда од 100 метри височина, односно приземје и 25 ката, треба да се гради на местото каде што сега се наоѓа Европски универзитет, лоциран на улицата Свети Климент Охридски, во центарот на Скопје.

За споредба со зградата на поранешната НИП „Нова Македонија“ новиот објект ќе биде 10 ката повисок, но ќе им парира на четирите висококатници на „Лимак“ изградени дијагонално преку раскрсницата кај НИП-от. Веднаш до неа, ќе се залепи уште една висококатница од 40 метри, на приземје и десет ката.

Ваквата вест пристигна од вознемирени граѓани, кои случајно дознале дека постојните градби на овој простор ќе се уриваат и на нивно место, како што велат, ќе се крене „монструм од зградиште“. Според нив, веќе се иселуваат закупците што држат канцеларии или простори за друга намена во подрумските простори на Универзитетот.

Од Општина Центар потврдуваат дека постојниот Детален урбанистички план навистина предвидува ваква изградба, но дека одобрение за градење сѐ уште не е издадено, па дека не знаат кој ќе биде инвеститор.

Според ДУП Буњаковец 1, ум1, ум2, ум3, ум4, ум5, ум6, ум8, ум9, ум10, ум11, ум12, ум13, ум14, ум15, ум18, ум19, ум20, ум21, ум22, ум23, за предметната градежна парцела планирано е дел од објектот да биде со висина П+10 и дел со П+25. За предметната градежна парцела не е издадено одобрение за градење, аналогно на тоа не е познато кој е инвеститор. Горецитираниот ДУП е донесен на 10.5.2012 година – објаснуваат од Општина Центар.

Според посочениот ДУП, изработен од Друштвото за планирање проектирање и инженеринг „Тајфа план“ од Скопје, станува збор за објекти со Б4 намена, односно за деловни објекти, а според јавно достапните информации од Агенцијата за катастар на недвижности, земјиштето со површина од околу 5000 метри квадратни е во приватна сопственост на фирмата „Евро принт“ ДОО од Скопје.

Со фирмата-сопственик и покрај обидите не успеавме да стапиме во контакт и да добиеме одговори кога се планира изградбата и што ќе се случи со универзитетот. На Европски пак, велат, дека немаат таква информација.

Немаме таква информација дека ќе се урива факултетот. Сѐ е нормално, вообичаено, студентите си полагаат испити, си бранат дипломски, тврдат од Универзитетот.

За Деталните урбанистички планови донесени во Општина Центар во 2012 година, меѓу кои е и ДУП Буњаковец 1, беше прогласен мораториум во мандатот на поранешниот градоначалник Саша Богдановиќ, со образложение дека при нивната изработка и донесување не се почитувани стандардите и нормативите за урбанистичко планирање и дека на тој начин е оштетен јавниот интерес, но и дека плановите се спротивни со Генералниот урбанистички план на Град Скопје.

Под мораториум беа дури 29 плана, а во меѓувреме ДУП-овите требаше да се ревидираат и да се отстранат неправилностите во нив. Но, Уставниот суд донесе одлука да се стопира мораториумот за градба во општина Центар, додека не се одлучи дали тој е уставна и законска категорија, со што сите тие повторно станаа важечки.

По многубројните реакции во јавноста во изминативе години за незапирливата градба во централното градско подрачје и на територијата на Карпош, особено по неуспешните обиди на граѓаните и граѓанските организации со протести да ја запрат изградбата на 27-катницата, која речиси цела година се гради зад поликлиниката „Букурешт“, министерот за транспорт и врски, Александар Николоски, предложи за овие две општини да се донесат специјални закони.

Во општините Центар и Карпош се случуваше и се случува урбанистички хаос. Стојам на располагање да донесеме специјални закони за двете општини на ист начин како што направивме за градот Охрид, да ставиме јасни критериуми по кои ќе се развиваат и да ставиме забрана за градење да речеме во следните 20 години. Но, тоа да не биде лабилен мораториум како што направи Општина Центар, па имаше мораториум за секаде освен за улица Козара и за Дајмонд. Не гледам дека некој во јавноста реагираше што се кренаа четири кули по 25 ката од страна на „Лимак“, но се реагира за многу други работи – рече неодамна Николоски на комисиска расправа околу измените и дополнувањата на Законот за урбанистичко планирање.

И двајцата градоначалници Стевчо Јакимовски и Горан Герасимовски јавно не се согласија со предлогот на Николоски само општините со кои тие раководат да бидат ставени под мораториум и посочија дека неопходно е да се отвори дебата за урбанистичкото планирање.

https://www.slobodenpecat.mk/dzhin-od-25-kata-kje-se-gradi-na-mestoto-na-evropski-univerzitet/

Originally posted by stef4o „Џин“ од 25 ката ќе се гради на местото на Европски универзитет https://www.slobodenpecat.mk/dzhin-od-25-kata-kje-se-gradi-na-mestoto-na-evropski-univerzitet/

Познат бизнисмен ќе гради зграда-„чудовиште" до НИП „Нова Македонија“?

Сопругата и двете ќерки на покојниот бизнисмен Бојо Андрески, како и нововлезениот претприемач Горјан Максимовски, преку фирмата Евро Принт се сопственици на земјиштето од 5.000 метри квадратни во строгиот центар на Скопје, на кое е предвидено да се гради огромна зграда од 100 метри височина, односно приземје и 25 ката.

Како што претходно објавија медиумите, парцелата е на местото каде што сега се наоѓа Европски универзитет, лоциран на улицата Свети Климент Охридски, во центарот на Скопје. Според посочениот ДУП, изработен од Друштвото за планирање проектирање и инженеринг „Тајфа план“ од Скопје, станува збор за објекти со Б4 намена, односно за деловни објекти, а според јавно достапните информации од Агенцијата за катастар на недвижности, земјиштето со површина од околу 5000 метри квадратни е во приватна сопственост на фирмата „Евро принт“ ДОО од Скопје.

Сопственици на „Евро Принт“ се Елица, Билјана и Александра Андрески, но од декември лани Максимовски станува косопственик со неговата градежна фирма ЕСС Пропертиес. Останува да се види дали во ова Максимовски видел добра можност за брза еднократна заработка преку изградба на габаритен објект во непосредна близина на зградата на НИП „Нова Македонија“.

Максимовски стана познат во јавноста откако во 2019 како косопственик на друштвото “Хемиски Инженеринг“ заедно со фирма партнер од ОАЕ купи дел од објектите и машините на „ОХИС“ за над 7 милиони евра во стечајната постапка. Максимовски, инаку сопственик на уште неколку други фирми во земјата, тогаш изјави дека неговите деловни активности главно се одвиваат во странство и дека одлучил да откупи објекти и опрема во ОХИС со цел да реализира одредени развојни планови.

Инаку дејноста на „Евро Принт“ е печатење на весници, во 2023 имала само еден вработен и приходи од околу 250.000 евра. Уделот на Максимовски во „Евро Принт“ сега е 32 отсто. Тој е еден од двајцата управители на друштвото. Инаку неговата ЕСС Пропертиес се води како градежна фирма формирана во 2019, но во 2023 имала приходи од само 10.000 евра.

Од Општина Центар претходно за „Слободен Печат“ потврдија дека постојниот Детален урбанистички план предвидува изградба на две згради од по 25 и 10 ката една до друга на овој простор, но дека одобрение за градење сѐ уште не е издадено и дека не знаат кој ќе биде инвеститор. Граѓани информирале дека веќе се иселуваат закупците што држат канцеларии или простори за друга намена во подрумските простори на Универзитетот, а меѓудругото има коментар од општината дека Деталниот урбанистички план е променет од 2012 година.

https://www.faktor.mk/kontroverzen-biznismen-kje-gradi-zgrada-chudovishte-do-nip-nova-makedonija