Ај да го евидентираме проектов...

Систина - прв приватен клинички центар Новата зграда на Систина се наоѓа на левиот брег на Вардар под Зајчев Рид и се протега на површина од 15.000 метри квадратни. Проектот го изработил стручен тим од Американското архитектонско биро по највисоки екостандарди. Има капацитет од 188 болнички кревети, 10 апартмани, 8 оперативни сали, 12 дијагностички лаборатории, посебни оддели за кардиологија, за хирургија, за интерна медицина, дијагностичка и интервентна радиологија, за анестезија и интензивно лекување, оддел за нуклеарна медицина и одделението за гинекологија и акушерство со асистирана репродукција Гинеколошко-акушерската клиника Систина прерасна во прв приватен клинички центар во државава. Официјалната гала-промоција на новата зграда на Центарот се случи вчера во присуство на голем број столанственици, бизнисмени, политичари од разни политички партии меѓу кои министерот Михајло Маневски, директорот на УБК Сашо Мијалков со сопругите, поглаварот на МПЦ г.г. Стефан, Љубчо и Снешка Георгиевски, градоналникот на Охрид, Александар Петревски, првиот човек на Аеродром, Ивица Коневски, Трифун Костовски и многу други познати лица од јавниот живот. Со посебна почит и сеќавање кон идејниот творец на Клиничкиот центар, покојниот Илија Камчев, црвената лента ја пресекоа Ратка Камчева, д-р Срѓан Керим и Димитрис Капос, директор на Џенерал електрик. Новата зграда на Систина се наоѓа на левиот брег на Вардар под Зајчев Рид и се протега на површина од 15.000 метри квадратни. Проектот го изработил стручен тим од Американското архитектонско биро по највисоки екостандарди. Има капацитет од 188 болнички кревети, 10 апартмани, 8 оперативни сали, 12 дијагностички лаборатории, посебни оддели за кардиологија, за хирургија, за интерна медицина, дијагностичка и интервентна радиологија, за анестезија и интензивно лекување, оддел за нуклеарна медицина и одделението за гинекологија и акушерство со асистирана репродукција. Во Систина ќе бидат ангажирани најпознатите имиња од областата на медицината. Поседува сопствено болничко возило. Целата инвестиција е на Орка холдинг и чини 27 милиони евра.   На отварањето Јордан Камчев истакна дека првиот приватен клинички центар Систина ќе биде достапен за сите граѓани и дека пациентите ќе можат да се лекуваат со сини карони. Првиот привател клинички центар Систина, ќе го покрива целиот регион. Во рамките на болницата има мала црквичка, чиј патрон е светецот Илија, а има и молитвеник за муслиманите. http://vecer.com.mk/?ItemID=1D8D1EEAA849A041B810F3C3A71041F3

Аџибадем купи 50 отсто од акциите на Систина

Аџибадем, водечката здравствена групација во Југоисточна Европа, откупи 50 отсто од акциите во Клиничка болница Систина, инвестиција вредна 20 милиони евра, со која Систина станува дел од мрежата на болниците на Аџибадем.

Орка Холдинг ќе продолжи да ја раководи болницата. За главен извршен директор ќе биде назначен Јордан Камчев, а главниот финансов директор ќе биде од групацијата Аџибадем.

Партнерството на Аџибадем и Систина претставува најголема турска медицинска инвестиција надвор од границите на Турција. Со овој чекор Аџибадем и Систина го трасираа патот за заедничко освојување на Балканскиот пазар.

Систина и Аџибадем започнаа успешна приказна минатата година. Договорот за афилијација, потпишан во ноември 2010 година, значеше почеток на интензивна соработка и размена на искуства со клинички и административни компоненети.

Во рамките на афилијацијата персоналот на Систина поминаа серија обуки и развојни програми во болниците на Аџибадем, а експерти на Аџибадем одржуваа тренинзи за персоналот во Скопје. Беа разменувани и искуства за воведување најнови технологии и нивна примена во Систина. Успешните резултати од оваа соработка резултираа со нов вид пратнерство во кое Аџибадем стана акционер во Систина во октомври 2011.

Систина започна со работа во Скопје во 2001 година како специјална болница за гинекологија и акушерство, ИВФ и здравјето на жената. Во изминатите 10 година Систина се разви во најмодерната и најпрестижната приватна здравствена инститтуција во Македонија и на Балканот. Денес со ова партнерство, Систина влегува на меѓународниот здравствен пазар.

Систина, заедно со Аџибадем, во наредната година ќе го отвори најсовремениот Центар за третман на рак во кој се предвидени проширен оддел за нуклеарна медицина со ПЕТ Центар, онколошки оддел со радиотерапија и хемотерапија. Со тоа болницата станува лидер во регионот во дијагностицирањето и третманот на малигните заболувања.

Во текот на наредната година во рамките на Систина ќе се отвори и педијатриска болница, ќе се зголеми капацитетот на одделите на хирургија и кардиохирургија и ќе се инсталира најсовремена хипербарна комора за третман на аутистични деца.

Дијагностичките капацитети на Систина во лабораториите и амбулантите ќе бидат зголемени со нови дејности кои досега не постоеле.

Новиот ургнетен центар во склопот на Систина ќе биде по сите светски здравствени норми и покриен со возила за транспорт на сите типови на пациенти како и со медицински авион за префрлање на пациенти со специфични состојби во некоја од болниците на групацијата Аџибадем. Со тоа на пациентите од Македонија ќе им се овозможи пристап до сите најсофистицирани медицински услуги достапни во светот.

Се очекува во рок од една година Систина да биде акредитирана од Јоинт Цомиссион Интернатионал, водечката светска институција за акредитирање на болници според највисоки стнадарди.

Аџибадем Систина како успешна приказна од Македонија ќе биде модел и инспирација на новата компанија за отварање на исти болници во регионот.

Партнерството Систина Аџибадем е од исклучителна важност за билатералните односи и историските врски помеѓу Македонија и Турција.

Додека Систина слави 10 годишнина, а Аџибадем го обележува својот 20ти јубилеј, заедно преку моделот на интергрирани услуги остануваат успешна приказна во здравствениот сектор и продолжуваат со зголемување на глобалното присуство и меѓународните инвестиции.

http://www.time.mk/read/aef6797cbb/c58453a083/index.html

Edited by Cloverstack - 24-Nov-2012 at 05:50

Еве една фотографија од 2013 година на веќе постоечката болница



Dr. Pinczés Sándor

и другите две фирми највероватно се или негови или им е кажано да учествуваат на тендерот за да се задоволат законските прописи.сум зборувал со луѓе на кои им е речено-`ај излези на тендер колку за бројка,јас ќе ти возвратам кога тебе ќе ти притреба конкуренција

Дел од зградата на Орка Холдинг се реновира (односно цела вертикала од страната на Систина) и колку што знам ја има земено Систина за да биде дел од болницата (инаку на првиот кат во еден дел каде што се прави тој мостот е веќе систина сместена). Исто на предниот дел каде што е Мазда се гради цела нова вертикала но не се гледа бидејќи има објект пред нејзе, кој поминува од таму нека слика од друг агол и ќе се види за што зборувам.
Друго , Систина има земено објект во Охрид (мислам дека на Опел продажниот салон што бил) и го реновира моментално, ќе прават некаков дерматолошки центар ако не се лажам.

DSC07221 by george k. 1981, on Flickr

DSC07223 by george k. 1981, on Flickr

„Империјата“ се проширува и надградува, Камчев ќе гради нова болница и Медицински факултет

Една од последните бизнис-зделки на семејството Камчеви е надградба на болницата „Аџибадем-Систина“. Поточно, компанијата „Орка Холдинг“ преку аукција го купила земјиштето од фармацевтската компанија „Реплек“, кое се наоѓа во непосредна близина на приватната болница.

Според податоците од Катастарот на недвижности, се работи за 3 катастарски парцели лоцирани меѓу „Систина“ и „Реплек“ (889/24, 889/25 и 889/9), кои се во сопственост на друштвото „Кара“, чиј единствен сопственик, пак, е „Орка“.

Според Централниот регистар, како последен директор на „Орка“ фигурира Лилјана Гајдоска, чие име, исто така, можеше да се најде во случајот „Империја“, но и таа направи спогодба со Обвинителството.

Камчев во компанијата официјално фигурира до 2021 година, како неизвршен член на одборот директори, но повеќе не е во управувачките структури.

Информациите до кои дојдовме говорат дека новата бизнис-зделка, која оди преку „Кара“, односно „Орка“, Камчеви ги чини 1,5 милион евра. Обезбедена е дозвола за градба од 40.000 квадратни метри, а, според првичните проценки, планирана е изградба на уште една болница „Мајка и дете“, како и на Медицински факултет.

Воедно, „Фокус“ поразговара и со дел од вработените лекари, кои тврдат дека најверојатно новата болница што треба да се гради ќе биде наменета само за областите педијатрија и гинекологија.

Имено, според првичниот план на самата локација е предвидено да никне и Медицински факултет, кој ќе го следи примерот на турски Аџибадем.

Сепак, за да ја исполнат замислената мисија, мора да ја исполнат и законската регулатива, според која треба да се обезбедат соодветни простории и опрема за остварување високообразовна дејност, потоа со финансиски план да биде обезбедено одржливо ниво на финансирање макар за еден циклус на студии.

Исто така, Законот предвидува дека треба да се обезбеди и потребен број лица, кои ги исполнуваат условите утврдени за избор во наставно-научни звања.

Постапката за основање високообразовна установа почнува со изработка на проект, кој го подготвува Владата, односно органот што ќе го овласти таа.

Подоцна, проектот се доставува до Одборот за акредитација, за што членовите даваат свое мислење, а потоа се носи решение за акредитација најдоцна во рок од 90 дена од денот на поднесувањето на барањето за акредитација на проектот, кое треба да добие зелено светло и од Собранието.

Законската регулатива уште предвидува дека по донесувањето закон за основање јавна високообразовна установа или акт за основање приватна високообразовна установа, министерот надлежен за работите на високото образование, на предлог на Националниот совет, именува матична комисија од пет члена, која ги врши подготвителните работи за почеток на приватната високообразовна институција.

И на крај, за почеток со работа во решението се наведуваат студиските програми, бројот на студенти, бројот на вработени наставници со полно работно време, како и објектите во кои ќе се извршува високо образовната дејност.

Според нашите информации, приватната болница „Аџибадем-Систина“ располага со повеќе од 30 лекари професори, кои можат да вршат наставна дејност.

https://fokus.mk/imperijata-se-proshiruva-i-nadgraduva-kamchev-ke-gradi-nova-bolnitsa-i-meditsinski-fakultet/