Детска градинка „Кочо Рацин“ - Капиштец

Денес е ставен камен темелник на новата детска градинка 'Кочо Рацин' во Капиштец. Главни актери во настанот беа децата, кои на почетокот на летото ќе влезат во новите простории на современа градинка, правена по сите светски стандарди. Тие, денес, заедно со градоначалникот Андреј Жерновски ја исекоа црвената лента и го означија почетокот на изградбата.
Градинката треба да биде готова за девет месеци.





Рендер:



Edited by jyvation - 09-Oct-2014 at 11:26

Од есен, децата во нова најсовремена градинка во Капиштец

Во новата современа градинка во Капиштец, децата ќе можат да се вселат на есен. Во посета на новиот објект, каде што е завршена карабината, денеска беше градоначалникот на општина Центар, Андреј Жерновски, со соработниците и советниците.

Старата, дотраена и нефункционална градинка Кочо Рацин, замина во историјата, а прв пат по цели 40 години во општина Центар, рече Жерновски, се гради нова.

- Ова е прва градинка во државата која се гради со општински пари. Ова е градинка со која ќе се гордееме. Во неа се вградени најсовремени материјали. Градинката ќе има енергетски ефикасна фасада со тројна термичка заштита. За прв пат во Македонија во образовна институција се поставува ваков кровен противпожарен панел кој издржува до 180 минути. Подовите се антиалергени, антибактериски и со вградено подно греење. Меѓу просториите ќе има звучна изолација. Ова ќе биде убедливо најубавата градинка во Република Македонија со критериуми и услови кои ги заслужуваат нашите деца - објасни градоначалникот на општина Центар.

Кујната ќе биде современа, според ХАСАП стандардите, и ќе произведува 500 оброци дневно за децата од матичната градинка и двата клона.

Заложба на општина Центар е што повеќе зеленило и цвеќе, и затоа во дворот на оваа градинка ќе бидат засадени 40 нови дрвја.
Новиот објект е на бруто површина од 3.560 м2 и нето површина од 2.742 м2.



http://plusinfo.mk/vest/32165/od-esen-decata-vo-nova-najsovremena-gradinka-vo-kapishtec-(videogalerija)

Завршува изградбата на новата и современа градинка “Кочо Рацин“



Привршуваат градежните работи на матичниот објект на градинката “Кочо Рацин“.



Новата, најсовремена и најубава градинка во Република Македонија, градена по европски стандарди и со голема љубов за најмладите, ќе биде комплетно готова кон крајот на октомври. Ова, велат познавачите, е објект оригинален по изведба и со највисок капацитет, квалитет и долговечност.



Фасадата е енергетски-ефикасна, со тројна термичка заштита. Фасадниот ѕид ќе обезбеди максимална термо-акустична изолација. Изборот на боите, живи и колоритни, е во согласност со намената на објектот, како што прилега за најмладите.



При крај е опремувањето на кујната, која е современа, според ХАССП стандардите и ќе произведува 550 оброци дневно, за матичниот објект и двата клона.

Плафонот е обложен со материјал кој го апсорбира нечистиот воздух и бактериите. Производителот на плафонот гарантира противпожарност од 120 минути. Сите 11 занимални и сите тоалети се изведени со топло, водно, подно греење, кое е автоматски регулирано и обезбедува константна температура. Веќе е готова кујнската платформа (лифт), за безбедно пренесување на храната.



Објектот изобилува со мноштво разработени материјали, при што највеќе е водена сметка за сигурноста на децата и желбата нивниот простор да биде и сигурен и безбеден. Секоја затворена занимална е директно поврзана со надворешна, врз која е поставена долготранјна, гумена подна подлога.

Големиот двор на матичниот објект на градинката “Кочо Рацин“ е опремен партерно, но на минимална површина, за да се задржи постојната зелена површина, а ќе се засади и нова.

Објектот на градинката “Кочо Рацин“ е со нето површина од 2.800 м2. За прв пат по 40 години, општина Центар добива нов простор за сместување, грижа и воспитување на најмладите.

      извор

od nadvor mi e malce eftina ama od vnatre deluva prilicno solidno izvedeno

Градинката “Кочо Рацин“ е на површина од 2800 м2 и е комфорно место за сместување и грижа за околу 250 деца.

При изведбата се запазени сите високи стандарди за објект од ваков карактер, а во градбата се користени врвни и долготрајни материјали, за чиј квалитет сведочат сертификатите добиени од светските лаборатории.

Градинката е градена исклучиво со средства од буџетот на општината, без ниту еден денар помош од државата.















http://opstinacentar.gov.mk/%D0%A1%D0%B5%D1%80%D0%B2%D0%B8%D1%81%D0%B8-%D0%B7%D0%B0-%D0%B3%D1%80%D0%B0%D1%93%D0%B0%D0%BD%D0%B8%D1%82%D0%B5/%D0%9D%D0%BE%D0%B2%D0%BE%D1%81%D1%82%D0%B8/ArtMID/549/ArticleID/818/%D0%A3%D1%82%D1%80%D0%B5-%D1%81%D0%B2%D0%B5%D1%87%D0%B5%D0%BD%D0%BE-%D0%BE%D1%82%D0%B2%D0%BE%D1%80%D0%B0%D1%9A%D0%B5-%D0%BD%D0%B0-%D0%BD%D0%BE%D0%B2%D0%B0%D1%82%D0%B0-%D0%B3%D1%80%D0%B0%D0%B4%D0%B8%D0%BD%D0%BA%D0%B0-%E2%80%9C%D0%9A%D0%BE%D1%87%D0%BE-%D0%A0%D0%B0%D1%86%D0%B8%D0%BD%E2%80%9C

Честитки за Општина Центар за реализираниот објект во пропишаното време. Има уште многу да се работи во центарот на Скопје на ова поле. Во иднина е неопходно да се размислува барем за уште една градинка во Ново Маало/Пролет, како и она што во Дебар Маало.

И не само ова, надлежното министерство треба да ги надмине дневнополитичките преписки и да помогне на Општина Центар за реализацијата на овие проекти.

mkd.mk