СП маркети

НОВИОТ ПАЗАР ВО ОХРИД ЌЕ ГО ГРАДИ „ИЛИНДЕН“ ОД СТРУГА

Охрид - АД „Илинден“ од Струга е приватниот партнер кој ќе го гради новиот современ зелен пазар во Охрид. Пазарот треба да добие нов лик и да стане деловно-трговски објект.

„Јавно претпријатие ’Градски пазар‘ практично ќе добие затворен современ зелен пазар од 123 квадратни метри опремени со тезги, потоа 200 квадрати деловни простории, како и 10 паркинг-места. Приватниот партнер ќе ја реновира и фасадата на постојниот објект, ќе изгради нова покривна конструкција, а исто така ќе ја подели и халата за текстил на две нивоа“, вели директорот на ЈП „Градски пазар“ Охрид, Тони Коталески.

АД „Илинден“ Струга беше избран на тендер за доделување договор за јавно приватно партнерство, при што се очекува набрзо да почне со изградбата. Со тоа, Охрид како туристички центар конечно ќе добие еден современ затворен зелен пазар, како што доликува. (В.Б.)

http://www.utrinski.mk/?ItemID=E232E94A20BF4D41BF0F60AEACCFE508