Плоштад Магнолија - Битола

Тоа е плоштадот „Гоце Делчев“, чие име би го сменил не заради делото на Гоце туку заради неинвентивниот начин на именување. Тоа е плоштадот пред домот на културата и хотелите „Епинал“ и „Македонија“. Овој плоштад и локациски и наменски е побитен плоштад на кого се одржуваат разни манифестации, собири, митинзи... За жал, добар дел од него во нормален ден е паркинг, како некогаш што бил главниот плоштад во Скопје. Тука имаше повеќе најави за изградба на подземен паркинг по примерот на Струмица, но за жал до ден денес нема ништо реализирано на тоа поле.

Плоштадот „Магнолија“ не е главен плоштад но е попознат поради блискоста на Саат Кулата, а тука е и почетокот на „Широк Сокак“. Јас не би поддржал проширување на овој плоштад бидејќи вака си е убав и си претставува една целина. За новата фонтана дека е промашена целосно би се согласил, додека споменикот на „Филип“ и не е така лош, напротив се вклопува, димензиски е соодветен а и има логика да има негов споменик во град кој што го основал (Хераклеа) без разлика на неговата националност (што и да е).

Во горниот дел на плоштадт каде има паркинг и две мали улици, може да се пренаменат како дел од околниот централен парк.
За да се „приближи“ црквата „Св. Димитрија“ нема потреба од никакво рушење туку само уличката која води до неа да стани пешачка.

Сметам за „плоштадски“ Битола да се оформи потребни се уште два мали Плоштади (со слична димензија на Магнолија) и тоа еден веќе во градба на местото на скоро рушената (трагично) фонтана пред Музејот на град Битола и еден пред хотел Солун, кој патем и соодветно треба да се реконструира. Оваа локација е доста централна и директно ги поврзува Широк Сокак со чаршијата, а моментално е паркинг.

Меѓутоа побитно е одредени улички кои ја поврзуваат чаршијата со плоштадите и со „Широк Сокак“ да се пренаменат во пешачки за целосно оформување на пешачко централно градско јадро.

За појасно:

Плоштад „Магнолија“


Плоштад „Гоце Делчев“


Музеј на Битола (плоштад, сквер или уредена поврпина, во градба)


Хотел „Солун“ (не можев да најдам посоодветна фотографија)

во овие околности, а бидејќи Скопје е горе доле заокружен во однос интервенциите на власта околу партерни проекти ко плоштади и фасади, иако има простор постојано да се надополнуваат многу работи, дали новата власт ќе се сврти со државни средства избалансирано да омогне и на останатите градови, најнапред Битола како втор по големи град во земјава, а кога тоа би го сториле мислам дека прв потег од каде што ќе треба да почнат тоа е токму оваа точка, не толку заради туристички, колку заради локални потреби, бидејќи навистина Битола нема добро оформен плоштад во центарот него само импровизации кои се провлекле низ минатото до ден денес ....

колку треба и може да се има вакви приоритети, дали битолчани мораат да кренат бунт за да дојдат на ред, на овој план биле заобиколени и во титоизмот, а заобиколени се и денеска во независна Македонија ...

можеби најбрзо може да се интервенира кај паркингот пред Домот на Културата, но тука мислам е и' понеопходно од повеќе аспекти, бидејќи во околината на плоштад магнолија има голем број историски обележја кои би предничеле во изборот за интервенција, чинам без проблем локалната власт може да го среди подобно тој дел кај Домот на Културата, додека за овој дел кај Магнолија мора и треба да е на припомош централната власт ..