Катовице, Katowice - Polska

Нема да коментирам многу, сите фотографии не можам да ги објавам, ама дел од нив смеам да поставам. Во основа, Катовице е градот каде што соцмодернизмот има оставено најголем белег во Полска. Објекти кои ја слават советската армија и поранешни славни личности од СССР се повод за изградба на голем дел од овие објекти. Но, тоа никому не му дало за право да ги сруши или уништи како во Скопје.

Катовице е еден од ретките градови во кои имате повеќе линии на трамвај од автобус. Градот е стар само 150 години, а жителите си се горди на континуираните промени. Последната што ја турка независна Полска е претворање на некогашниот рударски град во културен центар на југот на Полска. И мошне успешно им оди во тоа.