Обнова на црква Св.Спас-с.Бели-Кочанско

Црквата св.Спас во с.Бели е веќе срушена и се планира изградба на нова, може некои од вас се запознаени може некои не.
Вчера на ден 13.12.2020 се одржа состанок на кој беа присутни околу 30 лица од селото, и се донесе одлука која беше прифатена од повеќето секоја фамилија во просек која живее во селото да донира по 200 евра на годишно ниво се додека трае изградбата на црквата почнувајки од 01.01.2021. Сите оние кои имаат желба и можност да донираат повеќе се добредојдени но исто така и сите оние кои не се во можност да ги оддвојат тие 200 евра слободно може да донираат онолку колку им дозволуваат условите.

Црквата е планирана да го задржи првобитниот изглед исто како што беше старата со мали измени поточно на новата црква е планирано да се додаде една купола одозгора во прилог ке имате слики од проектот за изградба кој е во заврша фаза, и првичните проценки се дека изградбата ќе чини околу 100 000 до 120 000 евра.

13.12.2020
завршено рушењето на старата црква св. Спас.









...





---------------------------------------------------
28.03.2021



Во присуство на голем број верници и жители на селото Бели денеска беше извршен чинот на осветување на камен – темелникот за обнова на црквата „Вознесение Христово – Св. Спас“ во с. Бели.

Осветот го изврши Митрополитот Брегалнички Иларион во сослужение на свештеници од Брегалничката епархија од кочанското архиерејско намесништво.

Со поставувањето на камен – темелникот за обнова на црковниот храм и официјално започнаа градежните работи за изградба на нова црква, на темелите на старата.

Објектот на црквата „Св.Спас“ е планиран да го задржи првобитниот изглед како и стариот. Ќе се гради на истите темели и со истите димензии, а ќе има мали измени во надворешноста. Планирано е да се додаде една купола на кровната конструкција, со тоа што ќе се добие подобар естетски изглед, но и поголема функцоналност, односно осветлување на внатрешноста.

Од Црковниот одбор информираат дека средствата за изградба на новата црква се собираат со донации и со учество на месното население. Воедно, ги повикаа сите граѓани и стопанственици кои се во можност да донираат парични средства или материјали и со тоа да помогнат за побрза изградба на храмот.

Православната црква „Св.Спас“ во селото Бели беше целосно срушена во средината на декември, минатата година.

https://glasno.mk

Врска до статијата од македонската Википедија

Фотографиите се направени во склоп на мојот проект „Викиекспедици“, кој се реализира од 2015 г. за посета на македонските села. Сосем случајно се погоди да имаме фотографии од пред рушењето на црквата, иако ќе видите и на тие слики се забележува рушење, односно започнале со припратата најпрвин.

Внатрешноста на црквата не била живописана, па поради тоа и до негде го оправдувам потегот, затоа што црквата како градба може да се изведе, а доста полесно е да се изгради нов, отколку да се конзервира стар објект.