Јавен превоз во Скопје (линии и возен ред)

Originally posted by zabegan не ни треба бесплатен превоз, туку квалитетен превоз... една од главните причини поради кои избегнувам користење на јавен превоз во шпиц е неподносливата гужва, а со ова ќе стане полошо плус, која дрскост е тоа да им пропаднат парите на оние кои што купиле картичка од 250 денари и месечна карта во која си ги калкулирале сите возења

Има уште една дрскост за која вие не ни знаете.

Имено, воведувањето на електронската картичка ЈСП го правдаат дека така било во Словенија, Шведска и не знам уште каде.

Да видиме како стојат работите со Љубљана и нивната картичка Urbana и причините за нејзиното воведување.

Naјглавната причина за воведување на Urbana e плаќањето на услугите на градскиот јавен превоз. Покрај тоа, оваа картичка овозможува бесплаттно прекачување во автобусите во време од 90 минути откако е платено првото возење.

http://www.jhl.si/en/single-city-card-urbana

Значи, во цената на основниот билет е вклучен 90-минутниот трансфер по автобусите низ Љубљана. Во Скопје не е така.

http://www.jhl.si/en/single-city-card-urbana/prices

http://www.lpp.si/sites/default/files/lpp_si/stran/datoteke/cenik_vozovnic_v_mestnem_in_integriranem_potniskem_prometu_2016.pdf

Настрана тоа, што во Љубљана за 90 минути со помош на овие прекачувања можеш многу работи да испозавршиш, додека во Скопје кога е гужва низ Малиот Ринг и кога на секој семафор автобусите стојат по 3-4 пати, прашање е дали автобуси како 2-ка или 22-ка можат да стигнат од почетна до крајна станица во овој интервал од 90 минути (за приградските да не ни зборувам), така што во еден ист автобус ќе треба да се отчукуваш двапати на една релација.

Исто така, картичката Urbana покрај плаќањето во градскиот превоз, овозможува и плаќање за жичарницата на Љубљанскиот Замок, плаќање на влезници во паркинг зони, како и плаќање на услугите во Љубљанската градска библиотека. За во иднина се планира оваа картичка да овозможи и плаќање влезници за музеи, спортски установи и културни настани.

Што од горенаведеново овозможува Скопска? Влез во штаб?

Ако некој неодамна ги има користено услугите на љубљанскиот превоз или ако има некој што живее таму, нека ги каже своите искуста од прва рака, нека подобјасни и нека каже што од ова е имплементирано и како оди неговата примена.

ЈСП: Од утре трасата на линија 50 во Хиподром ќе биде продолжена

Од ЈСП информираат дека од утре, вторник (26.10.2021 год), трасата на линија 50 во Хиподром ќе биде продолжена, односно дел од возилата ќе возат до Хиподром 2, со ознака 50А.

Всушност, возилата на линија 50А во Хиподром ќе сообраќаат по трасата на линија 63 и ќе ги користат постоечките постојки на трасата.

Возниот ред на 50А е достапен на веб страницата www.jsp.com.mk, означен со „*“ во делот на возен ред на линија 50.

https://mk.tv21.tv/jsp-od-utre-trasata-na-linija-50-vo-hipodrom-ke-bide-prodolzhena/

ОД ДЕНЕСКА СЕ ВРАЌААТ НОЌНИТЕ ЛИНИИ НА АВТОБУСИТЕ НА ЈСП „СКОПЈЕ“

Се враќаат ноќните линиите на автобусите на ЈСП „Скопје“ кои беа укинати поради пандемијата на коронавирусот.

Автобуси после 23 часот ќе има на линиите 2, 5, 7, 22, 24, 41, 50, 57, 61, 63 и 65Б. Автобуските линии 2, 22, 24, 41, 57 и 65Б, ќе сообраќаат секој ден, а преостанатите ќе бидат во функција во деновите од викендот или комбинирано, како и за време на празниците.

Од ЈСП „Скопје“ велат дека за ноќните линии не важат месечните билети, бесплатните студентски и средношколски билети, односно постои билет за т.н. ноќна тарифа кој може да се валидира преку електронски паричник и чини 40 денари. Во случајов, како билет за ноќна линија може да се користи и хартиениот билетот за едно возење кој чини 50 денари, а постои и месечен ноќен билет кој чини 400 денари и важи во ноќна тарифа на сите линии градски и приградски„, велат од ЈСП „Скопје“.

Од Град Скопје велат дека воведувањето на ноќни линии е почеток на промените за подобар јавен градски превоз.

https://sdk.mk/index.php/dopisna-mrezha/od-deneska-se-vrakaat-noknite-linii-na-avtobusite-na-jsp-skopje/

Од задутре нова автобуска линија „2Б“ од село Сарај до Ченто

Јавното сообраќајно претпријатие (ЈСП) Скопје соопшти дека од понеделник (5 септември) ќе почне да функционира новата пробна линија „2Б” на релација с.Сарај до населба Ченто и обратно. Почетна/крајна станица на „2Б” во с.Сарај ќе биде на почетно/крајната станица на „2″

Трасата на „2Б” ќе биде идентична со трасата на „2″ од Сарај до постојката Алкалоид во Автокоманда, потоа ќе продолжи по булевар „Александар Македонски”, па улица „М.А.Ченто” до населба Ченто (почетно-крајна станица на линиите 23 и 45)

По посочената траса ќе сообраќа и во обратна насока (Ченто – Сарај). Линијата „2Б” ќе функционира од понеделник до петок. Возен ред: Од Сарај: 7.07 ч, 9.18 ч, 11.28 ч, 13.31 ч, 15.49 ч и 17.55 ч., а од Ченто: 6 ч, 8.10 ч, 10.20 ч, 12.30 ч, 14.40 ч и 16.50 ч.

Со воведувањето на линијата „2Б” ќе се исполни повеќегодишното барање на локалното население од Ченто со цел подобра и директна побрзаност на населбата со јавен превоз со останатите делови од градот, информираат од ЈСП Скопје.

https://www.vecer.press/од-задутре-нова-автобуска-линија-2б/