Pocituvani,

Eve nekolku sliki sto jas gi imam i koi se odobreni od gospodinot Todorovik.

Pozdrav,

Milena Vangelovska

Assistant CEO

TINEX MT

Prvomajska bb

1000 Skopje

Macedonia

xxxxxxxxxxxxxxxxxxxxxxxxxxxxxxxxxxxx -ovdeka bea linkovi od slikite koi veke gi imame

Za zal toa e se sto imame. Vnatresnosta seuste ne ni e resena. Se planira da bide na eden sprat i da bide pred se supermarket so pogolem asortiman od drugite marketi, kako i pogolem komoditet za kupuvacite so samiot parking i lokacijata. Za toa kolku vraboteni i brojot na kasite seuste niti e diskutirano a uste pomalku e odluceno za da mozam da vi dadam tocni podatoci.

Srdecen pozdrav,

Milena Vangelovska

Assistant CEO

TINEX MT

Prvomajska bb

1000 Skopje

Macedonia

Десетметарски млаз вода вчераутро повеќе од половина час прскаше од уличен хидрант кај поранешната Кланица во скопската населба Автокоманда. Млазот вода, за кој скопјани коментираа дека личи на гејзир, удираше врз коли и ги кршеше стаклата и шофершајбните, поради што целиот сообраќај беше блокиран. Од ЈП"Водовод и канализација" велат дека дефектот на хидрантот го предизвикал багер на приватна фирма, ангажиран на приватен објект во близина на Кланицата. Водоводџиите објаснуваат дека багерот случајно го закачил хидрантот и го откорнал вентилот, поради што настанал и дефектот. Половина час по несреќата од "Водовод и канализација" ја исклучиле водата, но штетата била санирана дури попладнето, бидејќи требало полицијата прво да направи увид.
(Е.А.)

http://www.netpress.com.mk/vestiimages/34284/LOGOnetpress.jpg">

Пожар избувнал попладнево во од неодамна опремениот објект каде што требаше да започне со работа супермаркет на “Тинекс“. На местото може да се забележи голем чад и пламен, а веќе се пристигнати и противпожарни возила.

“Активно работиме на гасење на пожарот“, изјави кусо Благој Менковски, командант на скопската противпожарна служба.

Причините за пожарот се уште не се познати.

ИНТЕРВЈУ СО КРИСТИНА ТОДОРОВИЌ, ГЕНЕРАЛЕН ОПЕРАТИВЕН ДИРЕКТОР ВО ТИНЕКС

Европската банка ќе стане партнер на Тинекс

Брендот Тинекс со години наназад успешно се носи со конкуренцијата и е водечки ланец на супермаркети во земјава. Податоците говорат дека е со најголем годишен приход и број на потрошувачи во земјава

И по 14 години другарување со пребирливите потрошувачи, македонскиот бренд Тинекс, остана на врвот и во ниту еден момент не го изневери вкусот на граѓаните. Ланец од 32 Тинексови супермаркети се распространети ширум земјава, повеќето од нив се лоцирани во Скопје, а само 11 во други градови низ државата. Деновиве вработените од оваа успешна компанија се подготвуваат да ја пресечат црвената лента на уште два нови големи дисконта. Едниот од нив наименуван Супер Тинекс се отвора вечерва во 20 часот, а вториот во сабота на втори август,во Струга. По тој повод разговаравме со Кристина Тодоровиќ, генерален оперативен директор во Тинекс. Таа истовремено е креаторот на идејата за новиот Супер Тинекс, каде за прв пат во земјава на потрошувачите им се нуди поинаков продажен простор.

Најавувате за денеска спектакуларно отворање на новиот Супер Тинекс. На која локација се наоѓа и што конкретно ќе им понудите на вашите верни клиенти кои со нетрпение чекаат да бидат пријатно изненадени?
-Супер Тинекс е нов бренд на Тинекс, и значително ќе се разликува од сите останати наши објекти, но и на конкуранцијата. Опфаќа продажен простор од 3500 м2 и нуди дури 35.000 производи. Самиот концепт на новиот објект е креиран да ги задоволи сите потреби на едно семејсто. Комплетна понуда на прехранбени производи, свежо месо и риба, голем избор на овошје и зеленчук, секогаш свежи печива и леб, но најголемата разлика од останатите објекти е тоа што во Супер Тинекс нудиме огромен избор на бела техника, аудио видео опрема, секакви помагала за во домаќинството, детски играчки, книги, градинарски производи, буквално се она што му е потребно на едно семејство. Исто така во рамките на Супер Тинекс ќе работи аптека, кафе-бар, хемиско чистење, продавница за подароци и сервис за миење возила. Ваков формат му овозможува на секој потрошувач значително да си го скрати времето кое го троши на набавка, наместо да посетува неколку различни продавници, во Супер Тинекс ќе најде се на едно место.
Во овој простор потребите на секој потрошувач ќе бидат максимално задоволени и тоа почнувајќи од најмалите па се до возрасните. Објектот е лоциран на ул. Перо Наков, бб, поранешен Годел, онаму каде што беа кланицата и ладилниците.Денеска, по повод неговото отворање, се подготвува огромна забава на која ги каниме сите потрошувачи, ќе има многу награди, промоции, но и концерт со Билбилов, Дани и мега ѕвездата Калиопи.

Покрај вашата голема желба да го модернизирате брендот Тинекс, колку финансиски тежи оваа инвестиција и дали таа ќе биде исплатлива од причина што е лоцирана подалеку од централното градско подрачје?
- Инвестицијата е околу пет милиони евра. За нас таа е значајна, но се надеваме и исплатлива. Да, Супер Тинекс е лоциран подалеку од централното градско подрачје, но сепак самиот концепт на новиот бренд на Тинекс очекуваме да има доволен број на купувачи. Супер Тинекс е доволен магнет за потрошувачите да дојдат, иако не живеат во непосредна средина.

Како подмладок на Тинекс имате ли планови како да се заштитите од странската конкуренција, бидејќи покрај Веро и словенечки Туш почна да отвара големи супрмаркети во земјава?
- Тинекс со години наназад успешно се носи со конкуренцијата и е водечки ланец на супермаркети во земјава. Податоците говорат дека е со најголем годишен приход и број на потрошувачи. Точно е дека конкуренцијата се зголемува, а очекувам дека во следните неколку години на пазарот ќе влезат и нови имиња. Но, веруваме во Тинекс и нашата успешна стратегија за борба со конкуренцијата. Во иднина, тимот на Тинекс со нови идеи и постојано усовршување ќе работи на заземање на пазарот во земјава. Впрочем и Супер Тинекс е дел од таа стратегија. До крајот на годината планираме да отвориме уште два вакви објекти, во Капиштец и во Кисела Вода.

Можеби планирате да се ширите надвор од земјава, во некои земји од регионов?
-Не, плановите на Тинекс се фокусирани исклучиво на македонскиот пазар.

Окрупнувањето на капиталот е особено актуелно секаде во светот, па и кај нас. Како гледате на можноста во Тинекс да влезе странски капитал или можеби приватно партнерство со некоја домашна компанија?
- Имавме разговори со неколку странски инвеститори, лидери во овој бизнис на Балканот, кои беа многу зинтересирани за влез во нашата компанија, но оценивме дека сеуште Тинекс има солиден простор за развој и ги одложивме сите овие опции. Единствено со Европската банка за обнова и развој сме во интензивни разговори кои се веќе пред самиот крај. Имено ЕБРД ќе откупи дел од Тинекс со што ќе стане малцински партнер.

Колку во моментов вреди Тинекс?
- Вредноста на нашата компанија е навистина огромна, но сепак тоа е деловна тајна.

Дали дел од вашите планови е да го ширите бизнисот и во други сектори, можеби сроден со постоечкиот или сосема нешто ново и дијаметрално спротивно?
- Лично јас размислувам за инвестирање во други области кои воопшто не се сродни со ова што го работам во моментов. Имам идеи и енергија кои верувам дека ќе се преточат во сосем солидни компании. Тинекс како малопродажба е мојата најголема љубов и нему му останувам секако максимално посветена, но како што кажав имам енергија да се докажам и на други полиња.

Тинекс стана и дел од градежништвото. До каде е со изградбата на катната гаража која е лоцирана во скопската населба Капиштец?
-Изминатава година нашата компанија се впушти и во градежништвото. Во тек е изградбата на гаражата, но ќе има и деловно- комерцијален простор. На приземјето ќе отвориме уште еден Супер Тинекс, но и многу други содржини како ресторан, аптека, продавници за спортска опрема и слично. Целиот објект ќе започне со работа на крајот од оваа година. Понатаму, градиме уште еден објект во Кисела Вода, кој е многу сличен на Супер Тинекс, а планираме да го отвориме кон крајот на годината. Развојот на Тинекс поттикна инвестиција во градежништвото и во иднина продолжуваме во тој правец.

Која е тајната на вашиот рецепт да бидете успешни сите овие години и дали подмладокот на компанијата е дел од тоа?
- Рецептот за успех е комбинација од повеќе фактори. Ние постојано ги следиме трендовите, желбите, навиките и потребите на потрошувачите и креираме адекватна бизнис стратегија. Стандардот и економската ситуација го прави нашиот потрошувач ценовно осетлив, па затоа нудиме најниски цени споредени со конкуренција.

Каков е моменталниот тренд кај потрошувачите. Од палетата на илјадници производи купуваат ли македонски или претпочитаат тие да се странски?
- Продажбата на македонски производи доминира кај млекото и млечните производи, месните производи. Кај останатите групи на производи како на пример кај козметичките или производите за нега и хигиена во домот понудата на македонски производи е мала па така потрошувачите немаат доволно избор. Сепак водат грижа за тоа дали купуваат македонски производ и се стремат кон таквите производи.

Последниве неколку години Тинекс стана познат и по тоа што ги вработуваше штитениците, кога ќе станат полнолетни од Домот за деца без родители 11 Октомври. Продолжува ли оваа ваша хумана акција?
- Соработката со Домот за деца без родители 11 Октомври секако дека продолжува, а досега имаме вработено четириесетина штитеници на Домот.

Отворен нов бренд и маркет „Супер Тинекс“

Новиот „Супер Тинекс“ е на два ката и се наоѓа на улицата „Перо Наков“

Со голема забава за потрошувачите, многу награди, промоции и со настап на познати естрадни ѕвезди, беше отворен новиот „Супер Тинекс“ кај поранешен „Годел“. На улицата „Перо Наков“ на два ката сега функционира уште еден продажен центар од синџирот супермаркети на познатиот стопанственик Владимир Тодоровиќ, но и нов бренд. Станува збор за поинаков продажен центар на 3. 500 квадратни метри, кој нуди 35 илјади производи за целото семејство. Има комплетна понуда на прехранбени производи, свежо месо и риба, голем избор на овошје и зеленчук, секогаш свежи печива и леб. Има и голем избор на бела техника, аудио-видео опрема, секакви апарати за домаќинство, детски играчки, книги, градинарски производи. Во рамките на продажниот центар ќе работат аптека, кафе-бар, хемиско чистење, продавница за подароци и сервис за миење возила. Понудата на голем асортиман производи на секој потрошувач му овозможува да го заштеди времето за пазарење во повеќе продавници. По повод отворањето, „Супер Тинекс“ во текот на целиот викенд ќе работи до полноќ.

„Овој концепт за отворање поголеми супермаркети е интересен за секој што се занимава со оваа работа, но не секогаш лесно се наоѓа локација за вакви објекти. Следен ваков „Супер Тинекс“, кој ќе биде поголем и од овој, ќе отвориме на улица „Првомајска“ во Кисела Вода, кај Расадник, каде што е планиран и паркинг. Во следниве месеци понудата на сето она што се нарекува непрехранбени производи во „Супер Тинекс“ ќе биде уште поголема, рече сопственикот Владимир Тодоровиќ.

„Тинекс“ за овој објект, со вкупно 70 вработени, инвестираше 5.000.000 евра. (Сн.К.)