Предлог населба "Долно Водно"
Printed From: build.mk
Category: Главни теми
Forum Name: Станбени
Forum Discription: Станбени згради, станбено-деловни комплекси, резиденцијални објекти и населби...
URL: http://www.build.mk/forum/forum_posts.asp?TID=3742
Printed Date: 03-May-2025 at 09:08
Topic: Предлог населба "Долно Водно"
Posted By: user8642
Subject: Предлог населба "Долно Водно"
Date Posted: 06-Jul-2020 at 18:58
|
Постои еден малку рамничарски терен во регионот на Долно Водно над Козле источно од Трнодол кој стои така зафрлен, а се градат кобајаги елитни населби по несоодветни рурални средини како Бардовци, Радишани, Волково. Еве предлог позиција за комплетна урбанизација по највисоки стандарди, со улици од широк профил, без поткровја, без ковани огради, со максимално зачувување на зеленило, да се направи нова населба во Скопје, силно поврзана со градот. Поврзувањето може лесно да се изведе со ескпропријација на само 10тина имоти и да се поврзе до булевар во Скопје.
https://ibb.co/Sd1txQ9"> 
https://ibb.co/cYnysv5"> 
https://ibb.co/s9mBbZW"> 
|
Replies:
Posted By: JovanOdGjorche
Date Posted: 06-Jul-2020 at 20:43
 Нее, можеби како идеја ова е добро, ама да не заборавем во која земја сме! А исто така не ми е јасно, зошто мора сите во центар да живееме?  Скопје има таква поволна местоположба -да е рамница, и да се шири со булевари, паркови, јавен превоз, велосипедски патеки и многу друго! Водно треба да се заштити максимално и да се организира да можат луѓето во најтоплите месеци и денови да подишат чист воздух и да се рекреираат! Строго сум против! Отидете до Жданец, и троа погоре, да видите какви палати почнале да градат, наместо да се пошуми тој предел! Како што ми кажа пред некои 8 години професорот од средно по географија, Водно е бисерот на Скопје!------------- And something, somewhere was lost in 1938... |
Posted By: Staro Skopje
Date Posted: 06-Jul-2020 at 20:52
|
Не. Ова место треба да биде дел од заштитена зона на Парк шума Водно и да се пошуми. Евентуално да се изгради некој ресторан или хотел со мал габарит.
Во Скопје елитни населби нема од проста причина што нема елита. Бројот на луѓе кои направиле огромно богатство со свој труд, на легален и општокорисен начин, и потоа истото паметно го трошат и тука и надвор, или пак се наследници на богати фамилии, е многу мал. Со толку малку и ептен богати и паметни луѓе не може да никне елитна населба. Кринџ „елитните“ Водно и Бардовци се или предимензионирани грди згради кои бесплатно ќе се преселат на подножје, или тесни сокачиња со ѕидини. Квалитетот и на куќите и на зградите често е просечен или незадоволителен за елита. Кога голем дел од мноштвопарните луѓе се новопечени богаташчиња кои направиле некоја пара со криминал, превари и транзиции, или пак се тешки сељаци кои парите од успешен бизнис не се способни да ги инвестираат асално и со вкус, не добиваш Беверли Хилс, добиваш Панорама Резиденс Водно. Затоа и државава ни е во ваква состојба, голем дел од луѓето гледаат исклучиво личен интерес, одејќи си на штета и самите себеси и на општеството. Впрочем и едно неодамнешно истражување кажа дека 25% од Македонците планираат од денес за утре. Ние сме индивидуалистичко регресивно општество, како што кажав во друга тема. Ова подолу со прекрасното поткровје не може да биде елитна куќа, па и 10 милијарди евра да чуваат во сеф внатре, да има златен прибор за јадење и имотот да чини 100 милиони евра. А со причина не чини толку.
Околу географскиот опфат, може да се дискутира. Треба да направиме поделба помеѓу елитни населби (милионери - имоти од стотици илјади или неколку милиони евра, огромен луксуз, големи дворови, потежок пристап) и богати населби (upper middle class - поскапи и подобри куќи, доволни дворови кои може да ги нема, или пак станбени згради, лесна пристапност). Елитни населби би можело да има на дел од Водно, Лака, Глумово, Нерези, Кучково, Бардовци и Булачани, додека богати дел од Водно, Тафталиџе, Козле, Радишани, Центар, Железара, Волково и Зелениково. Сепак, треба да се спротивставиме на гентрификација и сегрегација, па сите населби да имаат ист третман, секаде да има јавен транспорт и јавни содржини и секаде да има комерција, а не само ѕидини од милиони евра. 
------------- Градот убав никна, но го откорнаа |
Posted By: skopskodete
Date Posted: 06-Jul-2020 at 21:44
| Веќе има таква испланирана населба, а веќе има и изградено пат до таму - Сончев град. |
Posted By: Blagh
Date Posted: 06-Jul-2020 at 22:38
 |
Posted By: zabegan
Date Posted: 06-Jul-2020 at 22:51
|
од толкава котлина, цело Скопје е збутано околу Водно, и упорно се бута натаму уште од рана Југославија... која е логиката не ми е јасно ------------- Architects create dreams...politicians create nightmares |
Posted By: Graditelot
Date Posted: 08-Jul-2020 at 03:47
|
Никако нагоре према Водно. Идеално би било Скопје да се шири према северната обиколница, но поради добро познати причини тоа нема да се случи.
Едино останува према хиподром, скопско поле. |