Проширување на бул. Даме Груев
Printed From: build.mk
Category: Главни теми
Forum Name: Градска инфраструктура
Forum Discription: Улици, булевари, сигнализација, јавен превоз...
URL: http://www.build.mk/forum/forum_posts.asp?TID=3854
Printed Date: 14-May-2025 at 15:02
Topic: Проширување на бул. Даме Груев
Posted By: jyvation
Subject: Проширување на бул. Даме Груев
Date Posted: 10-Nov-2014 at 14:28
|
СЕ ПОИЗВЕСНО ПРОШИРУВАЊЕТО НА УЛИЦАТА ДАМЕ ГРУЕВ
ПОСТИГНАТ ДОГОВОР ЗА УРИВАЊЕ НА ДЕЛ ОД ЗГРАДАТА „МАКОТЕКС“ 
Се поизвесно е дека улицата Даме Груев во строгиот центар ќе биде проширена за две коловозни ленти во обете насоки, на потегот од трговскиот центар „Палома бјанка“ до зградата на Собранието. Постигнат е значителен напредок во преговорите меѓу градската власт и Мите Јовановски, сопственикот на зградата, која му пречи на проширувањето и чиј дел мора да се урне за да се реализира овој голем сообраќаен проект. Подолг временски период работата за проектот беше статус кво и немаше сигнали дека ќе се постигне некаков договор меѓу двете страни. Сето тоа ја стави под прашалник реконструкцијата на оваа улица и целата замисла потесното централно подрачје да се претвори во голема пешачка зона. Ќе се сече еден кат Зградата, која ќе се урива во еден нејзин дел и ќе биде предмет на обесштетување од градскиот буџет, е седиште на поранешен „Макотекс“. Се наоѓа на раскрсницата на „Даме Груев“ со пешачката улица Македонија и нејзиниот пасаж му пречи на идното проширување. - Точно е дека имаме напредок во преговорите, можам да кажам дека 95 отсто од работите се договорени. Останува да најдеме заеднички јазик и за преостанатите. Во секој случај, с` уште с` е начелно, немаме потпишано ништо конкретно, но верувам дека и тоа набрзо ќе се случи и ќе го официјализираме договореното - изјави Мите Јовановски, сопственик на зградата и на компанијата „Макоил“. Фирмата „Гео инг МK“ изработува нацрт-решенија за решавање на проблемот со оваа зграда. Според градската власт најверојатно ќе одат на уривање на еден кат, конкретно на првиот кат, а остатокот на објектот ќе се држи на потпора под која ќе минуваат автомобилите. Таа варијанта е една од трите предложени решенија од Институтот за земјотресно инженерство и инженерска сеизмологија (ИЗИИС), како безбедна варијанта со која нема да се наруши статиката на зградата. - Сопственикот ќе добие соодветно обесштетување. Интензивно работиме на заокружување на договорот. Работиме на проектната документација за зградата и за новиот булевар - изјавија наши извори од Градот, кои се инволвирани во реализацијата на овој проект. Проширувањето на сметка на паркиралиштата Проширувањето на „Даме Груев“ е важно за градската власт, бидејќи до трговскиот центар „Плаза“ се гради катната гаража „Тодор Александров“, а улицата ќе служи за примање на сите возила што ќе гравитираат кон неа. За Градот е уште поважно тоа што е замислена како улица со четири коловозни ленти, која ќе прими дел од сообраќајот од улицата Димитрија Чуповски, попозната како „Рекорд“. Поточно, на „Чуповски“ ќе се забрани автомобилскиот сообраќај и ќе стане делумно пешачка зона, односно по неа ќе се движат само трамвајот и евентуално автобуси од јавниот превоз. Но, за тоа градската власт допрва ќе одлучува и ќе нарачува проект. Според замислата на Град Скопје, „Даме Груев“ ќе биде булевар со четири ленти, по кој сообраќајот ќе се одвива во две насоки. Моментно улицата е еднонасочна. Новите две ленти ќе се градат на сметка на паркиралиштата пред кулите и зградите на Градски ѕид. Проблемот со возилата на станарите ќе се реши со паркирање во катната гаража „Тодор Александров“, која има две нивоа под земја и седум над земја, со капацитет за 605 автомобили. Булеварското решение за оваа улица е идеја што е одамна предвидена и со Генералниот урбанистички план на Скопје, но кочница за реализација секогаш беше пасажот од зградата на поранешен „Макотекс“. Замислената пешачка зона на „Рекорд“, пак, е со цел конечно решавање на сообраќајниот хаос, кој со години го оптоварува центарот на градот, го загадува реонот и создава бучава, а автомобилите и автобусите секојдневно предизвикуваат застој. Со реализацијата на овој проект, „Мал ринг“, од Стара чаршија до Музејот на Скопје и од Портата до „Палома бјанка“ ќе биде пешачка зона. http://www.dnevnik.mk/default.asp?ItemID=61802539CD5E4244B15BF2E50AC19061 - http://www.dnevnik.mk/default.asp?ItemID=61802539CD5E4244B15BF2E50AC19061 |
Replies:
Posted By: jyvation
Date Posted: 11-Nov-2014 at 14:08
|
Цел Центар - пешачка зона: Еве кои згради и тротоари ќе се сечат
Улицата Даме Груев во строгиот центар ќе биде проширена за две коловозни ленти во обете насоки, на потегот од трговскиот центар „Палома бјанка“ до зградата на Собранието. Има 95% напредок во преговорите меѓу градската власт и Мите Јовановски, сопственикот на зградата, која му пречи на проширувањето и чиј дел мора да се урне. Ќе се сече еден кат. 
Зградата, која ќе се урива во еден нејзин дел и ќе биде предмет на обесштетување од градскиот буџет, е седиште на поранешен Макотекс. Се наоѓа на раскрсницата на Даме Груев со пешачката улица Македонија и нејзиниот пасаж му пречи на идното проширување. - Точно е дека имаме напредок во преговорите, можам да кажам дека 95 отсто од работите се договорени. Останува да најдеме заеднички јазик и за преостанатите. Во секој случај, се уште се е начелно, немаме потпишано ништо конкретно- изјави Мите Јовановски, сопственик на зградата и на компанијата Макоил. Според градската власт најверојатно ќе одат на уривање на еден кат, конкретно на првиот кат, а остатокот на објектот ќе се држи на потпора под која ќе минуваат автомобилите, пишува Дневник.Таа варијанта е една од трите предложени решенија од Институтот за земјотресно инженерство и инженерска сеизмологија (ИЗИИС), како безбедна варијанта со која нема да се наруши статиката на зградата.Фирмата Гео инг МK изработува нацрт-решенија за решавање на проблемот со оваа зграда. Сопственикот ќе добие соодветно обесштетување- изјавија од Градот... 
http://media.mk/article/49177/cel-centar-pesacka-zona-eve-koi-zgradi-i-trotoari-ke-se-secat - http://media.mk/article/49177/cel-centar-pesacka-zona-eve-koi-zgradi-i-trotoari-ke-se-secat |
Posted By: jyvation
Date Posted: 19-Nov-2014 at 13:27
|
Проширувањето на Даме Груев го чека извештајот од ИЗИС
Секоја поголема измена на градската патна инфраструктура, особено кога се прави во центарот на градот, мора да биде резултат на сериозно обмислен и испланиран сообраќаен проект, велат експертите. 
Со трансформацијата на Даме Груев во булевар голема површина од околниот паркинг ќе се претвори во сообраќајни ленти Сообраќајно ќе се растоварува центарот на градот Улицата Даме Груев да стане двонасочна, со четири ленти, и со тоа да ја замени улогата на улицата Димитрие Чуповски. Оваа идеја, чие остварување според планерите ќе значи олеснет сообраќаен проток и која предвидува популарната сообраќајница Рекорд да стане пешачка зона, веќе подолго време созрева во административните бараки во градскиот парк. Стручната јавност нагласува дека секое комплетно ново решение бара претходно точно предвиден и отворен процес за подготвување квалитетно сообраќајно решение за сите засегнати страни. Помалку загадување Од локалната самоуправа информираат дека во фаза на решавање е инфраструктурната пречка, зградата на крстосницата со улицата Македонија. Штом ќе се отстрани пречката, во наредниот период се најавуваат и првите чекори. - Градот го иницираше проширувањето на улицата Даме Груев во булеварско решение, со идеја да се подобри проточноста на сообраќајот на овој дел. Со тоа би се намалиле емисијата на гасови во воздухот и метежите, а ќе се подобри безбедноста на пешаците и моторизираните учесници во сообраќајот. Конкретно, најголемата бенефиција ќе биде за граѓаните што живеат и работат во тој дел, затоа што поради намалените метежи ќе се намали задржувањето на возилата и непотребната емисија на гасови во воздухот - велат од одделението за односи со јавност на градот. Оттаму додаваат дека ја чекаат студијата што треба да ја изработи Институтот за земјотресно инженерство и инженерска сеизмологија (ИЗИС), а која треба да го реши проблемот со уривањето на дел од зградата што се наоѓа покрај самата улица. Таа студија треба да биде насока според која ќе почнат првите чекори за изведување на проектот. Предвидената трансформација на Даме Груев во булевар ќе значи дека голема површина од околниот паркинг-простор ќе треба да го отстапи местото за новите сообраќајни ленти. Во моментот се привршува изградбата на катната гаража „Тодор Александров“, која ќе значи компензација за евентуално „жртвуваниот“ простор што сега се користи за паркирање. Добар план - успешен проект Стручната јавност предупредува дека секоја поголема измена на градската патна инфраструктура, особено кога се работи за центарот на градот, мора да биде резултат на сериозно обмислен и испланиран сообраќаен проект. - И јас лично би предложил да се направи проект за едно вакво решение, бидејќи потенцијално може да има многу придобивки. Тоа би значело растоварување на центарот, проширување на пешачката и зелената зона, особено ако се задржи Димитрија Чуповски како улица, по која исклучиво можат да се движат возила на јавниот градски превоз. Има начини како да се направи тоа за да не се деградира пешачката зона. Тоа ќе овозможи пристапност за граѓаните до центарот со јавен градски превоз, што би било во функција да се охрабрат луѓето помалку да ги користат своите автомобили за движење во градот - вели професор д-р Никола Крстаноски од Техничкиот факултет во Битола, кој бил раководител на голем број меѓународни и домашни проекти од областа на јавниот превоз и заштитата на животната средина од загадувања од сообраќајот. Според професорот, само квалитетен проект може да даде квалитетно сообраќајно решение, што ќе биде балансирачки компромис меѓу интересите на сите засегнати страни. http://www.novamakedonija.com.mk/NewsDetal.asp?vest=1118141516129&id=14&prilog=0&setIzdanie=23326 - http://www.novamakedonija.com.mk/NewsDetal.asp?vest=1118141516129&id=14&prilog=0&setIzdanie=23326 |
Posted By: zabegan
Date Posted: 19-Nov-2014 at 19:26
|
барам научно објаснување како тоа префрлање на истата сообраќајница со истиот промет на локација оддалечена некои 100 метри, го решава загадувањето? ------------- Architects create dreams...politicians create nightmares |
Posted By: mirakuliks
Date Posted: 20-Nov-2014 at 01:44
| Една работа не ми е јасна, а тоа е како ќе се зголеми протокот кога генералниот капацитет од една улица со по две ленти во правец и една еднонасочна со две ленти се намалува само на една улица со по две ленти во правец. |
Posted By: Dexter26
Date Posted: 20-Nov-2014 at 02:22
Многу едноставно - Рекорд ќе премине од директно загадување кон индиректно загадување, а Градски ѕид ќе премине од индиректно загадување кон директно загадување. Тоа се вика рокада - досегашното директно загадување се решава со индиректно загадување, а досегашното индиректно загадување се решава со директно загадување.  |
Posted By: N23
Date Posted: 20-Nov-2014 at 12:42
|
Па аман бе, како ќе намалите загадување ако уништите дрворед од 600 ако не и поише метри за новиот булевар, а колите ќе ги бутнете баш под балкон на луѓето? Како ќе растеретите сообраќај кога уместо да идете со кола право према Аеродром/К.Вода, сеа ќе идете десно и ќе имате потенцијалност од тесно грло у 4-5 попладне, кога најмалце 10 коли континуирано проаѓаат на црвено. Какво растеретување на сообраќај кога од улица со 4 се префрлате пак на улица со 4 ленти. Ја знам зошто се прави ова, за да ја нацртаат Димитрија со барок, па после таму пешачка зона да направат и да глумат европска метропола, пустите комплекси не се излечени очигледно. Сите пари ќе ги потрошат само за да го сменат ликот на комунистичко Скопје. Вака шипак што ќе викате дека на Рекорд ќе се симнете, или на Ванила. Најбоља идеја е реновирање на Даме, останување еднонасочна, правење на три еднонасочни ленти на Димитрија, а четвртата да биде за автобуси кои идат према Дром и К. Вода. Така ќе се добие 3х3 решение, кое сега е 2х4 и кое пак носи гужва. Не дека и мојов предлог 3х3 е добар, али барем не е погубен како градскиов! ------------- 23ka.wordpress.com |
Posted By: kultuzin
Date Posted: 20-Nov-2014 at 16:14
| Според мене Даме Груев не треба да се роширува и треба да с остане повеќе како сервисна улица отколку како главна артерија. Главното проширување треба да се бара со јужен булевар. Инаку вака само злото фо преместуваме од една во друга улица. За загадувањео смешно е и да се коментира. За да се спречи тоа треба комплетн малиот ринг да биде ослободен со сообраќај. Да се дозволи само пристап до гаражи , дотур на роба , градски превоз и станарите се друго нека го врти рингот. |
Posted By: BOJAN
Date Posted: 20-Nov-2014 at 18:14
| Јас не знам што ќе се реши со ова. Ќе се инвестираат брдо пари во дислоцирање на истата улица на само стотина метри подолу. Ќе се исече дрворедот, ќе се укинат постоечките паркинг - места долж Даме Груев... Чекам барем едно разумно објаснување, освен она дека требало да се формира пешачка зона долж Димитрија Чуповски. Сакам да кажам, има многу ПОПРИОРИТЕТНИ сообраќајни проекти во Скопје од овој глупав проект. |
Posted By: kultuzin
Date Posted: 20-Nov-2014 at 18:14
| За тоа зборувам. Па згора на тоа ќе правеле стратегија за велосипеди. Која стратегија жити се кога сите улици ги направија булевари, буквално со автомобил можеш да стигнеш кај сакаш. Стратегија на сите градови за зголемување на велоспедистите е токму блокирањето на централното градско подрачје за автомобили. |
Posted By: Petar Skopje
Date Posted: 20-Nov-2014 at 18:28
| Дрвата за Коце никогаш не биле проблем. |
Posted By: Staki
Date Posted: 20-Nov-2014 at 20:11
| Ако целиот јавен превоз го префрлат преку Рекорд, нема да е загубена улицата како што викате. На овој начин предност би добил јавниот превоз, во однос на индивидуалниот. Пример наместо кога одиш до плоштад да ја паркираш колата 10 минути од местото, автобусот би те оставил многу поблиску. Исто така времетраењето на едно возење со автобус низ центарот би се скратило за некоја минута. Предност би добиле и таксистите, ако смеат да возат низ оваа улица. На Даме Груев би имало барем еден семафор помалку или два ако не се планираат семафори кај зградат на Макоил. Така возилата кои поминуваат низ оваа улица би се движеле побргу, бидејќи нема да има автобуси. Е сега тоа е предноста на пренасочувањето на сообраќајот и доколку се случи според овој модел. Сличен модел има Љубљана и колку што имам видено функционира успешно. Проблемот се јавува кај автомобилите, бидејќи би биле прилично демотивирани да возат по Даме Груев, улица која би те кружела низ центарот. Така возачите ќе се пренасочуваат кон побрзите булевари, како што се Гоце Делчев и Св. Кирил и Методиј. Овие булевари и сега се оптоварени многу, така што не знам уште колку возила можат да поднесат. Сеуште не можам да оценам дали е позитивно или негативна оваа промена за целиот сообраќај. Како и да е мислам дека треба детална анализа да направи градот да види дали е потребно сето ова да се направи и за тие пари. |
Posted By: гитардемон
Date Posted: 20-Nov-2014 at 21:25
|
Јас сепак би сакал подземен пешачки кај зградата на Макоил, а коцката кај Бристол конечно да се затвори за сообраќај и да си стане пешачка зона. Таман со новите велелепни згради, ќе ја личи. ------------- Arguing on the internet is like running at the special olympics. Even if you win, you're still retarded. |
Posted By: fichot
Date Posted: 24-Nov-2014 at 22:31
| Треба протест да се организира против ова епохално глупо решение. |
Posted By: Kid_A
Date Posted: 24-Nov-2014 at 23:18
Да, следен пат кога ќе треба да се работи некој проект слободно ќе ги препратам кај тебе да се обратат за совет. Ако може маил, број или било што од тебе за да знам кај да ги препратам? Овој проект не е од вчера, туку е разработуван и разработуван со години и години, но најголем проблем беше зградата и неможноста да се реши тој дел од проектот. Ако оставевме руљата да владее со овој свет и да го слушавме нејзиното “демократско“ право да одлучува никаде немаше да стигнеме. Верувај има многу постручни лица од мене и тебе коишто работат на овој проект. |
Posted By: FoSsiL
Date Posted: 24-Nov-2014 at 23:34
|
Овој проект е уште една импровизација, всушност импровизација на неуспешната импровизација наречена подземна уличка која им се виде прескапо.
Овој ПРЕДЛОГ преку ноќ стана тоа што ти го нарекуваш проект, баш поради неуспешноста и немање волја на градските власти да го реализираат оригиналниот план за подземен коридор под плоштад. Ќе ми простиш, ама си имаме работа со малоумници... ------------- Македонија - Земја на чудата! |
Posted By: one1
Date Posted: 25-Nov-2014 at 01:32
| Ах море луѓе ова со Даме Груев е за чиста десетка. Онаа улица што требаше да понира и да тера под кеј и да се спојува кај најлошата раскрсница во Центар кај Веро ќе беше катастрофа од невидени размери. И закрчен град две години. Вака како така Рекорд ќе се ослободи со тек на време и другава ќе биде булеввар. Ако Јужен во центар ќе тера под земја и не го снајде слична судбината да се откажат и од него тогаш тоа е доволното што му треба на Скопје за следниве 10 години. Со тоа што СЕКАКО најдоброто решение и најскапо е спајање на Партизанска под плоштад со Кузан Јосифовски. |
Posted By: zabegan
Date Posted: 25-Nov-2014 at 02:48
истите проблеми кои сега ги имаш, ќе продолжиш да ги имаш... само ќе бидат преместени малку појужно... со оглед на тоа колку скапо го кошта градот да го изведе зафатот, треба да се руши објект и да се исече еден куп дрва, и да се жртвува пешачки простор и паркинзи како што рековме и претходно, единствено логично решение е да се направат двете сообраќајници еднонасочни и заеднички да функционираат како булевар... ------------- Architects create dreams...politicians create nightmares |
Posted By: fichot
Date Posted: 25-Nov-2014 at 07:01
Руљата во вид на дебили на раководни функции и сега владее со нашиот свет. Нема потреба да се повторувам, има доволно коментари кои ја потенцираат нелогичноста на решението. Проширувањето на ДГ може било зацртано уште одамна, ама и многу други работи биле истотака. Значи ако се друго баталиш тоа не може да функционира само од себе. Поздрав. |
Posted By: kultuzin
Date Posted: 15-Apr-2015 at 09:57
|
Uste go butkat ovoj proekt so koj definitivno ke se zakopa Nadezda Skopje vo skoro vreme da stane grad na velosipedite. Mesto tie pari nepotrebno da se frlaat za ovoj bulevar treba sto pobrzo da se napravi Juzen Bulevar a ovaa ulica kako i site drugi ulici vnatre vo golemiot ring da se koristat kako servisni za doaganje do parkinzi i za stanarite vo toj del. Kako i da e lugeto koi se povikani za ovaa problematika uste Ednas pokazuvat kolku nemat znaenje, vizija a so toa nitu namera za podrska na velosipedskiot soobrakaj. Mora da se razbere se dodeka se prosiruvat bulevari edinstveno sto se dobiva e uste pogolem broj na avtomobili a toa nema kraj. Zatoa vo sekade vo svetot se odi vo sprotivna nasoka potesni bulevari a poveke Javen Soobrakaj i pred se posiroki i poudobni velosipedski pateki.
Ќе се урива целата зграда Макотекс за Даме Груев да стане булевар? 15.04.2015 - 09:44:58 Проширувањето на улицата Даме Груев во булевар и уривањето на дел од зградата „Макотекс“ се уште е статус кво - градоначалникот Kоце Трајановски е на два ума кое решение да го прифати за реализација на овој проект од трите опции што му ги понуди Институтот за земјотресно инженерство (ИЗИИС). Зградата е стара и допрва ќе следуваат испитувања на кој начин и колку од неа ќе се урне, иако веќе е донесена одлука на Советот на сопственикот „Центро АД“ во стечај да му се надоместат два од четирите ката со деловен простор во катната гаража во изградба „Тодор Александров“. Како што пишува Дневник, уривањето на дел од оваа зграда е клучно за изградбата на новата сообраќајница. Таа се наоѓа на раскрсницата со улицата Македонија и лежи на трасата на идниот коловоз на булеварот. Беше најавено дека двете нови ленти ќе се оформат откако ќе се урнат првите два ката од зградата, а тежината од горните да ги превземе мост кој ќе се поврзе со зградата од спротивната страна на улицата, а возилата ќе минуваат под него. Дека работата е речиси готова за оваа варијанта говори и фактот што пред еден месец Советот на Град Скопје одлучи сопствениците да се обесштетат со 136 квадратни метри деловен простор во гаражата. Сега доколку се востанови дека е потребно да се избере друга од предложените варијанти, тоа ќе значи и повисока цена на целиот проект и допрва ќе се утврдува колку градската власт ќе треба да плати ако се урива целата вертикала. - Првично во студијата беше одредено дека може и врз таа основа да почна да се прави проект. Соработуваме со сегашниот сопственик за замена на просторот. Тука има и други сопственици. Пред склучување сме на договор, но тоа не се прави додека се не биде целосно, во смисла да сме сигурни во нашата одлука, а тоа ќе биде познато откако ќе биде изработен проектот. Тој требаше да се предаде некаде втората половина на март, но има проблеми со зградата и таа не е во таа состојба како што беше предложено во студијата - информира Трајановски пред Советот. Негов став е дека целата зграда треба статички да биде санирана, а тоа во студијата не е предвидено зашто се тргнало од претпоставката дека е во ред. - Треба да се руши целата вертикала - приземје и 4 ката. Порачана е процена за целата зграда, па потоа ќе се види што да се прави. Според процената од ИЗИИС, санацијата ќе чини повеќе отколку да се урне зградата - појасни скопскиот градоначалник, додавајќи дека според првичните сознанија откупувањето на целата зграда би чинело до 1,2 милион евра. - Булеварот е многу важен за градот, тој не е случајно проектиран и се трудиме да го реализираме - дециден е тој. Од одделението за односи со јавноста во Градот изјавија дека во наредниот период ќе следуваат прелиминарни испитувања со кои ќе се види дали ќе треба да се уриваат четири ката во вертикала или само два со изградба на мост. http://www.skopjeinfo.mk/gradot/1717906990/ke-se-uriva-celata-zgrada-makoteks-za-dame-gruev-da-stane-bulevar |
Posted By: Staki
Date Posted: 15-Apr-2015 at 10:19
| Ме интересира дали знае некој кога е изградена зградата „Макотекс“ или барем тој дел што треба да се урива? |
Posted By: fichot
Date Posted: 15-Apr-2015 at 15:02
| во 50-тите мислам дека е направена, барем вака гледано по слики од „Старо Скопје“. |
Posted By: jyvation
Date Posted: 31-May-2015 at 12:23
ЌЕ СЕ РУШИ ЗГРАДА ЗА „ДАМЕ ГРУЕВ“ ДА СТАНЕ БУЛЕВАР
Според испитувањата на ИЗИИС, најверојатно нема да биде изводливо да се уриваат само приземјето и првиот кат од зградата Град Скопје се' уште нема донесено конечна одлука на кој начин ќе се проширува улицата „Даме Груев“, во централното градско јадро. Во моментов улицата има само една проодна коловозна лента, поради изградбата на катната гаража зад хотелот „Плаза“. Од Градот Скопје информираат дека во моментов ги разгледуваат сите можни технички аспекти за зградата на улицата „Даме Груев“. Градоначалникот на Скопје, Коце Трајановски, пред Советот на Градот, пред неколку месеци, информираше дека оваа улица мора да стане булевар, бидејќи новите објекти, Министерството за финансии и катната гаража ќе повлечат и поголем сообраќај. Проширувањето на „Даме Груев“ е препорачливо и поради намалување на фреквентноста на улицата „Димитрие Чуповски“, по која поминуваат речиси сите градски автобуси кои сообраќаат во центарот на градот и на која се наоѓаат централните автобуски станици. Градските власти идејата за проширување на „Даме Груев“ во булевар со 4 ленти ја отворија пред година и пол. Според Генералниот урбанистички план на Град Скопје, овој дел од Малиот ринг е предвидено да биде булевар. На потегот од трговскиот центар „Палома бјанка“ па се' до Собранието, има доволен простор за проширување. Во план е за тоа да се искористат постојните паркинзи за изведување на уште две ленти. Реализацијата во најголем дел се одложуваше поради зградата „Макетекс“, чиј еден дел лежи точно на трасата на булеварот. Градските власти тогаш го ангажираа Институтот за земјотресно инженерство, да направи испитување на стабилноста на објектот и анализа за тоа кои се можните решенија кои ќе дозволат градежни зафати на зградата. Првичната идеја која ја најави градоначалникот Трајановски предвидуваше рушење на приземјето и првиот кат, во висина од 6 метри, за да може сообраќајницата да поминува под зградата. Сепак, според испитувањата на ИЗИИС, најверојатно нема да биде изводливо да се уриваат само приземјето и првиот кат од зградата и со потпорни столбови да се зацврсти објектот, поради тоа што зградата не била доволно цврста и стабилна. Затоа градските власти ќе мора да се одлучат за други варијанти, меѓу кои е и рушење на сите четири ката, што ќе значи и обесштетување на сопствениците. Во тој дел на зградата нема станбен простор, туку тоа се деловни простории. Советот на Скопје во февруари годинава донесе одлука за размена на деловен простор со фирмата „Центро“ која е во стечај, за деловниот простор во приземјето на зградата каде што некогаш беше „Рубин кармин“ и за првиот кат. „Центро“, според договорот, ќе добие деловен простор во катната гаража „Тодор Александров“, која се наоѓа отспротива. http://utrinski.mk/default.asp?ItemID=EFF61FA066E47743A8A01FA7C97A6907 - http://utrinski.mk/default.asp?ItemID=EFF61FA066E47743A8A01FA7C97A6907 |
Posted By: zabegan
Date Posted: 01-Jun-2015 at 21:48
упорно се бутка и оваа глупава идеја како да е феноменално решение зошто да биде едноставно и да се реши сообраќајот со други проекти, кога може да биде и комплицирано и да рушиме објекти за веќе постоечки улици ------------- Architects create dreams...politicians create nightmares |
Posted By: kultuzin
Date Posted: 01-Jun-2015 at 23:58
Забеган ретко се случува да се согласиме во нешто но јас многу енергија вложив да обрнам внимание дека тотално е непотребно оваа улица да се проширува а со тоа се забива нож во грб на сите заложби скопје колку толку да прерасне во велосипедски град. |
Posted By: Џоле
Date Posted: 21-Oct-2016 at 09:59
|
Нова епизода од шпанската серија „Проширување на Даме Груев“...
___________________________________________ „ДАМЕ ГРУЕВ“ ЌЕ СЕ ШИРИ В ГОДИНА Проширувањето на улицата „Даме Груев“ ќе почне дури в година. Градските власти се' уште ја обезбедуваат потребната документација, а допрва треба да одлучат и како ќе го решат проблемот со зградата на „Макотекс“, чии делови пречат за непречено ширење на улицата. Откако ќе се изработи основниот проект ќе се знае и како и колку ќе се урива од зградата која се наоѓа на трасата на булеварот. „За улицата ‘Даме Груев‘ се изработува инфраструктурен проект кој е веќе готов, па сега следува само добивање согласност за него. Сообраќајниот проект се' уште не е изготвен, а по неговото изготвување ќе се пристапи кон изработка на основен проект, по што ќе се знаат сите детали околу изградбата, чинењето и други архитектонски решенија“, информираат од Град Скопје. Оттаму пред половина година распишаа оглас за изработка на проект за инфраструктура со сите фази за улицата „Даме Груев“, од раскрсницата со улицата „Димитрија Чуповски“ и улицата „ВМРО“ до улицата „11 Октомври“ и улицата „Филип Втори Македонски“. Од Градот проценија дека за тој ангажман ќе платат околу 5.000 евра. Истовремено, надлежните во неколку наврати информираа дека Градот заедно со ИЗЗИС ја разгледува варијантата да бидат урнати само приземјето и првиот кат од крајната вертикала на зградата, па да се постават потпорни столбови и булеварот да минува под зградата. Но, потоа било утврдено дека зградата не е доволно цврста, па затоа сега постои и варијанта да се урнат сите четири ката. Независно што дилемата се' уште не е решена, по барање на градоначалникот Коце Трајановски, Советот на Град Скопје пред извесно време донесе одлука за размена на деловен простор со фирмата „Центро“. За деловниот простор во приземјето на зградата, каде што некогаш беше „Рубин кармин“ и првиот кат, сопственикот доби деловен простор во градската катна гаража „Тодор Александров“. Инаку, идејата за булеварско решение на улицата „Даме Груев“ е стара повеќе години. Тоа е едно од неопходните сообраќајни решенија за растоварување на сообраќајниот метеж во „Мал ринг“. Урбанистичкиот план предвидува булеварско решение за потегот од ТЦ „Палома бјанка“, па се' до Собрание. Неколку пати беше напоменато дека по ширењето на оваа улица, ќе се измени сообраќајниот режим во делови од централното подрачје. Во план е „Димитрие Чуповски“ да се претвори во пешачка зона. http://utrinski.mk/?ItemID=9DD8760984A740408F83C621B64A9867 - http://utrinski.mk/?ItemID=9DD8760984A740408F83C621B64A9867 ------------- За сè има вторпат |
Posted By: phenomenon
Date Posted: 21-Oct-2016 at 11:37
|
Не се четири ката, туку пет без приземјето. Да речеме, да го направат тоа и да ја урнат зградата. Прво прашање: Kaко ќе се влегува и излегува во и од оваа зграда? Директно преку коловоз, нели? https://www.google.com/maps/@41.9925128,21.4295669,3a,49.2y,317.65h,87.06t/data=!3m6!1e1!3m4!1sloIe50IXBdDC1X1aqB5IrA!2e0!7i13312!8i6656 - https://www.google.com/maps/@41.9925128,21.4295669,3a,49.2y,317.65h,87.06t/data=!3m6!1e1!3m4!1sloIe50IXBdDC1X1aqB5IrA!2e0!7i13312!8i6656 Второ прашање: Истово прашање и за оваа зграда. https://www.google.com/maps/@41.9926222,21.4292381,3a,51.6y,339.51h,86.66t/data=!3m6!1e1!3m4!1s_FtXjOvps4QeGZcgl00Bgg!2e0!7i13312!8i6656 - https://www.google.com/maps/@41.9926222,21.4292381,3a,51.6y,339.51h,86.66t/data=!3m6!1e1!3m4!1s_FtXjOvps4QeGZcgl00Bgg!2e0!7i13312!8i6656 Tрето прашање: Kaде ќе ги направат автобуските постојки на улицава, а да не направат тесно грло? ------------- 開始されていないだけの戦いが失われ、 |
Posted By: zabegan
Date Posted: 21-Oct-2016 at 20:17
|
тоа е, кога немаш мозочни капацитети за организација на градскиот сообраќај, тогаш проширувај улици како манијак... ------------- Architects create dreams...politicians create nightmares |
Posted By: Staki
Date Posted: 22-Oct-2016 at 08:19
| Автобуски постојки нема да се направат, бидејќи автобусите ќе продолжат да се движат по Димитрија Чуповски. Инаку за другите 2 прашања, проблематичен е влезот на тие возила, ама тоа се неколку паркинг места колку што гледам од сликите, така што не би требало да е огромен проблем за безбедноста на сообраќајот.Проектов не ми се верува дека ќе се случи во блиска иднина. Премногу комплициран е за наши услови. |
Posted By: zabegan
Date Posted: 22-Oct-2016 at 21:15
|
треба да се сотре огромен пешачки простор, преценет паркинг простор и зеленило, и да се отстрани половина објект, а нема скоро никакви придобивки од крајниот резултат
како што е дискутирано и претходно, најдобра опиција е Чуповски и Даме Груев да функционираат како еден коридор во два правци привремено, додека да се среди инфраструктурата на глобално ниво моментално гужвата се создава на рекорд поради тоа што еден куп булеварски поврзувања во градов фалат и затоа што на делницата на рекорд има еден куп пешачки премини и автобуски постојки што опслужуваат премногу линии, кои може да сообраќаат и преку други улици мислам дека многу полесен зафат би бил да се реши преминот на рекорд и да се запне да се реформира ЈСП, отколку да изигруваме глупости во празно ------------- Architects create dreams...politicians create nightmares |
Posted By: stef4o
Date Posted: 23-Sep-2020 at 13:25
|
Абер нема „Димитрија Чуповски“ да стане пешачка улица, а „Даме Груев“ булевар
Изработен е основниот проект за улицата „ВМРО“ и улицата „Даме Груев“ и од раскрсницата на улицата „Димитрија Чуповски“ и улицата „11 Октомври“ до „Филип II Македонски“ и истиот е на ревизија во Град Скопје. Нема ништо и околу идејата улицата „Даме Груев“ да се прошири, за што треба да се урне зградата на „Макоил“, но и тие преговори на сопственикот со градските власти се статус кво Сè уште нема абер од најавата на скопскиот градоначалник Петре Шилегов улицата „Димитрија Чуповски“ да стане пешачка зона, освен за возилата на јавниот превоз. Точно пред една година Шилегов најави дека тоа ќе се случи годинава, но, засега, сè останува само на хартија, бидејќи како што информираа градските власти, согласно договорот од минатата година, избраната проектантска куќа го изработила основниот проект за улицата „ВМРО“ и улицата „Даме Груев“ и од раскрсницата на улицата „Димитрија Чуповски“ и улицата „11 Октомври“ со улицата „Филип II Македонски“. – Во согласност со договорот од минатата година, избраната проектантска куќа изработи основен проект за посочените сообраќајници. Проектот во моментов е на ревизија во Град Скопје, кусо одговорија градските власти без да прецизираат конкретно што содржи основниот проект. Оттаму додаваат дека идејата за пренамена на улицата „Димитрие Чуповски“ во пешачка зона со ограничен сообраќај (само за јавен превоз) е постара и истата зависи од претходно обезбедување на соодветна сообраќајна алтернатива. Тоа предвидува проширување на улицата „Даме Груев“ и целокупниот сообраќај да се пренасочи по оваа улица, на потегот од раскрсницата кај трговскиот центар „Палома Бјанка“ до Собранието на Р.С.М. Според претходните најави, во проектната документација има и посебни услови каде се бара план за водоводна, атмосферска и фекална канализација и друг вид на инсталации. Исто така, треба да бидат предвидени велосипедски патеки, тактилни патеки за слепи лица, проект за улично осветлување со енергетско- ефикасно лед осветлување и слично. Шилегов дури лани и најави дека се изготвуваат соодветни проекти во рамките на кои се планира целосно откупување и уривање на зградата „Макоил“ (поранешна зграда на „Макотекс“), за да се овозможи простор за проширување на улицата „Даме Груев“. Газдата на „Макоил“, Мите Јовановски, за весникот ВЕЧЕР денеска изјави дека состојбата со неговата зграда „Макотекс“ поради која со години е закочен овој проект и пречи во проширувањето на улицата „Даме Груев“, бидејќи се наоѓа на нејзината траса, е сè уште статус кво. – Како сопственик на зградата сè уште никој не ме контактирал. Неколку пати разговаравме со претставници од Градот. Имав повеќе предлози и не сакам да пречам во проширувањето, само сакам чесно да бидам обесштетен и да не бидам во загуба, бидејќи зградата многу скапо ја купив. Еден предлог е Градот да ми даде негови објекти и ако треба и ќе доплатам или, пак, ако се урне зградата, на дел од локацијата да изградам нова зграда – објасни Јовановски. Од Градот, пак, велат дека активностите за оваа зграда се одвиваат во континуитет и јавноста навреме ќе биде информирана кога ќе има некој нов момент. Инаку, по завршување на овие постапки, ќе се отвори можноста за интервенција на просторот на улицата „Димитрие Чуповски“, каде во план е тој дел да добие комплетно нов изглед, со уреден плочник и тротоари, а паркот „Жена борец“ ќе се прошири кон Собранието. https://www.vecer.press/абер-нема-димитрија-чуповски-да-ст/ |
Posted By: user8642
Date Posted: 23-Jan-2021 at 15:53
|
Една интересна архивска снимка од 1978-ма, од видео на еден многу добар канал на youtube. Штета што не се нашло сили да се изрушат куќите од целиот коридор на булевар Даме Груев да се пробие, денес е останато како чир во трасата она што го знаеме како Кафе Горки.
https://ibb.co/vZ1QWK0"> 
https://www.youtube.com/watch?v=QDV48-xJp-g - https://www.youtube.com/watch?v=QDV48-xJp-g https://ibb.co/cgNLF0P"> 
|
Posted By: Cloverstack
Date Posted: 24-Jan-2021 at 00:44
|
За утеха, во ДУП-от трасата е зачувана, ќе се тргне некогаш и чирот. Освен со експропријација може и ако има економска логика сопствениците да решат да инвестираат во нов објект според новата градежна маркичка која ми изгледа дека е спакувана заедно со соседниот објект што исто така е стар и неатрактивен. Сепак е строг центар и современ објект може да донесе голем скок на вредноста. Иначе во 1982 уште не бил пробиен Даме Груев на овој дел од трасата, ова ми се виде ептен интересно: https://youtu.be/BGIYaaa0jeQ?t=2438 
|
Posted By: Staro Skopje
Date Posted: 24-Jan-2021 at 13:55
|
1988 веќе е пробиен. Јасно се гледа и поновата половина на градски ѕид.  [tube]tR55K9eSuRw[/tube] ------------- Градот убав никна, но го откорнаа |
Posted By: stef4o
Date Posted: 07-Sep-2021 at 07:14
УЛИЦАТА ДАМЕ ГРУЕВ ВО ЦЕНТАРОТ НА СКОПЈЕ НЕМА ДА СЕ ПРОШИРУВА ВО БУЛЕВАР
Улицата Даме Груев во центарот на Скопје нема да се проширува во булевар со четири коловозни ленти. Пред две години градоначалникот на Скопје Петре Шилегов најави дека со воведувањето на трамвај, Рекорд ќе стане пешачка зона низ која ќе минуваат само возилата на јавниот превоз. Сообраќајот беше кажано дека ќе се пренасочи по улицата Даме Груев која ќе се прошири во булевар со 4 коловозни ленти како што е нацртано и во Генералниот урбанистички план. За оваа идеја на Шилегов имаше реакции од граѓаните бидејќи за да се реализира булеварот треба да се сече зеленило. Сега откако целиот проект за движењето на брзиот автобуски превоз е направен, анализите покажале дека не е потребно овој дел да се проширува. „Она што го имаме направено како студија и од добиените податоци кои ги имаме нема потреба од ширење на улицата ниту нарушување на тој дрворед и секојдневието на станарите. Улицата ќе биде само реконструираната како дел од проектот „бас рапид транзит“ бидејќи во еден дел е сериозно оштетена“, вели градоначалникот Петре Шилегов. Со воведување на брзиот автобуски превоз и затворање на Рекорд за возила, ќе се воведе и нов сообраќаен режим за движење, кој Шилегов вели ќе го презентира со стартот на проектот. За реализација на проектот брз автобуски превоз Владата зема кредит од 70 милиони евра од Европската банка за обнова и развој. Тендерот за избор на фирма која ќе го воведе новиот систем ќе биде распишан месецов. https://sdk.mk/index.php/dopisna-mrezha/ulitsata-dame-gruev-vo-tsentarot-na-skopje-nema-da-se-proshiruva-vo-bulevar/ - https://sdk.mk/index.php/dopisna-mrezha/ulitsata-dame-gruev-vo-tsentarot-na-skopje-nema-da-se-proshiruva-vo-bulevar/ |
Posted By: <Fresno>
Date Posted: 07-Sep-2021 at 08:53
| Студијата покажала дека многу гласови ќе изгуби од околните жители, па затоа ништо нема да се чепка. Да беше барем некој зафат реализиран, од типот на клучка кај Судска палата или Јужен булевар заедно со трите кружни, ќе имаше барем минимална основа да се тврди вакво нешто. |
Posted By: user8642
Date Posted: 07-Sep-2021 at 17:04
|
Браво! За да не им се упропасти зонското паркирање на снобовите од градски ѕид, сега треба да пати цел град. До кога со оваа погрешна организација на градот и мешање приоритети. Да се свесни само колку гласови губат за да удоволат на два-тројца "преку-леб-погача" партиски гомца. Едноставно идење по линија на помал отпор. Место да се голтне финансиската кнедла за да се сруши зграда и да се голтне критиката од јавноста што едноставно мора да се исече некој дрворед, они си избраа мењање горен слој асфалт во изборна кампања што ќе ни го продаваат како реконструиран булевар. Срамота!!!
|
Posted By: Cloverstack
Date Posted: 07-Sep-2021 at 18:17
|
На видеото од презентацијата на БРТ системот, улицата Даме Груев е прикажана како еднонасочна по целaта целата нејзина должина, обратно од часовникот. Значи почнувајќи од Партизанска па се до 11 Октомври. Потоа и Стив Наумов (така ли се вика сега?) продолжува понатака како еднонасочна, ама прашање е дали тоа е само одреден сегмент, или исто така е целосно еднонасочна се до Гоце Делчев.
Иако јас сум апсолутно против обично проширување на Даме Груев на проблематичниот сегмент од ПС Беко до Макотекс (ќе објаснам подолу), тоа што се гледа на видеото за БРТ е прилично голем опфат без двонасочен сообраќај, па дефинитивно ќе биде лошо ако остане само на тоа (само менување на режимот на сообраќај на постојната инфраструктура). Ако Градот не може да смогне сили Даме Груев да биде двонасочна ама со пробивање на краток тунел на проблематичниот сегмент (доволно е тунел со две ленти за едниот правец, а другиот правец може да остане површински... или па и горе и долу да има по една лента во правец, што носи други придобивки), тогаш навистина е подобро е Даме Груев да се трансформира во еднонасочна, отколку да се форсира проширување по секоја цена, затоа што има тесно грло кадешто простор за проширување реално нема. Но од друга страна, еднонасочни Даме Груев и Стив Наумов повлекуваат потреба за реализација на други проекти, како на пример тие што ги спомна Fresno (клучка кај Судска палата или функционален Јужен булевар во пакет со пристапите). Би имало корист дури и од проширување на Мирче Ацев во пакет со пробивање на врската према 3-та Македонска Бригада. Градот не смее да ги завлечкува овие проекти! Неодамна бев стварно пријатно изненаден со најавата дека паралелно со БРТ ќе се турка и решение за мостот Обединети нации. Се надевам дека и во контекст на Даме Груев градската власт ќе изненади со темелен и систематски пристап. -------------------------------------------- Еве зошто сум апсолутно против обично површинско проширување на Даме Груев на проблематичниот сегмент од ПС Беко до Макотекс. Факт е дека таму дури и по цена да се уништи убавиот пешачки коридор и дрворедот и жардињерите (како што е предвидено со ДУП-от), пак нема да има доволно место. Еве каква катастрофа е зацртана во ДУП-от: 
Всушност на некои точки на терен нема ни толку место. Од овие бљувотини на „ИНПУМА“ и мене ми доаѓа нагон на повраќање. Значи од влез на зграда или од продавница малтене улетуваш на коловоз. А на овој простор има значително пешачко движење, тие пешаци едвај ќе се разминуваат. Возење велосипед можеме одма да шкртнеме. И сето ова во централна пешачка зона. Плус тоа за проширување на Даме Груев треба да се откупува и потоа де се руши зградата на Макотекс. Да не испадне дека откуп + рушење + површинско проширување е поскапо отколку 200 метри тунел? Ако сме рационални, единствено што Градот треба да направи во врска со Макотекс е да преземе мерки и да го ослободи узурпираниот простор во пасажот. Едниот коридор (што остана слободен) се надоврзува на велосипедската патека и треба да си ја има таа намена, ама узурпираниот простор се надоврзува на пешачката патека и мора повторно да се ослободи за пешачко движење, а не за сметка на некоја криминална шема да создаваме бесмислени тесни грла. Овој пасаж мислам дека беше узурпиран во исто време кога беше узурпиран и пасажот кај Министерството за правда. Сето тоа веројатно е формално легално изведено, што е уште потажно во ситуацијава. Но редно е оваа глупост да се поправи! 
|
Posted By: Cloverstack
Date Posted: 07-Sep-2021 at 18:27
Не би ме изненадило дека ова играло улога во политичката пресметка. Но во секој случај за проширување на Даме Груев има тесно грло од околу 170 метри кадешто нема никакви паркинзи, а кадешто не може да се изведе прописно проширување дури и ако се жртвува се друго за сметка на коловозот. Така да без разлика на паркинзите, главниот проблем е друг и не може лесно да се реши. |
Posted By: user8642
Date Posted: 07-Sep-2021 at 19:04
| Пасажите од секогаш биле сива зона во катастар. Никогаш градот/општините немаат добиено имотни листови, никогаш пасажите не се запишани како државен имот. Тоа е некој лимбо јавен простор што спаѓа во колективните површини на самите згради. Исто како низ нечиј влез да се движиме сите граѓани од градот. Верувам дека на многу места се вака изиграни законите, зашто еден пасаж да го има во ДУП не значи ама апсолутно ништо законски, не произведува никакви правни последици по узурпаторот. Ама кога градот го има запишано како негов имот, е тогаш е друга приказна. |
Posted By: user8642
Date Posted: 07-Sep-2021 at 19:13
|
Не е спорно дека може и со сегашните ленти да се зивади нешто. Ама зашто?! Зашто да не се доправи како што е испланирано. Слободно може да се протнат 14м 3,5х4м ленти позади собрание.
Еве како може, тоа не е спорно. Рекорд да остане двосмерен само за БРТ, за другото едносмерен. https://ibb.co/VJLXNx6"> 
|
Posted By: Cloverstack
Date Posted: 07-Sep-2021 at 22:25
Затоа што е катастрофално испланирано. Затоа што ако ставиш 4 ленти на проблематичниот сегмент од 170 метри, таму треба се друго да се сотре. И пак на најтесниот дел (кај Министерство за Финансии) ќе има тротоари само про форма, широки по 1 метар. И сето тоа, со оглед на неопходноста да се откупува и руши Макотекс, пак ќе биде финансиски многу скапо. А како капак, тоа решение со исклучок за автомобилскиот сообраќај е ужасно по сите други можни критериуми и прашање е колку би било одржлива ситуацијата подолгорочно. Па голема би била веројатноста дека во не така далечна иднина ќе мора да вложуваме во исправање на грешката и барање на пристојно и одржливо решение. Не ми е воопшто симпатично ни ова што го најавува Шилегов. Стојам на став дека толку голем дел од Мал Ринг да биде еднонасочен, а воедно да се затвори Димитрија Чуповски, е реален сообраќаен проблем. Зошто воопшто не се размислува за тунел кај тесното грло на Даме Груев? Со оглед дека Градот беше спремен да фрла пари за Макотекс, дали и колку поскапо би било две од четирите ленти да се сместат под земја? Скопје нема да банкротира поради тунелче од 200 метри. А со такво тунелче решението ќе биде одлично и долгорочно.
Систем кадешто Даме Груев ќе носи две ленти еднонасочен сообраќај кон исток, а Димитрија Чуповски ќе носи БРТ двосмерно и две ленти еднонасочен сообраќај кон запад ми изгледа дека нема некои сериозни фалинки од сообраќаен аспект. За жал вака ќе отпадне континуираната пешачка зона, ама кога ќе се стави на кантар тука има многу повеќе аргументи за да се размислува за ваков компромис. И секако во вакво сценарио има (најпожелна) опција коловозот на Димитрија Чуповски да понира под улица Македонија. Така нема сериозно да се искомпромитира централната пешачка зона. По квалитет вака нема да заостанува многу зад варијантата што е најавена (затворање на Димитрија Чуповски освен за БРТ), дури и ќе има придобивка што автобуси нема да ја пресекуваат улица Македонија! За такво понирање потребен е уште поскромен тунел отколку за Даме Груев. Тука 100 метри должина се сосема доволни за да се постигнат овие работи: - Улица Македонија да не испадне како обичен мост/надвозник - Бидејќи БРТ станицата (односно станичното проширување) би било точно под улица Македонија, ќе има доволно простор за коридорот повторно да се стесни до отворите на тунелот. Значи Димитрија Чуповски во надземниот дел да не мора да се шири на сметка на тротоарите или дрвјата. Со оглед на просторот потребен за сегментите за спуштање, ако се држиме до пристојни нагиби, подолг тунел од ~100 метри всушност не ни може да се изведе, ама ете и таков е сосема доволен. |
Posted By: Cloverstack
Date Posted: 07-Sep-2021 at 22:54
|
Ботом лајн, треба да се направи еден тунел. Или ~200 метри на Даме Груев, или ~100 метри на Димитрија Чуповски. Може ваљда до толку да се смогне сили! |
Posted By: Staro Skopje
Date Posted: 07-Sep-2021 at 23:10
|
Друго решение е копај-покриј тунел со две сообраќајни ленти од Градска до Палома Бјанка во должина од 550 метри, како еднонасочна сообраќајница комплементарна на Даме Груев. На Рекорд има околу 23 метри - доволно за пешачка зона од 5 метри, спор БРТ од 3.35 и сообраќајница од 3.25 од двете страни; 5 метри е малку за да се нарече пешачка зона па сепак потребен би бил тунел, наместо улица на земја или пак непокриена понирана сообраќајница. До реализација на БРТ ќе биде АСНОМ и има доволно време за пуштање во употреба на булеварот под Лимак со кружните, веројатно и за клучка кај Мавровка кои значително ќе го дисперзираат сообраќајот. Плус продолжувањето на Љубљанска и Словенечка до Бардовци, како проекти кои е возможно да се реализираат, со тоа што може да има сообраќаен застој 2-3 години додека се работат и улициве и БРТ. Со овие булевари прашање е дали воопшто има потреба од улица на Рекорд, згора на тоа целта на БРТ е токму да ја намали таа потреба. Тунел под Плоштад е единствено директно решение ама реални изгледи во скора иднина нема. Многу поголем, но краткорочен сообраќаен хаос може да направи рушењето на Обединети Нации. Рушење и нов мост во полн профил е најдобро решение, но тие 2-3 години додека се гради новиот, а сообраќајот се одвива на 1 или 2 сообраќајни ленти во правец на едниот сегмент од стариот, па на изградениот сегмент од новиот мост, ќе има гужви. Ќе мора прво да се пушти мостот на Љубљанска, а по можност и Словенечка од Бардовци до Ѓорче, но за тоа не знам колкави се шансите.
------------- Градот убав никна, но го откорнаа |
Posted By: <Fresno>
Date Posted: 08-Sep-2021 at 07:59
|
Не знам каков е распоредот на приземјето на Макотекс (веројатно неколку носечки столбови правилно распоредени), но решение за добивање широк пешачки и велосипедски коридор може да е отварање на дел од зградата.
На пример, обележаниов дел + уште еден до него.
|
Posted By: Staro Skopje
Date Posted: 11-Sep-2021 at 21:07
|
Во секој случај автоцентричноста поставена во 60-тите треба да биде надмината. При целосно реализирана примарна сообраќајна мрежа, а тука релевантни се тунелите под Лимак, тунелот под Плоштад, тунелите под Кале, АСНОМ и внатрешната обиколница, Даме Груев не треба да биде ништо повеќе од станбена улица, во никој случај булевар. Всушност неверојатно е колку е слабо реализиран сообраќајот во центарот. Има само 1 (!) булевар кој ги поврзува запад и исток јужно од Вардар, а нему му се надоврзуваат 3 од запад и 2 од исток, некои од нив скршнувајќи. Има и 2 комплементарни еднонасочни булевара кои ги поврзуваат двете страни, кои скршнуваат од главната сообраќајна мрежа. Тунелите под Лимак, АСНОМ и внатрешната обиколница во целост (како проекти во реализација или со реални можности за реализација) се нужни за подобро поврзување на градот, но сепак тунелот под Плоштад треба да биде сообраќаен столб на Скопје кој ќе ги поврзува главната западна и главната источна сообраќајница и приоритет за реализација. ------------- Градот убав никна, но го откорнаа |