vidi zgradata pocnala da se gradi vo 2008 -ta godina/mozebi na krajot na 2008 -ta, a tamu ne pisuva nisto za proektot, a ova firma ja gradi!!!!Stranata na firmata kako da ti kazam ,,ne se renovira ``

http://www.dnevnik.com.mk/default-mk.asp?ItemID=3632E9125E264A488752F157FD7BC32E&arc=1 - Јагма за становите за сиромашни - Дневник - 17.03.2009

http://www.forum.com.mk/_tools/pdf/4143/article - Волонтерски тим од Whirlpool помага во изградбата на
Хабитат населбата во Велес - Форум - 12.06.2009

http://www.makdenes.org/content/article/1756521.html - Волонтери ја градат населбата Хабитат  - МакДенес - 17.06.2009

Не сме профитна компанија (Повод: „ http://www.dnevnik.com.mk/default-mk.asp?ItemID=FA276B28E7043C4CB1BA4905B76188AB&arc=1 - Жителите на Рамина сакаат сами да градат “) По повод текстот сакаме да изнесеме факти релевантни за целокупната состојба. Хабитат - Македонија не е американска компанија, туку невладина и непрофитна организација, афилијација на глобалната непрофитна мрежа Habitat for Humanity. Споменатата населба е дел од програмските активности на организацијата насочени кон изградба на едноставни, пристојни и достапни домови за семејства што живеат во услови на сиромаштија. Куќите треба да бидат изградени со помош на идните сопственици, локални и меѓународни волонтери, а селектираните семејства ќе стекнат сопственост по исплатата на долгорочен, бескаматен заем. Притоа, Хабитат - Македонија никаде не посочува дека оваа населба ќе биде изградена за жителите на Рамина, туку напротив дека селекцијата на семејства, потенцијални сопственици на Хабитат домовите, ќе се врши од поширокото подрачје на Велес. Споменатото градежно земјиште во месноста Тунел не е добиено од Владата, туку Хабитат - Македонија кај Владата иницираше постапка за негово купување. Патем, и покрај првичното одобрение на Владата, Хабитат - Македонија се уште не располага со земјиштето. Дарко Булдиоски, координатор за односи со јавноста http://www.dnevnik.com.mk/?ItemID=7A62D9FC2F8CC54BA2D0A1AAB6A0C766 - www.dnevnik.com.mk/?ItemID=7A62D9FC2F8CC54BA2D0A1AAB6A0C766

   http://www.build.com.mk/forum/forum_posts.asp?TID=180&PID=48329#48329 - ова со волонтериве е пријатно изненадување и треба да ни служи за пример и нам Македонците бар дома да помогнеме колку можеме и умееме, особено кога станува збор за Црковни, Социјални и Јавни објекти, а се со цел да се забрза развојот т.е. надмине недостатокот од општествени објекти кои или ги нема или бараат обнова, реставрација, конзервација...

единствено треба да се покрене кампања односно да се формира домашна организација која ќе мобилизира и координира вакви зафати, а која ќе биде подржана волонтерски и евентуално финансиски подржана од фондации, приватниот и државниот сектор, кој колку може и умее... на државниот мислам пред се на отстапување на одредени општествени бенефиции за волонтерите, но во тој случај ќе мора во координирањето и надзорот да земат учество и самата држава преку свои претсваници, како не би дошло евентуално до злоупотреба на ваквиот механизам кој филантропскиот порив кај сограѓаните би го потикнувал меѓу другото и со општествени попусти...   

Веднаш до градскиот кеј, во центарот на Кавадарци, вчера попладне беше поставен камен темелникот на социјалната зграда.

Објектот ќе има 4 ката и подпокрив со 30 станови наменети за деца без родители кои израснале во домови, корисници на социјална парична помош како и на хендикепирани лица корисници на парична помош.

Во присуство на митрополитит Повардарски господин Агатангел, камен темелникот на социјалната зграда, го поставија  првите луѓе на министерството за транспорт и врски и на ЈП за стамбен и деловен простор.

„ Продолжуваме со зголемен интензитет на изградба на вакви станови, за да им помогнеме на што поголем број на граѓани, кои не се во можност да си обезбедат основни услови за живот. Наредниот месец ќе започне изградбата на социјалните згради во Кичево, Охрид и Битола а до крајот на годината и во останатите градови," рече директорот на ЈП за стамбен и деловен простор Ивица Конески.

Во изградбата на зградата Владата ќе вложи 50 милиони денари. Таа ќе биде готова до крајот на годината, а становите ќе бидат распределени по електронски пат од страна на министерството.

„ Ова е само дел од владиниот проект за изградба на 2500 станови. До 2011 година целосно треба да се реализира програмата на владата за изградба на социјални станови за различни категории на граѓани", рече министерот Миле Јанакиески.

На новинарско прашање зошто се поставуваат камен темелници пред избори министерот за транспорт и врски одговори дека станувало збор за реализација на тековни активности на Владата. Јанакиевски рече дека овие проекти биле планирани уште во 2006 година како дел од програмата на Владата за што таа ја добила довербата од народот.

Станови за млади брачни парови и самохрани родители

http://www.netpress.com.mk/vestiimages/70945/min_trans_vrski.jpg"> Министерството за транспорт и врски денес објавило јавен оглас за распределба на 208 социјални станови. Предмет на распределба ќе бидат 71 социјален стан во Охрид, 46 во Крива Паланка, 30 станови во Кавадарци,Кичево 32 и 29 станови во Кочани. За становите ќе можат да конкурираат деца без родители или родителска грижа –лица над 18 години кои до својата осумнаесетта година биле згрижени во институции и други облици за згрижување за деца без родители, корисници на социјална или постојана парична помош, лица погодени од елементарни-природни непогоди без разлика на правниот статус на нивните постојни (примарни) живеалишта, инвалидни лица и лица на кои им е потребна помош и грижа од друго лице и семејства со инвалидизирани лица, лица припадници на Ромската заедница кои се социјално загрозени и самохрани родители со малолетни деца. Потребната документација заинтересираните лица треба да ја поднесуваат до Меѓуопштинските центри за социјална работа во рок од 30 дена од денот на објавувањето на огласот. За лицата кои не се во можност сами да ја комплетираат потребната документација, Меѓуопштинските центри за социјални работи ќе ја обезбедат потребната помош за обезбедување на целокупната потребна документација согласно објавениот оглас. Од транспорт сооппштуваат дека социјалните станови ќе бидат распределени по електронски пат.

Доделени 17 социјални станови во Тетово

Седумнаесет семејства од Тетово денеска ги добија клучевите од социјалните станови, што им ги додели тетовската подружница на Јавното претпријатие за станбен и деловен простор.

Становите се со површина од 40 до 70 метри квадратни, а за нив корисниците ќе плаќаат минимална месечна кирија од 20 до 30 евра.

На конкурсот објавен уште во 2007. година биле пријавени 140 кандидати за 21 стан. Четири стана биле претходно доделени.

Според директорот на подружницата на ЈП за стопанисување со станбен и деловен простор Илир Камбери, во подготовка е процедурата за изградба на 50, односно 70 нови станови во Тетово и Гостивар. Овој проект треба да се реализира во 2011. година.

Овие станови ќе бидат наменети за лица со ниски приходи, самохрани родители, социјални случаи, семејства со деца со пречки во развојот и други критериуми утврдени од надлежните министерства. /крај/сс/ст

< = < =

Реализацијата на овој проект на Министерството за транспорт и врски ќе почне веднаш по добивањето одобрение за градба од Секторот за урбанизам при општина Струмица.

Од Јавното претпријатие за станбен и деловен простор велат дека идните станари ќе можат да конкурираат откако зградата ќе биде вселива, а изборот ќе биде направен по електронски пат за да се избегнат човечкиот фактор и сомнежот за нерегуларно доделување на становите.
Со оваа втора по ред станбена зграда за социјални случаи во Струмица, државата ќе им помогне на уште 40 загрозени семејства најбезболно да го решат станбеното прашање.(МИА)

http://www.probistip.gov.mk/index.php?option=com_content&view=article&id=178%3A2010-07-28-07-55-42&catid=38%3Avesti&Itemid=188&lang=mk - Започнаа геомеханичките испитувања на почвата за К1-колективната станбена зграда за социјално ранливи групи

Ќе се урбанизира Тенеки Мале

Во едно од најпознатите маала во Кавадарци, наместо шупите од тенекија и куќарки од картони, се планира населба со нови куќички за социјално загрозени семејства

Тенеки Мале, едно од најпознатите маала во Кавадарци населено со Роми, ќе се урбанизира. Оваа информацијата ни ја потврди и градоначалникот Александар Панов, кој вели дека на тоа место, според урбанистичкиот план, се предвидени други содржини.

- Таму треба да никнат индивидуални и колективни станбени објекти, како и детска градинка. Местото е одлично за педесетина куќички за луѓе од социјална категорија. Некои од оние што сега живеат таму во вонстандардни градби со неврзани тули , без столбови, во дрвени или картонски шупи, би можеле да бидат станари во идните куќички, под услов да се жители на Кавадарци - ни рече Панов.

За изградбата ќе се користат пари од општината, но градоначалникот верува дека ќе помогнат и Владата и невладиниот сектор. Додека се урбанизира населбата, нејзините жители привремено би се сместиле во подобри услови во монтажни објекти, кои општината би ги изградила на друга локација. Во оптек биле неколку локации што се разгледуваат.

Ја посетивме оваа ромска населба за да видиме какви се реакциите на нејзините жители. Снегот што беше наврнал не успеал да ги покрие проблемите со кои се соочуваат овие луѓе.

- Се надеваме дека преместувањето за нас ќе значи ново раѓање. Улици без кал, куќи наместо шупи од најлон, тенекија и картони. Сакаме топли домови, вода за пиење и канализација. Сакаме децата да ни бидат здрави, сити, облечени. Да учат и да изучат. Да не мора да живееме на свеќа - велат жителите на Тенеки Мале.

Во населбата има триесетина куќарки. Ги залепиле една за друга, како да сакале да ги заштитат од ветрот што лесно може да ги однесе. Околу 300 луѓе живеат овде, секој со својата животна приказна. Семејствата се главно многудетни. Во една од шупите низ прозорецот ѕиркаа осум љубопитни детски лица. Некои од нив се срамеа од нашиот фотоапарат, па се криеја. Чудно правило како да владее во маалото. Мажите имаат право да разговараат со дојденците ако сакаат, жените главно се кријат, плашејќи се што ќе речат домаќините ако зборувале со непознати.

За цело време додека бевме гости таму, маалото ечеше од музика. Тамошните жители ни кажаа дека сакаат да се веселат и тогаш кога срцето им плаче.

- Средата овде е петок. Овде времето застанало. Со нашата преселба очекуваме времето повторно да почне да тече - ни рече 51-годишниот Илми Алиев, кој веќе три децении е жител на Тенеки Мале.

Доколку му се подобрат условите за живот, се надева дека ќе му се врати и сопругата, која неодамна го напуштила поради бедотијата, оставајќи го сам да се грижи за трите деца. Не е единствен од кого жена кренала раце од „пеколот“, како што велат.

Исреф Вејселов има 38 години, а ни се причини дека е многу постар. Мачниот живот го остарел предвреме.

- Младоста и силата ќе ни се вратат ако се најде работа за нас. Н` има толку многу овде, а никој нема постојана работа. Сакаме да веруваме дека среќата најпосле ќе дојде во Тенеки Мале - се надева Вејселов.

И 12-годишниот Фикри Алиев не знае што значи зборот дислокација, како и најголемиот број жители таму. Но, некој му кажал дека, ако се преселат, можно е да дојдат подобри денови. Не губи надеж.

- Сакам да учам наместо да просам. Сакам да се лизгам на снегот и да се мавам со снежни топки наместо да просам. И јас сакам убава облека - вели тој.

Сонот на сите во Тенеки Мале е да се будат во некоја од куќичките што планира да ги гради општината.

Се гради социјална зграда во Берово

Во тој контекст во Берово започна изградба на колективна станбена зграда која се наоѓа на ул.„Моша Пијаде бб, на парцела која зафаќа површина од 1030 м2, која се предвидува да биде изградена за околу 15 месеци или некаде до мај 2012 година.

Зградата урбанистички е проектирана како објект со различна катност т.е две ламели со приземје и 3 ката и една ламела со приземје и 4 ката, како и подрумски простор во кој ќе бидат сместени подрумските боксови за сите станари.

Покрај тоа во приземјето на зградата се предвидени и просторија за домар, како и простор со трокадеро со чистачка.

Во зградата се предвидени околу 50 станови, еднособни и двособни со површина од 35 до 48 м2 за стан.

Изведувач на објектот е Друштвото за проектирање, градежно занаетчиски работи, трговија и услуги ДЕЛТА ИНВЕСТ ДООЕЛ увоз-извоз Скопје.

Покрај изградбата досега вградена  е водоводната, електричната и канализационата инсталација. Поставен е паркет, врати, прозорци. Се уредуваат санитарните јазли, се малтарисуваат просториите и се вршат подготовки  за фасадно уредување на просторот меѓу зградите и  асфалтирање  на улицата  до населбата. 

Од  Хабитат велат дека  поради временските прилики 24-те станови, не биле завршени навреме. Наместо кон крајот на минатата, клучевите идните сопственици, се очекува да  ги добијат  во првата половина на мај годинава.

„Работите сега се одвиваат според планот. Проблеми со финансии нема. Првите 24 стана ќе бидат готови и веднаш по нивното предавање, ќе почна изградбата на  другите седум згради со 32 стана. Моментално на градилиштето,  покрај работниците од ГП „Ива Инжинеринг" и идните сопственици на становите,  во завршните работи учествуваат  и 26 ученици од Интернационалното училиште од Дизелдорф", вели Лилјана Алчева, програмски директор во „Хабитат Македонија".

Во изградбата на четирите станбени згради  досега работеа осумнаесет тимови, со  над 250 волонтери од САД, Канада, Норвешка, Шведска и други Европски земји. Тие  оствариле вкупно 11.195 работни часови. Покрај нив, во изградбата, со вложени 5.195 часови, учествуваа и идните сопственици на солидарните станови.

Од Хабитат велат дека  од почетокот на јуни се очекува да  почне изградбата на вторите седум згради со 32 стана. Имињата на сопствениците на социјалните станови, што треба да бидат готови до крајот на оваа или почетокот на идната година, се познати. Преку конкурс беа избрани, кои  заедно со  над 200 волонтери од повеќе земји, ќе учествуваат во изградбата на становите. Американската непрофитабилна организација „Хабитат" во Велес, во населбата „Тунел 2", до крајот на 2012 година ,треба да изгради единаесет згради со 90 солидарни станови.

Според Алчева основната цел на „Хабитат", е елиминирање  на супстандарното домување во Република Македонија преку обезбедување едноставни, пристојни и пристапни домови за семејства со ниски примања. Становите во Велес, кои идните сопственици, по поволни услови, ќе ги отплаќаат во наредните 20 години, се први солидарни станови што ги гради оваа Американска организација  кај нас.

Инаку, за изградбата на единаесетте станбени згради, со деведесет станови, „Хабитат" ,   ја обезбеди комплетната финансиска конструкција во висина од 2,7 милиони долари. Таа ќе се простира на површина од 10.000 метри квадратни.

Земјиштето, на кое се градат становите, „ Хабитат" го доби,  преку јавен тендер, на долгогодишно користење од Министерството за транспорт и врски.

Во Прилеп ќе се градат социјални станови

Осумдесет социјални стана за млади брачни двојки што имаат повеќе деца ќе се градат во Прилеп
Ова го најави градоначалникот Марјан Ристески, кој вчера го посети семејството Перканоски, кое има четири деца. Оваа мера, рече градоначалникот, е во рамките на програмата на Владата за стимулирање на наталитетот во општината. - Наталитетот во општината опаѓа, а сé повеќе имаме стари лица. За да го стимулираме наталитетот ќе градиме социјални станови во кои ќе живеат млади брачни двојки што имаат повеќе деца. Документацијата е подготвена, само се чека да се завршат одредени формалности и да почне изградбата - вели Ристески. Според најавите, социјалните станови ќе се градат во населбата Точила. Од семејството Перканоски, на кое не му е решено станбеното прашање, го поздравија потегот на општината. - Убаво е кога има повеќе деца, весело е во семејството. Само треба да се има покрив над главата - вели Билјана Перканоска.

Кавадаречката убавица се` уште невселена

Социјалката или Убавицата, како што граѓаните ја викаат зградата со социјални станови во Кавадарци, готова е повеќе од една година, но нејзините станари сe` уште не можат да се вселат поради незавршени правни процедури

Прашината е единствениот станар во зградата со социјални станови во Кавадарци, која е готова повеќе од една година. Многу кавадарчани секојдневно вртат околу новоизградениот објект на местото од стариот терминал во градот, со погледи свртени кон прозорците од триесетте стана. Секој од нив потајно се надева дека ќе биде еден од среќниците на кои оваа зграда ќе им го смени животот на подобро.

- Добитник сум на еден од овие станови, но ништо не е сигурно додека не влезам во него. Се надевам дека наскоро ќе заврши неизвесноста и Министерството за транспорт и врски ќе ни ги даде клучевите од становите нам, на социјално најзагрозените. Не знам што уште се чека. Со ова губи и државата, но најмногу губиме ние, сиромашните - ни рече еден од нив.

Околу зградата крај реката Луда Мара не кружат само оние што се речиси сигурни дека се нејзини жители. Овде може да сретнете и револтирани граѓани кои го изразуваат своето незадоволство од распределбата на становите од Социјалката, како што популарно ја викаат.

- За да влезе човек во изборот, мора да има комплетна документација. Оние со некомплетни документи не ни влегоа во барабанот. Најпрвин добив стан, за подоцна да ме исфрлат од игра демек сум немал комплетни документи. Компјутерот ме избра, човекот ме исфрли. Се сомневаме дека едни луѓе ќе ги добијат становите, а други ќе живеат во нив. Но, секако дека будно ќе следиме дали е тоа така - вели револтираниот жител на Кавадарци.

Убавицата веќе почнале да ја нагрдуваат со графити. Бидејќи зградата с` уште не е вселена, не е во надлежност на Министерството за труд и социјална политика, објаснуваат од Центарот за социјални работи. Комисијата за доделување на становите е мешовита, тројца члена биле од Министерството за транспорт и врски, двајца од Министерството за труд и социјала.

- Ние, како Центар, бевме само во улога на сервис на граѓаните. Посредници кои им помагаа на заинтересираните околу комплетирањето на документите. Право за добивање стан имаа деца без родителска грижа, корисници на социјална помош и постојана парична помош, корисници на посебна нега од трето лице, самохрани родители. Доделувањето на становите беше по електронски пат по утврден метод - објаснува директорката Вања Маневска.

Признава дека и таа се соочила со незадоволство од страна на поединци кои аплицирале за стан. Но, вели дека немале право оти сите што добиле стан биле нивни корисници со години и заслужувале решавање на станбеното прашање.

- Не е точно дека може еден човек да конкурира за стан, а други да живеат во него. Еве баш сега имаме пријава за едно семејство кое добило стан, а во меѓувреме заминало во странство. Веднаш реагирав до комисијата. Кога ќе биде постапката конечна, сите што добиле на конкурсот ќе потпишат договор во писмена форма. Претставникот на тоа семејство нема да може да склучи таков договор. Тој стан ќе остане слободен за подоцна повторно да биде објавен на оглас - објасни Маневска.

Таа вели дека ги слушнала реакциите во јавноста дека наводно луѓе блиски до власта добиле станови.

- Најодговорно, најсовесно и најчесно тврдам дека сето тоа се шпекулации-децидна е директорката Маневска.

Директорката откри дека во прелиминарната листа во јуни се случило семејство да добие стан за кое подоцна се воспоставило дека со лажна документација се стекнало со социјална помош и право на стан. По проверките тоа семејство не само што останало без стан и социјално, туку морало и да ги врати незаконски стекнатите пари.

Зошто с` уште не е извршено вселувањето во социјалната зграда во Кавадарци прашавме и во Министерството за транспорт и врски.

- Ве информираме дека по конечноста на решенијата, по поднесените жалби од страна на Комисијата за решавање во втор степен при Владата на Република Македонија лицата на кои им е распределен стан ќе можат да склучат договори со ЈП за стопанисување со станбен и деловен простор - одговорија од Министерството.

За струмичани ќе се градат 41 социјален стан

Во Струмица е издадено одобрение за изградба на 41 социјален стан на улицата Ѓорги Василев, а во тек е постапката за избор на изведувач
Изградбата е според годишната програма на АД за изградба и стопанисување со деловен простор од Струмица, а средства во висина од еден милион евра одобри Владата. Изградбата на социјалните станови се очекува да почне до пред Нова година, а ќе трае околу 15 месеци. Критериумите за распределба на становите на социјални случаи ќе ги одреди Министерството за транспорт и врски, кое ќе го распише и огласот. Според законските одредби, лицата што ќе добијат стан во станбениот објект е предвидено да плаќаат 15 денари по квадратен метар месечна закупнина.

Пред да започнат со изградбата на седум нови објекти, во компанијата ќе мора да го идентификуваат интересот кај граѓаните за купување станови и дали тие имаат економска моќ, но и да ги продолжат преговорите со Општината Велес којашто сега е надлежна за земјиштето каде ќе бидат новите згради. Очекуваат да има голем интерес затоа што условите се многу поволни.
Цената на метар квадратен ќе изнесува 471 евро, но поволност е тоа што становите сопствениците ќе ги исплаќаат во наредните 20 години, рече Костов. Но дали ќе се градат новите станови, ќе зависи и од другите два слични проекта коишто ги реализира Владата. Едниот  е со изградбата на станови во касарната „Алексо Демниевски Бауман", а  вториот е проектот „Купи куќа купи стан".