Скопје 2014

Да де, еве гледам новава градска власт баш сака да го направи Скопје подобар град од секој апсект. Се фалат на Facebok со бојадисување огради.

Јас знам многу туристи кои не се потсмевале на Скопје 2014. На туристите повеќе им смета ѓубрето по улиците, хаосот во сообраќајот отколку Скопје 2014.

Пред некој ден го шетав градот. Нема ниту еден проект кој моментално се работи. Најнеспособната локална власт до сега.

Edited by Kid_A - 12-Mar-2019 at 21:51

Менувањето на споменици меѓу Скопје и Атина е најдоброто нешто што може да му се случи на македонскиот главен град од целокупниот процес на помирување меѓу двете земји. Такви грдосии од споменици, од типот на Филип, Александар и Олимпија, ретко кој би можел да ги земе во свои раце, а пак ако добиеме врвни дела од познати уметници, тогаш ние сме само во позитива!

WIN!!!!

Си ја промашил поентата - зборувам за воздигнувањето на Скопје 2014 на ниво на најголемо достигнување во македонската култура и историја (од секаков тип). Ако сметаш дека единствен проблем на Скопје 2014 е начичканите објекти, тогаш веројатно си ја промашил и улогата на проектот. Сарказам не е за секого.

ironm, ниту ме интересира Груевски, ниту ДПМНЕ, а ни малку сакам да имам портрет од Груевски во дневна соба, но ти можеш слободно да си правиш сценарија за филмови, гледам те бива.

Edited by skopskodete - 14-Mar-2019 at 13:51

Се демонтираат канделабрите од центарот на Скопје (ФОТО)



Корисник на социјалните мрежи објави фотографија на која се гледаат возила со натоварени канделабри за кои се тврди дека се демонтирани од центарот во Скопје.

Коментарите на граѓаните се чудење за ваквиот однос на актуелната власт кон урбаната опрема за улично осветлување.




https://skopjeinfo.mk/se-demontiraat-kandelabrite-od-centarot-na-skopje-foto

Edited by stef4o - 25-Apr-2019 at 13:19

Што стана со работнава група, извештајот итн. итн? Или кусогледоста, мрзата и неправото се полесни од долготрајното планирање, активноста и воспоставувањето правда?

ИЗВЕШТАЈОТ ЗА „СКОПЈЕ 2014“ СОДДРЖИ ТЕШКИ ПРЕКРШУВАЊА НА ЗАКОНИТЕ, ВЛАДАТА СЕ ВАДИ НА СЛОЖЕНОСТА НА ПРОЕКТОТ

Jan 4, 2019

- Што покажаа анализите на институциите за овој прескап и контроверзен урбанистичко-скулпторски зафат? Прекршувања на закони и Устав, на уметнички, архитектонски и урбанистички стандарди, ненаменско трошење на буџетски пари, фалсификати – и „Порта Македонија“ била прикажана како скулптура. -Професорот Мирослав Грчев вели дека не може да и прости на оваа влада што толку лесно влегла во барокната зграда на Илинденска бб. -Портпаролот на владата Миле Бошњаковски вели дека „Скопје 2014“ е сложен проект, каде се преплетуваат одговорности на неколку институции. Пишува: Светлана Унковска (...) И „ПОРТА МАКЕДОНИЈА“ Е ПРИКАЖАНА КАКО СКУЛПТУРА (...) СЕ КОНСТАТИРА И УПАД ВО ИДЕНТИТЕТСКИКОТ КОРПУС НА МАКЕДОНСКИОТ НАРОД (...) НЕРЕГУЛАРНОСТИ И ЗА СПОМЕНИЦИТЕ НА „ГЕМИЏИИТЕ“, „ЦАР САМОИЛ“ И „ДИМИТРИЈА ЧУПОВСКИ“ (...) ВЛАДАТА ИЗГУБЕНА ВО СЛОЖЕНОСТА НА ПРОЕКТОТ (...) ГРЧЕВ: НЕ МОЖАМ ДА И ПРОСТАМ НА ОВАА ВЛАДА ШТО ТОЛКУ ЛЕСНО ЈА ПРИФАТИ И БАРОКНАТА ЗГРАДА И ВЛЕЗЕ ВО НЕА (...) Тој смета дека треба да бидат реконструирани и фасадите со кои се уништени многу модерни згради, а во првобитна состојба да се вратат и оние згради кои се споменици на културата. За новоизградените објекти што во голем дел поради неквалитетот почнуваат да се распаѓаат вели дека треба да се остават со време самите да се уништат, а потоа да се одлучи што ќе се прави со нив, дали некои да се реконструираат во нормални објекти а другите дополнително да се реши што ќе се прави. Грчев е лут е на оваа власт и за тоа што оставила некои од проектите и натаму нормално да функционираат. (...) СЈО ПОВЕЌЕ ОД ДВЕ ГОДИНИ ВОДИ ИСТРАГА ЗА ПРОЕКТОТ „СКОПЈЕ 2014“ (...)

http://inbox7.mk/archives/5875

Edited by Staro Skopje - 05-Aug-2019 at 19:38

Скопје 2014 под мраз од 2017



Во строгиот центар на главниот град, во периметар помал од километар сѐ уште „зјаат“ карабините на неколку објекти што требало или да се подигнат или да се реновираат во она што народски се нарекува барок како дел од проектот „Скопје 2014“.

И покрај големите очекувања и скромните ветувања дека новата власт ќе се справи со контроверзниот проект и по заклучоците на Работната група за „Скопје 2014“, која, само за пример, ги прогласи речиси сите споменици за дивоградби, се чини дека власта „закочи“ по пресметките дека поевтино е ништо да не се прави, отколку да се руши или да се пренаменува.

Објектите од „Скопје 2014“ што ги градат приватници се соочуваат со други проблеми, меѓутоа и нивниот перформанс заедно со безидејноста и неодлучноста на власта придонесуваат центарот на градот и понатаму, години со ред да изгледа како градилиште, кое не се знае „на каде тера“.

Несудената „барокница“ пред ГТЦ



Неколку години, градежен работник не се качил по скелињата што сѐ уште се зацврстени за зградата на ЕВН, една од најрепрезентативните точки во центарот на Скопје. Ја извадија старата стаклена фасада, по која беше препознатлива кулата, и тука застанаа со работата оставајќи ја заштитната метална ограда долу на земјата.

Австриската ЕВН ја дели зградата со државното ЕЛЕМ – денес преименувано во препознатливото ЕСМ, Електрани на Северна Македонија.

Власта на ВМРО-ДПМНЕ ја замисли кулата како највисока барокна атракција и, согласно нејзината желба, тогашното ЕЛЕМ и австриската ЕВН најдоа изведувач. Фирмата што го изгради најголемиот дел од „Скопје 2014“, „Бетон“ требаше да ја преслече и оваа зграда во барокно-бело.

Интервенцијата почна во 2013 и новата фасада требаше да биде готова некаде во 2015 година, меѓутоа рокот се проби. По пожарот следната година и по промената на власта, се стопираше реновирањето и сопствениците на објектот, тогашното ЕЛЕМ и ЕВН, решија дека веќе не сакаат барок и се откажаа од кулата.

При крајот на 2018 ја дадоа на продажба, меѓутоа никој не сакаше да ја купи. Цената не се дозна, а од ЕВН денес тврдат дека една од причините зошто имало оглас е и „испитување на реалната цена “. Оттаму за БИРН велат дека нов оглас сѐ уште нема.

Иако зградата е половина на ЕВН и половина на поранешното ЕЛЕМ – а сега ЕСМ, австриската компанија таму користи само дел од приземјето како архива, додека ЕСМ сѐ уште е во објектот. Таму е дирекцијата на оваа државна компанија, и покрај тоа што ЕСМ има цела нова барокна зграда, изградена како дел од „Скопје 2014“ лоцирана спроти Старата железничка станица.

Од ЕСМ велат дека новиот објект нема соодветна документација зашто за време на градбата се правеле измени што не се внесувале во проектот.

„Зградата е градежно комплетирана, но не може да се употребува. Не може да се изврши технички прием“.

Новиот сѐ уште нефункционален објект, според потпишаните договори, ја чинеше државата околу 17 милиони евра.

Иако зградата е половина на ЕВН и половина на поранешното ЕЛЕМ – а сега ЕСМ, австриската компанија таму користи само дел од приземјето како архива, додека ЕСМ сѐ уште е во објектот. Таму е дирекцијата на оваа државна компанија, и покрај тоа што ЕСМ има цела нова барокна зграда, изградена како дел од „Скопје 2014“ лоцирана спроти Старата железничка станица.


„Зградата е градежно комплетирана, но не може да се употребува. Не може да се изврши технички прием“.

Преговори за излупената „Пелагонија“

Триумфалната порта на скопскиот плоштад ја дели кулата на ЕВН од уште една „излупена“ зграда, на која, исто така, не се работи со години. Зградата на „Пелагонија“ е речиси во истата состојба како онаа на ЕВН. И околу неа сѐ уште стои металната ограда и веќе подолго време се гледаат белите градежни блокови што биле под оригиналната фасада.

Градот Скопје под капата на Коце Трајановски ја извади старата фасада со идеја да ја замени со барокна, како и повеќето згради на потегот по улицата кон Рекорд.

Се најде изведувач, меѓутоа договорот беше раскинат зашто рефасадирањето не се одвиваше според договорената динамика. Трајановски распиша нов тендер, меѓутоа неговиот наследник Петре Шилегов не го потпиша договорот.

„Раката да ми се исуши ако го потпишам“, рече Шилегов на стартот од мандатот и најави враќање на автентичниот изглед на зградата.

Со оглед дека сѐ уште нема решение, БИРН се обрати до градските власти.

„Градот разговара со сопствениците на објектот, со цел заемно надминување на состојбата“, велат од кабинетот на Шилегов.

Покрај фасадата на „Пелагонија“, Шилегов во наследство го доби и Панорамското тркало, кое го сведе на пешачки мост, кој, исто така, сѐ уште се гради.



Она што требаше да биде тркало од речиси 20 милиони евра, сега ќе биде висечки мост за пешаци. Сите четири бетонски столбови ќе се урнат и со тоа коритото на реката Вардар ќе биде ослободено.

„Градежните работи се во завршна фаза“, тврдат од градот.

На терен може да се види дека столбовите сѐ уште се во Вардар и проѕирната оградата не е поставена.

Крајната цена на мостот би била околу 13 милиони евра, од кои 10 ги исплатила претходната гарнитура на Коце Трајановски.

„Мериот 2“ тоне во судските лавиринти



На самиот плоштад, во линија со белиот хотел „Мериот“, рускиот бизнисмен Сергеј Самсоненко сѐ уште ги гради Офицерскиот дом и деловната зграда, комплекс познат како „Мериот 2“ зашто и во него ќе има хотел од оваа позната светска франшиза.

Офицерскиот дом е доведен до карабина со поставени прозорци, а другиот сѐ уште не е подигнат до дозволената висина од 29 метри, таму штрчат челичните конструкции во висина. Сега нема работници и градежни активности и меѓу двата објекта надвиснува кран. Се гледа дека работата престанала при поставување на стиропорните фасадни блокови.

Двете згради, всушност, се последните од проектот „Скопје 2014“ што не се подигнати и, за разлика од другите објекти од овој потфат, тие уште на стартот беа замислени како инвестиција на приватници.

Според првичните најави, на Градот Скопје ќе му припадне делот од Офицерскиот што се наоѓа на вториот кат и официјално сопственик на тој простор ќе биде државата.

Таму треба да има влезен хол, матичар со архива и со служба, просторија за подготовка на младенците, голема сала за состаноци, три работни кабинети, од кои едниот за градоначалникот на Скопје, и сала за свечени приеми.

Од фирмата на Самсоненко „СИС-инвест“ за БИРН велат дека привремено е попречена градбата поради стечај, кој, како што тврдат тие, бил предизвикан од непостоечко побарување и чија цел била само да се нанесе штета.

Адвокатот на Самсоненко поднел кривична пријава за овој случај.

„Оставаме судот и обвинителството да ги завршат овие постапки, кои, за жал, се одвиваат со низа пропратни небулози и одолжувања“, тврди фирмата инвеститор.

Поради стечајот, Самсоненко не успеал да добие и кредит од Бугарија.

Офицерскиот дом е со рок за изградба до 2022, додека соседниот деловен комплекс до 2023 година.

Мајка Тереза“ чека идеи



Уште едно градежно плашило оковано со скелиња и обраснато со треви и со грмушки е недоградената скулптурална композиција „Мајка Тереза“, која ја блокира самата улица меѓу „Мериот“ и градбите на Самсоненко. Подигната е само портата, на која зад скелињата може да се видат релјефи врз бела фасада.

Работната група за „Скопје 2014“, формирана од актуелната власт, заклучи дека и споменикот на „Мајка Тереза“ е дивоградба, меѓутоа владата одлучи да не се руши. Поевтино било да се пренамени.

Последната информација за неговата судбина е дека во февруари, Министерството за култура добило задача да објави конкурс на кој би се нашла идеја за пренамена.

Меѓутоа, конкурсот сѐ уште не е распишан. Од Министерството за култура, за БИРН велат дека тоа ќе го направат на почетокот од следната година.

Споменикот требаше да го гради Субрата Рој, меѓутоа откако пропаднаа неговите инвестиции во Македонија, објектот вреден околу пет милиони евра падна врз грбот на Министерството за култура.

Министерството за БИРН открива дека потрошило 2,9 милиони евра за она што досега е изградено.

https://prizma.mk/skopje-2014-pod-mraz-od-2017/

Шилегов: Ќе има одговорност за ова лудило



Деновиве, скопскиот градоначалник Петре Шилегов најавува дека сериозно ќе се зафати со решавање на спомениците од проектот „Скопје 2014“. Тој денеска и на својата фејбук-страница напиша дека штетите од невремето од кое настрадаа повеќе фасади на згради од проектот „Скопје 2014“, се причина повеќе за оние кои се сомневалe дали треба да се реши „Скопје 2014“.

– Да се разбереме. „Скопје 2014“ мора да се реши. Сега и веднаш. Најбрутално. На истиот начин на кој го силуваа нашиот град. Почнуваме после изборите. И да, конечно ќе има одговорност за ова лудило – пишува Шилегов.

Запрашан зошто токму сега тоа го прави, Шилегов одговори дека има моменти врзани со проектот „Скопје 2014“ кои во последно време ги става во фокусот на јавноста. Според него, првиот момент е исклучиво правно-политички.

– Со носењето на Законот за Јавно обвинителство конечно во државата се обезбедија услови да се продолжи истрагата за проектот „Скопје 2014“ од страна на Јавното обвинителство за организиран криминал и корупција. Тоа беше стопирано и знаете дека повеќе од две години имавме сериозна битка и во Собранието да биде обезбедена правдата. Сега се создадени правни услови за прогон на сторителите на овој брутален чин врз нашиот град, но и со сериозни индиции за криминален чин. Очекувам дека ќе продолжи правната разврска и решавање на проблемот со „Скопје 2014“ и од друга страна конечно да се разрешат некои дилеми што ги имаше за носење на политичка одлука како да се постапува – објасни Шилегов.

Моите очекувања се дека новата Влада ќе се врати кон оригиналните начини на решавање на овој проект, а тоа е да се послушаат советите од работното тело што беше формирано од страна на Владата и оваа дивоградба, бруталното силување на Скопје конечно ќе се санира на соодветен начин – уверен е Шилегов.

Тој додаде дека природата во средата вечер на чуден начин покажала колку малку е потребно да се уништат материјални добра и да се загрози здравјето на луѓето при ветер од времетраење од 4 до 5 часа со брзина од над 70 километри на час.

Шилегов се надева дека новата Влада ќе изнајде материјални средства да ги извади и бродовите од коритото на Вардар.

https://www.vecer.press/шилегов-ќе-има-одговорност-за-ова-луди/