Надградба на ГТЦ

Дечки, ГТЦ вчера распиша нов конкурс за избор на идејно решение за надградба и промена на фасадата на трговскиот центар. Повикот трае до почетокот на април, а позначајни промени во критериумите за избор на најдоброто решение нема.

Пари се перат преку безброј исти тендери!

да речиме дека се брзаат дан им седни некој друг градоначалник па да се закочи работата ај,ама ова не ми се верува

Нормите се одавна изместени, веќе 10на години со градски, народни пари се реновираат приватни фасади под изговор енергетска ефикасност. Порано само се мачкаа, денеска се покриваат и со демит.  За илустрација, цената на демит фасада на еднн просечен индивидуален објект П+1 чини ~помеѓу 4-7.000ЕУР.

Не гледам зошто и реновирањево на ГТЦ не би се протнало под некој сличен изговор без ничива партиципација.

и јас мислам дека ќе биди `по наредба`

Мислам дека од поодамна говоревме за стручната комисија што ги разгледува пристигнатите решенија на конкурсите. Бидете убедени дека постоечкиов конкурс е последен за ГТЦ. И добро размислете какво чудо ќе излезе од ГТЦ. Јас пак ќе кажам, подобро нека го срушат со динамит и од ново нека го градат!

Сменета комисијата што ќе решава за барокна фасада на ГТЦ



Во тек е трет конкурс за нова фасада на објектот. Во меѓувреме е избрана нова комисија која ќе пресуди за изгледот

ДЕСПИНА ТРАЈКОВСКА

Се' поизвесно е дека ГТЦ ќе се догради во стилот на „Скопје 2014“. Иако во изминативе месеци и по два обида не се избра идејно решение за нова фасада на најстариот и најрепрезентативен трговски центар во државата, сепак, се очекува таа постапка да заврши наскоро. Управата на ГТЦ неодамна распиша трет конкурс во кој инсистира објектот да се поднови во барокен стил или класицизам, а наводно би прифатиле и футуризам. Во меѓувреме, очигледно, по свој терк си ја стокми и комисијата која ќе треба да ја избере новата фасада. Надлежните ги разрешиле досегашните членови и формирале нова комисија, за, како што тврдат сменетите членови, да се аминува планираниот барокен изглед на трговскиот центар.

Архитект Георги Константиновски вели дека надлежните од ГТЦ му се заблагодариле за досегашниот ангажман и го информирале дека повеќе не е член на комисијата која треба да одлучува за новиот изглед на објектот. Притоа, не му кажале зошто ја откажуваат соработката. Целата комуникација се одвивала усно, без официјален документ и без образложение.

„Не знам што да ви кажам. Се' повеќе ми се остваруваат сомнежите дека им е потребна комисија која ќе го одбере изгледот таков каков што тие го замислиле, барок или кој и да е во стилот на ‘Скопје 2014’. А јас, но и други мои колеги кои бевме дел од комисијата бевме против таквото идејно решение, кое беше дел од првиот оглас и апсолутно му се спротивставивме. На вториот имаше едно соодветно решение во модерен стил, но едноставно, како да не смееше да помине. Се распиша трет конкурс, а во меѓувреме ми ја откажаа соработката. Разбрав дека е откажан ангажманот и на сите други членови“, вели Константиновски, кој нема сознанија кои негови колеги и други стручни лица ја добиле довербата да бидат членови на новата комисија.

Со ова, всушност, се потврдија шпекулациите дека токму Константиновски бил „виновник“ за неуспешните два огласа за изборот на новиот изглед на ГТЦ, па од Управата одлучиле да направат комплетно нова постава на надлежната жири-комисија.

Кој сега ќе му пресуди на изгледот на ГТЦ и зошто е откажан ангажманот на претходните членови на комисијата, од Управата на трговскиот центар не кажуваат. Очигледно не се расположени да коментираат на оваа тема. Овластените лица за информации на огласот велат дека за се' е одговорен директорот Аго Абазовски. Тој, пак, и по неколку дена не најде време или желба да ја разреши дилемата зошто е формирана нова комисија.

Во огласот за новото идејно решение од ГТЦ е напоменато дека објектот треба да се поднови во барокен стил или класицизам, а може да добие и футуристички изглед. Идејните решенија, освен ново фасадно обликување треба да понудат и предлог како објектот да се надгради за еден кат, а притоа и целосно да се затвори. Од ГТЦ неколкупати досега тврдеа дека потребата од нов изглед не се должи на новиот амбиент на околината, туку, наводно, нужно било објектот да се реконструира пред се' поради прокиснувањето на покривот.

Инаку, идејата за реконструкција на објектот датира уште од пред четири години. Тогаш на меѓународен конкурс беше избрано идејно решение само за доградба на објектот. Но, тоа не се реализира, наводно, поради инсистирањето на голем број дуќанџии ГТЦ првенствено да се затвори. Затоа, Управата решила да избере сосема ново идејно решение.

Извор: Утрински весник, http://www.utrinski.com.mk/default.asp?ItemID=E81EA526F532BD499507A59DCB180AF3

Auuu, GTC mnogu pari ke izede za da zalici na nesto, bilo koj stil da izberat...

I bezdrugo GTC osven funkcionalnosta nema nikakva estetska vrednost.

Бојане, Веро Центар и Сити Мол имаат естетска вредност?

Колку само се надевам дека нема да заврши и ГТЦ како се останато во центар...

Дали и на Градски трговски центар ќе никнат куполи како на Собранието?!

01/05/2013 // Пред 2 дена // ИНФРАСТРУКТУРА // Коментирај

На последниот Меѓународен конкурс за промена на фасадата и надградба на Градскиот трговски центар во Скопје, пристигнале две идејни решенија. Засега не се открива во кои стилски правци се изработени проектите, но извори за Фактор велат дека во игра биле сите три правци кои се бараа на конкурсот, футуризам, класицизам и барок. Двете идејни решенија содржат комбинирани елементи од предвидените стилски правци, но ниту еден од двата проекти не е чисто футуристички, а едниот труд предвидува и поставување на куполи, коментираат извори за Фактор. Од ГТЦ сеуште не откриваат кои се авторите, сите детали како што велат ќе бидат познати за десеттина дена, кога Комисијата за избор на најдоброто идејно решение треба да ја изработи рецензијата со одлука за избраниот проект. Единствено велат дека се работи за македонски автори.

Инаку досега имаше неколку неуспешни обиди за избор на идејно решение за нова фасада и надгрдаба на ГТЦ. Еден од конкурсите беше поништен поради тоа што пристигна само еден проект кој предвидуваше футуристички изглед на ГТЦ. На последниот конкурс имаше пристигнато четери труда, три беа македонски, а едно странско идејно решение. Тогаш еден од авторите понуди современа архитектура, двајца стаклена надворешност, а четвртиот, комбинација од барок и класицизам. Но и овој конкурс беше поништен, поради одредени недостатоци во самите проекти.

Условите во сите конкурси се исти, поточно идејното решение да понуди оргиналност и примена на современ архитектонски израз за обликување со високи естетски, функционални, конструктивни и технички вредности почитувајќи го значењето на објектот и неговиот идентитет, идеја за надградба, фасадно обликување и затворање на трговскиот центар. И во однос на стилските правци, условите отануваат исти, класицизам, барок и футуризам.

Според условите во конкурсот, освен фасадно обликување, идејното решение треба да понуди и проект за надградба на трговскиот со уште еден спрат, на кој би имало деловни простории, хотелско сместување, спа-центри, игротеки. Трговскиот е планирано да биде од затворен тип, по принципот на мол-систем, во комбинација со сарај-систем и да има отворени делови.

Јавниот конкурс за идејно решение за промена на фасадата на ГТЦ беше објавен во јуни годинава, кога се изгласаа и измените на Деталниот урбанистички план Мал Ринг, донесен од општината Центар. Бидејќи сите измени што ги претпре овој план беа во насока на тоа фасадите на објектите да се вклопуваат во амбиентот, односно да бидат во согласност со проектот “Скопје 2014”, изминатиот период во јавноста кружеа информации дека и овој објект ќе биде со неокласицистичка фасада, на што бурно реагираа архитектите, кои дури беа револтирани што воопшто ќе се менува ликот на ГТЦ.

Од друга страна раководството на ГТЦ неколку пати во јавноста излезе со различни ставови, прво дека се преферира трговскиот да биде со стаклена фасада, но последните коментари се дека објектот треба да се вклопи во околниот амбинет, поточно да биде во правец на новите барокни фасади на околните згради како Сити Галери, Стар Метропол и Пелистер. Дали ГТЦ ќе подлегне на барокниот амбиент или ќе му пркоси со футуристичкиот изглед, ќе се знае по одлуката на жири комисијата.

Ј.С

http://faktor.mk/archives/45446

Originally posted by Bojan10 Originally posted by Danndy Бојане, Веро Центар и Сити Мол имаат естетска вредност? Jas ne su arhitekt, i za mene estetska vrednost e koga nestoto me tera da se svrtam, da kazam bravo, da go slikam, i slicno. Kako nekoja dobra zenska na primer, pominuva, se vrtis.

Тука застануваме.

А па добро, не беше баш и целта да Ск да биде Дизниленд па кај да се свртиш камери и блиц...

Како и да е...