Кичево ќе добие рудник за манган

Владата избра концесионер за рудник за магнан на локалитетот Стогово, Кичевско. Домашната компанија Тајмиште за 48 милиони денари или околу 800 илјади евра ќе добие триесет годишна дозвола  за експлоатација на оваа минерална суровина, барана на меѓународниот пазар.

Според информации на Сител, инвестицијата на домашната компанија треба да помеѓу 200 и 300 работни места, а постои и можност во парнтерство со поголема фирма од арапските земји да развие силно извозно производство и поголем рудник на магнан во Кичевско.

http://www.sitel.com.mk/kichevo-kje-dobie-rudnik-za-mangan

Рудникот за бакар кај Пехчево ќе започне да се гради за два месеци

Рудникот за бакар кај Пехчево ќе започне да се гради за два месеци. По скоро двегодишните истражувања на локалитетот кои го потврдија богатсвото на  бакар на пехчевска Кадиица, фирмата  „Кадиица –метал“ ги финишира потребните административни обврски и елаборатите за да отпочне со изградбата на објектот каде што ќе се произведува бакарот по пат на подземно лужење. Градоначалникот на Пехчево, Јованчо Станоевски, очекува процедурата за отпочнување на градежните работи на локалитетот да започне во месец март.

Скопје, 24 јануари 2013 (МИА) - Домашна компанија ќе врши детални геолошки истражувања на минерални суровини во локалитетот „Алшар“ кај Кавадарци.

Компанијата ќе плати концесиски надомест за таа намена во износ од 1.500.000 денари. Понудата на домашната компанија била највисока од вкупно доставените три на јавниот повик распишан во средината на ноември минатата година преку кој Владата бараше концесионери за истражување на минерални суровини.

Од трите доставени понуди за „Алшар“, покрај македонската, една е од мешовита компанија со домашен и странски капитал, а една со странски капитал.

Министерот за економија Ваљон Сарачини денеска на прес-конференција информира дека на повикот преку кој за истражување беа понудени 61 локалитет, се доставени понуди за вкупно 49 локалитети. За локалитетите за истражување на неметални минерални суровини се доставени понуди за 17, а за метални минерални суровни за 28 локалитети. Понуди се доставени за сите четири локалитети што беа понудени на повикот за украсен камен, а нема ниту една понуда за концесијата што се нудеше за истражување геотермална вода.

Понудите за сите локалитети се од 20 компании од кои девет странски. По основ на надомест за концесија за детални геолошки истражувања ќе се наплатат 44 милиони денари. Од тие пари согласно Законот за минерални суровини 78 проценти ќе бидат приход за буџетот на општината на чија територија ќе се врши концесиска дејност, а 22 проценти за државниот Буџет.

Според Сарачини, повикот преку кој Владата бараше концесионери за истражување минерални суровини на 61 локалитет е најголем досега и претставува мерка за поттикнување на развојот на оваа област и на целата економија.

- Преку новиот Закон за минерални суровини создадовме услови за одржлив развој на рударскиот сектор и зголемување на приливот на инвестиции во него преку скратување и поедноставување на процедурите, посочи Сарачини.

Компаниите што доставиле понуди за испитување на локалитетите треба во рок од 30 дена да ги уплатат финансиите што ги понудиле на јавниот повик по што во рок од две години кај металичните суровини да ги извршат истражувањата, а кај неметаличните за четири години. Доколку има позитивни резултати ќе следи добивање концесија и за експлоатација на минералната суровина што ја откриле на тој локалитет. лв/са/13:10

http://www.mia.com.mk/mk/Inside/RenderSingleNews/103/101345917

Патем сум го имал и ова, може ќе му користи на некој ако сакате ставете го во соодветна нишка

http://www.moepp.gov.mk/WBStorage/Files/Studija%20FENI%20Studena%20voda%20final.pdf


Студија за оцена на влијанието врз животната средина од отварање на коп за експлоатација на минерална суровина Никлоносна-Железна руда на локалитетот "Студена Вода", Општина Кавадарци

Edited by zdravozivo - 01-Mar-2013 at 02:10

Пропадна проектот за рестартирање на Тајмиште!

Владата му ја додели, Владата и му ја одзеде концесијата на Акционерското друштво за производство, преработка, промет и услуги Тајмиште за искористување на железната руда од кичевскиот рудник Тајмиште.

Поради неуплаќање на речиси 780.000 евра (47.962.600,00 денари) како едократен надоместок за искористување на железната руда од рудникот Тајмиште, Владата реши да ја прекине важноста на договорот со АД Тајмиште. Според податоците од Службениот весник на Македонија, Владата го избра АД Тајмиште за најповолен понудувач на тендерот на 09 јануари 2013 година, за веќе на 26 февруари да го раскине договорот.

За сега нема информации дали по изборите Владата повторно, преку тендер, ќе бара инвеститор кој со доволно добра понуда и бизнис план  ќе гарантира рестартирање на рудникот, со што ќе стане и негов газда за најмалку 30 години.

Последните неофицијални информации од Министерството за економија пак,  беа дека Италијанска, Норвешка и Канадска компанија атакуваат на Тајмиште. Се проценува дека овој рудник крие висококвалитетна железна руда доволна за Тајмиште да работи во следните 150 години. Токму овој рудник не работи повеќе од 15 години. Со странската инвестиција во Тајмиште, Владата очекува да се отворат нови работни места и овој рудник да стане нов извозен капацитет.

„ Очекуваме рудникот да биде нов извозен капацитет на Македонија и делумно замена за увозот на рудата што ќе се вади од овој рудник“, изјави неодамна премиерот.

Колку се сериозни намерите на инвеститорите за “Тајмиште“?!

Во период од една година Владата избра два инвеститори за рестартирање на рудникот тајмиште, оценувајќи ги нивните бизнис планови како поповолни во однос на тругите понудувачи на тендериите, но и двата потенцијални концесионери не ги уплатија парите за еднократен надоместок за навреме, па ја изгубија 30-годишната концесија за кичевскиот рудник.

Иако во јуни 2012 година министерот за економија, Ваљон Сараќини објави дека турскиот инвеститор Курум Холдинг со понудени два милиони евра го доби тендерот за експлоатација на железната руда од Тајмиште, во септември Владата ја повлече одлуката. Како и АД Тајмиште, и Турските инвеститори навреме не уплатија два милиони евра како еднократен надоместок за добиената концесија за експлоатација на рудата од Тајмиште.

Според последниот тендер, концесионерот на Тајмиште имаше обврска да отвори фабрика за преработка на железната руда и да вработи околу 1.000 луѓе во првите пет години. Курум холдинг најавил и дека може веднаш да изгради не една, туку две фабрики за преработка на рудата, но плановите не доживејаа реализација.

За овој рудник до сега се интересираа инвеститори и од Индија, Америка, Англија, Бразил, Мексико, Русија и од Кина, но за сега ниту еден не достави доволно добра понуда и бизнис план  за рестартирање на Тајмиште за да стане и газда на рудникот.

http://faktor.mk/archives/35908#.UT24X9Ye1VI

ИНТЕРВЈУ Стив Шарп: ќе вложиме 500 милиони долари во Иловица, вадењето злато е голем проект!

Стив Шарп, Претседател и главен извршен директор на Еуромакс, во интервју за Фактор вели дека неговата компанија планира во изградбата на рудникот за бакар и злато во с. Иловица вкупно да  бидат инвестирани околу 500 милиони долари. Годинава ќе бидат вложени околу 5 милиони долари . Рудникот за бакар и злато треба да биде готов во 2017 година.

Фактор: Изградбата на рудникот за бакар и злато би требало да заврши до 2017 година. На конкретно ќе работите годинава?

Шарп: Нашиот фокус во 2013 година е дополнително да ги дефинираме опсегот на проектот и економската исплатливост, кои се веќе покажани во нашата Прелиминарна економска проценка за Иловица, која беше објавена во октомври минатата година. Би требало да ја опишеме Иловица преку пред-физибилити студија до средината на оваа година и да го надградиме ресурсот.

Наскоро ќе ги објавиме резултатите од програмата за дупчење на компанијата за 2012 година и резултатите ќе бидат искористени за надградба на минералната суровина и потенцијални нови минерални резерви.

Овие надградени минерални ресурси ќе бидат вклучени во пред-физибилити студијата за Иловица.

Штом ќе ја завршиме пред-физибилити студија, ќе започнеме со подготовка на Финалната физибилити студија и техничката документација потребна за добивање дозвола за градба. Ова ќе бара 18 месеци инженеринг, истражување и дизајн, понатамошно дупчење, оценка на аспекти за животната средина преку целосни сезонски варијации и детални извештаи.

Фактор:  Како ќе се реализира инвестицијата до 2017 година?

Шарп: Цениме дека за споменатите студии се потребни околу 30 милиони долари. Почнувајќи од 2015 – 2017 година, ќе потрошиме речиси 500 милиони долари за градење на рудникот.

Фактор: Колкав е износот на инвестицијата за оваа година?

Шарп: Инвестициите годинава ќе измесуваат приближно 5 милиони долари.

Фактор: Како ја оценувате бизнис климата во Македонија?

Шарп: Видовме дека Македонија е многу динамична и прогресивна земја за работење. Видовме дека поддршката од Владата е првокласна и дека процесот на издавање дозволи е транспарентен и дека овозможи значаен ангажман од сите засегнати страни. Уште повеќе, Владата беше навистина подготвена да одговори на плановите на Euromax за развојот на проектот Иловица и дека е подготвена да ги олесни странските инвестиции во земјата преку проекти како нашиот.

Фактор: Минатата година се смени Законот за минерални суровини. Што значат овие промени за вашата компанија?

Шарп: Законот беше надграден за да овозможи спојување на две сродни лиценци. Ова не е од суштинско значење за нашата работа, но овозможува флексибилност за да се спојат лиценцата за експлоатација и лиценцата за истражување во иднина. Исто така, промената која овозможува 4 години инженеринг, а потоа и 3 години за изградба на проектот, одразува реално разбирање за сложеноста на процесот на градење модерен рудник.

Фактор: Освен во Македонија, вие сте присутни и во Бугарија и Србија. Дали можете да направите споредба и да ни дадете пример што е поинакво во Македонија?

Шарп: Трун (Бугарија) е систем за инцидентно пронаоѓање златна жила, додека KMC (Србија) е систем за силикатна јаловина и порфир. Euromax има тимови во земјите посветени на развојот на овие потенцијали во процес на разработка. Во смисла на развојниот план на компанијата, Иловица е најнапредниот и најзначајниот проект.

Фактор: Каков вид технологија ќе се употреби во новиот рудник?

Шарп: Вадењето руда ќе биде од отворена јама; обработката на рудата е предвидена да се одвива со користење на едноставен метод на флотација; складирањето на отпадот ќе ги вклучи најдобрите достапни технологии, како што е јаловиште со таложење, што е постабилно и овозможува пообемно рециклирање на водата во споредба со традиционалните техники.

Фактор:  Дали сметате дека во Македонија има доволно компетентен персонал за реализација на еден ваков проект?

Шарп: Да, многу вештини се сродни со други индустрии, како вадење камен и градежништво. Дополнително, високиот стандард на образование ќе обезбеди соодветни стажанти.

Фактор: Што ќе значи овој проект за локалната заедница?

Шарп: Инвестицијата е од големо значење за локалната заедница. Имено 78 проценти од вкупниот надоместок ќе бидат инвестирани директно во локалната заедница. Ќе имаме обука за нови вештини, кои можат да се употребат во други индустрии.Исто така локалното население ќе има предимство во можностите за вработување.

Фактор: Што е со животната средина, дали ќе шревземете мерки за нејиза заштита со оглед на проектот што го спроведувате?

Шарп: Компанијата ќе спроведе стратегија за употреба на светски стандарди за заштита на здравјето, безбедноста и животната средина.Ќе ги употребиме само најдобрите техники во рударството и обработката на минералите. Euromax е посветен на рехабилитација на сите области кои се засегнати со проектот во претходната шумска состојба. Ќе работиме во согласност со ЕУ директивите.

Ќе назначиме исклучиво меѓународно признати консултанти за животна средина и ќе работиме според највисоките здравствени и безбедносни стандарди. Сите возможни влијанија ќе бидат правилно управувани и ублажени.

http://faktor.mk/archives/38023?utm_source=rss&utm_medium=rss&utm_campaign=%25d0%25b5%25d0%25ba%25d1%2581%25d0%25ba%25d0%25bb%25d1%2583%25d0%25b7%25d0%25b8%25d0%25b2%25d0%25bd%25d0%25be-500-%25d0%25bc%25d0%25b8%25d0%25bb%25d0%25b8%25d0%25be%25d0%25bd%25d0%25b8-%25d0%25b4%25d0%25be%25d0%25bb%25d0%25b0%25d1%2580%25d0%25b8-%25d0%25b8%25d0%25bd%25d0%25b2%25d0%25b5%25d1%2581%25d1%2582%25d0%25b8%25d1%2586#.UUrdczfpzNU

Првично позитивно ја примив оваа вест дека НБРМ ќе има право да располага со златото кое ќе се ископува од македонските рудници, се додека не го прочитав изразот "велешка топилница".
 
Иако во целост поддржувам изградба на нови индустриски објекти за обработка на метали, но под услов да бидат оддалечени и во целост изолирани од населени места, реки, езера, национални паркови и шуми, сепак никогаш нема да поддржам рестартирање на велешката топилница на локацијата на која истата се наоѓа.
 
Од друга страна, ова дефинитивно ќе има позитивен ефект врз македонската економија, конечно ќе имаме државни резерви во злато, металот кој е ако не главната причина, тогаш дефинитивно е една од главните причини за најголемите непријателства и крвопролевања низ историјата на човештвото.
 
http://www.sitel.com.mk/ne-primenlivi-del-od-izmenite-na-zakonot-za-mineralni-surovini
 

Не применливи дел од измените на законот за минерални суровини

 

15. мај 2013 - 17:33   Дел од рудата извадена од домашните капацитети да се преработи во Македонија. со измените на законот за минерални суровини се предвидува зголемување на извозот на готови производи. но овба според Николајчо Николов неможе да се примени бидејќи кај нас во моментов немаме ниту еден ваков капацитет.     Добро е да се произведуваат готови производи. Но, со Велешката топилница како единствен капацитет со вакви можности кој не работи повеќе години, а по мое мислење и никогаш нема да проработи, не знам како ние би го доставувале тој готов производ изјави пред денешната средба на асоцијацијата за рударство при стопанската комора, Николајчо Николов.   Со нов член од законот се предвидува дел од домашното злато да се стави прво на располагање на НБРМ како краен производ. Но бидејќи од домашната руда само 20 отсто е концентрат од злато кој се преработува во странство, неможе да се гарантира дека токму нашето злато ќе биде повторно вратено назад.   Во социјализмот имаше и чудни ситуации кога државата нам ни го откупуваше златото по дупло повисока цена, но сега мора да се оди по пазарна логига и по берзански цени“, вели Николов.   Ејуп љатифи пак вели дека со новите измени драстично ќе се појаснат и поедностават постапките за издавање на концесија.   Се што може да биде прифатено како барање ќе биде изменето во Законот, а тоа што не може да се прифати е државен интерес за сите нас објаснува Љатифи.   Со предвидените измени на законот за минерални суровини се менува дури 40 отсто од текстот на веќе постоечкиот. Експлоатацијата на вода повторно се враќа под ингеренции на министерството за економија.   Борче Пауновски

Еуромакс планира 28 илјади тони бакар и злато да произведува од рудникот кај Иловица - струмичко

http://24vesti.mk/euromaks-planira-28-iljadi-toni-bakar-i-zlato-da-proizveduva-od-rudnikot-kaj-ilovica-strumichko

Рудникот Стогово издаден под концесија за ископ на манган

Скопски легури Мајнинг – Скопје денеска во Министерството за економија потпиша договор за концесија за експлоатација на манган од локалитетот Стогово во Кичевско. Висината на понудата од инвеститорот што е доставена до министерството изнесува 26,1 милион денари.

Министерот за економија Ваљон Сарачини изрази задоволство и посочи дека оваа инвестиција значи и нови вработувања што ќе биде од огромно значење за локалното население во западна Македонија и тамошниот економски развој.

- Со доделувањето на концесијата за рудникот Стогово кој влегува во нова оперативна фаза најголем бенефит ќе имаат локалното население и општините. Од уплатата на концесиските надоместоци од страна на корисникот,  78 отсто од износот ќе бидат приход за општините, додека 22 проценти за Буџетот на државата, изјави Сарачини.

Претставникот на Скопски легури, посочи дека како инвеститори за нив е многу значајно што се дел од програмата на Министерството за економија и Владата на Македонија која планира да спроведе преку измена во законот за минерални суровини со што суровините од Македонија ќе се преработуваат во државата до финалниот производ со понатамошно пласирање на домашниот и странскиот пазар.

На локалитетот Стогово утврдени се околу 15 милиони тони рудни резерви со просечна содржина на манган од 24,4 проценти.

Во 2012 година во буџетот се слеале 76,7 милиони денари од 96 договори задетални геолошки истражувања. За шест месеци  оваа година  се потпишани 60 договори од кој најголемиот дел во општините Липково, Дебар, Струга и Прилеп од кој во државната каса треба да  влезат 42,23 милиони денари.

http://ekonomski.mk/?p=44093

Глетка која го запира здивот


Овој тип на кристал, од кој се произведува исклучиво медицински гипс, освен во Дебар може да се најде само на уште едно место во светот, во Мексико

ФОТОГАЛЕРИЈА


Некаде на половина пат, меѓу бањата Косоврасти и Дебар, се наоѓа рудникот на германската фирма "Кнауф" кој длабоко во својата утроба крие едно ретко место од кое навистина запира здивот. Тоа е Кристалната пештера како што ја викаат вработените, но и малкутемина кои воопшто знаат за нејзиното постоење. Во неа може да се најде и види уникатниот кристал - селенит кој освен на ова место го има само уште во Мексико.

Поминувајќи оттаму не може а да не се забележи големиот бел рид чија површина е всушност алабастерот во чие подножје се крие рударското окно - "кристалната пештера". Први кои го откриле ова место се римјаните кои пред повеќе од две илјади и двесте години поставиле рудник.

Влезот е на неколку метри над нивото на Дебарското Езеро. По само неколку метри почнува да се чувствува студениот воздух но и мирисот на сулфурот, кој доаѓа од неколкуте извори на термална вода во околината. Огромните кристални столбови и сводови ја прекршуваат и пропуштаат светлината на неколкуте светилки и батериите кои ги држиме во рацете. Потребни биле да поминат илјадници години додека тие да се формираат, но и условите кои ги има во ова место.
- Температурата тука е секогаш седумнаесет степени. Овој кристал на селенит е со 99 отсто чистота. Уникатен е пред се поради условите, притисокот на земјата и ридот, хемискиот состав и термалните води, објаснува Рефик Имами, раководител во рудникот со дваесет и шестгодишно искуство.

Како навлегувавме подлабоко во рударското окно, забележавме дека огромните сводови и таванот, кој некаде беше висок и по десетина метри не се потпира на греди или било каква конструкција. Се држеа самите.
- Интересно е што по Мосова скала според која се мери цврстината, овој кристал спаѓа меѓу најмеките. Можете да го изгребете со прст. Но тој е компактен и поради уникатниот состав нема потреба од потпора. Пред неколку години имаше земјотрес, огромните плочи кристал можеше да ги почувствувам како се движат. Бучавата престана, тие се вратија на своето место. Ништо не попушти. Таков е составот што овој столб иако можеме да го изгребеме со нокт е поцврст од било која конструкција, раскажува Имами.

И самите се уверивме дека со ноктот од прстот многу лесно се остава трага на површината на кристалот, но нашите домаќини не уверуваа дека ископувањето се врши исклучиво со експлозив. Ни ги покажаа местата каде бил поставен експлозивот и каде кристалот е црн, велат со копча или казма може само да ја скршиме рачката.

На секои десетина метри има огромен ходник кој води лево или десно од минијатурната пруга по која рударите ги туркаат количките полни со кристалот. Подот е испресечен со минијатурни поточиња од термалната вода, која иако мириса на сулфур има лековито влијание. Во играта на светлина, зраци и сенки, забележавме неколку мали барички на чија површина имаше тенка кора, како матно стакло, а на дното нешто што потсетуваше на алги, но со бела боја.
- Оваа вода е многу лековита. Извира на околу еден километар од тука и под притисок го пробива патот до тука. Температурата кај изворот е меѓу 40 и 50 степени но тука е поладна, кристалот ја лади. Полна е со калциум, магнезиум и сулфур кои прават исклучително и уникатно соединение. Оваа кора, на површината, се користи во козметиката и во фармацијата и е многу здрава за човечката кожа, вели рударот.

Ако површината на ридот е со алабастер, целата внатрешност на овој рид е кристалот. Колку всушност има, засега никој не може да каже со точност. Досега рударите стигнале околу 420 метри во хоризонтален правец. Испитувале и во длабочина и во висина, секаде е полно со кристалот.
- Дупчевме 23 метри во длабина и целото е полно со кристалот. Истото е и во висина. Засега имаме три ката меѓу кои има плочи дебели меѓу 5 и 6 метри со оџаци за воздух и материјали поради наша безбедност. Секаде е само овој кристал кој го гледате, додава нашиот водич.
Овој кристал на селенит се користи исклучиво во медицината. Од него се произведува фин прав кој се користи за изработка на гипс и лонгети.

По ископувањето кристалите се дробат и потоа се печат на температура меѓу 140 и 160 степени Целзиусови. Со печењето се одзема дел од водата која ја содржи хемиското соединение на кристалот.
- Мора да се внимава да не се препече. Најдобриот прав се добива кога во кристалот останува околу 25 отсто вода. Разликата во количеството вода се гледа при сврзувањето. Повеќе вода повлекува подолго време на сврзување, но во никој случај не влијае на квалитетот, објаснува Имами.

Многумина експерти и студенти од целиот свет биле во Кристалната пештера, вршеле испитувања. И тие како нас си заминале со еден ист заклучок, ова е чудо на природата.

ФОТОГАЛЕРИЈА

(О.Ч.)
ФОТО: Ѕ. ПЛАВЕВСКИ












вечер