Ќе се унифицира урбаната опрема на кафулињата Урбанизмот и урбаната опрема се најдоа како дежурна тема на 22. седница на координативното тело на градоначалници на Град Скопје. Денеска е последниот ден за кафулињата кои имаат поставено урбана опрема да платат надомест, бидејќи од утре на терен ќе излезе пазарната инспекција. -За сите кафулиња и ресторани кои ќе поставуваат урбана опрема на јавна површина, ќе биде изготвен проект според кој ќе биде дефиниран изгледот на оградите и тендите за зимскиот период. Со тоа сакаме да постигнеме една унификација на поставувањето на урбаната опрема, рече градоначалникот на Скопје, Коце Трајановски. Планот за унификација на урбаната опрема на кафулињата ќе го изготви Градот Скопје. Данокот на имот исто така беше приоритетна точка на денешната седница. Оваа година има помала наплата на фирмарината, па затоа Градот Скопје во следните неколку дена ќе почне со дистрибуција на 27 илјади опомени на фирмите кои не платиле комунална такса и должат вкупно 330 милиони денари за 2009/10 година. И на правните лица ќе им бидат доставени опомени за неплатен данок на имот, односно 700 фирми ќе треба да исплатат 36 милиони денари. Трајановски информира дека на седницата разговарале за новиот начин на дистрибуција на даночните решенија. Со Македонска пошта, како што рече, оваа година немаме добро искуство. - Се дискутираше за следната година општините и Град Скопје преку месните заедници и преку други форми да ги дистрибуираат решенијата за данок на имот, нагласи Трајановски. За ГУП-от на Град Скопје, Трајановски информира дека заврши првата фаза. -Сите општини ги доставија своите забелешки и сугестии за ГУП-от и влегуваме во втората фаза, каде соодветните тела и институции ќе треба да одлучуваат за ГУП-от, почнувајќи од градоначалниците, стручни лица, одделенија и сектори на општините, па до Координативното тело, рече Трајановски. http://www.kurir.mk/republika/skopje/48060-Ke-se-unificira-urbanata-oprema-na-kafulinjata

Аргументацијата на општината е неоснована. Во Македонија е дозволено се што со законите не е забрането. Законот за градење предвидува дека за рекламни паноа кои се поставуваат на веќе завршени легални објекти не треба ниту одобрение за градење. Според тоа сопствениците сами одлучуваат дали ќе постават билборди на зидовите или во својот двор.

За жал во Македонија оваа сфера не е регулирана, па поради тоа имаме очајни естетски решенија. Општината барањето за отстранување на рекламни паноа би можела да го аргументира со неплаќање на данок или поради безбедносни причини. Така на пример доколку за билбордот кој ќе го поставиш во својот дом остваруваш приход, би требало да потпишеш договор за закуп и да плаќаш данок на доход. Но ова засега не е регулирано со Законот за домување. Уредувањето на ова прашање треба да биде и на општинско ниво при што треба да се донесат правилници за рекламни паноа. Во нив на пример би била пропишана максималната дозволена големина на рекламното пано над која ќе биде неопходна дозвола за поставување.

Класичен пример за хаосот на ова поле беше рекламното пано на објектот „Пелистер“ на централниот плоштад во Скопје. И покрај тоа што го нагрдуваше плоштадот, градот не можеше да превземе никакви мерки за негово отстранување. Но, откако се изгради нова фасада која беше внесена во националниот регистар на културно наследство, станарите го изгубија правото да располагаат со надворешниот дел на ѕидот.

Прикривање или неплаќање на данок е прекршочно или кривично дело во зависност од тоа дали е регулирано со Кривичниот законик или со засебните закони за даноци. Според тоа неплаќањето на данок е изрично забрането.




Не можев да најдам други примери, но во Битола сигурно ќе најдеш стотици фирми кои имаат билборд во дворот (класичен пример - бензински и хипермаркети). Во твојот претходен пост не кажуваш дали билбордот кој сакаш да го поставиш е за твоја фирма или сакаш да го користиш како рекламно пано за други фирми. Накракто, поставување на рекламно пано во двор не е забрането затоа што се работи за приватна сопственост, а не за урбана опрема. Доколку од истото остваруваш профит, мора да плаќаш данок. Бидејќи тоа се уште не е регулариано за физички лица, ќе мора да отвориш фирма и тогаш никој не може да ти забрани.

Дечки што бидна со цветните кошнички , ги има ли уште по бандерите и кандалабрите или секое чудо за еден ден се случи и со оваа идеа?

ОПШТИНА ЦЕНТАР


Поставени нови десет фонтани за вода

Општина Центар, изминатиот период започна со реализација на проектот за изработка и поставување на чешми за пиење вода, мали фонтани, на десет локации на територија на Општината.

Досега се поставени чешми за пиење вода во населбата Пролет, Буњаковец и Дебар Маало.
Во оваа фаза се врши поставување на овие чешми на уште две локации, и тоа на булеварот "Партизански Одреди" на автобуската станица, спроти Архитектонскиот Факултет и во Капиштец.

Во наредниот период предвидено е вакви чешми да бидат поставени и на уште пет локации и се очекува истите да бидат ставени во употреба, најдоцна до средината на април годинава.
Чешмите се изработени од травертин со комплетна интерна инсталација, согласно претходно утврдена скица усогласена со просторот во кој се поставуваат.

Со овој и со уште многу други проекти, општина Центар продолжува да се грижи за потребите на граѓаните, како и за разубавување и урбанизација на просторот.
http://www.vecer.com.mk/?ItemID=1D44FE728499DB459DE6A64AA089A323

Многу лошо изгледаат

Градот Прилеп ќе добие 20 унифицирани тезги за продажба Градоначалникот Марјан Ристески денеска ја промовираше изработката на новите тезги за продажба на сувенири и рачни ракотворби вредни 250 илјади денари. Тезгите ќе бидат поставени на повеќе локации во центарот на градот и неговата околина. “На овој начин градот сака да стави ред во поставувањето на тезгите кои што досега во центарот на градот ги поставуваше кој како стигне. Со тоа што се унифицирани овие тезги, точно ќе се знае кој има добиено дозвола за нивно користење“ изјави градоначалникот Марјан Ристески. Новите тезги се изработени од дрво, со магацински дел-сандак (под тезгата) на којшто се монтирани вратички.

http://prilep.gov.mk/news/mk/gradot-prilep-ke-dobie-20-unificirani-tezgi-za-prodazba/

Светско а наше – Дизајн во простор



Улицата Мирослав Крлежа во Центар (поранешна ул. Ѓуро Ѓаковиќ) доби една несекојдневна урбана опрема која веднаш беше забележана од окото на граѓаните па и медиумите.

Нашите дизајнерки Тамара Георгиевска и Марта Наумовска – Грнарова креираа урбано дело, кое предизвика огромен број на прашалници и кај локалните жители и кај случајните минувачи.



Станува збор за инсталацијата “Вертикална градина” чии дизајн и изведба инспириран од потребата за поставување на бариеа која од овој запуштен дел од улицата ќе направи пријатно катче за социјализација.



Многумина ќе речат дека инсталацијата е голема по обем, маркантна за секое око и дека проектот е мошне интелегентно осмислен од секој можен аспект. Георгиевска и Наумовска-Грнарова покажуваат едно несекојдневно решение за овие простори, тие добро ја имаат анализирано околината и нудат естетика и функционалност кои комуницираат со сите генерации. Ова е дизајн кој досега можеби сме го гледале на светските дизајн портали и фестивали, но неодамна е и наша гордост. Инсталацијата “ Вертикална градина” е дел од европскиот проект “Акупунктура на градот” кој во Македонија е реализиран од организацијата Јавна Соба во 2012 и 2013 година.



Заслугата за оваа извонредна изведба се препишуава на Завар Дизајн, а проектот е финансиран од страна на Европската унија, Министерството за култура на Македонија, Општина Центар и компанијата Завар Дизајн. Проектот “ Вертикална градина” ќе биде претставен пред регионалната публика на архитектонската конференција во Загреб во февруари во 2014 година.

Со поставувањето на оваа урбана опрема гледаме дека локалниот креативен потенцијал и ресурси доколку се правилно искористени креираат дела со кои би се гордеел секој жител на градот. “Реакциите на ѓраѓаните во првите неколку дена беа чудни, но тоа доаѓа од фактот што нивното око не е навикнато на ваков тип на естетика и функционалност во најблиското опкружување.

Ова е инсталација која треба да влијае на подигање на свеста кај граѓаните и се надеваме дека ќе успееме во тоа.” “ Вертикалната градина” е предаденa во владение на Општината Центар која ќе води грижа оваа урбана инсталацијада стане препознатлив топоним во градот и слични дела ќе бидат поставени во повеќе делови од општината.

http://a1on.mk/wordpress/archives/202544

http://www.skopje.gov.mk/ShowAnnouncements.aspx?ItemID=6051&mid=482&tabId=1&tabindex=0

Originally posted by Џоле Гарантирам дека половина од нив ќе бидат запалени до крајот на 2013

Bas taka, ovie kontejneri treba da sluzat na narod , a ne na stoka, taka da nema potrba da gi postavuvaat...

само кај нас контејнери се сметаат за инвестиција од мегаломански карактер