ДЕТАЛИ ЗА ПРОЕКТОТ

Skopje City Mall, лоциран во главниот град на Македонија, ќе биде првиот модерен трговски центар во регионот. Со поставувањето на камен- темелникот на 19 декември 2010 година и градежните работи во тек, отворањето е закажано за септември 2012 година.

Инвестицијата од 80 милиони евра е визија на Balfin MK, друштво за заеднички вложувања помеѓу Fashion Group водечка деловна групација во Македонија  и Balfin водечка деловна групација во Албанија.

Проектот е поддржан од Европската банка за Обнова и Развој.

Skopje City Mall е лоциран на само 3 км од центарот на градот, помеѓу две главни сообраќајни артерии, Булевар Партизанска и Булевар Илинденска, кои се директно поврзани со магистралата за Косово. Булеварот Партизанска е најфреквентниот булевар во Скопје со дневен сообраќај од 30.000 возила. Извонредната локација во доста елитниот густо населен дел од градот е на само 5 минути со автомобил од центарот и има зона на гравитирање од 1 милион луѓе. Локацијата има одлична видливост и фронтална поставеност, и е достапна со автомобил од сите правци.  16 автобуски линии оперираат на главните улици.

Конструиран од американската архитектонска компанија Laguarda Low, со богато искуство во изградба на комерцијални објекти, дизајнот на Skopje City Mall е простран, со предворја со високи тавани и димензии кои создаваат простор облеан со дневна светлина.  Екстериерот со живописно уредени кафе барови и места за седење овозможува максимално уживање во пријатната скопска клима.

Многубројните места за релаксација и уживање, со тераси и одличен поглед кон планините, ќе создадат уникатно место за посетителите и белег на градот и регионот.

Основни податоци за Skopje City Mall:

• Подземен паркинг и три ката со продавници и локали за разонода и забава  
• 90.000 м2 бруто градежна површина
• 39, 000 м2 бруто закупна површина
• 1.300 паркинг места, едно подземно ниво и повеќекатна гаража
• 150 продавници со различни големини кои ќе ја задоволат побарувачката за мал и голем простор
• Супермаркет 4.000 м2
• Хипермаркет за електроника 3.000 м2
• Ресторани и кафе барови со тераси
• Мултиплекс кино
• Куглање, куглана со 12 ленти и дополнителна забава

Skopje City Mall ќе ја пополни празнината во понудата на македонскиот пазар на висококвалитетен малопродажен простор, давајќи можност за влез на меѓународни престижни и успешни брендови. Тоа ќе создаде привлечна комбинација на брендови и, заедно со содржината во делот на разонодата и забавата, Skopje City Mall ќе стане место за возбудлив животен стил за Скопје и регионот.

ОСНОВИТЕ ПО СПРАТ

Приземје - 13.700m²ГЛА

Прв спрат - 13.300m²ГЛА

Втор спрат - 12.000m²ГЛА

ЗА ИНВЕСТИТОРОТ

Fashion Group е водечка деловна групација во Македонија со основни дејности малопродажна франшиза и градежни проекти.  Групацијата е основана во 1994 година и е во приватна сопственост, вработува околу 450 лица (околу 200 во Македонија и 250 во странство), со седиште во Скопје, Македонија.

Активностите во полето на градежни проекти вклучуваат искуство во изградба на и работење со трговски центри, како и други проекти со недвижен имот. Во моментот, групацијата работи на неколку проекти.

Раководи со работењето на 45 продавници на повеќе од 7.500 м2 нето закупна површина (30 продавници во Србија, Косово, Грција и Албанија со повеќе од 5.000 м2 нето закупна површина и 15 продавници во Скопје со нето закупна површина од 2.500 м2).

Компанијата ги контролира франшизите за многу брендови на регионалниот пазар, како што се Mango, Miss Sixty, Hugo Boss, Bitsiani, Bata, Geox, Timberland, Sixty group, Guess, Scotch&Soda, Camper, Alberto Guardiani, Paciotti 4US, Springfield, Golden Point и Okaidi.

Balfin е водечка деловна групација во Албанија, со основна дејност во малопродажба и градежни проекти.

Групацијата е основана во 1993 година во Виена, вработува околу 1000 лица (околу 600 во Албанија и 400 во странство), со седиште во Тирана, Албанија. Холдинг компанијата на групацијата се вика Balfinsh.P.K.

Активностите во полето на градежни проекти вклучуваат искуство во изградба на и работење со трговски центри, како и други проекти со недвижен имот. Компанијата управува со градежната подружница Mane TCI, како сопственик на најголемиот и најуспешен трговски центар во Тирана –QTU (отворен во 2003 година), и уште 2 трговски центри во Фиер и Влора. Најновиот трговски центар Tirana East Gate е во изградба и се очекува да биде отворен во Септември 2011 година.

Групацијата Balfin е исто така најголема малопродажна групација во Албанија, со активности кои го опфаќаат Нептун ланец за електрични и уреди за домаќинство (големопродажба и малопродажба), како и ланец на продавници за облека. Нептун е лидер на пазарите во Албанија, Македонија и Косово, и е на добар пат да стане лидер и на пазарите во Србија и Црна Гора.