Нови регистарски таблички

И мене предлогов на ГИТАР повеќе ми се допаѓа од црвената коцка...

Жално е одговорните ги мрзи воопшто да се позанимаваме со дизајнот. Значи на форумов се презентирани неколку решенија, и не е целта да се докажувам дали нашиве предлози се подобри или не, работата е да не ја копираме Хрватска на секое, и да го мрднат мрзливиот газ властите и да смислат нешто подобро. Значи освен што од петни жили се залагам за користење на хомоглифи (A, B, E, З, S, Ј, К, М, Н, О, Р, С, Т, У, Х - па дури и Ќ може да влезе во комбинација, слично како Ć кај Србите), мислам дека и не мора да го имаме државниот грб или никаков симбол воопшто (како кај бугарскиве и неколку други од ЕУ), или евентуално мала црно-бела верзија на грбот како кај Грците.

И секако, не ни мора да има кратенки за градовите. Важно буквите на табличките да се хомоглифи, па дали табличката ми била 9K4 - H3A или BT - 134 - AC тотално ми е неважно.

Edited by гитардемон - 29-Jan-2012 at 07:43

Што му фали на ова решение? Бугарија употребува букви заеднички за кирилицата и латиницата па нема проблеми при патување во странство. Ако нашите се плашат дека нема да има доволно букви за комбинирање нека не стравуваат. Ние би имале 17 кодови на 2 милиона жители а Бугарија има 29 кодови на 7,3 милиони. (тие имаат скоро 4 пати повеќе население а само 12 кодови повеќе).

Originally posted by гитардемон Дали тогаш тоа имплицира дека потпишувањето на конвенцијата е противуставно? Се сеќавам кога кажа за ова со буквите во малото квадратче, но во правилникот за новите таблички јасно пишува: „табличките се испишани со латинично писмо“. Дали тоа не значи дека примарното писмо во случајов е латиничното, што автоматски не е во согласност со уставот?

Во истиот член во Правилникот стои „Помеѓу буквената ознака на регистрационото подрачје и регистарскиот број на возилото е поставена црвена правоаголна подлога, на која со жолти букви се испишани буквената ознака на регистрационото подрачје и променливата буквена ознака, на кирилица.

Originally posted by tonikostov http://en.wikipedia.org/wiki/Vienna_Convention_on_Road_Traffic#Cross_border_vehicles Извадок: Registration numbers must be displayed in Latin characters and Arabic numerals. In addition to this, the registration number may optionally be displayed in a different alphabet.

Извадокот е од статија на Википедија, а не од самата Конвенција. Еве што стои во Конвенцијата:

The registration number referred to in Articles 35 and 36 of this Convention shall be composed either of numerals or of numerals and letters. The numerals shall be Arabic numerals and the letters shall be in capital Latin characters. Other numerals or characters may, however, be used, but if so the registration number shall be repeated in Arabic numerals and in capital Latin characters.
The registration number shall be so composed and displayed as to be legible in normal daylight at a distance of at least 40 m by an observer placed on the axis of the vehicle, the vehicle being stationary.
The letters shall have a height of at least 0.08 m and their strokes a width of at least 0.01 m.

http://www.unece.org/fileadmin/DAM/trans/conventn/crt1968e.pdf

Гитар, твоите прашања се издржани и отвараат неколку правни дилеми. Потпишување на конвенција не може да биде противуставно, но доколку делови од конвенцијата не се во согласност со нашиот устав тогаш тие се неприменливи. Неприменлива би била секоја конвенција која би предвидувала исклучување на употребата на кириличното писмо. Виенската конвенција тоа не го прави со тоа што дава можност покрај латинското да се употребува и друго писмо. Правилникот ја следи оваа логика.

Најспорниот момент е големината на буквите. Бидејќи кириличното писмо е употребено нема директна повреда на Уставот, но дали големината на буквите претставува индиректна повреда? На ова ќе треба да одговори Уставниот суд. Според мене, може да се аргументира дека повреда има. Замислете во општините каде покрај македонскиот јазик службен е и албанскиот да се прават информативни табли или знаци на кои со големи букви ќе стои назив на албански јазик а со минијатурни букви на македонски. Тоа звучи противуставно. Но тоа е пример од употреба на службено писмо внатре во границите на РМ.

Мое мислење е дека Уставниот суд проблемот ќе го набљудува од три главни аспекта. Првиот е дека кириличното писмо е употребено. Вториот е обврската која произлегува од Виенската конвенција која доколку не е исполнета ќе значи исклучување на македонските возила од меѓународниот сообраќај. Третиот е практичниот момент односно неможноста на стандардна регистарска таблица со иста големина на букви да бидат употребени и латинското и кириличното писмо.

Најдоброто решение - употреба на палиндроми, беше објаснето во оваа тема но Уставниот суд дури и да знае за ова решение нема надлежност да дава предлози туку ја цени уставноста на она што му е на маса. Оттука произлегува мојата сигурност дека иницијативата ќе биде неуспешна.

Ова сум го кажал и порано, ќе го кажам и сега. Иницијативата со 100% сигурност ќе падне на Уставен. Главните 2 аргумента на Уставниот суд ќе бидат: 1. На регистарските таблички покрај буквите испишани на латинско писмо се наоѓаат истите букви кои се напишани на кирилично писмо. 2. Според точката 1 на Прилог 2 од Меѓународната конвенција за сообраќајот на патиштата, регистарскиот број треба да е составен од броеви или од броеви и букви. Броевите треба да бидат арапски, а буквите - големи букви на латиница.

http://en.wikipedia.org/wiki/Vienna_Convention_on_Road_Traffic#Cross_border_vehicles

Извадок:

Registration numbers must be displayed in Latin characters and Arabic numerals. In addition to this, the registration number may optionally be displayed in a different alphabet.

Originally posted by гитардемон Новите таблички на Уставен суд Група граѓани деновиве поднесоа иницијатива до Уставниот суд поради употребата на латинските букви на регистарските таблички. - Додека водиме битка по светските и европските институции да докажеме кои сме, да го одбраниме идентитетот, македонската државна институција избегнува да стави во службена употреба суштествен дел од македонскиот државен идентитет, писмото што е создадено на овие простори - кирилското, македонското службено писмо - стои во образложението на иницијативата до Уставниот суд.     Баш ме интересира какви (ако воопшто ги има) ќе бидат коментарите на просечниот читател на Нова Македонија во врска со латиничното писмо.

Ова сум го кажал и порано, ќе го кажам и сега. Иницијативата со 100% сигурност ќе падне на Уставен. Главните 2 аргумента на Уставниот суд ќе бидат:

1. На регистарските таблички покрај буквите испишани на латинско писмо се наоѓаат истите букви кои се напишани на кирилично писмо.

2. Според точката 1 на Прилог 2 од Меѓународната конвенција за сообраќајот на патиштата, регистарскиот број треба да е составен од броеви или од броеви и букви. Броевите треба да бидат арапски, а буквите - големи букви на латиница.

Anyone notice how the letters in the red square are different from those on the right? Ова на латиница за да се навикнеме

Вака требало да изгледаат во 2007/8.

сега Власта го држи судот под контрола и нема шанси да пресудат како што треба

најнова информација: представките пратени по електронски пат, не се земаат предвид. Причина: Судот нема изваедно електроски потпис. ( не , ова не е шега)